စားသောက်ဆိုင်များ ကုန်သွယ်လုပ်ငန်းခွန်ကောက်ခံမှုကို ဝေဖန်မှုများရှိ

ပြေစာပေါ်တွင် အခွန်တံဆိပ် ကပ်ခြင်းကို စားသောက်ဆိုင်အများစုက အတိအကျ လိုက်နာခြင်း
မရှိသည့်အတွက် အဆိုပါစနစ်စတင်သည့်နှစ်လကျော် ကာလအတွင်း ဝေဖန်မှုများ ရှိလာသည်။

ရန်ကုန်တိုင်းဒေသကြီးအတွင်းရှိ အချို့ သော ဆိုင်များမှာ ကျသင့်အခွန်အတိုင်း လေဘယ်တံဆိပ်
အတိအကျမကပ်ခြင်း၊ အချို့ဆိုင်များတွင် တံဆိပ်ကပ်သည့်စနစ်ကို မကျင့်သုံးခြင်းတို့ကို ကြုံတွေ့
နေရကြောင်း စားသုံးသူများက ပြောသည်။ စားသုံးသူဘက်က ပေးဆောင်ရမည့် ကျသင့်ငွေကို
ပြေစာပေါ်တွင် လုံခြုံရေး အခွန်တံဆိပ်များကပ်ပေးသည့် အစီအစဉ် ကို ကျင့်သုံးရန် ပြည်တွင်း
အခွန်များဦးစီး ဌာနက ပြီးခဲ့သည့်နှစ် နိုဝင်ဘာလက စတင် ခဲ့ပြီး ကျသင့်ငွေအလိုက် ကန်သွယ်
လုပ်ငန်း ခွန် ငါးရာခိုင်နှုန်း ပေးဆောင်ရမည်ဖြစ်သည်။

လေဘယ်မှာ အနိမ့်ဆုံး ကျပ် ၅၀ တန်မှ ၁၀,၀၀၀ တန်အထိရှိသည်။ ဥပမာအားဖြင့် အချို့သော
စားသောက်ဆိုင်များက ကျသင့် ငွေ ၂,၀၀၀ အတွက် ကျပ် ၅၀ တန်တံဆိပ် ခေါင်းနှစ်ခုကပ်ရမည်
ဖြစ် သော်လည်း တစ်ခု သာ ကပ်ပေးပြီး အခွန်ကိုမူ အတိအကျ ပေးဆောင်ရန် လုပ်ဆောင်နေ
သည်ကို တွေ့ရကြောင်း စားသုံးသူအချို့က ဝေဖန် ပြောကြားကြသည်။ စားသုံးသူအချို့မှာမူ ပြည်
တွင်းအခွန်များ ဦးစီးဌာန၏ အစီအစဉ်ကိုမသိရှိခြင်းကြောင့် တံဆိပ်ခေါင်း ကပ်ခြင်း မကပ်ခြင်းကို
လည်း သတိမထားမိခြင်းများရှိသကဲ့သို့ အချို့မှာ လည်း အနည်းငယ်မျှသော အခွန်တန်ဖိုး အတွက်
ဆိုင်နှင့်အခြေအတင်မပြောလိုခြင်း ကြောင့် မသိကျိုးကျွန်ပြုခြင်းများလည်း ရှိလာ ကြသည်။

ရန်ကုန်တိုင်းဒေသကြီး ပြည်တွင်းအခွန် များ ဦးစီးဌာန၏ ဒုတိယညွှန်ကြားရေးမှူး ဦးမျိုးမင်းဇော်က
ယခုအစီအစဉ်နှင့် ပတ်သက် ၍ နှစ်လအတွင်းဝေဖန်မှုများစွာ ကြုံတွေ့ရ ကြောင်းပြောသည်။

"အခွန်မလိုက်နာတာတွေတွေ့ရင် စားသုံး သူတွေဘက်က ပူးပေါင်းပြီး ကျွန်တော်တို့ကို တိုက်ရိုက်
အသိပေးတာမျိုး လုပ်သင့်ပါတယ်" ဟု ၎င်းကပြောသည်။ လက်ရှိတွင် ရန်ကုန်တိုင်း ဒေသကြီး
စည်ပင်သာယာနယ်နိမိတ်အတွင်း ရှိ ဆိုင်များအားလုံးကို ကောက်ခံနေပြီး မကြာမီ နယ်နိမိတ်ပြင်ပ
နှင့် အခြားတိုင်း ဒေသကြီးများတွင်လည်း ကောက်သွားမည် ဖြစ်ကြောင်း ၎င်းကပြောသည်။

စားသောက်ဆိုင်များ အားလုံးကိုမူ အမှန် တကယ် လုပ်ဆောင်ခြင်း ရှိ မရှိ လိုက်လံ စစ်ဆေးနေ
ကြောင်း ဦးမျိုးမင်းဇော်က ပြောသည်။

"အခွန် ၁၀ ရာခိုင်နှုန်းတုန်းက ပုံမှန်မဆောင်ကြလို့ အခွန်ငါးရာခိုင်နှုန်းအထိ လျှော့ပေးလိုက်တဲ့
အခါမှာလည်း မဆောင်တဲ့ဆိုင်တချို့သွားတွေ့ပါတယ်။ ပထမအကြိမ်နဲ့ ဒုတိယအကြိမ်မှာ သတိ
ပေးသွားပြီး နောက်တစ်ခေါက်တွေကျရင်တော့ အရေးယူသွားဖို့ ရှိတယ်"ဟု ၎င်းကပြောသည်။

မြန်မာနိုင်ငံ စားသောက်ဆိုင်လုပ်ငန်းရှင် များအသင်း ဒုတိယဥက္ကဋ္ဌ ဦးနေလင်းက ပြည်တွင်း အခွန်
များဦးစီးဌာနက အခွန် ကောက်ခံရာတွင် မြို့နယ်တစ်မြို့နယ် အတွင်း ရှိဆိုင်အားလုံး မပါဝင်ဟု ကြား
ရခြင်းမျိုးလည်း ရှိနေကြောင်း ပြောသည်။ တစ်ဆိုင်နှင့် တစ်ဆိုင် မတူညီမှုကြောင့် စားသုံးသူများနှင့်
အငြင်းပွားမှုများ ရှိနေကြောင်း ၎င်းကပြောသည်။ အချို့စားသောက်ဆိုင်များမှာမူ ကျသင့်အခွန်တန်ဖိုး
နည်းပါးသည့်အတွက် စားသုံးသူ ကို တိုက်ရိုက်မကောက်ခံတော့ကြောင်းနှင့် အချို့စားသောက်ဆိုင်
များ၏ ဈေးနှုန်း များမှာ အခွန်ကိုအကြောင်းပြ၍ မြင့်တက်သွားသည်ကိုလည်း တွေ့ရကြောင်း ၎င်း
ကပြောသည်။

"စားသုံးသူတွေက စားသောက်ဆိုင်တွေဘက်က လိမ်ပြီးကောက်ခံတယ်လို့ ထင်တယ်။ တချို့
လည်း မဟုတ်ဘဲနဲ့ ဒီလိုအထင်ခံရတာ ဆိုင်အတွက် လုံးဝမကောင်းပါဘူး။ အခွန်ရုံး ကလည်း
မူဝါဒချမှတ်မယ်ဆိုရင် အားလုံး တစ်ပြေးညီချတာမျိုး ဖြစ်သင့်တယ်။ လက်ဖက်ရည်ဆိုင်တွေဆို
ပြေစာတောင်မရှိဘဲနဲ့ ပါးစပ် အပြောနဲ့ပဲ ကျသင့် ငွေတွက်ပြီး ရှင်းလိုက်တာ။ သူတို့ရဲ့ဝင်ငွေက
စားသောက်ဆိုင်ကြီးတွေထက်လည်း များကောင်းများနေမယ်။ အခွန်ရုံးအနေနဲ့ အဲဒါတွေပါထည့်
တွက်သင့်တယ်"ဟု ၎င်းကပြောသည်။ နိုင်ငံသားပိုင် ဖွင့်လှစ်ထားသော စား သောက်ဆိုင်များမှာ
လျှပ်စစ်မီး၊ ရေ၊ အမှိုက်ခွန် စသည့်အခွန်များစွာ ပေးဆောင်နေရသည့်အပြင် ငှားရမ်းခဈေးနှုန်းများ
လည်းရှိကြောင်း၊ ထို့ပြင် ဆိုင်ကြီးများအတွက် ၀င်ငွေခွန်တစ်နှစ် လျှင် ၂၅ ရာခိုင်နှုန်းအထိ ပေး
ဆောင်နေရမှု စသည့် အထွေထွေစရိတ်များစွာရှိကြောင်း လည်း ၎င်းကပြောသည်။

ဗိုလ်အောင်ကျော်လမ်းတွင် ဖွင့်လှစ်ထား သော Y2T စားသောက်ဆိုင်တာဝန်ခံတစ်ဦး ကမူ
ကျသင့်သည့် အခွန်ပေးဆောင်ရန်စားသုံးသူကို ပိုယူခြင်းမလုပ်တော့ဘဲ ကျသင့် တန်ဖိုးထဲမှ
လျှော့ကာ အခွန်အတွက်ပေး ဆောင်ခြင်းမျိုး ပြုလုပ်ကြောင်း ပြောသည်။

"တစ်ဝိုင်းကို ငါးထောင်ကနေရှစ်ထောင် လောက်ပဲစားတာဆိုတော့ အစားအသောက် ဖိုးထဲက
နေပဲ အခွန်ဆောင်လိုက်တယ်" ဟု ၎င်းကပြောသည်။ ယမန်နှစ်အခွန်စုစုပေါင်း ကျပ် ၃,၀၀၀
ဘီလျံရရှိခဲ့ရာတွင် ရန်ကုန်တိုင်းဒေသကြီး တွင် စားသောက်ဆိုင်များထံက ကုန်သွယ် လုပ်ငန်း
ခွန် ငွေကျပ် ၂ ဒသမ ၅ ဘီလျံ ရရှိခဲ့ ကြောင်း ယမန်နှစ် အောက်တိုဘာက ပြုလုပ် သည့် ရှင်း
လင်းပွဲတစ်ခုတွင် ညွှန်ကြားရေးမှူး ချုပ် ဦးမင်းထွတ်က ပြောသည်။ စားသောက်ဆိုင်များတွင်
လာရောက် စားသုံးသူကို ကုန်သွယ်လုပ်ငန်းခွန်ကောက်ခံ မှုကို ၂၀၁၁ နောက်ပိုင်းမှစတင်ခါ
မူလ ၁၀ ရာခိုင်နှုန်းမှ ငါးရာခိုင်နှုန်းသို့ လျှော့ချခဲ့ပြီး အဆိုပါနှုန်းထားမှာ မြန်မာနိုင်ငံတွင်အနည်း
ဆုံးဖြစ်သည်။

စင်ကာပူနှင့် ထိုင်းနိုင်ငံ များတွင် ခုနစ်ရာခိုင်နှုန်းကောက်ခံပြီး ကျန် ဖွံ့ဖြိုးဆဲနိုင်ငံများတွင်မူ ၁၀
ရာခိုင်နှုန်း ကောက်ခံလျက်ရှိသည်။ လုပ်ငန်းရှင်များဘက်က မှတ်ပုံတင်ခြင်း၊ လုပ်ငန်းစတင်ကြောင်း
အကြောင်းကြားစာပေးပို့ခြင်း၊ နှစ်ချုပ်ကြေညာလွှာအရ ကျသင့်သောအခွန်တင်သွင်းခြင်း၊ သတ်မှတ်
ထားသောရက်အတွင်းပေးဆောင်ခြင်း စသည်တို့ ကိုပျက်ကွက်ပါက စည်းကြပ်မှုအရ ကျသင့်အခွန်
၏ ၁၀ ရာခိုင်နှုန်းဒဏ်ရိုက်ကာ အရေး ယူသွားမည် ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ