၂၀၁၆ ခုနှစ်၊အာဆီယံ စွမ်းအင်ဆိုင်ရာ ဆုပြိုင်ပွဲ မေလဆန်းတွင် ကျင်းပမည်

၂၀၁၆ ခုနှစ် အာဆီယံစွမ်းအင်ဆိုင်ရာဆု ပြိုင်ပွဲအတွက် ဆုသုံးဆုဖြစ်သော စိမ်းလန်း
အဆောက်အအုံများဆုနှင့် အဆောက်အအုံ များတွင် စွမ်းအင်စီမံခန့်ခွဲမှု ဆုနှစ်ဆုကို
မြန်မာနိုင်ငံ၊ နေပြည်တော်တွင် မေလဆန်း၌ ကျင်းပမည်ဖြစ်ကြောင်း ထိုပွဲစီစဉ်သူ စွမ်းအင်နှင့် ပြန်လည်ပြည့်မြဲစွမ်းအင် ကော်မတီအဖွဲ့ဝင်ဖြစ်သူ ဦးအောင်သက်ပိုင်က
ပြောသည်။

အာဆီယံစွမ်းအင်ဆိုင်ရာပြိုင်ပွဲတွင် ပြန်ပြည့်မြဲစွမ်းအင်စီမံကိန်းဆု (Renew-able Energy
Project Awards)၊ စွမ်းအင် ထိရောက်စွာ အသုံးပြုထားသော၊အဆောက် အအုံများဆု
(Energy Efficient Building Awards)၊ အဆောက်အအုံနှင့် စက်ရုံများ ၏ အကောင်းဆုံး
စွမ်းအင်စီမံခန့်ခွဲမှု စနစ် (Green Building Awards) နှင့် စိမ်းလန်းအဆောက်အအုံများဆု
(Myanmar Engin-eering Society) စသော ဆုလေးခု ပါဝင်မည်ဖြစ်သည်။

ပြန်ပြည့်မြဲစွမ်းအင်စီမံကိန်းဆုကို ဧပြီ ၂၅ ရက်မှ ၂၉ ရက်တွင် ဖိလစ်ပိုင်နိုင်ငံ၌
ကျင်းပသွားမည်ဖြစ်ပြီး ကျန်ဆုသုံးဆုကို စွမ်းအင်ဝန်ကြီးဌာန၊ စက်မှုဝန်ကြီးဌာနနှင့်
အာဆီယံစွမ်းအင်ဆိုင်ရာ ဗဟိုဌာနတို့က ကြီးမှူး၍ မြန်မာနိုင်ငံ၊ နေပြည်တော်၌ မေ ၂ ရက်မှ
၆ ရက်ထိ ကျင်းပသွားမည် ဖြစ်သည်။ "မနှစ်တုန်းက ကဏ္ဍတစ်ခုတည်း အတွက်ကိုသာ
မြန်မာနိုင်ငံက ၀င်ရောက် ယှဉ်ပြိုင်ခဲ့တာဖြစ်ပြီး ကျန်သုံးခုအတွက် ယှဉ်ပြိုင်သူ မရှိခဲ့ပါဘူး။
ဒီနှစ်က မြန်မာ နိုင်ငံမှာ ကျင်းပမှာဆိုတော့ မြန်မာနိုင်ငံက ပြိုင်ပွဲဝင်တွေ ကဏ္ဍအားလုံးအတွက်
ပိုပြီး ပါဝင်စေချင်ပါတယ်။ ပြိုင်ပွဲကို မြန်မာနိုင်ငံ အင်ဂျင်နီယာအသင်း (Myanmar Engin-eering
Society) က ဦးစီးဆောင်ရွက်ပေးမှာဖြစ်ပြီး ပြိုင်ပွဲဝင်လျှောက်လွှာတွေကို အင်ဂျင်နီယာအသင်း
အင်တာနက် စာမျက်နှာမှာ အခမဲ့ရယူနိုင်ပါတယ်"ဟု ဦးအောင်သက်ပိုင်က ပြောသည်။ ထိုပြိုင်ပွဲတွင်
ပါဝင်လိုသူများသည် မတ် ၈ ရက် နောက်ဆုံးထားကာ မြန်မာ နိုင်ငံအင်ဂျင်နီယာအသင်းသို့
လျှောက်လွှာ များ ပေးပို့ရမည်ဖြစ်ပြီး မတ်လကုန်ခန့်တွင် အာဆီယံစွမ်းအင်ဆိုင်ရာဗဟိုဌာနသို့
ပြန်လည်ပေးပို့ရမည်ဖြစ်ပြီး ဆုရွေးချယ်မည် ဖြစ်သည်။ "မနှစ်တုန်းက မြန်မာနိုင်ငံက
ဝင်ရောက် ယှဉ်ပြိုင်ခဲ့တဲ့ ပြန်ပြည့်မြဲစွမ်းအင်စီမံကိန်း အတွက် ပထမဆုနှစ်ဆု ရရှိခဲ့ပါတယ်။
ဆည်မြောင်းဦးစီးဌာနက ဆောင်ရွက်တဲ့ စီမံကိန်းတွေဖြစ်တဲ့ Mini Hydro Power  နဲ့
နေရောင်ခြည်စွမ်းအင်သုံး ဆိုလာစီမံကိန်း နှစ်ခုစလုံးမှာ ပထမဆု ရရှိခဲ့ပါတယ်"ဟု
၎င်းကပြောသည်။ အာဆီယံစွမ်းအင်ဆုပြိုင်ပွဲများတွင် ၂၀၀၂ ခုနှစ်မှ ၂၀၁၅ခုနှစ်အတွင်း
မြန်မာ နိုင်ငံသည် ဆု ၁၈ ဆုရရှိခဲ့ပြီးဖြစ်ပြီး စွမ်းအင် ထိရောက်စွာအသုံးပြုနိုင်သော
အဆောက်အအုံဆု ခုနစ်ဆု၊ စွမ်းအင်စီမံခန့်ခွဲမှုစနစ် နှစ်ဆုနှင့် ပြန်ပြည့်မြဲစွမ်းအင်အသုံးပြုမှု
ကိုးခုဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ