ကုန်သွယ်မှုလိုငွေတွေ ပိုပြလာပေမယ့် စိုးရိမ်စရာမရှိဘူးဆိုတဲ့ ၂၀၁၄ ကုန်သွယ်ရေး

၂၀၁၄ ခုနှစ်ရဲ့ မြန်မာ့ပြည်ပကုန်သွယ်မှု ကဏ္ဍကို ခြုံငုံသုံးသပ်ကြည့်ရင်တော့ ကုန် သွယ်မှုပမာဏ
တွေက ကိန်းဂဏန်းတွေ အရတော့ အတော်လေးကို သိသိသာသာ တိုးတက်လာတာ တွေ့ရပါ
တယ်။ တိုးတက် လာတယ်ဆိုတဲ့ အပိုင်းမှာ ပို့ကုန်က သိပ်အများကြီးမဟုတ်ဘဲ သွင်းကုန်ပိုင်းက
တော့ ၃၀ ရာခိုင်နှုန်းလောက်ကို တက်လာတာဖြစ် ပါတယ်။ ဘဏ္ဍာနှစ်အလိုက် ကာလတူအချိန်
က ကုန်သွယ် တန်ဖိုးတွေကို နှိုင်းယှဉ်ကြည့်ပါ့ မယ်။

၂၀၁၃-၁၄ ဘဏ္ဍာနှစ်ရဲ့ ၂၀၁၃ ဒီဇင်ဘာ ၁၂ ရက်အထိ သွင်းကုန်တန်ဖိုးက အမေရိကန်ဒေါ်လာ
၈ ဒသမ ၉၀၀ ဘီလျံ ဖြစ်ပြီး ၂၀၁၄-၁၅ ဘဏ္ဍာနှစ် ဒီဇင်ဘာ ၁၂ ရက်အထိ သွင်းကုန်တန်ဖိုးက
တော့ သိသိသာသာတက်လာခဲ့ပြီး 'ကန်'ဒေါ်လာ ၁၁ ဒသမ ၃၃၄ ဘီလျံအထိ ရှိလာခဲ့ပါတယ်။

ပို့ကုန်အပိုင်းကို ကြည့်မယ်ဆိုရင်တော့ ၂၀၁၃-၁၄ ဘဏ္ဍာနှစ် ၂၀၁၃ ခုနှစ်၊ ဒီဇင်ဘာ ၁၂ ရက်အထိ
ပို့ကုန်တန်ဖိုးက အမေရိကန် ဒေါ်လာ ၇ ဒသမ ၆၆၂ ဘီလျံဖြစ်ပြီး ၂၀၁၄-၁၅ ဘဏ္ဍာနှစ်မှာ ဒီဇင်
ဘာ ၁၂ ရက်အထိ တန်ဖိုး ကတော့ 'ကန်'ဒေါ်လာ ၈ ဒသမ ၁၂၂ ဘီလျံ ဖိုးအထိ ရှိလာခဲ့တာ
ကြောင့် ပြောပလောက် တဲ့ပမာဏအထိ တက်လာတာတော့ မဟုတ် ပါဘူး။

အစမှာဖော်ပြခဲ့သလို သွင်းကုန်အပိုင်းမှာ မနှစ်ကထက် ပမာဏအများကြီး တက်လာရ တဲ့
အကြောင်းကတော့ အဓိကအနေနဲ့ သီလ၀ါ အထူးစီးပွားရေးဇုန်စီမံကိန်းလို စီမံကိန်းလုပ်ငန်းကြီး
တွေ အကောင်အထည်ဖော်ဖို့အတွက် လိုအပ်တဲ့ပစ္စည်းတွေသွင်းနေတာ ရယ်၊ ရင်းနှီးမြှုပ်နှံမှုကော်
မရှင်ကခွင့်ပြုထား ပြီးဖြစ်တဲ့နိုင်ငံခြား ရင်းနှီးမြှုပ်နှံမှုတွေနဲ့ ပြည်တွင်း ရင်းနှီးမြှုပ်နှံမှုလုပ်ငန်းတွေ
အတွက် လိုအပ်တဲ့ တည်ဆောက်ရေးပစ္စည်းတွေ၊ စက် ယန္တရားတွေသွင်းနေကြတာတွေကြောင့်
ဖြစ်တယ်လို့ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနရဲ့ အကြံပေး စီးပွားရေးပညာရှင်
ဒေါက်တာမောင်အောင်က ပြောပါတယ်။

"ဟိုတယ်တည်ဆောက်ရေး လုပ်ငန်းတွေအတွက် သွင်းတာတွေရှိတယ်။ နောက်ပြီး ၂၀၁၂ နောက်
ပိုင်းကစပြီး နိုင်ငံခြားရင်းနှီး မြှုပ်နှံမှုတွေက ကုန်ထုတ်လုပ်မှုကဏ္ဍမှာ များလာတာဆိုတော့ အဲဒါတွေ
အတွက် သွင်း တာတွေရှိတယ်။ ပြီးတော့ အခုသီလ၀ါအထူး စီးပွားရေးဇုန်မှာလည်း စက်ရုံတွေက
စပြီး ဆောက်နေပြီလေ။ အဲဒါတွေအတွက် သွင်းတာတွေကလည်း များတယ်။ ဒါကြောင့် သွင်း
ကုန်အပိုင်းက ပို့ကုန်ထက်ပိုပြီး သိသိသာသာ များနေတာပါ"လို့ ဒေါက်တာမောင်အောင် က
ပြောပါတယ်။

မြန်မာနိုင်ငံ ရင်းနှီးမြှုပ်နှံမှုကော်မရှင် အတွင်းရေးမှူး ဦးအောင်နိုင်ဦးရဲ့ ပြောကြား ချက်အရလည်း
ပြည်တွင်း လုပ်ငန်းရှင်တွေရဲ့ ရင်းနှီးမြှုပ်နှံမှုအပိုင်းကိုကြည့်ရင် အစိုးရသစ် တက်လာပြီးနောက်ပိုင်း
အနေအထားမှာ ဟိုတယ်နဲ့ ခရီးသွားလုပ်ငန်းကဏ္ဍက ထိပ်ပိုင်း မှာဦးဆောင်နေတာဖြစ်တဲ့အတွက်
ပြည်တွင်း လုပ်ငန်းရှင်တွေရဲ့ ဟိုတယ်စီမံကိန်းတွေက လည်း သွင်းကုန်ပမာဏများပြားမှုမှာ တစ်
တပ် တစ်အား ပါဝင်ခဲ့မယ့်အနေအထား ဖြစ်ပါ တယ်။ မြန်မာနိုင်ငံရဲ့ ပို့ကုန်သွင်းကုန်အပိုင်း ဖြစ်တဲ့
နိုင်ငံခြားကုန်သွယ်မှုကဏ္ဍကို ထပ်ပြီး တော့ ဆန်းစစ်ပိုင်းခြားကြည့်ဦးမယ်ဆိုရင် ပြီးခဲ့တဲ့ ၂၀၁၃-၁၄
ဘဏ္ဍာနှစ်မှာ တစ်နှစ်တာ ကုန်သွယ်မှုပမာဏက အမေရိကန်ဒေါ်လာ ၂၄ ဒသမ ၉၆ ဘီလျံ
လောက်ရှိပြီး ဒီနှစ်မှာတော့ လက်ရှိ ဒီဇင်ဘာလလယ်ပိုင်းအထိ အမေရိကန်ဒေါ်လာ ၁၉ ဘီလျံ
ကျော်ရှိပြီ ဖြစ်လို့ ကျန်တဲ့သုံးလလောက်အတွင်းမှာ ပမာဏအများအပြား ထပ်မံမြင့်တက်လာနိုင်
ပြီး ဒေါ်လာ ၂၈ ဘီလျံကနေ ၃၀ ဘီလျံလောက် အထိ ရောက်လာနိုင်တယ်လို့ စီးပွားရေးနဲ့ ကူးသန်း
ရောင်းဝယ်ရေး ၀န်ကြီးဌာနက ခန့်မှန်းထားပါတယ်။

ပို့ကုန်အပိုင်းကို ထပ်ပြီးတော့သုံးသပ် ကြည့်ရရင် အဓိကကျတဲ့ကုန်ပစ္စည်းအမည်တွေရဲ့အနေ
အထားက ကျောက်ဖြူကနေ တရုတ်ကိုပို့တဲ့ သဘာဝဓာတ်ငွေ့ပိုက်လိုင်း က စတင်လည်ပတ်နေပြီ
ဖြစ်တဲ့အတွက် ပြည်ပကို ဓာတ်ငွေ့တင်ပို့မှုအပိုင်းမှာ ပြီးခဲ့တဲ့ နှစ်ကထက် သိသိသာသာ မြင့်တက်
သွားပါ တယ်။

ပြီးတော့ မနှစ်ကတည်းက အရှိန်မြင့် လာတဲ့ အထည်ချုပ်ကဏ္ဍပို့ကုန်တွေကလည်း ဒီနှစ်ထဲမှာ
ပိုပြီးတော့ အရှိန်သွက်လာပါ တယ်။ အခြားကုန်ပစ္စည်းအမယ်တွေကိုဆက်ကြည့်မယ်ဆိုရင် ရေ
ထွက်ကုန်နဲ့ ပဲမျိုးစုံ တင်ပို့မှုကတော့ မနှစ်ကအနေအထားကို မမီ သေးဘဲ လျော့နည်းနေသေးပြီး
ဆန်နဲ့ ပြောင်း ကတော့ မနှစ်ကထက် သိသိသာသာ များနေပြီး နှမ်းမျိုးစုံကလည်း အနည်းငယ်
တက်လာပါတယ်။ ပို့ကုန်နဲ့ သွင်းကုန်တို့ရဲ့ကွာဟမှုအနေအထားက ကာလတူအနေအထားချင်း
နှိုင်း ယှဉ်ကြည့်မယ်ဆိုရင် ပြီးခဲ့တဲ့ ၂၀၁၃-၁၄ ဘဏ္ဍာနှစ်အတွင်း ဒီဇင်ဘာ ၁၂ ရက် အထိ ကုန်
သွယ်မှုလိုငွေ အမေရိကန်ဒေါ်လာ ၁ ဒသမ ၂၃၇ ဘီလျံပဲရှိပေမယ့် လက်ရှိဘဏ္ဍာ နှစ်ဖြစ်တဲ့
၂၀၁၄-၁၅ ရဲ့ ဒီဇင်ဘာ ၁၂ ရက် အထိ ကုန်သွယ်မှုလိုငွေက အမေရိကန်ဒေါ်လာ ၃ ဒသမ ၂၁၁
ဘီလျံအထိ ရှိနေတာ ကို တွေ့ရပါတယ်။

ဒီတော့ မနှစ်ကနဲ့စာရင် ဒီနှစ်မှာ ကုန်သွယ်မှုလိုငွေက သုံးဆနီးပါးလောက်အထိ မြင့်လာတဲ့အနေ
အထား ဖြစ်ပါ တယ်။ ဒီလို ကုန်သွယ်မှုလိုငွေတွေ တအားကြီး မြင့်တက်လာတာက တိုင်းပြည်
စီးပွားရေး အတွက် စိုးရိမ်စရာအနေအထားများရှိနေ မလားဆိုတာကလည်း သုံးသပ်ကြည့်ရမယ့်
အပိုင်း ဖြစ်ပါတယ်။

ဒီလိုကုန်သွယ်မှုလိုငွေတွေ မနှစ်ကထက် သုံးဆလောက် တက်လာပေမယ့် စိုးရိမ်စရာအနေအထား
မဟုတ်ဘူးလို့ ဒေါက်တာမောင် အောင်က သုံးသပ်ပါတယ်။ "သွင်းကုန်အပိုင်းကိုကြည့်ရင် စီမံကိန်း
ကြီးတွေအတွက်လိုတဲ့ စက်ယန္တရားတွေ ကို ငွေပမာဏနဲ့ စာရင်းသွင်းထားပေမယ့် တကယ်တမ်း
ကျတော့ အဲဒါတွေအတွက်က တကယ်ပိုက်ဆံကုန်တာ မဟုတ်ဘူး။ ပြီးတော့ ဒါတွေက နောင်
အနာဂတ်မှာ ကိုယ့်တိုင်းပြည် ရဲ့ ထုတ်ကုန်တွေ မြင့်တက်လာအောင် လုပ် ပေးမယ့်ဟာတွေဖြစ်
ပါတယ်" လို့ ဒေါက်တာ မောင်အောင်က ပြောပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ