အစိုးရသစ်ထံလွှဲပြောင်းရန် ဘဏ္ဍာရေးဝန်ကြီးဌာနပြင်ဆင်

လက်ရှိအစိုးရသက်တမ်း ငါးနှစ်အတွင်း ဆောင်ရွက်လာခဲ့သည့် နိုင်ငံတော် ဘဏ္ဍာရေးရာ
ကိစ္စရပ်များကို လာမည့်ဧပြီ ၁ ရက်တွင်စတင်မည့် အစိုးရသစ်ထံ လွှဲပြောင်းရန်ပြင်ဆင်မှု
များပြုလုပ်ထားကြောင်း ဘဏ္ဍာရေးဝန်ကြီးဌာန၏အမြဲတမ်းအတွင်း ၀န် ဦးမောင်မောင်ဝင်းက
ပြောသည်။

ထိုသို့တာဝန်လွှဲပြောင်းမှုအတွက် ၀န်ကြီး ရုံးနှင့် ၀န်ကြီးဌာနတွင်ပါဝင်သည့်ဌာန၊ အဖွဲ့ အစည်း
အသီးသီးက တာဝန်လွှဲပြောင်းမည့် စာရင်းဇယားအချက်အလက်များကို ပြုစုဆောင်ရွက်
ထားရှိပြီးဖြစ်ကြောင်း ၎င်းက ပြောသည်။ "အစိုးသစ်ကို လက်ရှိအစိုးရက စနစ်တကျတာဝန်
လွှဲပြောင်းပေးဖို့ ပြင်ဆင်ဆောင် ရွက်ထားပြီးဖြစ်သလို ဘဏ္ဍာရေးဝန်ကြီး ဌာနမှာလည်း ပြည့်စုံအောင် ပြင်ဆင် ဆောင်ရွက်ထားပြီးဖြစ်ပါတယ်"ဟု ၎င်းက ပြောသည်။

လက်ရှိအစိုးရသစ်တက်ချိန် ၂၀၁၁ ခုနှစ်၊ မတ် ၃၁ရက်မှ ၂၀၁၆ ခုနှစ်၊ မတ် ၃၁ ရက်အထိ
ငါးနှစ်တာကာလအတွင်း ဘဏ္ဍာရေးဝန်ကြီးဌာန၏ ပြုပြင်ပြောင်းလဲရေး ဆောင်ရွက်ချက်များကို
မှတ်တမ်းစာအုပ်ဖြင့်ပြုစုထားကြောင်း ၎င်းက ပြောသည်။ "တာဝန်လွှဲပြောင်းမယ့် အချိန်မှာ နောက်ဆုံးပြောင်းလဲဖွဲ့စည်းထားတဲ့အခြေအနေနဲ့အညီ လွှဲပြောင်းသွားဖို့ရှိပြီး တာဝန်လွှဲပြောင်းပြီး နောက်ပိုင်းမှာ ပြောင်းလဲမယ့်အခြေအနေကိုတော့ မသိရသေးပါဘူး"ဟု
ဦးမောင်မောင်ဝင်းက ပြောသည်။

အဓိကပြုပြင်ပြောင်းလဲမည့်နယ်ပယ် များအနက် ပြည်သူ့ဘဏ္ဍာရေးစီမံခန့်ခွဲမှု တွင်ပါဝင်သော
အခွန်အကောက်နှင့် အကောက်ခွန်၊ ရသုံးမှန်းခြေငွေစာရင်းရေးဆွဲခြင်း၊ စိစစ်ခြင်း၊ အကောင်
အထည်ဖော်ဆောင်ရွက်နိုင်မှုကို အစီရင်ခံခြင်း၊ ပြည်သူ့ ကြွေးမြီကို စီမံခန့်ခွဲခြင်း၊ ပြည်ထောင်စု
ဘဏ္ဍာရန်ပုံငွေစာရင်းကို ထိန်းသိမ်းဆောင် ရွက်ခြင်းစသည်တို့ပါဝင်ကြောင်း ဦးမောင်မောင်ဝင်းက
ပြောသည်။ ထို့ပြင် ပြည်ထောင်စုနှင့် တိုင်းဒေသကြီး၊ ပြည်နယ်များအကြား ဘဏ္ဍာရန်ပုံငွေ
ခွဲဝေကျင့်သုံးမှု၊ နိုင်ငံပိုင်စီးပွားရေးလုပ်ငန်း များ၊ နိုင်ငံပိုင်ဘဏ်များ၊ အာမခံလုပ်ငန်း၊
အသေးစားငွေရေးကြေးရေးလုပ်ငန်း၊ ပင်စင် စသည့်တို့တွင်လည်း ပြုပြင်ပြောင်းလဲရေး
များကို ဆောင်ရွက်နေသည့်အပြင် ဆက်လက် လုပ်ဆောင်သွားမည်ဖြစ်ကြောင်း
၎င်းကပြောသည်။ "ဒီလိုအကောင် အထည်ဖော်တဲ့နေရာမှာ အစိုးရသစ်ရဲ့ မူဝါဒနဲ့အညီ
လုပ်ငန်းစဉ်သစ်တွေကို ထပ်မံချမှတ်ဆောင်ရွက်ခြင်းတွေပြုလုပ်မှာဖြစ်ပါတယ်"ဟု ၎င်းက
ပြောသည်။

ငါးနှစ်တာအတွင်း ဌာနအဖွဲ့အစည်းအချို့မှာ ဖွဲ့စည်းပုံပြောင်းလဲမှုများရှိသလို မြန်မာနိုင်ငံတော်
ဗဟိုဘဏ်မှာ ဘဏ္ဍာရေး ၀န်ကြီးဌာနလက်အောက်ခံအဖွဲ့အစည်း အဖြစ်မှ ခွဲထွက်ခဲ့ခြင်း၊
မြန်မာ့အာမခံ လုပ်ငန်းအပြင် ပုဂ္ဂလိကအာမခံများကိုပါ လုပ်ပိုင်ခွင့်ပေးခြင်းများ၊ စတော့ဈေးကွက်
စတင်ပြင်ဆင်မှုများစသည့် လူထုအပေါ် အကျိုးသက်ရောက်စေရန်ရည်ရွယ်သည့် ပြောင်းလဲမှု
များလည်း ရှိလာခဲ့သည်။

ထို့ပြင် မကြာသေးမီက လွှတ်တော်၌ အတည်ပြုပြဋ္ဌာန်းလိုက်ပြီး ဘဏ်များနှင့် အဓိကသက်ဆိုင်သော ငွေရေးကြေးရေးအဖွဲ့အစည်းများဥပဒေ၏ ပုဒ်မ ၁၉ အရ ဘဏ္ဍာရေးဝန်ကြီးဌာနနှင့် မြန်မာနိုင်ငံ တော်ဗဟိုဘဏ်တို့က လိုအပ်လျှင် ဘဏ် မဟုတ်သော
ငွေရေးကြေးရေး အဖွဲ့အစည်း များကို ဥပဒေနှင့် သက်ဆိုင်လာအောင်ဆောင်ရွက်နိုင်သည်ကို
တွေ့ရသည်။ လက်ရှိအစိုးရသက်တမ်းတွင် ရေးဆွဲခဲ့ သည့် ပြည်သူ့ကြွေးမြီစီမံခန့်ခွဲမှုဥပဒေကြမ်းမှာ
လွှတ်တော်တွင်ဆွေးနွေးနေပြီး ဥပဒေအရ ဘဏ္ဍာရေးဝန်ကြီးဌာနကသာ နိုင်ငံတော်ကြွေးမြီကို
အတည်ပြုနိုင်သည့် လုပ်ပိုင်ခွင့်ရရှိမည်ဖြစ်သည်။ နိုင်ငံခြား ကြွေးမြီမှာ အမေရိကန်ဒေါ်လာ
ကိုးဘီလျံ ကျော်ရှိကြောင်း ပြီးခဲ့သည့်လွှတ်တော် အစည်းအဝေးများတွင် ဘဏ္ဍာရေးဝန်ကြီးက
ပြောကြားခဲ့သည်။

ဘဏ္ဍာရေးဝန်ကြီးဌာနလက်အောက်ခံ မြန်မာ့စီးပွားရေးဘဏ်နှင့် မြန်မာ့ရင်းနှီး မြှပ်နှံမှုနှင့်
ကူးသန်းရောင်းဝယ်ရေးဘဏ်တို့ မှာ အမေရိကန်၏ စီးပွားရေးပိတ်ဆို့မှုအောက် တွင်ရှိနေဆဲဖြစ်
သည့်အတွက် ဘဏ်စာရင်း ဖွင့်လှစ်ခြင်းများအတွက် အထွေထွေလိုင်စင် နှင့် လုပ်ကိုင်နေရဆဲ
ဖြစ်သည်။ "အမေရိကန်ဘက်က စီးပွားရေးပိတ်ဆို့မှုတွေက နိုင်ငံရေးအခြေအနေပေါ်မူတည်ပြီး
ပြောင်းလဲ သွားဖို့ မျှော်လင့်ရပါတယ်" ဟု အငြိမ်းစားအရာရှိတစ်ဦးက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ