ပြည်ပဆန်တင်ပို့သည့် ဈေးကွက် ပြန်ကောင်းလာ

လွန်ခဲ့သည့်တစ်လကျော်ခန့်အထိ တရုတ်သို့ တင်ပို့သည့် ဆန်ဈေးကွက် တုံ့ဆိုင်းနေခဲ့သော်လည်း
လက်ရှိအချိန်တွင် အခြေအနေပြန်လည်ကောင်းမွန်လာခြင်းကြောင့် ယခု ဘဏ္ဍာနှစ်တွင် ပြည်ပသို့
ဆန်တန်ချိန်တစ် သန်းခွဲခန့် တင်ပို့နိုင်ဖွယ်ရှိကြောင်း မြန်မာနိုင်ငံဆန်စပါးအသင်းချုပ် တွဲဖက်အတွင်း
ရေးမှူး ဦးလူမော်မြင့်မောင်ကပြောသည်။

စက်တင်ဘာလအတွင်းမှစတင်ကာ တရုတ်ဈေးကွက်ရပ်ဆိုင်းလုနီးပါး ကျဆင်း ခဲ့ခြင်းကြောင့်
ယခုနှစ်အတွင်း ပြည်ပသို့ ဆန်တင်ပို့မှုမျှော်မှန်းထားသလောက် မရ နိုင်ဟု ထင်ထားရာမှ ယခု
တစ်ဖန်တရုတ် ဈေးကွက်သည် နိုဝင်ဘာလလယ်ပိုင်း မှစတင်၍ ပြန်လည် ကောင်းမွန်လာခဲ့ခြင်း
ကြောင့် တန်ချိန်တစ်သန်းခွဲအထိ တင်ပို့ နိုင်ဖွယ်ရှိကြောင်း ကျွမ်းကျင်သူများက သုံးသပ်လာကြခြင်း
ဖြစ်သည်။

"ကျွန်တော့အထင်တော့ တစ်သန်းခွဲ အထက်တောင် ရောက်သွားနိုင်တယ်ထင် တယ်။ တရုတ်
ဈေးကွက်ရဲ့ အနေအထား ကလည်း အရင်အနေအထားနီးပါးလောက် အထိ ပြန်ရောက်နေပါပြီ"
ဟု ဦးလူမော်မြင့် မောင်က မြန်မာတိုင်း(မ်)ကို ပြောသည်။ လက်ရှိဘဏ္ဍာနှစ်အတွင်း ပြည်ပသို့
ဆန် တင်ပို့မှုသည် ဒီဇင်ဘာလလယ်အထိ တန်ချိန် ကိုးသိန်းနီးပါးရှိကြောင်း မြန်မာနိုင် ငံဆန်စပါး
အသင်းချုပ်၏ စာရင်းများတွင် ဖော်ပြပြီး တစ်ရက်လျှင်မူဆယ်မှတစ်ဆင့် ဆန်တန်ချိန် ၂,၀၀၀ ခန့်
တင်ပို့လျက်ရှိ ကြောင်းကုန်သည်များက ပြောသည်။ လက်ရှိအချိန်တွင် မြန်မာနိုင်ငံမှဥရောပ နိုင်ငံ
များဖြစ်သည့် ပြင်သစ်၊ ရူုမေနီးယား၊ ခရိုအေးရှား၊ နယ်သာလန်နှင့် ရုရှားတို့သို့ တစ်လလျှင် ဆန်
တန်ချိန် တစ်သောင်းခွဲခန့်တင်ပို့လျက်ရှိကာ ယခုနှစ်တွင် အသစ်ရရှိလာသော ဖောက်သည်သစ်
သီရိလင်္ကာနိုင်ငံ သို့လည်း တင်ပို့လျက်ရှိသည်။

ဦးလူမော်မြင့်မောင်က "အီးယူဈေးကွက် ရဲ့ဈေးနှုန်းက တော်တော်လေးကောင်းနေပါတယ်။
အခုဒီဇင်ဘာကနေ လာမယ့် ဧပြီ လောက်အထိက အာဖရိကကိုပို့တဲ့ရာသီဆို တော့ သူ့ဆီကို
လည်းတစ်လနှစ်သောင်း လောက်ထွက်မှာပါပဲ" ဟု ပြောသည်။ တရုတ်ဈေးကွက်သည် ယမန်
နှစ်က ၂၅ မှတ်ဆန်များကို အဓိက၀ယ်ယူခဲ့သော် လည်း လက်ရှိအချိန်တွင် အရည်အသွေး မြင့်
မားသည့် ဆန်များကိုပိုမိုဝယ်ယူလာ လျက်ရှိကာ ဆန်အမျိုးအစားချင်းတူလျှင် ဥရောပကို တင်ပို့ရာ
တွင်ရရှိသော ဈေးနှုန်း ထက် ၁၅ ရာခိုင်နှုန်းခန့် ပိုမိုရရှိလျက် ရှိသည်။ သို့ရာတွင် တရုတ်သို့ ဆန်
တင်ပို့ရာတွင် ကားကို အဓိကသုံးစွဲနေရခြင်းကြောင့် တစ်တန်လျှင်ရန်ကုန်မှမူဆယ်အထိ ကျပ်
ခုနစ်သောင်းမှ ကျပ် ရှစ်သောင်းအထိ ကုန်ကျနေကာ ဥရောပနိုင်ငံများသို့တင်ပို့ခြင်း ထက် နှစ်ဆ
ခန့် ပိုမိုများပြားလျက်ရှိသည်။ တရုတ်သို့တင်ပို့သည့်ဈေးကွက်သည် ယခင်ကနီးပါးအနေအထား
အထိ ပြန်လည် ကောင်းမွန်လာခဲ့ပြီဖြစ်သော်လည်း တရုတ် အစိုးရဘက်က တရားဝင်ခွင့်ပြုမှုမရှိ
သေးပဲ ဖြစ်ကာ အဆိုပါဈေးကွက်တရားဝင်ဖြစ်ရေး အတွက် နိုင်ငံအထူးကော်မတီများ၏ ပူးပေါင်း
ဆောင်ရွက်မှု လုပ်ငန်းစဉ်များကို စတင်နေပြီဖြစ်သည်။

အထက်ပါကဲ့သို့ နှစ်နိုင်ငံကော်မတီများ ၏ ပူးပေါင်းဆောင်ရွက်မှုအရ တရုတ်သို့ မြန်မာနိုင်ငံမှ
ပထမဆုံးအကြိမ် တရားဝင်ဆန်တင်ပို့ခြင်းကို လာမည့်ဇန်န၀ါရီတွင် တန်ချိန် နှစ်သိန်းဖြင့် စတင်
ရန် ဆောင်ရွက် နေပြီလည်း ဖြစ်သည်။ ပြီးခဲ့သည့်ဘဏ္ဍာနှစ် နှစ်ခုအတွင်း မြန်မာ နိုင်ငံမှ ပြည်ပ
သို့တင်ပို့ခဲ့သည့် ဆန်ပမာဏ စုစုပေါင်း၏ ၆၀ ရာခိုင်နှုန်း အထိကိုဝယ်ယူခဲ့သည့် အကြီးဆုံးဆန်
ဖောက်သည်ဖြစ်လာ သည့် တရုတ်နိုင်ငံသည် ၎င်း၏ကုန်သည် များကို မြန်မာနိုင်ငံမှဆန်များကို
တရားဝင် တင်သွင်းပါက လက်ရှိကောက်ခံသည့် သွင်း ကုန်ခွန် ၃၀ ရာခိုင်နှုန်းကျော်မှ နိုဝင် ဘာ
လအတွင်းမှ စတင်ကာ ၁၄ ရာခိုင်နှုန်းသို့ လျှော့ချပေးလိုက်ပြီဖြစ်သည်။ မြန်မာနိုင်ငံ ဆန်စပါး
အသင်းချုပ် အထွေထွေအတွင်းရေးမှူး ဦးရဲမင်းအောင် က" အခုအတိုင်းသာ ၁၄ ရာခိုင်နှုန်းပဲအခွန်
ပေးရတော့မယ်ဆိုရင်တော့ တရုတ်ကုန် သည်တွေ တွက်ခြေကိုက်သွားပါပြီ။

မြန်မာ အတွက်လည်း ဆန်ကို တရုတ်ဘက်တရား ၀င်တင်ပို့ရောင်းချနိုင်ဖို့ အခွင့်သာသွား တယ်
လို့ ပြောလို့ရတာပေါ့"ဟု နိုဝင်ဘာ ၁၁ ရက်တွင် ရန်ကုန်မြို့ ပန်ဒါဟိုတယ်တွင် ကျင်းပသည့် ဆန်
အရည်အသွေးမြှင့်တင် ရေးနှင့် ပိုးမွှားကင်းစင်ရေးဆိုင်ရာဆွေးနွေး ပွဲတွင် ပြောသည်။

မြန်မာနိုင်ငံသည် ၂၀၁၁-၁၂ ဘဏ္ဍာနှစ် အတွင်း စတင်ပွင့်လန်းလာသည့် တရုတ် ဈေးကွက်သို့ ၆၀
ရာခိုင်နှုန်းကျော် တင်ပို့မှု ဖြင့် ၄၆ နှစ်အတွင်း စံချိန်တင်ပမာဏအဖြစ် ပြည်ပသို့ဆန်တန်ချိန် ၁
ဒသမ ၆ သန်းခန့် တင်ပို့နိုင်ခဲ့သော်လည်း ၂၀၁၃-၁၄ ဘဏ္ဍာ နှစ်တွင် ဆန်တန်ချိန် ၁ ဒသမ ၂ သန်း
ခန့်သာ တင်ပို့နိုင်ခဲ့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ