ကျောက်စိမ်းဆိုတာ ပြန်စိုက်လို့ရတဲ့ဟာမျိုး မဟုတ်ဘူး

ဖားကန့်ဒေသရှိ ကျောက်စိမ်းတူးဖော်မှု လုပ်ငန်းခွင်တစ်နေရာကို တွေ့ရစဉ် ။အေအက်ဖ်ပီဖားကန့်ဒေသရှိ ကျောက်စိမ်းတူးဖော်မှု လုပ်ငန်းခွင်တစ်နေရာကို တွေ့ရစဉ် ။အေအက်ဖ်ပီ

အစိုးရသစ်အနေနဲ့ ဖားကန့်ကျောက်စိမ်း ဒေသအရေးကို ဘယ်လိုကိုင်တွယ်သွားမလဲ။

ကုမ္ပဏီတွေလည်း ဆက်လုပ်နိုင်အောင်၊ အဲဒါကို မှီခိုပြီးလုပ်နေတဲ့ ရေမဆေးတွေ၊ အရောင်း
အ၀ယ်သမားတွေ အားလုံးလည်း အလုပ်ဖြစ်အောင် ဥပဒေလုပ်ထုံးလုပ်နည်းတွေနဲ့ စောင့်ကြည့်
ထိန်းညှိ ပေးသွားမှာပါ။ အဓိက အရေးကြီးတဲ့အချက်က ကျောက်ဈေးကွက်ကြီးက ပျက်နေပြီ။ အရင်
တုန်းက သိန်း ၁၀၀ တန်ကျောက်ဟာ အခု ၁၀ သိန်း တောင် မတန်တော့တဲ့ ကျောက်ဖြစ်သွားပြီ။
ဈေးကွက်လိုအပ်ချက်နဲ့ ၀ယ်လိုအား မမျှတတဲ့ အနေအထားဖြစ်နေတယ်။ ဈေးကွက်လိုအပ်ချက်က
နည်းနေပေမယ့် ယန္တရားနဲ့ အကြီးအကျယ်ထုတ်နေတယ်။ ကျောက်စိမ်းနဲ့ မတူပဲ လမ်းခင်းတဲ့
ကျောက်အနေအထားမျိုး မဖြစ်သင့်ဘူးလို့ ထင်တယ်။ ကျွန်တော်တို့ နိုင်ငံမှာတော့ အကြီးအကျယ်
ထုတ်လုပ်နေတယ်။ တစ်ဖက်က တရုတ်ပြည်မှာလည်း ကျောက်ဈေးကွက်နဲ့ ပတ်သက်ပြီး ၀ိသမ
လောဘသမားတွေက ထိန်းချုပ်ထားတဲ့အခါ ကျတော့ ဈေးကွက်ဝယ်လိုအားက နည်းနေတယ်။
ကျောက်စိမ်းဆိုတာက ပြန်စိုက်လို့ရ တဲ့ဟာမျိုးလည်း မဟုတ်ဘူး။ နှစ်သန်းပေါင်း များစွာ ကြာပြီးမှ
ဖြစ်လာတဲ့ဟာတွေ။ ဒါတွေ ကို ရတဲ့အချိန်မှာ ထုတ်လိုက်မယ်ဆိုရင် ကျွန်တော်တို့ဆီမှာ သယံဇာ
တတွေ ရှိတော့ မှာ မဟုတ်ဘူး။ ဒီအပေါ်မှာလည်း သေချာ မူဝါဒတွေ ရှိထားပြီးသားဖြစ်တယ်။ အဲဒီ
မူဝါဒ အပေါ်မှာ ကုမ္ပဏီတွေက ဆက်လက် လုပ်ဆောင်ဖို့၊ ကျွန်တော် ထိန်းကျောင်းသွားဖို့ စီစဉ်ထား
တာ ရှိပါတယ်။

ဖားကန့်မှာ အကြီးစားစက်ယန္တရားတွေ ရောက် ရှိမှုနဲ့ ပတ်သက်ပြီး ကာကွယ်ရေးဝန်ကြီး
ဌာန ဒုတိယ၀န်ကြီး အပါအ၀င် သက်ဆိုင်ရာ တွေက စစ်ဆေးမှုတွေ လုပ်ခဲ့တယ်။ ဒါ့ပြင်
NLD လွှတ်တော်ကိုယ်စားလှယ်တွေလည်း သွားရောက် စစ်ဆေးခဲ့တယ်ဆိုတော့ နောက်
ဆက်တွဲ အခြေအနေကို သိချင်ပါတယ်။

အဲဒါတွေက ကျွန်တော်ကိုယ်တိုင် ရှာဖွေခဲ့ တာပါ။ စက်ယန္တရားတွေကို ဘယ်လိုခွဲထားတယ်။
ဘယ်နေရာမှာ သိုဝှက်ထားတယ်။ အစီး ရေ ဘယ်လောက်ရှိတယ်ဆိုတာ NLD အဖွဲ့ တွေ
အားလုံးပေါင်းပြီး ဖော်ထုတ်ခဲ့တာပါ။ ဒါပေမဲ့ အရေးယူမှုအပိုင်းမှာကျတော့ မရှိဘူးဗျ။ စစ်ဆေးနေတဲ့
အချိန်မှာ အခြား တစ်နေရာ သူတို့ မြေစာပစ်တဲ့နေရာမှာ ကားတွေ ၀ှက် ထားတာကို ကျွန်တော်ကိုယ်တိုင်
လက်ပူး လက်ကြပ် မိပါတယ်။ ဒါပေမဲ့ နောက်နေ့မှာ သွားပြီး အဲဒီကားတွေကို လိုင်စင်ပြန်လုပ်ပေး
တယ်ဆိုတော့ ကျွန်တော်တို့အနေနဲ့ လုပ်ရ တာက သိပ်လေးလေးနက်နက် မရှိတော့ဘူး။ သူတို့
(အရေးယူရန် တာဝန်ရှိသူများ) ပြောတဲ့ စကားတွေက ခိုင်လုံမှုမရှိဘူးဆိုတာ တွေ့ရတယ်။ ဒီလိုမျိုး
အဖြစ်အပျက်တွေက အများ ကြီးရှိတယ်။ ကားတွေ ၀ှက်ထားတာတွေ အများကြီးရှိတယ်။
အထောက်အထားတွေ လည်း အများကြီးရှိတယ်။ စစ်တာက အရေး ယူဖို့မဟုတ်ဘူး။ နိုင်ငံတော်က
ရသင့်ရထိုက် တဲ့ အခွန်ဘဏ္ဍာတွေ ရရှိအောင်ဆိုပြီး လာလုပ် တဲ့ အနေအထားမျိုးဖြစ်တော့
ဒီကိစ္စတွေနဲ့ ပတ်သက်ပြီး အရေးယူတာတွေက အခု ပေါ် လာခဲ့ပြီပေါ့ဗျာ။ ကျွန်တော်တို့
ဖြစ်ချင်တာက လုပ်ကွက်တစ်ကွက်မှာ ယန္တရားအင်အား ဘယ် လောက်။ ဘယ်နှစီး
သုံးသင့်တယ်။ မြေစာ သယ်ကား ဘယ်လောက် သုံးရမယ်ဆိုတဲ့ တိတိ ကျကျ ပြဋ္ဌာန်းထားတဲ့
သတ်မှတ်ချက် မရှိတဲ့ အခါကျတော့ မြန်မြန်နဲ့ များများ ကုန်သွား အောင် ယာဉ်ယန္တရားများများနဲ့
အကြီး အကျယ်လုပ်နေတယ်ဆိုတာ ပေါ်လွင်ထင်ရှားတယ်။ ဒီလိုသာ လုပ်နေမယ်ဆိုရင် ခဏတာ
အချိန်လေးအတွင်းမှာ ဒါတွေက ကုန်သွားမှာလေ။ ကျွန်တော်တို့ဘက်မှာ ကျောက်စိမ်းလုပ်ငန်းနဲ့
ပတ်သက်ပြီး သဘာဝပတ်ဝန်းကျင် ထိခိုက်မှုတွေကလည်း အကြီးအကျယ်ဖြစ်နေပြီ။

ဖားကန့်ဒေသမှာ ကျောက်စိမ်းတွင်း တူးဖော်တဲ့ စက်ယန္တရားအရေအတွက်ကို ကန့်သတ်
သွားဖို့ ရှိမလား။

လုပ်ကို လုပ်ရမယ့်အနေအထားပါ။ ကျွန်တော် ဖားကန့်မှာရောက်တာ ၂၈ နှစ် ရှိပါပြီ။ အခု ဖြစ်ပေါ်နေ
တာတွေက ကျွန်တော့်မျက်စိ ရှေ့မှာတင် ဖြစ်သွားတဲ့ အနေအထားပါ။ အဲဒီ တော့ ဒါတွေကို မကန့်သတ်လို
့ မရတော့ပါ ဘူး။ နှစ်ပေါင်း ၅၀ လောက် ပြီးမြောက်ခဲ့တဲ့အလုပ်ဟာ ယန္တရားကြီးတွေနဲ့ တစ်လ
လုပ်တာ နဲ့ ညီမျှတဲ့အနေအထားမျိုးတွေ ဖြစ်နေတယ် ဆိုတော့ ဖားကန့်ကျောက်စိမ်းတွင်းနဲ့ ပတ်သက်ပြီး မစဉ်းစားရဲလောက်အောင်ပါပဲ။ ဒါတွေ ဟာ တကယ်တမ်း လုပ်လို့ရော တိုင်းပြည် အတွက်
ထိထိရောက်ရောက် အကျိုးရှိသလား ဆိုတော့ လုံးဝ အကျိုးမရှိပါဘူး။ တကယ်တမ်း အကျိုးရှိ
သွားတာက တိုင်းရင်းသား အမည်ခံ ထားတဲ့ နိုင်ငံခြားသား လုပ်ငန်းရှင်တွေပါပဲ။ ကျွန်တော်တို့က
ဒေသခံဖြစ်တဲ့အတွက် ပိုပြီး အတွင်းကျကျ သိပါတယ်။ ကျွန်တော် ဥပမာပဲ ပြောချင်တယ်။
ကျောက်မျက်ရတနာ ရောင်းချ ပွဲတွေမှာ မြန်မာ့ကျောက်မျက်ရတနာ ရောင်းဝယ်ရေးလုပ်ငန်းက
ရောင်းချလို့ ရရှိတဲ့ ငွေကြေးတန်ဖိုးတွေကို မြန်မာနိုင်ငံသူ၊ နိုင်ငံ သားတွေအနေနဲ့ ကြည့်မယ်ဆိုရင်
များလှပြီ လို့ ထင်နေကြပေမယ့် အောက်လိုင်းကနေ ထွက်ပြီး တရုတ်နိုင်ငံကို ရောက်သွားတဲ့ ကျောက်စိမ်းတွေ၊ ကောင်းပေ့ဆိုတဲ့ ကျောက် တွေဟာ ရောင်းချတာကို
မတွေ့ရဘူး။ တကယ့်တန်ဖိုးမဖြတ်နိုင်တဲ့ ကျောက်တွေ ဟာ နည်းလမ်းပေါင်းစုံနဲ့ ဟိုဖက်နိုင်ငံကို
ရောက်သွားတာမျိုးတွေ ရှိနေတယ်။ အဲဒါတွေကို ကုမ္ပဏီတွေကလည်း အောက်လိုင်းကနေ
သယ်သွားတယ်။ ဒါတွေကို ကျွန်တော် တို့ နိုင်ငံကနေ ယိုပေါက်တွေ မရှိအောင် ကြပ်ကြပ်မတ်မတ်
လုပ်သင့်တယ်။ အဲဒီက ရတဲ့ဝင်ငွေဟာလည်း ကျွန်တော်တို့ တိုင်းပြည်အတွက် ၀င်ငွေတွေ ဖြစ်တယ်
ဆိုတာ အားလုံးသိစေချင်တယ်။

တရုတ်ဘက်ကို ကျောက်စိမ်းတွေ မှောင်ခို ထွက်ရှိနေတာနဲ့ ပတ်သက်ပြီး ဘယ်လိုကိုင်တွယ်
သွားဖို့ ရှိမလဲ။

ဖားကန့်မြို့နယ်ဆိုတာ မြန်မာတစ်နိုင်ငံ လုံးမှာရှိတဲ့ အခက်အခဲတွေ၊ ပြဿနာတွေ အကုန်စုံတဲ့နေရာ
ဖြစ်ပါတယ်။ ကျောက်စိမ်းနဲ့ ပတ်သက်ပြီး နောက်ဆက်တွဲ ဖြစ်ပေါ်လာတဲ့ မူးယစ်ဆေးဝါးပြဿနာတွေ၊
ရွှေ့ပြောင်း အလုပ်သမား ပြဿနာတွေ၊ ဘယ်ဟာကို စတင်ကိုင်တွယ် ဖြေရှင်းရမယ်ဆိုတာ ဆုံးဖြတ်ရ
တော်တော်လေးခက်ခဲပါတယ်။ အဓိကကျွန်တော်တို့ ရည်ရွယ်ထားတာကတော့ အဲဒီအနီးအနားမှာ
ရှိတဲ့ တိုင်းရင်း သား လုပ်သားပြည်သူတွေအားလုံး စားဝတ် နေရေး အဆင်ပြေလည်ဖို့၊ သူတို့ရဲ့
အသက် အိုးအိမ်၊ စည်းစိမ်တွေ အာမခံချက် ရရှိရေး၊ ဒီကိစ္စတွေ အားလုံးက ကျွန်တော်တို့ရဲ့ တာဝန်ပဲ
ဖြစ်ပါတယ်။ အထူးသဖြင့် ဒီမှာ ဖြစ်နေတဲ့ ပြဿနာက ရေမဆေးသမားတွေ များစွာသေတယ်။
ခင်ဗျာတို့ကြားတဲ့ သတင်း အနေအထားနဲ့ မြင်နေရတဲ့ အနေအထား အများကြီး ကွာဟမှုရှိတယ်။
တရားဝင် သတင်းအရ အများဆုံးသေတာ ၁၁၄ ယောက် ပဲ။ ဒီထက်မက သေတဲ့သူတွေကို
သတင်းတွေ အမှောင်ချပြီး လုပ်သွားတဲ့အနေအထားမျိုး တွေ လက်တွေ့အနေအထားမှာ အများကြီး
ရှိပါတယ်။

တိုင်းပြည်ရဲ့ နယ်မြေဒေသ အရပ်ရပ်ကနေ ဖားကန့်ကို သွားပြီး ရေမဆေးကျောက်ရှာဖွေရင်း
သေဆုံးမှုတွေ အကြိမ်ကြိမ် ဖြစ်ခဲ့ တော့ ဒီလိုမျိုး နောင်မဖြစ်ရအောင် ဒေသခံ ပြည်သူ့
လွှတ်တော် ကိုယ်စားလှယ် တစ် ယောက်အနေနဲ့ ဒီပြဿနာကိုရော ဘယ်လို ဖြေရှင်းသွား
မလဲ။

ဖားကန့်ဒေသမှာ ဖြစ်နေတဲ့ မတော်တဆမှုတွေကြောင့် လူသေဆုံးတာက ဖားကန့်အနေအထားနဲ့
ကြည့်မယ်ဆိုရင် သိပ်ပြီး မထူးဆန်းတော့တဲ့ အနေအထားဖြစ်နေတယ်။ တစ်ယောက်၊
နှစ်ယောက်သေတာက နောက်ဆုံး ရဲတောင်မှ သေမှု၊ သေခင်းမလုပ်တော့ဘူး။ ကားနဲ့
တိုက်မိလို့သော်လည်းကောင်း၊ မြေစာ ပုံ ပြိုကျလို့သော်လည်းကောင်း ဖြစ်နေတာ တွေက
တစ်လ၊ တစ်လဆို မနည်းဘူး။ အခြေခံ အကြောင်းရင်းကတော့ ဆင်းရဲမွဲတေမှုပေါ့ ဗျာ။
ငွေကြေးရဖို့အတွက်ပဲ လုပ်ကြတယ်။ ကိုယ်အန္တရာယ်ကို မမြင်ကြဘူး။ ဒါတွေကလည်းပြဿနာပေါင်း
များစွာတွေထဲက တစ်ခု ပေါ့ဗျာ။ ရေမဆေးတွေရဲ့ လုပ်ပိုင်ခွင့် လွတ်လွတ်လပ်လပ် ရှာဖွေခွင့်ကို
ကျွန်တော်တို့ ဆောင်ရွက်ပေးဖို့ ရှိပါတယ်။ သူတို့ရဲ့ အသက် အန္တရာယ်နဲ့ ပတ်သက်ပြီး မြေစာပုံမြင့်နေတဲ့
ကိစ္စတွေကိုလည်း အမြင့်တွေ လျှော့ချဖို့ အခု တော့ ဆောင်ရွက်နေပါပြီ။

တိုင်းရင်းသားအမည်ခံထားတဲ့ နိုင်ငံခြား ရင်းနှီးမြှုပ်နှံမှုကိုရော ဘယ်လို အရေးယူကိုင်
တွယ်ဖို့ ရှိမလဲ။

အဲဒါတွေကတော့ တကယ်တမ်း ပြောမယ် ဆိုရင် သက်ဆိုင်ရာဌာနတွေက ပုဂ္ဂိုလ်တွေ လည်း
သိကြပါတယ်။ ဘယ်သူဟာ ဘယ်အဖွဲ့ အစည်းကလာတယ်။ ဘယ်သူက ဘယ်အဖွဲ့ အစည်းက
လုပ်တယ်ဆိုတာ သိပါတယ်။ ဒါပေမဲ့ အဲဒီရဲ့ နောက်ကွယ်မှာ ဘာတွေရှိနေလည်းဆိုတော့
လက်နက်ကိုင် အဖွဲ့အစည်းတွေနဲ့ ပတ်သက်နေတဲ့ ကိစ္စတွေ၊ အထူးသဖြင့် မူးယစ် ဆေးဝါးကြောင့်
ရရှိလာတဲ့ ငွေတွေကို ငွေဖြူ လုပ်ပစ်လိုက်တာတွေ၊ မသိတာ မဟုတ်ဘူး။ အားလုံးသိကြတယ်။
သိပေမယ့်လည်း မသိ ကျိုးကျွန်ပြုပြီး လုပ်နေကြတဲ့အနေအထားမျိုး တွေရှိတယ်။ Global Witness
မှာလည်း ဖော်ပြထားပြီးပါပြီ။ ဒါတွေက သိပေမယ့် အရေးယူမှု အပိုင်းမှာ အားနည်းနေဆဲပဲ ဖြစ်ပါ
တယ်။ အဲဒီ တော့ ဒီကိစ္စဖြေရှင်းဖို့က တော်တော်လေး ခက်ပါတယ်။

တိုင်းရင်းသားအမည်ခံတဲ့ နိုင်ငံခြားရင်းနှီးမြှုပ်နှံမှုက ဖားကန့် ကျောက်စိမ်းနယ်မြေမှာ
ဘယ်လောက်ရှိပါသလဲ။

အတိအကျတော့ ပြောဖို့ ခက်ပါတယ်။ ဒါပေမဲ့ ကျွန်တော်တို့ တော်တော်များများ သိနေတာက
တိုင်းရင်းသားလုပ်ငန်းရှင်လို့ သာ ပြောပေမယ့် ဒီမှာရှိတဲ့ ကုမ္ပဏီတွေရဲ့ ၉၅ ရာခိုင်နှုန်းလောက်ဟာ
တရုတ်တွေပဲ အဓိက လုပ်နေတာတွေဖြစ်တယ်။ တရုတ်မှ အပ အခြားသော လူမျိုးတွေရဲ့ ပိုင်ဆိုင်မှုက
အင်မတန်မှ နည်းပါတယ်။ ကုမ္ပဏီပိုင်ရှင်က လည်း တရုတ်တွေ၊ နောက်ဆုံး ဒီလုပ်ငန်းကို
အောက်ခြေအဆင့် အလုပ်သမားကိုကြီးကြပ် နေတဲ့ သူက တရုတ်လူမျိုးတွေပဲ များပါတယ်။
အဓိကလုပ်နိုင်တာလည်း သူတို့ပဲ လုပ်နိုင် တယ်။ အခွင့်ထူးခံလူတွေနဲ့ ပေါင်းပြီး လုပ်နေ ကြတဲ့
အနေအထားမျိုးတွေက အများကြီး ရှိနေပါတယ်။ နောက်ဆုံး ဒီကိစ္စမှာ တော်တော် များများ
အရာရှိကြီးတွေ ပါဝင်ပတ်သက်နေ တဲ့ ကိစ္စတွေလည်း အများကြီးရှိပါတယ်။ ဥပဒေအရတော့
ဒီလုပ်ငန်းက နိုင်ငံသား မှ လုပ်ခွင့်ရှိတယ်။ နိုင်ငံသား တရုတ်တွေက ပဲ သူတို့ရဲ့ နောက်ကွယ်ကနေ
တရုတ်ပြည်က တရုတ်သူဌေးတွေက ပံ့ပိုးပြီး လုပ်နေတာ။ အဲဒါတွေကလည်း တရားဝင်တော့ မဟုတ်
ဘူး။ နောက်ကနေ သိသိသာသာသော် လည်းကောင်း၊ မသိမသာ သော်လည်းကောင်း ပံ့ပိုးပြီး
ကြိုးကိုင်ပြီး လုပ်နေတာကတော့ သေချာတယ်။ ဒီကိစ္စတွေနဲ့ ပတ်သက်ပြီး အားလုံးနဲ့ ညှိနှိုင်းပြီး
လုပ်ကိုင်ရမှာဖြစ်တော့ ကျွန်တော်တစ်ယောက်ထဲအနေနဲ့ ပြောဖို့ ခက်ပါတယ်။

ဖားကန့်ဒေသ ကျောက်စိမ်းတူးဖော်ရေးလုပ်ငန်းတွေနဲ့ ပတ်သက်ပြီး ရှေ့ဆက် ဘာတွေ
လုပ်ဆောင်သွားဖို့ ရှိပါသလဲ။

အဓိကရည်ရွယ်ချက်ကတော့ ဒီလိုသာ ယာဉ်ယန္တရားကြီးတွေနဲ့ အထိန်းအကွပ်မရှိ လုပ်နေကြမယ်
ဆိုရင် ဖားကန့်ကျောက်စိမ်း ရတနာနယ်မြေဆိုတာ မကြာခင်ကာလအတွင်း မှာ ပျောက်ကွယ်သွားတော့
မယ့် အနေအထား မျိုး ရှိနေပါတယ်။ ဒါကို အားလုံးပူးပေါင်း ဖြေရှင်းမှပဲ ရနိုင်မယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ