အနိုင်ရပါတီလက်ထက်တွင် ဘဏ္ဍာရေးပြုပြင်ပြောင်းလဲမှုများ ရှိမည်

စီးပွားရေး ဖွံ့ဖြိုးတိုးတက်မှုအတွက် အဓိက အကျဆုံးသော ဘဏ္ဍာရေးကဏ္ဍ
ပြုပြင် ပြောင်းလဲမှုတွင် ရွေးကောက်ပွဲအနိုင်ရ ပါတီဖြစ်သည့် အမျိုးသားဒီမို
ကရေစီအဖွဲ့ချုပ်၏ အစိုးရသစ်လက်ထက် အစီအစဉ်များမှာ ပွင့်လင်းမြင်
သာမှုနှင့် မျှတမှု အားကောင်းလာ ရန် မျှော်လင့်ထားကြသည်။

ရွေးကောက်ပွဲအပြီး အမျိုးသားဒီမို ကရေစီအဖွဲ့ချုပ် (အင်န်အယ်လ်ဒီ) က
နိုင်ငံ အ၀န်း အပြတ်အသတ် အနိုင်ရပြီးချိန်တွင် လက်ရှိဖြစ်ပေါ်နေသည့်
ကျပ်ငွေတန်ဖိုး လျော့ကျခြင်း၊ ကုန်ဈေးနှုန်းသိသာစွာ မြင့်တက်လာမှု
စသည့်စီးပွားရေးဆိုင်ရာကိစ္စရပ် များကို ဖြေရှင်းပေးနိုင်ရန် ပြည်သူလူထုက
မျှော်လင့်လျက်ရှိသည်။

အင်န်အယ်လ်ဒီပါတီ၏ ရွေးကောက်ပွဲ ကြေညာစာတမ်းပါ စီးပွားရေးပေါ်လစီများ
အရ မြန်မာနိုင်ငံတော်ဗဟိုဘဏ်ကို သမ္မတရုံး ၏လွှမ်းမိုးမှုကင်းပြီး လွတ်လပ်စွာဆောင်ရွက် နိုင်ရန်၊ ငွေကြေးတန်ဖိုးတည်ငြိမ်လာစေရန်
ဆောင်ရွက်သွားမည် ဖြစ်သည်။ ပါတီစီးပွားရေးကော်မတီ၏ တာဝန်ရှိ
သူတစ်ဦးဖြစ်သည့် ဦးစိုးဝင်းက စီးပွားရေးပြုပြင် ပြောင်းလဲမှုများပြုလုပ်ရန်
ဆွေးနွေးနေပြီး အချက်အလက်များ၊ ကိန်းဂဏန်းများ စုဆောင်း
လျက်ရှိကြောင်းပြောသည်။

"အဲဒီစာရင်းတွေပေါ် မူတည်ပြီး ဘယ် ကဏ္ဍကတော့ ဦးစားပေးသင့်
တယ်ဆိုတာ အကောင်အထည်ဖော် ကျင့်သုံးသွားမယ်။ ဆွေးနွေးဆဲ
အဆင့်မှာတော့ ထုတ်ပြန်နိုင်ခြင်း မရှိသေးပါဘူး"ဟု ၎င်းကပြောသည်။
ပါတီ၏ စီးပွားရေးအကြံပေးနှင့် မြန်မာ့ စီးပွားရေးရာကျွမ်းကျင်သူ
ဩစတြေးလျ မက်ကွာရီတက္ကသိုလ်၏ တွဲဖက်ပါမောက္ခ ရှောင်တာနဲလ်က
"အင်န်အယ်လ်ဒီ ပါတီရဲ့ အနိုင်ရရှိမှုက ဒီနိုင်ငံမှာ ကြီးကြီးမားမား ဖြစ်
ပေါ်နေတဲ့ နိုင်ငံရေးအရ အရဲစွန့်နေရတဲ့ ကိစ္စတွေကို ပျောက်ကွယ်
သွားစေမယ်။ သိကြတဲ့အတိုင်း ဒီစွန့်စားမှုက ဘဏ္ဍာရေး
အဖွဲ့အစည်းတွေနဲ့ဈေးကွက်ပေါ်မှာ သွား သက်ရောက်မှုရှိတယ်"ဟု
၎င်းကပြောသည်။

"အင်န်အယ်လ်ဒီအနေနဲ့ အစိုးရသစ်ဖွဲ့ပြီး စီးပွားရေးမူဝါဒတွေ ချမှတ်နိုင်
လိမ့်မယ်။ ဘဏ္ဍာရေးပိုင်းဆိုင်ရာပြုပြင် ပြောင်းလဲမှုတွေလည်း
ချမှတ်မှာဖြစ်တဲ့အတွက် ဘဏ္ဍာရေး ကဏ္ဍကို တည်တည်ငြိမ်ငြိမ်
ချောချောမွေ့မွေ့ ဖြစ်အောင် ဆောင်ကြဉ်းပေးနိုင်လိမ့်မယ်" ဟု
၎င်းကပြောသည်။ အစစ်အမှန် လွတ်လပ်စွာ လုပ်ကိုင်ခွင့် ရသော
ဗဟိုဘဏ်ဖြစ်ပေါ်လာရေး၊ ငွေကြေးနှင့် ဘဏ္ဍာရေးမူဝါဒများ ကောင်း
လာရန်၊ တရားဥပဒေစိုးမိုးမှုရှိရန်၊ ငွေတိုက်စာချုပ် နှင့် လက်မှတ်ဈေးကွက်
ဖွံ့ဖြိုးလာရန်၊ တောင်သူများ ဘဏ်ချေးငွေရရှိလာရန်နှင့် အသေးစားချေးငွေ
လုပ်ငန်းကဏ္ဍ ဖွင့်ပေး ရန်၊ မိုဘိုင်းဘဏ်လုပ်ငန်းစနစ်များ ဖွံ့ဖြိုး လာရန်
စသည်တို့ကို အကောင်အထည်ဖော် ရန် အချိန်ဖြစ်ကြောင်း
၎င်းကပြောသည်။

"ပြောရရင်တော့ ဒီမူဝါဒတွေအားလုံးဟာ စိတ်ကူးတည့်သလို လုပ်ထား
တာမဟုတ်ဘူး။ သက်သေအချက်အလက်တွေအပေါ် အခြေခံ ပြီး
အကောင်အထည်ဖော်ဖို့ဖြစ်လာတာ" ဟု ၎င်းက ပြောသည်။ တည်ငြိမ်
မှုများရရှိလာပါက မူလက နိုင်ငံ ရေး အခြေအနေများကြောင့် နှောင့်နှေးနေသော
နိုင်ငံခြားရင်းနှီးမြှုပ်နှံမှုများ ပိုမိုဝင်ရောက် လာရန် အထောက်အပံ့ဖြစ်စေကြောင်း
၎င်းက ပြောသည်။ ပြည်သူ့လွှတ်တော်၏ ဘဏ်နှင့်ငွေကြေး ရေးရာ ဖွံ့ဖြိုးတိုးတက်မှု
ကော်မတီဝင်များ၏ ယခင်ပြောကြားချက်များအရ ပြည်တွင်းငွေကြေး လှည့်လည်မှု၊
ဝါဇီစက်ရုံက ငွေကြေးရိုက်ထုတ် မှုကို အစိုးရက တိုက်ရိုက်ကိုင်တွယ်နေပြီး
ပွင့်လင်းမြင်သာမှု အားနည်းနေကြောင်း ပြောသည်။

လက်ရှိ အစိုးရသက်တမ်း ငါးနှစ်တွင် ငွေလဲနှုန်း ပြောင်းလဲမှုများ၊ အခြေခံ
စားသောက် ကုန် ဈေးနှုန်းများ သိသာစွာ မြင့်တက်မှုများ ရှိခဲ့ကြောင်း
စီးပွားရေးပညာရှင် ဦးလှမောင် က ပြောသည်။ ဘဏ္ဍာရေးနှင့်ဆိုင်သော
ဌာနဆိုင်ရာများ အတွင်း လုပ်ကိုင်ဆောင်ရွက်နေသော စစ်တပ်က
ကူးပြောင်းလာသည့် အရာရှိများစွာရှိနေ ပြီး ပွင့်လင်းမြင်သာမှုလည်း
အားနည်းခဲ့ ကြောင်းပြောသည်။

"စစ်ရေးဘက်မှာတော့ သူတို့တော်ချင်တော်မယ်။ ဒါပေမဲ့ ပြင်ပ
နယ်ပယ်မှာတော့ နှစ်ပေါင်းများစွာ လုပ်လာပေမယ့် အခြေအနေက
သိပ်ထူးခြားမလာ ဘူး ဖြစ်နေတယ်။ လူတွေက ဒါကိုငြီးငွေ့နေကြတာ" ဟု
၎င်းကပြောသည်။ ဘဏ္ဍာရေးဝန်ကြီးဌာန၏ ဒုတိယညွှန်ကြား ရေးမှူးချုပ်
(အငြိမ်းစား) ဦးစိုးသိန်းက လက်ရှိအစိုးရလက်ထက်မှာပင် ဗဟိုဘဏ်ပြုပြင်ပြောင်း
လဲမှုများကို တွေ့ရပြီး၊ ဘဏ္ဍာရေး ၀န်ကြီးဌာနမှာမူ ပို၍ဩဇာအာဏာရှိလာရန်
လိုအပ်ကြောင်း ၎င်းကပြောသည်။ ဥပမာ အားဖြင့် ဘဏ္ဍာရေးဝန်ကြီးဌာနမှာ
အချို့ သော ၀န်ကြီးဌာနများ၏ အောင်မြင်အောင် ဆောင်ရွက်နိုင်ခြင်းမရှိသော
အသုံးစရိတ်များကို ဖြတ်တောက်နိုင်ခြင်း မရှိသည်ကိုတွေ့ရကြောင်း
၎င်းကပြောသည်။ "အပြောင်းအလဲကြောင့် အခြေအနေက ဒီထက်ပိုပြီး
ဆိုးသွားဖို့တော့မရှိပါဘူး။ ဒါပေမဲ့ အပြောင်းအလဲကြောင့် ပွင့်လင်းမြင်သာမှု
တွေ၊ ကောင်းမွန်တဲ့ အုပ်ချုပ်ရေးစနစ်တွေ၊ စီးပွားရေးနယ်ပယ်မှာ မျှတတဲ့
ယှဉ်ပြိုင်မှုတွေ တော့ ပိုဖြစ်လာနိုင်မယ်"ဟု ၎င်းကပြောသည်။

၂၀၁၃ ခုနှစ်၊ နှစ်လယ်ပိုင်းမှစ၍ မြန်မာနိုင်ငံတော် ဗဟိုဘဏ် ဥပဒေသစ်
ထွက်ပေါ်လာပြီး ဗဟိုဘဏ်က ဘဏ္ဍာရေး ၀န်ကြီးဌာန လက်အောက်မှ
ခွဲထွက်ကာ သီးခြားရပ်တည်ခဲ့သည်။ လက်ရှိတွင် ဗဟိုဘဏ်သည်
ကမ္ဘာ့ဘဏ်နှင့် အပြည်ပြည်ဆိုင်ရာငွေကြေးရန်ပုံငွေ အဖွဲ့တို့ကဲ့သို့သော
အဖွဲ့အစည်းများ၏ အကူ အညီဖြင့် ဘဏ္ဍာရေးနှင့် စီးပွားရေးဆိုင်ရာ
နည်းဗျူဟာ ပြုပြင်ပြောင်းလဲမှုများ ဆောင်ရွက်နေသည်။ "နိုင်ငံတကာ
အလေ့အကျင့်တွေလည်း ရှိထားပြီး ဖြစ်တဲ့အတွက် အစိုးရသစ်
လက်ထက်မှာ အများကြီးပြောင်းလဲလာဖို့ တော့မရှိပါဘူး" ဟု
ဗဟိုဘဏ် တာဝန်ရှိသူ တစ်ဦးက ပြောသည်။ "တ ခြားနိုင်ငံ
အသီးသီးက ဗဟိုဘဏ်တွေလိုပဲပေါ့။ အပြည့်အ၀ လွတ်လပ်ခွင့်
ရှိဖို့ဆိုရင် အရင်ဆုံး ငွေကြေးမူဝါဒဆိုင်ရာ အထောက်အပံ့တွေ
(tools) တွေက သက်တမ်းရင့်လာဖို့ လိုအပ်တယ်။ နေ့ချင်းညချင်းတော့ဖြစ်လာမှာ
မဟုတ်သေးဘူး"ဟု ၎င်းကပြောသည်။

မြန်မာနိုင်ငံ၏ ငွေကြေးအဖွဲ့အစည်းများ ဥပဒေသစ်သည် ပြည်သူ့လွှတ်တော်နှင့်
အမျိုးသားလွှတ်တော်တွင် ဆွေးနွေးပြီး ဖြစ်ကာ မကြာမီ လွှတ်တော်အစည်းအဝေး
များတွင် ထွက်ပေါ်လာရန် မျှော်လင့်ရသည်။ ထို့ပြင် လာမည့်နှစ်တွင်လည်း ချေးငွေ
အပေါ် ယုံကြည်စိတ်ချရမှု အဆင့်အတန်းအကဲဖြတ်ပေးနိုင်မည့် ချေးငွေဗျူရိုလည်း
ပေါ်ပေါက်လာရန်ရှိကြောင်း ၎င်းကပြောသည်။ "ဒီအချက်တွေကြောင့် ဘဏ္ဍာရေး
ကဏ္ဍမှာ၊ အဖွဲ့အစည်းတွေမှာ တာဝန်ယူမှု တာဝန်ခံ မှုတွေ ပိုအားကောင်းလာမယ်။
ဗဟိုဘဏ်ဘက်ကတော့ ဒီအပြောင်းအလဲတွေပေါ် မှာ စည်းမျဉ်းစည်းကမ်း
သတ်မှတ်ရတဲ့ အခန်း ကဏ္ဍကို ပိုပြီးမြှင့်တင်ရလိမ့်မယ်" ဟု ၎င်းကပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ