ကြယ်ငါးပွင့်အဆင့်ရှိ Melia ဟိုတယ် ဖွင့်လှစ်

ဗီယက်နမ်နိုင်ငံမှ Hoang Anh Gla Lai (HAGL) အုပ်စု၏ မြန်မာနိုင်ငံ တွင်း ရင်းနှီးမြှုပ်နှံမှုဖြစ်သည့်
ရန်ကုန်မြို့ ကမ္ဘာအေးဘုရားလမ်းပေါ်ရှိ ဘက်စုံသုံး အဆင့်မြင့် အဆောက်အအုံများတွင်
ပါဝင်သည့် ကြယ်ငါးပွင့်အဆင့်ရှိ Melia ဟိုတယ်ကို ဇူလိုင် ၃၁ ရက်က ဖွင့်လှစ်ခဲ့သည်။

အထပ် ၂၃ ထပ်ပါဝင်သော အဆိုပါဟိုတယ်တွင် အိပ်ခန်း ပေါင်း ၄၃၀ ခန်း ပါရှိပြီး
မင်္ဂလာဧည့်ခံပွဲများနှင့် အစည်းအဝေးပွဲများ ပြုလုပ်ရန် စတုရန်မီတာ ၂,၀၀၀ ကျော်ကျယ်ဝန်းသော
ခန်းမများနှင့် အခြားဝန်ဆောင်မှုပေးနိုင်သည့် ခန်းမများလည်း ပါဝင်သည်။

အသစ်ဖွင့်လှစ်ခဲ့သည့် အဆိုပါဟိုတယ်တွင် ရန်ကုန်မြို့နှင့် အင်းလျား ကန်အလှကို ၃၆၀ ဒီဂရီဖြင့်
ကြည့်ရှုခံစားနိုင်မည်ဖြစ်ပြီး၊ ဥရောပ အစားအစာ၊ မြန်မာနှင့် အာရှအစားအစာများ ရောင်းချသော
The Market စားသောက်ဆိုင်၊ ဗီယက်နမ် အစားအသောက်မျိုးစုံ ရရှိနိုင်မည့် The Lantern
Restaurant စားသောက်ဆိုင်နှင့် မြေထဲပင်လယ် အစားအစာများ ရရှိနိုင်မည့် Olea စားသောက်ဆိုင်
သုံးဆိုင် ပါဝင်သည်။

အဆိုပါ Melia ဟိုတယ်ကို ဗီယက်နမ်နိုင်ငံ၏ ထိပ်တန်းအိမ်ခြံမြေကုမ္ပဏီဖြစ်သည့် အုပ်စုက
ပိုင်ဆိုင်ပြီး ဟိုတယ်စီမံခန့်ခွဲမှု များကို ကမ္ဘာ့အကြီးဆုံး ဟိုတယ်လုပ်ငန်းဆိုင်ရာ အဖွဲ့အစည်း
ဖြစ်သည့် စပိန်နိုင်ငံအခြေစိုက် Melia Hotels International က စီမံခန့်ခွဲ အုပ်ချုပ်မည်ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ