လာမည့် ဘဏ္ဍာနှစ်တွင်သစ်ထုတ်လုပ်မည်ဆိုပါက မြန်မာ့သစ်လုပ်ငန်းကသာ လုပ်ကိုင်သွားမည်

လာမည့် ၂၀၁၇ - ၂၀၁၈ ဘဏ္ဍာနှစ်တွင် သစ်ပြန်လည် ထုတ်လုပ်မည်ဆိုပါက ပုဂ္ဂလိက
ကုမ္ပဏီများကို လုပ်ကိုင်ခွင့် ပေးတော့မည်မဟုတ်ဘဲ မြန်မာ့သစ်လုပ်ငန်းက ကိုယ်တိုင်
ထုတ်လုပ်သွားမည်ဟု သယံဇာတနှင့် ပတ်ဝန် ကျင်ထိန်းသိမ်းရေးဝန်ကြီးဌာန၊ ပြောရေးဆိုခွင့်ရှိသူ
ညွှန်ကြားရေးမှူး ဦးကျော်ဇောက ပြောသည်။

တစ်နိုင်ငံလုံးအတိုင်းအတာဖြင့် သစ်ထုတ် လုပ်ရေး လုပ်ငန်းများတွင် နိုင်ငံပိုင် မြန်မာ့သစ်
လုပ်ငန်းတစ်ခုတည်းက ဆောင်ရွက်နိုင် ခြင်း မရှိသောကြောင့် ယခင်အစိုးရလက်ထက်များတွင်
ကန်ထရိုက်စနစ်ဖြင့် ပုဂ္ဂလိက ကုမ္ပဏီများကို တင်ဒါခေါ်ယူ၍ တစ်နှစ် စာချုပ်စနစ်ဖြင့်
လုပ်ကိုင်ခွင့် ပြုခဲ့သည်။

မြန်မာ့သစ်လုပ်ငန်းနှင့် သစ်ကုန်သွယ်မှု ကဏ္ဍတွင် နှစ်ပေါင်းများစွာ စီမံခန့်ခွဲမှု အမှား
များနှင့် ခြစားမှုများ ကြုံတွေ့ရခဲ့ပြီးနောက် ပဋိပက္ခများ ဖြစ်ပေါ်စေခဲ့ပြီး လူ့အချို့သာ ချမ်းသာသွားခဲ့သည်။

သစ်ထုတ်ရာတွင် လိုအပ်သည်ထက် ပိုမိုထုတ်ယူခြင်း၊ သတ်မှတ် ထုတ်ယူခွင့်ပမာဏ
ကျော်လွန်၍ ခုတ်ယူခြင်း နှင့် ကျွန်း၊ ပိတောက်၊ တမလန်းနှင့် အဖိုးတန်သစ်များကို တရားမ၀င်
ခုတ်ယူခြင်းများ ကျယ်ပြန့်စွာ ဖြစ်စေခဲ့သည်ဟု ဩဂုတ်လဆန်းပိုင်း က ထုတ်ပြန်ခဲ့သည့်
ဗြိတိန်အခြေစိုက် သဘာဝ ပတ်ဝန်းကျင်ဆိုင်ရာ စုံစမ်းစစ်ဆေးရေး အေဂျင်စီ (EIA)၏
အစီရင်ခံစာတွင် ဖော်ပြထားသည်။

အထိန်းအကွပ်မဲ့ သစ်ခုတ်မှု အကျိုးဆက်အဖြစ် မြန်မာနိုင်ငံသည် သစ်တောပြုန်းတီးမှုနှုန်း
အဆိုးဝါးဆုံးဖြင့် ရင်ဆိုင်နေရပြီး ၂၀၁၀ ပြည့်နှစ်နှင့် ၂၀၁၅ ကြားတွင် သစ်တောပြုန်းတီးမှု
ဟတ်တာပေါင်း ၅၄၆,၀၀၀ အထိ ရှိခဲ့ရာ အဆိုပါပမာဏသည် တစ်နိုင်ငံလုံး သစ်တော
ဧရိယာ၏ ၈ ဒသမ ၅ ရာခိုင်နှုန်းရှိသည်ဟု အစီရင်ခံစာက ထောက်ပြသည်။

အစိုးရသစ်လက်ထက်တွင် သယံဇာတနှင့် ပတ်ဝန်းကျင်ထိန်းသိမ်းရေး ၀န်ကြီးဌာနက လက်ရှိ
ဘဏ္ဍာနှစ်အတွက် သစ်ထုတ်လုပ်မှု ကို ရပ်ဆိုင်းထားသည်။ မြန်မာအစိုးရက နိုင်ငံ တစ်ဝန်း
သစ်ခုတ်ခွင့် တစ်နှစ် ပိတ်ပင်လိုက် ခြင်းနှင့် ပဲခူးရိုးမတွင် ၁၀ နှစ် သစ်ခုတ်ခွင့် တားမြစ်လိုက်ခြင်းသည်
နှစ်ပေါင်းများစွာ စည်းကမ်းမဲ့ ထုတ်ယူသုံးစွဲခြင်းခံနေရသည့် သစ်တောများ ဆက်လက်ရှင်သန်ခွင့်
အတွက် အသက်ရှူခွင့်ပေး လိုက်ခြင်းဖြစ်သည်ဟု EIA ၏ အစီရင်ခံစာက ဆိုသည်။

မြန်မာအစိုးရက သစ်ထုတ်လုပ်မှု ရပ်ဆိုင်း ပြီးနောက်တွင် ပြည်တွင်း သစ်ကုန်ကြမ်း
လိုအပ်ချက်အတွက် မြန်မာ့သစ်လုပ်ငန်းတွင် ရှိသော လက်ကျန်သစ်များကို ရောင်းချပေးနေပြီး
၂၀၁၇-၁၈ ဘဏ္ဍာနှစ်တွင် သစ်ပြန် လည်ထုတ်လုပ်ခဲ့ပါက ပုဂ္ဂလိကကုမ္ပဏီများကို
ကန်ထရိုက်စနစ်ဖြင့် သစ်ထုတ်ခိုင်းတော့မည်မဟုတ်ဘဲ နိုင်ငံပိုင် မြန်မာ့သစ်လုပ်ငန်း
အစီအစဉ်ဖြင့်သာ သစ်ထုတ်လုပ်သွားမည်ဟု ဦးကျော်ဇောက ပြောသည်။

"နောက်ပိုင်းကျရင် ပုဂ္ဂလိကကုမ္ပဏီတွေ ကို ကန်ထရိုက်စနစ်နဲ့ သစ်ထုတ်ခွင့်ကို မပေး
တော့ဘူး။ မြန်မာ့သစ်လုပ်ငန်းရဲ့ ရှိတဲ့ ယန္တရား တွေ၊ လူအင်အား၊ ဆင်အင်အားနဲ့ပဲ
အခြေခံ ပြီး သစ်ထုတ်သွားမယ်"ဟု ၎င်းက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ