အထည်ချုပ်လုပ်ငန်း ပြန်လည်တိုးတက်လာစေရန် လုပ်ငန်းရှင်များ တိုက်တွန်း

မြန်မာနိုင်ငံ၏ အထည်ချုပ်လုပ်ငန်းကဏ္ဍသည် အမေရိကန်နှင့် အနောက်နိုင်ငံများက ခွင့်ပြုပေးလျက်ရှိသော အခွင့်အရေးများကို ပိုင်နိုင်စွာ အသုံးချနိုင်ပါက ယခင်ကကဲ့သို့ပင် ပြန်လည်တိုးတက်လာမည်ဖြစ်ကြောင်း လုပ်ငန်းရှင်များက ပြောသည်။ ဓာတ်ပုံ - မြန်မာတိုင်း(မ်)မြန်မာနိုင်ငံ၏ အထည်ချုပ်လုပ်ငန်းကဏ္ဍသည် အမေရိကန်နှင့် အနောက်နိုင်ငံများက ခွင့်ပြုပေးလျက်ရှိသော အခွင့်အရေးများကို ပိုင်နိုင်စွာ အသုံးချနိုင်ပါက ယခင်ကကဲ့သို့ပင် ပြန်လည်တိုးတက်လာမည်ဖြစ်ကြောင်း လုပ်ငန်းရှင်များက ပြောသည်။ ဓာတ်ပုံ - မြန်မာတိုင်း(မ်)၂၀၀၃ ခုနှစ်မှစတင်ခဲ့သည့် အနောက်နိုင်ငံ များ၏ စီးပွားရေးပိတ်ဆို့မှုများကြောင့် အထည်ချုပ်
လုပ်ငန်းနှင့် အထည်ချုပ်လုပ်သားများအခြေအနေမှာ ယိုယွင်းပျက်စီးခဲ့ရ ပြီးနောက် လက်ရှိတွင်
အမေရိကန်နှင့် ဥရောပ နိုင်ငံတို့၏ ဖြေလျော့ပေးမှုများနှင့် ခွင့်ပြုထား သည့် အထူးအခွန်ကင်း
လွတ်ခွင့်များကိုအသုံးချနိုင်ပါက အရှိန်အဟုန်ဖြင့်ပြန်လည်ဦးမော့လာနိုင်မည်ဖြစ်ကြောင်း
မြန်မာနိုင်ငံအထည်ချုပ်လုပ်ငန်းမှ တာဝန်ရှိသူများက ပြောသည်။

"ကျွန်တော်တို့ အထည်ချုပ်လုပ်ငန်းက အနောက်အုပ်စုတွေရဲ့ ပိတ်ဆို့မှုတွေအောက် မှာ ကြမ်း
တမ်းတဲ့စိန်ခေါ်မှုတွေနဲ့ ရင်ဆိုင်ခဲ့ ရပါတယ်။ အနောက်ဈေးကွက်ပျက်စီးသွားချိန် မှာ အရှေ့အုပ်စု
တွေဖြစ်တဲ့ ဂျပန်နဲ့ ကိုရီးယား ဈေးကွက်တွေကိုပဲမှီပြီး ရပ်တည်ခဲ့ရတယ်။ အခုအစိုးရသစ်လက်
ထက်မှာ အမေရိကန်ရဲ့ဖြေလျော့ပေးမှုနဲ့ ဥရောပသမဂ္ဂရဲ့ အထူးအခွန် ကင်းလွတ်ခွင့်တွေကြောင့်
ပျောက်ဆုံးသွား တဲ့ ဈေးကွက်ကို ပြန်ရနေပါပြီ" ဟု အသစ် ထပ်မံရွေးချယ်တင်မြောက်ခြင်းခံခဲ့ရ
သည့် မြန်မာနိုင်ငံ အထည်ချုပ်လုပ်ငန်းရှင်များ အသင်း ဥက္ကဋ္ဌ ဦးမြင့်စိုးကပြောသည်။

ဆယ်စုနှစ်တစ်ခု ကြာမြင့်ခဲ့သည့် စီးပွား ရေး ပိတ်ဆို့မှုများအတွင်း မြန်မာ့အထည်ချုပ် လုပ်ငန်း
ကဏ္ဍတွင် ထိပ်ဆုံးမှပါဝင်လုပ်ကိုင် နေသည့် ဂျပန်နိုင်ငံနှင့် လက်ရှိအချိန်တွင် အရှိန်အဟုန်ဖြင့်
ထိုကဏ္ဍသို့ဝင်ရောက်ရန် ကြိုးပမ်းနေသည့် အမေရိကန်နှင့် ဥရောပ သမ္မဂတို့၏ အားပြိုင်နေမှု
များကြောင့် အထည်ချုပ်လုပ်ငန်း အလားအလာသည် ပိုမို တိုးတက်လာနေကြောင်း မြန်မာ့နိုင်ငံ
အထည် ချုပ်လုပ်ငန်းရှင်များအသင်းမှ အထွေထွေအတွင်းရေးမှူး ဒေါ်ခိုင်ခိုင်နွယ်က ပြောသည်။

"၂၀၀၃ ကစခဲ့တဲ့ စီးပွားရေးပိတ်ဆို့မှုတွေ ဟာ ၂၀၁၃ မှာ ပြန်ပွင့်လာခဲ့တယ်။ အမေရိကန် ကလဲ
မြန်မာပြည်ရဲ့ချုပ်ထည်တွေကို ၀ယ်ယူ ခွင့်ပြုခဲ့တယ်။ ၂၀၁၂ ထဲ မှာ န့ ကပေးတဲ့ အထူးအခွန်
ကင်းလွတ်ခွင့် ရနေပေမဲ့ တရား ၀င် ကြေငြာတာက ၂၀၁၃ မှဆိုတော့ မနှစ်က စပြီးတော့မှ ဥရော
ပနိုင်ငံတွေကလည်း သူတို့ ရထားတဲ့ အခွင့်အရေးကို အပြည့်အ၀အသုံး ချလာကြပြီး အရင်က
ထက်တိုးဝင်လာတယ်။ မနှစ်ကနဲ့ ဒီနှစ်ရဲ့လက်ရှိအချိန်ထိ ဂျပန်က ပထမနေရာမှာရှိနေတုန်းပါပဲ။
ပြီးမှ ကိုရီး ယား နဲ့ EU ရှိနေတာ။ ဒီနှစ်အကုန်ထိလည်း ဒီလိုပုံစံပဲ သွားနေမယ်လို့ ခန့်မှန်းထား
တယ် " ဟု ၎င်းက ပြောသည်။

ပြီးခဲ့သည့် ၂၀၁၂-၁၃ ဘဏ္ဍာနှစ်အတွင်း မြန်မာနိုင်ငံ အထည်ချုပ်လုပ်ငန်းကဏ္ဍမှ ပြည်ပသို့
အမေရိကန်ဒေါ်လာ ၁ ဒသမ ၂ ဘီလျံ တင်ပို့နိုင်ခဲ့ပြီး ယခုဘဏ္ဍာ နှစ်အတွက် ကြီးမား သော
အပြောင်းအလဲမရှိပါက 'ကန်'ဒေါ်လာ ၁ ဒသမ ၈ ဘီလျံအထိတင်ပို့နိုင်ရန် ခန့်မှန်းထားကြောင်း
ဒေါ်ခိုင်ခိုင်နွယ်က ပြောသည်။

"အနောက်နိုင်ငံတွေက အရှိန်အဟုန်နဲ့ ၀င်လာပြီဆိုတော့ ဒီနှစ်အကုန်ထိ ဂျပန်က ထိပ်ဆုံးက
သွားနေမှာဖြစ်ပေမဲ့ နောက်နှစ် တွေမှာ ဂျပန်ကဒီနေရာမှာပဲ ဆက်ရှိနေပါ့ မလားဆိုတာကတော့
အဲဒီနိုင်ငံတွေရဲ့ ကြိုးပမ်းမှုပေါ်မူတည်နေတယ်။ ဂျပန်နိုင်ငံက လည်း တရုတ်ပြည်နဲ့လုပ်ကိုင်နေတဲ့
ဈေးကွက် ကနေ အာဆီယံဘက်ကိုရွှေ့ဖို့ အင်တိုက်အား တိုက်ကြိုးပမ်းနေတယ်။ သူတို့အဓိက
စဉ်းစား နေတာက မြန်မာနဲ့ အင်ဒိုနီးရှားနိုင်ငံတွေပါ။ အထည်ချုပ်လုပ်ငန်းမှာ တစ်နိုင်ငံချင်းစီရဲ့
ရင်းနှီးမြှုပ်နှံမှုတွေနဲ့ ဈေးကွက်အရတင်သွင်း တဲ့နိုင်ငံတွေရဲ့ နှုန်းကတော့ သေချာပေါက်တိုး
လာနေပေမဲ့ ဘယ်နိုင်ငံက ဈေးကွက်ရဲ့ ရှယ်ယာအများဆုံးရမယ် ဆိုတာကိုတော့ စောင့်ကြည့်
ရမယ် " ဟု ၎င်းက ပြောသည်။

ပြည်ထောင်စုမြန်မာနိုင်ငံ ကုန်သည်နှင့် စက်မှုလက်မှု လုပ်ငန်းရှင်များအသင်းချုပ် ဒုဥက္ကဌ
ဦးဇော်မင်းဝင်းက လက်ရှိအထည်ချုပ် လုပ်ငန်းတွင် ၀င်ရောက်လုပ်ကိုင်နေသည့် အထည်ချုပ်
လုပ်ငန်းရှင်ပေါင်း ၃၀၀ ကျော်ရှိနေပြီး ပြည်ပသို့တင်ပို့နေသည့် အထည်ချုပ် စက်ရုံပေါင်း ၂၀၀
ကျော်ရှိသော်လည်း အနောက်ဈေးကွက်သို့ တင်ပို့နေသော ဘင်္ဂလားဒေ့ရ်ှနှင့် ဗီယက်နမ်တို့နှင့်
ယှဉ်ပြိုင် ကာ စီးပွားရေးပိတ်ဆို့မှု မခံရမီအချိန်က များစွာဖွံ့ဖြိုးခဲ့သည့် အထည်ချုပ်လုပ်ငန်း
ကဏ္ဍကို အရှိန်မြှင့်သင့်ကြောင်း ပြောသည်။ လတ်တလောတွင် မြန်မာနိုင်ငံအထည်ချုပ်
လုပ်ငန်းရှင်များအသင်းတွင် အသင်းဝင်စုစုပေါင်း ၃၃၂ ဦးရှိပြီ ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ