အကြွေးစနစ်ကြောင့် သီးနှံပိုးသတ်ဆေးများ ဈေးမြင့်နေခြင်းဖြစ်

ပြည်တွင်းရှိ စိုက်ပျိုးရေးလုပ်ငန်းသုံး ဆေးဆိုင်တစ်ခုကို တွေ့ရစဉ်။မြန်မာတိုင်း (မ်)ပြည်တွင်းရှိ စိုက်ပျိုးရေးလုပ်ငန်းသုံး ဆေးဆိုင်တစ်ခုကို တွေ့ရစဉ်။မြန်မာတိုင်း (မ်)

သီးနှံပိုးသတ်ဆေးဈေးနှုန်းများ အဆမတန် မြင့်မားနေခြင်းသည် ဆေးကုမ္ပဏီ၊
အရောင်း ဆိုင်များနှင့် တောင်သူများအကြား အကြွေး စနစ် အသုံးပြုခြင်းကြောင့်
များစွာ သက်ရောက်မှု ရှိနေသည်ဟု စိုက်ပျိုးရေး၊ မွေးမြူ ရေးနှင့် ဆည်မြောင်းဝန်ကြီးဌာန၊
စိုက်ပျိုးရေး ဦးစီးဌာနအောက်ရှိ သီးနှံကာကွယ်ရေးဌာန ခွဲ ညွှန်ကြားရေးမှူး ဦးအောင်ကျော်ဦးက
ပြောသည်။

"ပိုးသတ်ဆေးကုမ္ပဏီ၊ အရောင်းဆိုင်တွေ နဲ့ တောင်သူတွေအကြား အကြွေးဝယ်စနစ်
အသုံးပြုမှုကလည်း ပိုးသတ်ဆေးဈေးနှုန်း မြင့်တက်မှုအပေါ် များစွာ သက်ရောက်မှု ရှိပါတယ်"ဟု
၎င်းက ပြောသည်။

မြန်မာနိုင်ငံ စိုက်ပျိုးရေးနယ်ပယ်တွင် တောင်သူများ ၀ယ်ယူအသုံးပြုနေရသော
ပိုးသတ်ဆေးများ၏ ဈေးနှုန်းသည် အမှန် တကယ် ဖြစ်သင့်သော ဈေးထက် များစွာ
မြင့်မားနေကြောင်း နေပြည်တော် ပျဉ်းမနား မြို့မှ ပိုးသတ်ဆေး၊ မှိုသတ်ဆေးနှင့်
ဟော်မုန်း ဆေးများ ဖြန့်ဖြူးရောင်းချခြင်းလုပ်ငန်း လုပ်ကိုင်ခဲ့ဖူးသူ ကိုနေစိုးက ပြောသည်။

"ပိုးသတ်ဆေးမှာပဲဖြစ်ဖြစ်၊ ကျန်တဲ့ ဟော်မုန်း ဆေးတွေမှာပဲဖြစ်ဖြစ် တောင်သူတွေ
ပေးချေနေရတဲ့ ဈေးနှုန်းက တကယ်ရှိသင့်တဲ့ ဈေနှုန်း ထက် အဆမတန် များနေတယ်။
တချို့တံဆိပ် တွေဆိုရင် ဆေးတန်ဖိုးရဲ့ သုံးဆ၊ လေးဆ လောက်အထိကို တောင်သူတွေက
ပေးဝယ် ပြီး အသုံးပြုနေရတယ်"ဟု ၎င်းက ပြောသည်။ စိုက်ပျိုးရေးကဏ္ဍ၏ အဓိက မောင်းနှင်
အားဖြစ်သော တောင်သူများသည် အကြွေး ဖြင့် ၀ယ်ယူအသုံးပြုသော ပိုးသတ်ဆေး အပါ အ၀င်
မှိုသတ်ဆေး၊ အပင်ကြီးထွားစေသည့် ဟော်မုန်းဆေးများကို တန်ရာတန်ကြေးထက် ဈေးပိုပေးနေ
ရကြောင်း သိရှိသော်လည်း အရင်းအနှီးမရှိခြင်းကြောင့် နှစ်စဉ် ၀ယ်သုံး နေရခြင်းဖြစ်သည်ဟု
နေပြည်တော် လယ်ဝေး မြို့နယ်မှ တောင်သူ ကိုမျိုးဝင်းက ပြောသည်။ "တောင်သူတွေလည်း
သိသင့်သလောက် တော့ သိကြပါတယ်။ ဒါပေမဲ့ လည်း ကိုယ်စိုက် ပျိုးထားတဲ့ သီးနှံက
ဒီအတိုင်းထားရုံနဲ့ မဖြစ် ထွန်းနိုင်ဘူးဆိုတာ သိနေကြတယ်။ အဲဒီအခါ အရင်းအနှီးကလည်း
မရှိတော့ အကြွေးနဲ့ရတဲ့ ပစ္စည်းကိုပဲ အသုံးပြုကြတာပေါ့။ အဓိက ကတော့ အရင်းအနှီးပါပဲ"ဟု
၎င်းက ပြောသည်။

သီးနှံကာကွယ်ရေးဌာနခွဲသည် ပိုးသတ် ဆေးများ၏ ဈေးနှုန်း မြင့်မားနေခြင်းကို ၀င်ရောက်
မဖြေရှင်းနိုင်သော်လည်း ပိုးသတ် ဆေးများ၏ အရည်အသွေး မှန်ကန်ရေးကိုမူ
ကူညီဆောင်ရွက်ပေးနိုင်သည်ဟု ဦးအောင်ကျော်ဦးက ပြောသည်။ "ဈေးကွက်မှာရှိတဲ့
ပိုးသတ်ဆေး အရည် အသွေးနဲ့ ပတ်သက်ရင် သုံးစွဲသူတွေအနေနဲ့ ဓာတ်ခွဲစစ်ဆေးလိုပါက
ပိုးသတ်ဆေး ဓာတ်ခွဲခန်း၊ သီးနှံကာကွယ်ရေးဌာနခွဲ၊ စိုက်ပျိုးရေးဦးစီးဌာနကို လုပ်ထုံးလုပ်နည်းနဲ့အညီ
ပေးပို့ စစ်ဆေးနိုင်ပါတယ်"ဟု ၎င်းက ပြောသည်။

မြန်မာနိုင်ငံတွင် အသုံးပြုနေသော ပိုးသတ် ဆေးများသည် ပြည်တွင်း၌ ထုတ်လုပ်နိုင်ခြင်း
မရှိဘဲ ပြည်ပမှ တင်သွင်းလာသော ပိုးသတ် ဆေးများသာ ဖြစ်သောကြောင့် ဈေးနှုန်းမြင့်မားမှု
အပေါ် သက်ရောက်နိုင်ကြောင်းလည်း ဦးအောင်ကျော်ဦးက ပြောသည်။ ပိုးသတ်ဆေး အရည်
အသွေး၏ ထိရောက် မှုသည် ဆေးအသုံးပြုသော တောင်သူ များ၏ သုံးစွဲမှုစနစ် မှန်ကန်မှုမရှိလျှင်
လည်း အာနိသင် ထိရောက်မှု လျော့နည်းစေသည့်အတွက် တောင်သူများ ပိုးသတ်ဆေးကို
စနစ်တကျ အသုံးပြုနိုင်ရေးအတွက် တိုင်းဒေသ ကြီးနှင့် ပြည်နယ်များရှိ သီးနှံကာကွယ်ရေးဌာန
ခွဲများက ပညာရှင်ဝန်ထမ်းများသည် တောင်သူ ပညာပေးသင်တန်းများကို ကွင်းဆင်းပို့ချပေးလျက်
ရှိသည်ဟု ၎င်းက ပြောသည်။

သို့သော်လည်း သက်ဆိုင်ရာဌာနများ၏ ပညာပေးအစီအစဉ်များထက် ကုမ္ပဏီများ၏ကြော်ငြာများက
တောင်သူများအပေါ် ပိုမို လွှမ်းမိုးနေသည်ဟု ကိုနေစိုးက ပြောသည်။ "တောင်သူတွေမှာလည်း
ပိုးသတ်ဆေးနဲ့ ပတ်သက်တဲ့ အသိပညာအခြေခံက နည်းပါ တယ်။ ပိုးသတ်ဆေးမှာ ထိသေနဲ့
စားသေ ဆိုတာမျိုးရှိတယ်။ စားသေက ဆေးဖျန်းလိုက် လို့ ထိရုံနဲ့ ပိုးကောင်က မသေဘူး၊ ဒီဆေးကို
အပင်က တစ်ဆင့် စားလိုက်မှ ပိုးကသေတာ။ ဒါကိုတောင်သူကနားမလည်တော့ ဆေးကိုလိုအပ်တဲ့
ပမာဏထက် ပိုသုံးတာမျိုးတွေ ရှိနေတယ်"ဟု ၎င်းက ပြောသည်။

မြန်မာနိုင်ငံတွင် ပိုးသတ်ဆေး မှတ်ပုံတင် အဖွဲ့က မှတ်ပုံတင်ခွင့်ပြုထားသော ပိုးသတ်
ဆေးအရေအတွက် စုစုပေါင်း ၂,၇၅၇ မျိုးအထိ ရှိနေပြီး ပိုးသတ်ဆေးမှတ်ပုံတင် လျှောက်ထား
သည့် ပြည်ပကုမ္ပဏီပေါင်း ၂၆၀ ရှိနေကာ ပြည်တွင်း၌ ဖြန့်ဖြူးရောင်းချသည့် ကုမ္ပဏီပေါင်း ၁၄၅ ခု
ရှိနေသည်။

မြန်မာနိုင်ငံတွင် ပိုးသတ်ဆေးအသုံးပြုခြင်း ကြောင့် ကျန်းမာရေးနှင့် ပတ်ဝန်းကျင်
အန္တရာယ်ဖြစ်စေနိုင်မှုကို အကာအကွယ်ပေး နိုင်ရေး၊ အရည်အသွေးပြည့်မီသော ပိုးသတ်
ဆေးများ ထိရောက်စွာ အသုံးပြုနိုင်ရေးအတွက် ပိုးသတ်ဆေးဥပဒေကို ၁၉၉၀ ပြည့်နှစ်တွင်
စတင်ပြဋ္ဌာန်းခဲ့ပြီး တိုးတက်ပြောင်း လဲလာသော ခေတ်စနစ်နှင့်အညီ ပြင်ဆင် ရေးဆွဲခဲ့ရာ
ယခုနှစ် ဇန်န၀ါရီ ၂၀ ရက်က ပိုးသတ်ဆေးဥပဒေအသစ်ကို ပြဋ္ဌာန်းခဲ့ပြီး ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ