သီလ၀ါအထူးစီးပွားရေးဇုန်တွင် ၀င်ရောက် မြှုပ်နှံမည့် ကုမ္ပဏီများတွင် ဂျပန်ကုမ္ပဏီများ ထက်ဝက်ကျော် ပါဝင်နေ

သီလ၀ါ အထူးစီးပွားရေးဇုန် မြေဟက်တာ ၄၀၀ ပထမအဆင့်စီမံကိန်းတွင် အမှန်တကယ် ၀င်ရောက်လုပ်ကိုင်ရန်
လက်မှတ်ရေးထိုးထားပြီးသည့် ကုမ္ပဏီ ၄၂ ခု အထိရှိထားပြီးဖြစ်ကာ ယင်းအနက် ထက်ဝက်ကျော်သည်
ဂျပန်ကုမ္ပဏီများဖြစ်သည်ဟု မြန်မာ ဂျပန် သီလ၀ါ ဖွံ့ဖြိုးရေးကုမ္ပဏီလီမိတက် MJTD အထွေထွေအတွင်းရေးမှူး
ဦးမြင့်ဇော် က ပြီးခဲ့သည့်အပတ်က ကျင်းပသော ဒုတိယ အကြိမ် ဆောက်လုပ်ရေးလုပ်ငန်းများဆိုင်ရာပြပွဲတွင် ပြောသည်။

"၀င်ရောက်မြှုပ်နှံဖို့ လုပ်ထားပြီးသား ဖြစ်တဲ့ စုစုပေါင်း ကုမ္ပဏီ ၄၀ ကျော်ထဲ က အများစုဖြစ်တဲ့
ကုမ္ပဏီ ၂၂ ခုဟာ ဂျပန်နိုင်ငံရဲ့ ရင်းနှီးမြှုပ်နှံမှုတွေ ဖြစ်ပါ တယ်။ နောက်ထပ်ဝင်ရောက်ဖို့ ပြင်ဆင်နေတဲ့
ကုမ္ပဏီတွေလည်း အများကြီးဖြစ်နေပါတယ်" ဟု ဦးမြင့်ဇော်က ပြောသည်။ သီလ၀ါအထူးစီးပွားရေးဇုန်တွင်
အမှန်တကယ် ရင်းနှီးမြှုပ်နှံမှုဝင်ရောက်ရန် လက် မှတ်ရေးထိုးထားပြီးဖြစ်သည့် နိုင်ငံများတွင်
ဂျပန်၊ ထိုင်ဝမ်၊ တရုတ်၊ ဆွီဒင်၊ အမေရိကန်၊ ဟောင်ကောင်နှင့် ဩစတြေးလျ နိုင်ငံတို့ ပါဝင်ပြီး
စုစုပေါင်းနိုင်ငံ ၁၁ နိုင်ငံက ပါဝင်သည်ဟု မြန်မာသီလ၀ါအထူးစီးပွားရေးဇုန်အများပိုင်ကုမ္ပဏီလီမိတက်
ဥက္ကဋ္ဌ ဦးဝင်းအောင်က ပြောထားသည်။

ထို့ပြင် ယခု ၂၀၁၅ ခုနှစ်အကုန်ပိုင်းတွင် စက်မှုကုန်ထုတ်လုပ်မှုများ စတင်နိုင်ရန်အတွက် အခြေခံအဆောက်အအုံများတည်ဆောက်နေသည့်ကုမ္ပဏီသည် ဧပြီလအထိတွင် စက်ရုံရှစ်ရုံသာ
ရှိသေးခြင်းဖြစ်သော် လည်း ယခုမေလတွင် ၁၁ ခုအထိ တိုးတက် လာသည်ဟု ဦးမြင့်ဇော်က
မြန်မာတိုင်း(မ်)ကို ပြောသည်။ "အခုချိန်ထိတော့ လည်ပတ်နိုင်တဲ့ စက်ရုံမရှိသေးပါဘူး။ ဒါပေမဲ့
ဒီနှစ်ကုန်မှာ စက်ရုံလည်ပတ်နိုင်အောင် အခြေခံအဆောက် အအုံ စတင်ဆောက်လုပ်လာတဲ့
ကုမ္ပဏီတွေ ကတော့ တဖြည်းဖြည်းတိုးလာတယ်" ဟု ဦးမြင့်ဇော်က ပြောသည်။

မြန်မာနိုင်ငံတွင် အထူးစီးပွားရေးဇုန် အဖြစ်ဆောင်ရွက်နိုင်ရန်အတွက် ထားဝယ်၊ ကျောက်ဖြူနှင့်
သီလ၀ါအထူးစီးပွားရေးဇုန် တို့ကို အကောင်အထည်ဖော်နေလျက်ရှိသည့် အနက် သီလ၀ါ
အထူးစီးပွားရေးဇုန်သည် အစောဆုံး လုပ်ငန်းစတင်လာနိုင်ခြင်း ဖြစ်သည်။ ကျောက်ဖြူ အထူးစီးပွားရေးဇုန်သည်
လက်ရှိအချိန်တွင် အထူးစီးပွားရေးဇုန် ဖြစ်ပေါ်လာရေး တည်ဆောက်သူ ကုမ္ပဏီ (Developer Company)
များကို ရွေးချယ် နေဆဲ အဆင့်သာဖြစ်သည်ဟု ကျောက်ဖြူ အထူးစီးပွားရေးဇုန် စီမံခန့်ခွဲရေးကော်မတီ
အဖွဲ့ဝင် ဦးသန်းမောင်က ပြောသည်။ ထို့အတူ ထားဝယ်အထူးစီးပွားရေးဇုန်ရှိ အီတာလျံထိုင်းကုမ္ပဏီက ရပ်နားထားသည့် ဆောက်လုပ်ရေးလုပ်ငန်းစဉ်များကို ဇွန်လ အတွင်းမှသာ ပြန်လည်စတင်နိုင်ရန်
ဆောင်ရွက်နေသည်ဟု ၎င်းစီးပွားရေးဇုန် စီမံ ခန့်ခွဲရေးကော်မတီ ဥက္ကဋ္ဌ ဦးဟံစိန်က ပြောသည်။

မြန်မာနိုင်ငံ ဆောက်လုပ်ရေးလုပ်ငန်း ရှင်များအသင်းက ဦးဉာဏ်သစ်လှိုင်က "မြို့ထဲ ပိုင်းမှာ
ဆောက်လုပ်ရေးလုပ်ငန်းတွေ ထွန်း ကားလာသလို သီလ၀ါလိုအထူးစီးပွားရေးဇုန် မှာလည်း
ရင်းနှီးမြှုပ်နှံသူတွေက အခြေခံအဆောက်အအုံတွေ လုပ်လာပြီဆိုတော့ အဲဒီလိုနေရာတွေမှာ နိုင်ငံသား
ဆောက်လုပ် ရေး လုပ်ငန်းတွေက ၀င်လုပ်နိုင်ဖို့ နည်းပညာ ပိုင်းက အရေးကြီး လာတယ်။
ရင်းနှီးမြှုပ်နှံသူတွေ ၀င်လာတာနဲ့အမျှ ဆောက်လုပ်ရေး ဈေးကွက်က ကျယ်ပြန့်လာတယ်" ဟု
ပြောသည်။

လက်ရှိအချိန်အထိ သီလ၀ါအထူး စီးပွားရေးဇုန်တွင် ၀င်ရောက်ရင်းနှီးမြှုပ်နှံ မည့် ကုမ္ပဏီများ၏
ရင်းနှီးမြှုပ်နှံမည့် ပမဏ များကို သက်ဆိုင်ရာဌာနများက ထုတ်ပြန် ခြင်း မရှိသေးပေ။ သို့သော်
ကုမ္ပဏီတစ်ခု၏ ရင်းနှီးမြှုပ်မှုပမာဏကို အနည်းဆုံး 'ကန်' ဒေါ်လာ သန်း ၃၀ ဖြင့် တွက်ချက်ပါက
'ကန်' ဒေါ်လာ တစ်ဘီလျံကျော်ခန့် ၀င်ရောက်ထား နိုင်ဖွယ်ရှိသည်ဟု ပြည်တွင်းလုပ်ငန်းရှင် တစ်ဦးက
ခန့်မှန်းသည်။

သို့ရာတွင် နိုင်ငံခြား ရင်းနှီးမြှုပ်နှံမှုအများစုသည် ငွေသားဖြင့်ဝင်ရောက်လာခြင်း ထက် ကုန်ကြမ်းပစ္စည်းများသာ တင်သွင်း၍ ဆောက်လုပ်ရေးတည်ဆောက်မှုများနေခြင်းကြောင့် ပြည်တွင်းဈေးကွက်၌ လတ်တလောဖြစ်ပေါ်နေသော
နိုင်ငံခြားငွေ လိုအပ်ချက်များနေခြင်းကို ဖြည့်ဆည်းနိုင်မှုမရှိဘဲဖြစ်နေသည်ဟု ကမ္ဘောဇဘဏ်
အကြီးတန်းအကြံပေး ဦးသန်းလွင်က ပြောသည်။ သီလ၀ါအထူးစီးပွားရေးဇုန်တွင် ၀င်ရောက် မြှုပ်နှံကာ
အခြေခံအဆောက်အအုံ တည်ဆောက်နေသည့် ကုမ္ပဏီများအနက် အမေရိကန်က ပုလင်းခွံအမျိုးမျိုးထုတ်လုပ်မည်
Ball ကုမ္ပဏီနှင့် ထိုင်းနိုင်ငံက သံမဏိပစ္စည်းများ နှင့် ဆောက်လုပ်ရေးလုပ်ငန်းသုံး ကွန်ကရစ် ပစ္စည်းများထုတ်လုပ်သည်
Million ကုမ္ပဏီ တို့လည်း အပါအ၀င်ဖြစ်သည်။

အမေရိကန်အခြေစိုက် Ball ကုမ္ပဏီ သည် 'ကန်' ဒေါ်လာသန်း ၄၀ နှင့် Million ကုမ္ပဏီသည် 'ကန်' ဒေါ်လာ
၆၅ သန်း မြှုပ်နှံ လုပ်ကိုင်သွားမည်ဟု တရားဝင် ထုတ်ပြန်ထားကြသည်။ မြန်မာနိုင်ငံ ရင်းနှီးမြှုပ်နှံမှုကော်မရှင်
MIC တစ်ခုတည်း၏ ခွင့်ပြုထားသည့် နိုင်ငံခြားရင်းနှီးမြှုပ်နှံမှုသည် ကုမ္ပဏီပေါင်း ၉၁၅ ခုမှ 'ကန်'ဒေါ်လာ ၅၆
ဘီလျံကျော် ရှိပြီဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ