အကြီးစားဘက်စုံ စီမံကိန်းတစ်ခု 'ရိုးမ' အကောင် အထည်ဖော်မည်

ဟိုတယ်နှင့် လူနေတိုက်ခန်း၊ ရုံးခန်းများပါဝင်မည့် အကြီးစားစီမံကိန်းကို ယခုနှစ်အတွင်း
ရန်ကုန်မြို့လယ်တွင် အကောင်အထည်ဖော်ဆောက်လုပ်သွားမည်ဖြစ်ကြောင်း Yoma
Strategic Holdings မှ တာဝန်ရှိသူတစ်ဦးက ပြောသည်။

ရိုးမ မဟာဗျူဟာဦးပိုင်လီမိတက်ကုမ္ပဏီစု ၏ လက်အောက်ခံကုမ္ပဏီများက ရထား
ပို့ဆောင်ရေးဝန်ကြီးဌာန၊ မြန်မာ့မီးရထားနှင့် အဆိုပါ စီမံကိန်းအတွက် ယခုလဆန်းပိုင်းက
မူဘောင်သဘောတူလတ်မှတ်ရေးထိုးခဲ့ပြီး စာချုပ်အရ မြေနေရာတစ်ခုလုံးငှားရမ်း
သက်တမ်းတိုးခြင်းများ ပါဝင်သည်။

ရန်ကုန်မြို့၏ အချက်အချာကျသည့် ပန်းပဲတန်းမြို့နယ်၊ ဗိုလ်ချုပ်အောင်ဆန်းလမ်းမပေါ် ရှိသော
ယင်းစီမံကိန်းမှာ ၁၈၇၇ ခုနှစ်က တည်ဆောက်ခဲ့သော မြန်မာ့မီးရထားရုံးချုပ်ဟောင်းကိုရှေးမူ
မပျက် ပြုပြင်ထိန်းသိမ်းပြီး ကြယ်ငါးပွင့်အဆင့်မြင့်ဟိုတယ်အဖြစ်တည်ဆောက်ထားသည့်
Yangon Peninsula Hotel စီမံကိန်းနှင့် အဆင့်မြင့်လူနေတိုက်ခန်း များ၊ ဟိုတယ်နှင့်
ကူးသန်းရောင်းဝယ်ရေးရုံးခန်း များပါဝင်မည့် ဘက်စုံဖွံ့ဖြိုးရေးစီမံကိန်းဟူ၍ နှစ်ပိုင်းပါဝင်မည်
ဖြစ်သည်။ စာချုပ်တွင်ပါဝင်သည့် အချက်အရ မြေနေရာ ၁ အတွက် ၁၉၉၈ ခုနှစ်၊ ဇန်န၀ါရီလမှ
စတင်ကာ အနှစ် ၅၀ ကနဦး မြေငှားရမ်းခြင်း သက်တမ်းကို မြန်မာနိုင်ငံနိုင်ငံခြားရင်းနှီး မြှုပ်နှံမှုဥပဒေနှင့်အညီ မြေငှားသက်တမ်းတိုးခွင့်
ပါဝင်သည်။ အလားတူနှစ်မှာပင်မြေ နေရာ ၂ အတွက် မြန်မာနိုင်ငံရင်းနှီးမြှုပ်နှံမှု ကော်မရှင်၏
သဘောတူညီချက်ဖြင့် ရင်းနှီး မြှုပ်နှံမှုဥပဒေအတိုင်း မြေငှားသက်တမ်း တိုးခွင့်စသည်တို့ ဖြစ်သည်။
အဆိုပါစာချုပ်ကို တစ်ဖန်မြေငှားစာချုပ် နှစ်ခုခွဲကာ အပြည်ပြည်ဆိုင်ရာ ကြယ်ငါးပွင့် ဟိုတယ်
ဖွံ့ဖြိုးရေးစီမံကိန်းအတွက် မြေငှား စာချုပ်တစ်ခုနှင့် ကျန်ဘက်စုံဖွံ့ဖြိုးရေးစီမံကိန်း ကိုလည်း
ဆက်လက်ချုပ်ဆိုသွားမည်ဟု သတင်းထုတ်ပြန်ထားသည်။

စုစုပေါင်း ခန့်မှန်းကြမ်းပြင်ဧရိယာ စတုရန်းပေ နှစ်သန်းခန့်ရှိမည်ဖြစ်သည်။ Yoma Strategic
Holdings ၏ CEO ဖြစ်သူ Mr.Melvyn Pun က "ဒီစီမံကိန်းမှာ အဆင့်မြင့် ကုမ္ပဏီအဖွဲ့ အစည်း
များရဲ့ ကျွမ်းကျင်မှုနဲ့ ပါဝင် အကောင် အထည်ဖော်သွားမှာ ဖြစ်တာကြောင့် ဘက်စုံဖွံ့ဖြိုးရေး
စီမံကိန်းဟာ ရန်ကုန်မြို့လယ် ဖွံ့ဖြိုးမှုမှာ အထင်ကရ မှတ်တိုင်တစ်ခုဖြစ်လာ မယ်လို့ ယုံကြည်
ပါတယ်"ဟု ပြောသည်။ ဗိုလ်ချုပ်အောင်ဆန်းလမ်းပေါ်ရှိ မြန်မာ့ မီးရထားရုံးချုပ်နေရာဟောင်း
ကိုလည်း ဟိုတယ် လုပ်ငန်းလုပ်ကိုင်ရန် နှစ် ၅၀သက်တမ်းတိုး စာချုပ်ကို ဇန်န၀ါရီ ၄ ရက်က
ရထားပို့ဆောင် ရေးဝန်ကြီးဌာနနှင့် လက်မှတ်ရေးထိုးခဲ့သည်။

"ဒီစီမံကိန်းအတွက် ပြင်ဆင်ရမှာတွေ အများကြီးရှိနေတဲ့အတွက် ဘယ်လမှာစမယ်ဆိုတာ
အတိအကျ မပြောနိုင်ပေမယ့် ၂၀၁၆ ခုနှစ်အတွင်း လာမယ့် လတွေမှာတော့ စနိုင် မယ်"ဟု
ရိုးမ၏ မီဒီယာပြန်ကြားရေးတာဝန်ရှိ သူတစ်ဦးက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ