မြန်မာဈေးကွက်၌ ကိုကာကိုလာ အခြေအနေကောင်းနိုင်ကြောင်း ပြောကြား

အမေရိကန် ကိုကာကိုလာကုမ္ပဏီက မြန်မာနိုင်ငံတွင် လုပ်ငန်းများ ချဲ့ထွင်သွားရန် ပြင်ဆင်နေ။မြန်မာတိုင်း(မ်)အမေရိကန် ကိုကာကိုလာကုမ္ပဏီက မြန်မာနိုင်ငံတွင် လုပ်ငန်းများ ချဲ့ထွင်သွားရန် ပြင်ဆင်နေ။မြန်မာတိုင်း(မ်)

ကိုကာကိုလာကုမ္ပဏီ၏ လုပ်ငန်းတိုးချဲ့ရေး၊ အမေရိကန်နိုင်ငံ၏ စီးပွားရေးပိတ်ဆို့ အရေး
ယူမှုနှင့် ငြိစွန်းခြင်းမရှိဘဲ လုပ်ငန်းလုပ်ကိုင် နိုင်ရေးနှင့် မြန်မာနိုင်ငံတွင် လာရောက်
ရင်းနှီးမြှုပ်နှံ လုပ်ကိုင်နေသည့် နိုင်ငံတကာကုမ္ပဏီများ ရင်ဆိုင်နေရသည့် အရည်အချင်းရှိ
ဝန်ထမ်းများ စုဆောင်း ထိန်းသိမ်းထားနိုင်ရေးတို့နှင့် ပတ်သက်သည့် အစီအစဉ်များကို
မြန်မာနိုင်ငံဆိုင်ရာ မန်နေဂျာ ရီဟန်းခန်းက မြန်မာတိုင်း(မ်)ကို ပြောကြားခဲ့သည်။

မြန်မာနိုင်ငံတွင် ကိုကာကိုလာကုမ္ပဏီက ရင်ဆိုင်နေရသည့် အခက်အခဲများနှင့် ပတ်
သက်ပြီး မေးမြန်းခဲ့ရာတွင် "လူသားအရင်းအမြစ်နဲ့ပတ်သက်ပြီး ကျွန်တော်တို့ အများကြီး
ပြောဖြစ်ကြပါတယ်။ ကုမ္ပဏီမှာ ၀န်ထမ်းအ၀င်အထွက်တွေ အများကြီးရှိပါတယ်" ဟု
မစ္စတာခန်းက ပြောသည်။

၂၀၁၃ ခုနှစ်တွင် မြန်မာနိုင်ငံဈေးကွက်ထဲသို့ ပြန်လည်ဝင်ရောက်လာသည့် ကိုကာကိုလာ
ကုမ္ပဏီသည် ကမ္ဘာတစ်လွှားရှိ အလုပ်သင်ဝန်ထမ်းများကို ကိုယ်ပိုင်သင်ရိုးဖြင့် သင်တန်းပေး
လျက်ရှိသည်ဟု ရန်ကုန်တွင် ကျင်းပ သည့် မြန်မာနိုင်ငံရှိ အမေရိကန် စက်မှုလက်မှု လုပ်ငန်းရှင်
များ၏ စီးပွားရေးဖိုရမ်အပြီးတွင် မစ္စတာခန်းက ပြောသည်။

ဝန်ထမ်းသစ်များကို အရောင်းလုပ်ငန်း အပြင် အခြားနယ်ပယ်များနှင့် ပတ်သက်ပြီး တက္ကသိုလ်
နီးပါးအဆင့်မီသည့် သင်တန်းများ ပေးနေကြောင်း မစ္စတာခန်းက ပြောသည်။ ကိုကာကိုလာ
ကုမ္ပဏီသည် မြန်မာဝန်ထမ်းများအတွက် သင်တန်းပေးကာ ရင်းနှီးမြှုပ်နှံထားသော်လည်း အချို့မှာ
သင်တန်းပြီးသည့်နောက်တွင် အခြားအလုပ်သို့ ပြောင်းသွားကြသည်ဟု ၎င်းက ပြောသည်။ "အရည်အချင်းရှိတဲ့ဝန်ထမ်းတွေက မြန်မာ နိုင်ငံမှာ နည်းနည်းလေးပဲ ရှိပါတယ်။ ဒါကြောင့်
အရည်အချင်းရှိတဲ့ ၀န်ထမ်းတွေကို စုဆောင်း ထိန်းသိမ်းရတဲ့ အခြေအနေမျိုးလေးတွေက
အစပျိုးလာနေပါပြီ။ ဈေးကွက်ထဲကို ကုမ္ပဏီ တွေ ပိုဝင်လာတာနဲ့အမျှ ဒီအခြေအနေကလည်း
ပိုပြီး ပြင်းထန်လာနိုင်ပါတယ်။ လူသား အရင်းအမြစ်ရရှိရေးဟာ လုပ်ငန်းတိုးတက် ဖြစ်ထွန်းဖို့
အတွက် အခက်အခဲကြီး တစ်ရပ် ပါ"ဟု ၎င်းက ပြောသည်။

သို့သော် ကိုကာကိုလာသည် ဈေးကွက်အသစ်နှင့် ပတ်သက်ပြီး နောကျေနေသည့် ကုမ္ပဏီ
တစ်ခုဖြစ်ပြီး မြန်မာနိုင်ငံဈေးကွက်သို့ မ၀င်ခင် ဗီယက်နမ်ကဲ့သို့ အာရှဒေသတွင်း နိုင်ငံများတွင်
ရရှိခဲ့သည့် အတွေ့အကြုံများကို အသုံးချနိုင်ခဲ့သည်။ ၀န်ထမ်းများကို သင်တန်း ပေးကာ
ရင်းနှီးမြှုပ်နှံထားပြီးမှ ဆုံးရှုံးရခြင်း သည် " အလျင်အမြန် တိုးတက်ပြောင်းလဲ ဖြစ်
ပေါ်နေသည့် နိုင်ငံတစ်ခုတွင် စီးပွားရေးလုပ် ကိုင်ခြင်းအတွက် ပေးဆပ်ရမှု ဖြစ်သည်" ဟု
မစ္စတာခန်းက ပြောသည်။

"အကောင်းဘက်ကနေ ကြည့်ပြီးပြောရ မယ်ဆိုရင် လစာပိုလိုချင်လို့ ၀န်ထမ်းတချို့ အလုပ်
ထွက်သွားကြပါတယ်။ ဒါပေမဲ့ ခြောက် လလောက် ကြာတဲ့အခါ ကျွန်တော်တို့ဆီ ပြန်ဝင်
လာပါတယ်"ဟု ၎င်းက ပြောသည်။ အကျပ်တွေ့စရာဖြစ်သော အမေရိကန်၏ စီးပွားရေးပိတ်ဆို့
အရေးယူမှုစနစ်အတွင်း ကိုကာကိုလာကုမ္ပဏီ လုပ်ငန်းလည်ပတ်ရာတွင် ယင်း၏ အခြားဈေးကွက်ရှိ ခက်ခဲသောအခြေအနေများကလည်း အထောက်အကူပြုပေးသည်ဟု မစ္စတာခန်းက ပြောသည်။
အမေရိကန်ကုမ္ပဏီဖြစ်သည့် ကိုကာကိုလာ သည် မြန်မာနိုင်ငံတွင် ရင်းနှီးမြှုပ်နှံမှုလုပ်ကိုင် ရာတွင်
ရင်းနှီးမြှုပ်နှံမှုအတွက် တာဝန်ယူရန် နိုင်ငံခြားရေးဝန်ကြီးဌာနသို့ အကြောင်းကြား ရသည်။ သို့သော်
အကြောင်းကြားရန် သတ်မှတ်ချက်မှာ ကိုကာကိုလာ၏ လုပ်ငန်းတွင် သက်ရောက်မှု အသင့်အတင့်
ဖြစ်စေသည်ဟု ၎င်းကပြောသည်။

"ကျွန်တော်တို့မှာ စီမံအုပ်ချုပ်ရေးတာဝန် နဲ့ သတင်းပေးပို့ရေး တာဝန်တွေ ရှ်ိပါတယ်။
ကျွန်တော်တို့ရဲ့ ရင်းနှီးမြှုပ်နှံမှုဆိုင်ရာ တာဝန် ယူမှု အစီရင်ခံစာအတွက် တော်တော်လေး
ကြိုးပမ်းအားထုတ်ရပါတယ်။ တစ်ယောက် ယောက်နဲ့ စီးပွားရေးလုပ်ငန်း လုပ်တော့မယ်
ဆိုရင် စီးပွားရေးပိတ်ဆို့ ခံရတဲ့သူစာရင်းထဲ ပါမပါ စစ်ဆေးကြည့်ရပါတယ်" ဟု ၎င်းက
ပြောသည်။

ကိုကာကိုလာသည် ပစ္စည်းတင်သွင်းမည့်ကုမ္ပဏီများကို စစ်ဆေးခြင်းနှင့် " ပစ္စည်းတင်
သွင်းခြင်းဆိုင်ရာ လမ်းညွှန်ချက်"များအတိုင်း ဆောင်ရွက်ခြင်းဖြင့် မြန်မာနိုင်ငံ ဈေးကွက်တွင်
လုပ်ငန်းလုပ်ကိုင်ရန်အတွက် အချိန်ယူကာဆောင်ရွက်ကြောင်း ၎င်းက ပြောသည်။ သို့သော်
အမေရိကန်စီးပွားရေးပိတ်ဆို့ အရေး ယူမှု ရှိနေသော်လည်း လုပ်ငန်းတိုးတက်လုပ်ကိုင်ရန်အတွက်
နည်းလမ်းတစ်ရပ်ကို ပြီးခဲ့သည့် နှစ်နှစ်တွင် ကိုကာကိုလာကုမ္ပဏီ က ရှာဖွေတွေ့ရှိခဲ့သည်။
"ကိုယ့်စည်းမျဉ်းနဲ့ ဒေသန္တရဆိုင်ရာ စည်း မျဉ်းတွေအတိုင်း စွဲစွဲမြဲမြဲ ဆောင်ရွက်သွားမယ်ဆိုရင်
ဘယ်လိုအခက်အခဲတွေပဲ ရှိလာပါ စေ ဖြေရှင်းနိုင်မယ့် နည်းလမ်းတစ်ခုခုကို ရှာတွေ့မှာပါ" ဟု
၎င်းက ပြောသည်။

ကိုကာကိုလာ၏ ပြည်တွင်းပါတနာဖြစ်သည့်  Coca Cola Pinya Beverages Myanmar ၏
ညွှန်ကြားရေးမှူးသည် အမေရိကန် အစိုးရက စီးပွားရေးပိတ်ဆို့ အရေးယူထား သည့် လုပ်ငန်းတစ်ခုဖြစ်သည့် ကျောက်စိမ်းတူးဖော်ရေးလုပ်ငန်းတစ်ခုတွင် ရှယ်ယာရှင်
တစ်ဦးဖြစ်ခဲ့သည်ဟု ပြီးခဲ့သည့်နှစ်တွင် ထုတ် ပြန်ခဲ့သည့် ရင်းနှီးမြှုပ်နှံမှုဆိုင်ရာ
တာဝန်ယူမှု အစီရင်ခံစာတွင် ကိုကာကိုလာကုမ္ပဏီက အတည်ပြုဖော်ပြထားသည်။

အဆိုပါအချက်နှင့် ပတ်သက်ပြီး Global Witness က ကိုကာကိုလာကို ဦးတည် ပြောကြားခဲ့ရာ
ကိုကာကိုလာက ၂၀၁၃ ခုနှစ် တွင် ပြုလုပ်ခဲ့သည့် ဆောင်ရွက်ချက်များသည် "ယင်းကာလတွင်
ရရှိသည့် အကောင်းဆုံး အချက်အလက်များကို" အခြေခံထားကြောင်း နှင့် "ကုမ္ပဏီ၏
ရင်းနှီးမြှုပ်နှံမှုများသည် သက်ဆိုင်ရာ ဥပဒေများနှင့်ညီသည်ဟု ယုံကြည်ကြောင်း" ကိုကာ
ကိုလာက ပြန်လည် အကြောင်းပြန်ခဲ့သည်။ ဖြန့်ချိရေးဆိုင်ရာ အခြေခံအဆောက် အအုံများမှာ
ကိုကာကိုလာက ရင်ဆိုင်ရသည့် နောက်ထပ် အခက်အခဲတစ်ရပ်ဖြစ်သည်။ ကိုကာကိုလာ၏
အချိုရည်ထုတ်လုပ်သည့် စက်ရုံသည် ရန်ကုန်တွင်ရှိပြီး မြန်မာနိုင်ငံသည် ကြီးမားကျယ်ပြန့်သည်ဟု
မစ္စတာခန်းက ပြောသည်။

"နိုင်ငံတစ်ဝန်း ကျွန်တော်တို့ ကုန် ပစ္စည်းတွေ အရောက်ပို့နိုင်ဖို့ ဆိုတာကလည်း ကျွန်တော်တို့
ကြိုးစားဖြေရှင်းနေရတဲ့ အခက် အခဲတစ်ရပ်ပါပဲ"ဟု ၎င်းက ပြောသည်။ အဆိုပါအခက်အခဲများကို
ဖြေရှင်းနိုင် မည့် အစီအစဉ်တစ်ရပ် ကိုကာကိုလာတွင် ရှိသည်။ မြန်မာနိုင်ငံအထက်ပိုင်း၌ အချိုရည်
စက်ရုံတစ်ရုံ တည်ဆောက်ရန် ကိုကာကိုလာ က ရည်မှန်းထားခြင်းဖြစ်သည်။ သို့သော် ရေရှည်စီမံ
ကိန်းတစ်ခု ဖြစ်သည့်အတွက် စက်ရုံဖွင့်မည့် အချိန်ကာလအတိအကျကို မစ္စတာခန်းက မပြောနိုင်သေးချေ။
"အခုတော့ ကျွန်တော်တို့ တတ်နိုင်သလောက် အကောင်းဆုံး ဆောင်ရွက်နေပါ တယ်။ ဒါပေမဲ့
အခြေခံအဆောက်အအုံနဲ့ ပိုကောင်းတဲ့ ပညာရေးအတွက် ရင်းနှီးမြှုပ်နှံမှု တွေ လုပ်ဖို့ လိုပါတယ်။
ဒါတွေဟာ ကျွန်တော် တို့လို လုပ်ငန်းတွေအတွက် အထောက်အကူဖြစ်စေပါတယ်"ဟု ၎င်းက
ပြောသည်။

အကျိုးအမြတ်ထွက်သည့် ဈေးကွက် ဖြစ် လာရန် လိုအပ်သေးသည့် မြန်မာနိုင်ငံ ဈေးကွက်အတွင်း
ကိုကာကိုလာ၏ လုပ်ငန်း ဆောင်ရွက်ချက်များတွင် ရင်းနှီးမြှုပ်နှံမှုသည် အဓိကအချက်အဖြစ်
ရပ်တည်နေဆဲ ဖြစ်သည်။ အဆိုပါအခြေအနေသည် နောင်လာမည့် သုံးနှစ်မှာ ငါးနှစ်အတွင်း၌
ကုမ္ပဏီ၏ ကုန်ကျ စရိတ်နှင့် ၀င်ငွေတူညီသည့် အခြေအနေသို့ ရောက်လာနိုင်မည်ဟု ကိုကာကိုလာက
မျှော်မှန်းထားသည့် အနေအထားနှင့် ကိုက်ညီသည်ဟု မစ္စတာခန်းက ပြောသည်။
"ကျွန်တော်တို့လုပ်ငန်းမှာ အခု အကျိုး အမြတ် ရနေပြီဖြစ်တဲ့ ဗီယက်နမ်နဲ့ ဂျပန်နိုင်ငံ တွေမှာ
အရှုံးအမြတ်မရှိတဲ့ အနေအထားမျိုး ရောက်ဖို့ ကျွန်တော်တို့ အချိန်တော်တော်ပေးခဲ့ရပါတယ်။
ဒါကြောင့် လုပ်ငန်းတိုးတက် ဖြစ်ထွန်းလာမလား၊ ဆုတ်ယုတ်သွားမလားဆိုတဲ့ အခြေအနေဟာ
ရှေ့ဆက် ဘယ်လို သွားမလဲ ဆိုတဲ့အနေအထားပေါ် မူတည်ပါတယ်။ လုပ်ငန်းသဘောသဘာဝ
ကတော့ ရေရှည်မှာ ဖြစ်လာမယ့် အနေအထားအရ ကြည့်ပြီး ဆောင်ရွက်ရမှာပါ"ဟု ၎င်းက
ပြောသည်။ ကုမ္ပဏီ၏ မြန်မာနိုင်ငံဈေးကွက်တွင်း ဆောင်ရွက်ချက်တွင် အမြတ်အစွန်းရရှိစေမည့် အတိုင်းအတာတစ်ခုအထိ ရောက်ရှိစေရေး သည် အဓိက ဦးစားပေးအချက်အဖြစ် ဆက်လက်
တည်ရှိနေသည်။ သို့သော် မြန်မာနိုင်ငံတွင် လုပ်ငန်းအောင်မြင်မှုကို တိုင်းတာရန် ခက်ခဲနိုင်သည်။
"စီးပွားရေးလုပ်ငန်းအများစုရဲ့ သမိုင်းကြောင်းနဲ့ သတင်းအချက်အလက်တွေ မရနိုင်တဲ့ နိုင်ငံတစ်နိုင်ငံမှာ
လုပ်ငန်းအောင်မြင်မှု ဘယ်လောက်ရှိသလဲ တိုင်းတာဖို့ဆိုတာ ခက်ခဲ ပါတယ်"ဟု ၎င်းက ပြောသည်။ ကိုကာကိုလာသည် မြန်မာနိုင်ငံဈေးကွက်တွင်း ရင်းနှီးမြှုပ်နှံမှု လုပ်ကိုင်ရာတွင် ဈေးကွက်ဝေစုများများ
ရရှိ ရေးထက် ၀င်ငွေများများ ရရှိရေးကိုသာ ကြည့်သည်ဟုလည်း ၎င်းကပြောသည်။

ကိုကာကိုလာကုမ္ပဏီသည် မြန်မာနိုင်ငံတွင် ယင်း၏ ထုတ်ကုန်များ တိုးချဲ့ထုတ်လုပ် ပေးနေဆဲ
ဖြစ်သော်လည်း ဈေးကွက်တွင်း အမြတ်အစွန်းရရှိလာသည့် အခြေအနေရောက်လာသည်နှင့်
တစ်ပြိုင်နက် ထုတ်ကုန် သစ်များ ဈေးကွက်တွင်း ထပ်မံ ထုတ်လုပ်ပေးရန် စဉ်းစားထားဖွယ်ရာ
ရှိသည်။ ကိုကာကိုလာကုမ္ပဏီသည် ကိုကာကိုလာ၊ ကုတ်ဇီးရိုး၊ စပရိုက်၊ အင်နာဂျီဒရင့်ဘန်း၊
မက်စ်တူးအို သောက်ရေသန့်၊ မက်စ် ပလတ်စ်၊ မက်စ်ပါဝါ၊ Schweppes နှင့် နွားနို့နှင့် သစ်သီး
ဖျော်ရည် ပေါင်းစပ် ထုတ်လုပ်ထားသည့် Minute Maid Nutriboost  တို့ကို ထုတ်လုပ်လျက်ရှိ
သည်။

နို့သစ်သီးဖျော်ရည်ကို နိုင်ငံတော်တော်များများတွင် ထုတ်လုပ် ရောင်းချ ခြင်း မရှိသေးသော်လည်း
လူကြိုက်အလွန်များကြောင်း မစ္စတာခန်းက ပြောသည်။ မြန်မာနိုင်ငံ၌ လူကြိုက်များသည့် ကိုကာ
ကိုလာ၏ ထုတ်ကုန်များ၊ ကုန်အမှတ်တံဆိပ် ၏ အရည်အသွေးနှင့် ကြော်ငြာအစီအစဉ်များတွင်
ရင်းနှီးမြှုပ်နှံမှုများ လိုမလို စသည့်အချက် တို့ကို အပတ်စဉ်ဈေးကွက်သုတေသနပြုလုပ်
နေကြောင်းနှင့် မြန်မာနိုင်ငံဈေးကွက်တွင်း ကိုကာကိုလာ၏ အခြေအနေသည် ကောင်း
မွန်သည့် အခြေအနေတွင် ရှိနေကြောင်း မစ္စတာခန်းက ပြောသည်။

သီရိမင်းထွန်း ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ