ကားလ်စ်ဘာ့ဂ်က မြန်မာပြည်ဈေး ကွက်တွင်၊ဘီယာနှစ်မျိုး၊ပြည်တွင်း၌ ထုတ်လုပ်ကာ စတင်ရောင်းချ

ယခုနှစ် မြန်မာနှစ်သစ်ကူးကာလအတွင်း Tuborg က ကမကထပြုပေးသော ကမ္ဘာအေးဘုရားလမ်းမပေါ်ရှိ TITAN ရေကစား မဏ္ဍပ်ကို တွေ့ရစဉ်။ ဓာတ်ပုံ- ကားလ်စ်ဘာ့ဂ်မြန်မာယခုနှစ် မြန်မာနှစ်သစ်ကူးကာလအတွင်း Tuborg က ကမကထပြုပေးသော ကမ္ဘာအေးဘုရားလမ်းမပေါ်ရှိ TITAN ရေကစား မဏ္ဍပ်ကို တွေ့ရစဉ်။ ဓာတ်ပုံ- ကားလ်စ်ဘာ့ဂ်မြန်မာနိုင်ငံတော်နှင့် စစ်တပ်နောက်ခံလုပ်ငန်းများ က လွှမ်းမိုးထားသော ပြည်တွင်းဘီယာ
လုပ်ငန်းကဏ္ဍအတွင်း ထိုးဖောက်ဝင်ရောက် ရန် စီးပွားရေးပိတ်ဆို့မှု ရုပ်သိမ်းပြီးသည့်နောက်
ရောက်ရှိလာသည့် ပထမဦးဆုံး ပြည်ပထုတ်လုပ်သူတစ်ဦး ဖြစ်လာရန် ကြိုးပမ်းမှု
တစ်ရပ်အနေဖြင့် Carlsbergသည် Turborg နှင့် ရိုးမဘီယာနှစ်မျိုးကို မြန်မာနိုင်ငံတွင်
ချက်လုပ်ကာ ဈေးကွက်တွင် စတင်ရောင်းချနေပြီဖြစ်သည်။

ယင်းဘီယာနှစ်မျိုးသည် လုပ်ငန်း လိုင်စင်ရရှိရေးအတွက် လပေါင်းများစွာ စောင့်ဆိုင်းခဲ့ပြီးနောက်
သင်္ကြန်နှစ်သစ်ကူး အချိန်မီ ဈေးကွက်သို့ ၀င်ရောက်လာခြင်း ဖြစ်သည်။ Carlsberg Group
သည် စီးပွားရေး အခွင့်အလမ်း ကောင်းလှသည့် ဘီယာ ဈေးကွက်တွင်း ထိရောက်စွာ
ဝင်ရောက်နိုင် ရန် ၂၀၁၃ ခုနှစ်အစောပိုင်းက မြန်မာနိုင်ငံ သို့ရောက်ရှိ လာခြင်းဖြစ်သည်။

မြန်မာနိုင်ငံ တွင် အမျိုးသားနှင့် အမျိုးသမီးအများစုမှာ အရက် လုံးဝမသောက်ကြကြောင်း
စစ်တမ်း များတွင် ဖော်ပြထားသော်လည်း အတော် အတန် အသုံးမပြုရသေးသည့် မြန်မာ့
ဘီယာဈေးကွက်သည် မြန်မာမြို့ပြ ယဉ်ကျေးမှုတစ်ရပ်အဖြစ် အခွင့်အလမ်းကြီး တစ်ရပ်ရှိ
သည်ဟု ကားလ်စ်ဘာ့ဂ် မြန်မာ ဈေးကွက်ဒါရိုက်တာ မစ်ခရစ်တင်န်ဆင်န် က ပြောသည်။

အကျိုးတူပူးပေါင်းဆောင်ရွက်နေသော မြန်မာကားလ်စ်ဘာ့ဂ်ကုမ္ပဏီတွင် ရှယ်ယာ ၅၁
ရာခိုင်နှုန်း ပါဝင်ထားပြီး ပဲခူးတွင် အမေ ရိကန်ဒေါ်လာ သန်း ၅၀ တန် ဘီယာချက် စက်ရုံဖွင့်ထားသော
မြန်မာဂိုးလ်ဒင်းစတား ဘရူဝယ်ရီစ် (MGS) နှင့် Carlsberg သည် စီးပွားဖက်
အဖြစ်ပူးပေါင်းခဲ့သည်။ အမ်ဂျီအက်စ်၏ ဥက္ကဋ္ဌ ဦးသိန်းထွန်းသည် မြန်မာ တိုင်း(မ်) သတင်းစာ
ထုတ်ဝေသည့် မြန်မာ ကွန်ဆိုလီဒိတ်တက် မီဒီယာ၏ဥက္ကဋ္ဌလည်း ဖြစ်သည်။

"မြန်မာနိုင်ငံက ဖွံ့ဖြိုးတိုးတက်မှုတွေနောက်ကို ကျွန်တော်တို့ ထက်ကြပ်မကွာလိုက်ခဲ့ကြတာပါ။
ပြီးတော့ နိုင်ငံတွင်းမှာ မကြာသေးခင်က ဖြစ်ပေါ်ခဲ့တဲ့ နိုင်ငံရေး အရ တိုးတက်ဖွံ့ဖြိုးမှု တွေက
လည်း ကျွန်တော်တို့ကို အားတက်စေပါတယ်။ ဒီမှာ ရင်းနှီးမြှုပ်နှံဖို့ အချိန်ကောင်းပဲလို့
ကျွန်တော်တို့ ယုံကြည်ထားပါတယ်" ဟု ကားလ်စ်ဘာ့ဂ် အာရှဒေသဆိုင်ရာ ဒုတိယ ဥက္ကဋ္ဌ
Roy Bagattini ကပြောသည်။

"လာမယ့်နှစ်တွေထဲမှာ စီးပွားရေး လုပ်ငန်းတွေ အများကြီးရှိလာတဲ့အခါ မြန်မာဘီယာဈေး
ကွက်လည်း အခိုင်အမာ တိုးတက်ဖြစ်ထွန်းလာမယ်လို့ ကျွန်တော်တို့ ယုံကြည်ထားပါတယ်"
ဟု ၎င်းကပြော သည်။

Tuborg ဘီယာများကို စည်ပိုင်း၊ သံဘူးနှင့် ပုလင်းများဖြင့် စတင်ရောင်းချလျက်ရှိပြီး
ရိုးမအမှတ်တံဆိပ်ဘီယာများကိုမူ ယခုအချိန်အထိ စည်ပိုင်းနှင့် သံဘူးများ ဖြင့်သာဈေးကွက်
တွင်း ရောင်းချနေသေး သည်။ အဆိုပါ အစုစပ်လုပ်ငန်းသည် အရည်အသွေးကောင်းသည့်
ယမကာ တစ်မျိုးအဖြစ် ဈေးကွက်တွင်းသတ်မှတ်ခံ ရမည့် Carlsberg အမှတ်တံဆိပ် ဘီယာ
ကိုလည်း ထုတ်လုပ်ရန်စီစဉ်ထားသည်။ အတွေ့အကြုံရှိ စစ်မှုထမ်းဟောင်းများ ဦးစီးလုပ်ကိုင်
လျက်ရှိသော ပြည်ထောင်စုမြန်မာနိုင်ငံ စီးပွားရေးဦးပိုင်လိမိတက်က ပိုင်ဆိုင်သော မြန်မာ
ဘီယာမှာ မြန်မာ့ဘီယာဈေးကွက်ကို အဓိက လွှမ်းမိုးထား ခြင်းကြောင့် အဆိုပါလုပ်ငန်းနှင့်
အဓိက ယှဉ်ပြိုင်ရန် ရည်ရွယ်ပြီး Carlsberg က အဆိုပါ ဘီယာအမှတ်တံဆိပ် နှစ်မျိုးကို
ထုတ်လုပ်လိုက်ခြင်းဖြစ်သည်။

၂၀၁၃ ခုနှစ်တွင် ဖက်စပ်လုပ်ငန်းတစ်ခု စတင်ခဲ့သည့် ပြိုင်ဘက် ဒတ်ခ်ျကုမ္ပဏီ Heinken
သည်လည်း ကိုယ်ပိုင်ဘီယာ ချက်စက်ရုံဖြင့် ဈေးကွက်တွင်း မကြာမီ ရောက်ရှိလာတော့မည်ဖြစ်သည်။
ထိုင်းနိုင်ငံဘက်က တင်သွင်းသည့် မှောင်ခိုကုန်များမပါဝင်သည့် မြန်မာနိုင်ငံ ၏ တရားဝင်
ဘီယာဈေးကွက်တွင် ဘီယာ ရောင်းအားသည် ၂၀၁၃ ခုနှစ်တွင် လီတာ ၁၇၂ သန်းရှိပြီး
အဆိုပါနှုန်းထားသည် ၂၀၀၉ ခုနှစ်မှစပြီး နှစ်စဉ် ၅ ဒသမ ၅ ရာခိုင်နှုန်း မြင့်တက်လာခြင်းဖြစ်သည်ဟု
Euromonitor International ကပြုလုပ် သော စစ်တမ်းများတွင် ဖော်ပြသည်။

ဒေါ်လာဖြင့်တွက်ချက်ပါက ဘီယာ ရောင်းအားသည် ၂၀၁၃ ခုနှစ်တွင် ဒေါ်လာ ၂၆၅ သန်းရှိပြီး
၂၀၀၉ ခုနှစ်မှ ၂၀၁၃ ခုနှစ် အတွင်း ၁၄ ရာခိုင်နှုန်း မြင့်တက်ခဲ့သည်။ ဘီယာရောင်းအား ဒေါ်လာ
၆၇၅ သန်းအထိ ရောက်ရှိလာသည့်အခါ ၂၀၁၄ နှင့် ၀၁၈ ခုနှစ်အတွင်းတွင် နှစ်စဉ်
၂၁ ရာခိုင်နှုန်း မြင့်တက်လာမည်ဟု Euromonitor က ခန့်မှန်းထားသည်။ Carlsberg
၏ ရိုးမအမှတ်တံဆိပ်ဘီယာ ကို မြန်မာအကြိုက်အရသာနှင့် ကိုက်ညီ အောင် ဆန်ကို
အသုံးပြုကာ ဖော်စပ်ထုတ်လုပ်ထားကြောင်း မစ်ခရစ်တင်န်ဆင်န်က ပြောသည်။
"မြန်မာတစ်ယောက်ယောက်ကို သူတို့ ဘာလိုချင်လဲလို့ မေးကြည့်လိုက်ပါတယ်။
အဲဒါကို သူတို့အခုရနေပါပြီ" ဟု ရှုပ်ထွေးပြီး ပင်ပန်းလှသည့် တကယ့်လောကမှ
အေးချမ်း ငြိမ်သက်သည့် စိတ်ကူးယဉ်ကမ္ဘာထဲရောက်ရှိနိုင်သည်ဟု ဆိုသည့်
ရိုးမဘီယာနှင့်ပတ်သက်ပြီး ကားလ်စ်ဘာ့ဂ်မြန်မာ ဈေးကွက်ဒါရိုက်တာ မစ်ခရစ်တင်န်ဆင်န်က
ပြောသည်။

"ရိုးမနဲ့ပတ်သက်ပြီး လူတိုင်းပြောကြတာ ကတော့ အထုပ်အပိုးတွေအားလုံးကိုချပြီး
တောင်ထိပ်မှာ ထိုင်နေရသလိုပဲ လူကိုလန်းဆန်းသွားစေပါတယ်တဲ့" ဟု ၎င်းက
ပြောသည်။ "ဒီဘီယာနဲ့ပတ်သက်တဲ့ အယူအဆ တစ်ခုကတော့ အရာအားလုံး
အလျင်အမြန် ပြောင်းလဲနေတဲ့အတွက် နည်းနည်းလောက် စိတ်အေးလက်အေးနဲ့
အပန်းဖြေဖို့လိုနေ တယ်ဆိုတာပါပဲ" ဟု မစ်ခရစ်တင်န်ဆင်န်က ပြောသည်။ Carlsberg
သည် ဘီယာချက်လုပ်ရာတွင် ကိုးဂဏန်းကို အကောင်းဆုံးနံပါတ်အဖြစ် ယူဆကြသည့်
မြန်မာများ၏ ကိန်းဂဏန်းနှင့် ပတ်သက်သည့် အယူအဆတစ်ခုကိုလည်း မမေ့မလျော့ထည့်
သွင်းထားသည်။ ယင်းမှာ ရိုးမဘီယာ၏ အယ်လ်ကိုဟောပါဝင်မှုသည် ဂဏန်းနှစ်ခုပေါင်းလျှင်
ကိုးရသည့် ၅ ဒသမ ၄ ရာခိုင်နှုန်း ဖြစ်သည်။


 

သီရိမင်းထွန်း ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ