နိုင်ငံတော်သို့ ရွှေပေးသွင်းရန်ကျန်သော ကုမ္ပဏီ ၂၀၀ ကျော်ကို ယခုဘဏ္ဍာနှစ်အတွင်း တရားစွဲဆိုမည်

သတ္တုတွင်းဝန်ကြီးဌာနနှင့် ရွှေတူးဖော်သည့် ကုမ္ပဏီများအကြား ထုတ်လုပ်မှုအပေါ်
ခွဲဝေခံစားသည့်စနစ်ဖြင့် လုပ်ကိုင်လျက်ရှိ သော လုပ်ငန်းများမှ ကုမ္ပဏီ ၂၀၀ ကျော်သည်
ရွှေစင်ပိဿာချိန် ၂၀၀ နီးပါး နိုင်ငံတော်သို့ ပေးသွင်းရန်ကျန်ရှိခြင်းကြောင့် ယခုဘဏ္ဍာနှစ်အတွင်း
တရားစွဲသွားမည်ဟု သတ္တုတွင်းဝန်ကြီးဌာန၊ အမှတ်(၂)သတ္တု တွင်းလုပ်ငန်းတာဝန်ရှိသူက
ပြောသည်။

အဆိုပါကုမ္ပဏီများမှာ ၂၀၀၇ ခုနှစ်မှ စတင်ခါ သက်တမ်းငါးနှစ်အတွင်း နိုင်ငံတော်သို့
ရွှေပေးသွင်းရန် အကြွေးကျန်ရှိနေခြင်း ဖြစ်သည်။ လက်ရှိအစိုးရလက်ထက်တွင် ရွှေပေး
သွင်းရန်ကျန်ရှိသည့် ကုမ္ပဏီများကို အကြေပေးသွင်းရန် ၂၀၁၂ ခုနှစ်၊ မေလတွင် ကြေညာခဲ့ပြီး
၂၀၁၄၁၅ ဘဏ္ဍာနှစ်တွင် အပြီးပေးသွင်းရန် အကြောင်းကြားခဲ့သော်လည်း ပေးသွင်းမှုမရှိခြင်းကြောင့် ၂၀၁၂ခုနှစ်တွင် ရွှေပေးသွင်းရန်ကျန်ရှိသည့်ကုမ္ပဏီများကို တွေ့ဆုံဆွေးနွေးခြင်းနှင့်ခုံရုံးတင်
စစ်ဆေးမှုများကို ပြုလုပ်ခဲ့ပြီး နောက်ဆုံးတရားစွဲဆိုသည့် အဆင့်အထိ စီစဉ်ရခြင်းဖြစ်ကြောင်း
အမှတ် (၂) သတ္တု တွင်းလုပ်ငန်း ဦးဆောင်ညွှန်ကြားရေးမှူး ဦးသံဒိုင်က ဩဂုတ်လ ၁၇ ရက်နေ့
က မြန်မာ တိုင်း(မ်)ကို ပြောသည်။ "အဲဒီတုန်းက နိုင်ငံတော်ကရဖို့ရှိတဲ့ရွှေတွေကို လာဆပ်ဖို
့ခေါ်တယ်။ တချို့ ကုမ္ပဏီက လာတယ်။ တချို့က မလာဘူး။ ပြီးခဲ့တဲ့ ၂၀၁၄၁၅ မှာ ပြီးပြတ်အောင်
သွင်း ဖို့ အားလုံး သတိပေးထားပြီးပြီ။ ဒါပေမဲ့ လာမပေးတဲ့အတွက် တရားစွဲဖို့လုပ်ရတာပါ။
နောက်ထပ်လည်း လာဦးမယ်။ ဒီဘဏ္ဍာ နှစ်အတွင်းမှာ လစဉ်လောက်နီးနီးကို တရား
စွဲဖို့ရှိတယ်" ဟု ဦးသံဒိုင်က ပြောသည်။

နိုင်ငံတော်သို့ စုစုပေါင်း ရွှေပိဿာချိန် ၂၀၀ ပေးသွင်းရန်ကျန်ရှိသည့်ကုမ္ပဏီများ က ယခု
ဘဏ္ဍာနှစ်အတွင်း လာရောက်ပေးသွင်းခြင်းမရှိသည့် ကုမ္ပဏီငါးခုထဲမှ ကုမ္ပဏီ သုံးခုကို
ပထမအကြိမ်အဖြစ်တရားစွဲဆို ထားပြီး ဒုတိယအကြိမ်တွင်တရားစွဲဆိုမည့် ကုမ္ပဏီ ၂၁ ခုမှာ
ရွှေပိဿာချိန် ၃၅ ပိဿာ ကျော် ပေးသွင်းရန်ကျန်ရှိနေသေးကြောင်း အမှတ်(၂) သတ္တုတွင်းလုပ်ငန်း
ဒုတိယ ညွှန်ကြားရေးမှူးက ပြောသည်။

ဒုတိယအကြိမ်တွင်တရားစွဲဆိုရန် ပြင်ဆင်ထားသည့် ကုမ္ပဏီ ၂၁ ခုမှာ ရွှေစင်ဟိန်း ကုမ္ပဏီ၊
မြန်မာရွှေသိင်္ဂီကုမ္ပဏီ၊ မန္တလေး မိုင်းနင်းကုမ္ပဏီ၊ ရွှေမြနန္ဒာကုမ္ပဏီ (စစ်ကိုင်း)၊ မိုးဟိန်းကုမ္ပဏီ၊
ရှမ်းကတူးကုမ္ပဏီ၊ ဌေးဝင်း ထွန်းကုမ္ပဏီ၊ ပန်းမြတ်မာလာကုမ္ပဏီ၊ ရတနာချင်းတွင်းကုမ္ပဏီ၊
မိုးကြိုးခြင်္သေ့ ကုမ္ပဏီ၊ ကံကောင်းခြင်းထာဝရအားမာန် ကုမ္ပဏီ၊ သလဒါရွှေ စင်ကုမ္ပဏီ၊ရွှေမြနန္ဒာ ကုမ္ပဏီ(မန္တလေး)၊နီလာနှင်းဆီကုမ္ပဏီ၊အမေ့ကျေးဇူးကုမ္ပဏီ၊ သွေးမိသားစုကုမ္ပဏီ၊ပန်းပွင့်ကုမ္ပဏီ၊
မြန်မာထက်ဝေယံကုမ္ပဏီ၊ အေးမြပြည့်စုံကုမ္ပဏီ၊ မြတ်ဣနြေ္ဒကုမ္ပဏီနှင့် ဇမ္ဗူရာဇ်ကုမ္ပဏီတို့
ဖြစ်ကြောင်း သတ္တုတွင်းဝန်ကြီးဌာနက နိုင်ငံပိုင် သတင်းစာများတွင် တရားဝင် ကြေညာ
ထားပြီးဖြစ်သည်။

"သူတို့ဘက်က မထွက်လို့ မပေးဘူးဆိုတဲ့ဟာတွေ ရှိသလို မလုပ်ရပဲနဲ့ မပေးချင်ဘူးဆိုတဲ့ဟာ
လည်း ရှိတယ်။ တချို့က သူတို့ အတွက် အခုချိန်မှာ ရွှေလုပ်ကွက်လည်း မရှိတော့ဘူး။
အရှုံးတွေပေါ်တယ်။ အကြောင်းပြချက်ကတော့ အများကြီးပဲ။ ကုမ္ပဏီတွေကို တရားစွဲတာက
နောက်ဆုံး အဆင့်ပါ။ ခုံးရုံးကတွေ့ရှိထားတဲ့ စာရင်းကို သူတို့ဘက်က လုံးဝပြန်စဉ်းစားပေးလို့
မရ တော့ပဲ တာဝန်လုံးလုံးရှိတဲ့ဟာတွေကို တရားစွဲတာပါ။ တချို့ကလည်း သူတို့မှာ ခိုင်လုံတဲ့
အထောက်အထားလေးတွေနဲ့ တင်ပြတယ်ဆိုရင်တော့ သူတို့မှာ စာချုပ် အရ တာဝန်မရှိဘူး။
အထောက်အထား လေးတွေ စုံတယ်ဆိုရင်တော့ ၀န်ကြီးရုံးက အီးစီအဖွဲ့ကိုတင်ပြပြီး
ပယ်ဖျက်ပေးခဲ့ပါ တယ်" ဟု ဦးသံဒိုင်က ပြောသည်။

ရွှေပေးသွင်းရန်ကျန်ရှိသော ကုမ္ပဏီများတွင် ကချင်ပြည်နယ်၊ ရှမ်းပြည်နယ်၊ မွန်ပြည်နယ်၊
စစ်ကိုင်းတိုင်းဒေသကြီးနှင့် မန္တလေးတိုင်းဒေသကြီးတို့တွင် အခြေစိုက် သောလုပ်ငန်းများ
အဓိကပါဝင်သည်။ နိုင်ငံတော်ကို တစ်ဖက်တစ်လမ်းမှ ၀င်ငွေရှာဖွေပေးနေသောကြောင့် နိုင်ငံ
တော်သို့ ပေးသွင်းရမည့်ပမာဏကို မပေးသွင်းပါက ကုမ္ပဏီအနေဖြင့် နစ်နာကြောင်း၊
ဝေးလံသည့် နေရာများမှလာရောက်၍ အမှု ရင်ဆိုင်ရပါက အချိန်ကုန်၊ ငွေကုန်ခြင်းများ ရှိကာ
ကုမ္ပဏီများအနေဖြင့် ဆုံးရှုံးမှုများ မည်ဖြစ်ကြောင်း ဦးသံဒိုင်က ပြောသည်။ စာရင်းစစ်က
စစ်ဆေးရာတွင် ဘဏ္ဍာ နှစ်အဆက်ဆက်တွင် ပေးသွင်းရန်ကျန်နေ သောစာရင်းများဖြစ်ပြီး
အချို့ကုမ္ပဏီများ သည် အကြောင်းကြောင်းကြောင့် မပေးသွင်းနိုင်ခြင်းကို တင်ပြကြပြီး
ကုမ္ပဏီများ မှတင်ပြချက်ကို ပြန်စိစစ်ကာ လွှတ်တော် နှင့် အစိုးရအဖွဲ့သို့ တင်ပြခဲ့သည်။

"မွေးမြူရေးနဲ့ ရေလုပ်ငန်းဝန်ကြီးဌာန ကလည်း ဒီလိုပဲ တောင်းတာပဲ။ တရားစွဲမယ်လို့ပြောပြီး
တောင်းလိုက်တော့ အကြွေး မြန်မြန်ပြန်ရတာပေါ့။ ဒီသဘောနဲ့ တောင်း တာ ဖြစ်ပါလိမ့်မယ်။
တချို့ကုမ္ပဏီတွေက တော့ မပေးချင်တာပေါ့။ တချို့ကုမ္ပဏီတွေ ကတော့ တကယ်ရွှေမထွက်တဲ့
ကုမ္ပဏီတွေ လည်း ရှိကောင်းရှိပါလိမ့်မယ်။ အခု ထုတ်ပြန်တဲ့ ကုမ္ပဏီတွေ ၉၀ ရာခိုင်နှုန်းက
ဦးတို့အသင်းမှာမပါလို့ ပြောဖို့ ခက်တယ်"ဟု မြန်မာနိုင်ငံ ရွှေလုပ်ငန်းရှင်များအသင်း
အတွင်းရေးမှူး ဦးကျော်ဝင်းက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ