အက်ဖ်အမ်အိုင်ကုမ္ပဏီ ခရီးသွားကဏ္ဍတွင် ရင်းနှီးမြှုပ်နှံမှုတိုးမြှင့်

ပုဂံဒေသတွင် ခရီးသွားဝန်ဆောင်မှုပေးနေသော မီးပုံးပျံဖြင့် ကြည့်ရှုနေသူများကို တွေ့ရစဉ်။မြန်မာတိုင်း(မ်)ပုဂံဒေသတွင် ခရီးသွားဝန်ဆောင်မှုပေးနေသော မီးပုံးပျံဖြင့် ကြည့်ရှုနေသူများကို တွေ့ရစဉ်။မြန်မာတိုင်း(မ်)

စတော့အိတ်ချိန်း စာရင်းဝင်ကုမ္ပဏီဖြစ်သော ပထမမြန်မာရင်းနှီးမြှုပ်နှံမှု ကုမ္ပဏီလီမိတက်
FMI အုပ်စုက ခရီးသွားလာရေးကဏ္ဍတွင် ရင်းနှီးမြှုပ်နှံမှု ထပ်မံတိုးမြှင့်လိုက်ကြောင်း
ရန်ကုန်စတော့အိတ်ချိန်းက စက်တင်ဘာ ၉ ရက်တွင် ထုတ်ပြန်လိုက်သည်။

ယခင်က FMI ကုမ္ပဏီသည် ခရီးသွားလုပ်ငန်းကဏ္ဍတွင် စီးပွားရေး မြှုပ်နှံမှု တိုးမြှင့်မှု
အဖြစ် ပုဂံတွင် Balloons Over Bagan (BOB) အမည်ရှိ မီးပုံးပျံလုပ်ငန်းတစ်ခုကို
လက်အောက်ခံကုမ္ပဏီဖြစ်သည့် Chindwin Holdings Pte Ltd. (CHPL) က လုပ်ကိုင်
ထားသည်။ သို့ရာတွင် ၎င်းလုပ်ငန်း၏ရှယ်ယာ ၇၅ ရာခိုင်နှုန်းကိုသာ ၀ယ်ယူထားနိုင်သေးခြင်း
ဖြစ်ပြီး ကျန် ၂၅ ရာခိုင်နှုန်းကို မူလ ရှယ်ယာ ရှင်များက ပိုင်ဆိုင်ထားသည်။ ယခုအခါ BOB
လုပ်ငန်းတစ်ခုလုံး၏ ရှယ်ယာအားလုံး ကို ၀ယ်ယူလိုက်ခြင်းဖြင့် ရင်းနှီးမြှုပ်နှံမှု တိုးမြှင့်လိုက်ခြင်းဖြစ်သည်ဟု
ထုတ်ပြန်ချက် တွင် ဖော်ပြထားသည်။

င်္FMI သည် စတော့အိတ်ချိန်းစာရင်းဝင် ကုမ္ပဏီ ဖြစ်လာပြီးနောက် ၎င်းတို့၏ လုပ်ငန်း
စဉ်များကို ရှယ်ယာဝယ်ယူမည့် ရင်းနှီးမြှုပ်နှံ သူများကို ပွင့်လင်းစွာ ထုတ်ဖော် ပြရမည်
ဖြစ်ရာ ယခုကဲ့သို့ ရန်ကုန်စတော့အိတ်ချိန်းမှ တစ်ဆင့် ထုတ်ပြန်နေခြင်းဖြစ်သည်။
ယခုအခါ FMI ကုမ္ပဏီသည် ကြယ်စင် အိမ်ရာဆောက်လုပ်ရေးလုပ်ငန်း၊ ကျန်းမာရေး နှင့်
သက်ဆိုင်သော ပန်းလှိုင်ဆေးရုံလုပ်ငန်း၊ ပို့ဆောင်ရေးနှင့် ဆက်သွယ်ရေးဝန်ကြီးဌာန ထံမှ
မြေငှားရမ်းကာ လုပ်ကိုင်လျက်ရှိသော အိမ်ရာများနှင့် ဟိုတယ်လုပ်ငန်းများ ပါဝင်သည့်
Landmark Development ကဲ့သို့ စီမံကိန်းနှင့် ငွေကြေးဆိုင်ရာ ၀န်ဆောင်မှုလုပ်ငန်းဖြစ်သည့်
ရိုးမဘဏ်တို့တွင် ရင်းနှီးမြှုပ်နှံမှု များ တိုးမြှင့်ဆောင်ရွက်လျက်ရှိသည်။

ထိုသို့ စီးပွားရေးတိုးချဲ့မှုများအတွက် ခရီးသွားကဏ္ဍနှင့် သက်ဆိုင်သည့် မီးပုံးပျံကဲ့သို့ လုပ်ငန်းလည်း
တစ်ခုအပါအ၀င်ဖြစ်ကာ FMI ကုမ္ပဏီ၏ အရေးပါသည့် စီးပွားရေး လုပ်ငန်းတစ်ခုအဖြစ်
ပါဝင်နေကြောင်း ကုမ္ပဏီဥက္ကဋ္ဌ ဦးသိမ်းဝေက ဩဂုတ် ၇ ရက်က ကျင်းပသည့် နှစ်ပတ်လည်
အစည်းအဝေးတွင် ထုတ်ဖော်ပြောခဲ့သည်။

"မြန်မာနိုင်ငံရဲ့ အလားအလာကောင်းမွန် တဲ့ စီးပွာရေးကဏ္ဍတွေထဲမှာ ခရီးသွားကဏ္ဍဟာလည်း
ထိပ်ဆုံးက ပါဝင်နေတဲ့ ကဏ္ဍတစ်ခု ဖြစ်နေပါတယ်။ အဲဒါကြောင့် ခရီးသွားကဏ္ဍ မှာလည်း FMI ရဲ
ရင်းနှီးမြှုပ်နှံမှု တိုးပြီး လုပ်သွားဖို့ ရှိနေပါတယ်"ဟု ဦးသိမ်းဝေက ရှယ်ယာရှင်များကို ပြောခဲ့သည်။

BOB လုပ်ငန်းကို ၂၀၁၃ ခုနှစ်၊ ဇွန်လ အထိတွင် (CHPL) ကုမ္ပဏီက ၇၅ ရာခိုင်နှုန်း နှင့် Shwe Lay
Ta Gun Travels and Tours (SLTG) ကုမ္ပဏီလီမိတက်က ၂၅ ရာခိုင်နှုန်း ဖြင့် ပိုင်ဆိုင်ထားခဲ့ခြင်းဖြစ်
သည်။ ထို့သို့ ၂၅ ရာခိုင်နှုန်း ၀ယ်ယူမှုအတွက် (CHPL) ကုမ္ပဏီသည် (SLTG) ကုမ္ပဏီ
မူလရှယ်ယာရှင်များသို့ ကန်ဒေါ်လာ ၁ ဒသမ ၅ သန်း ပေးချေရမည်ဖြစ်သည်။

ထိုကဲ့သို့ ရာနှုန်းပြည့် ရှယ်ယာများဝယ်ယူလိုက်သော်လည်း BOB လုပ်ငန်းတစ်ခုလုံး၏
ရင်းနှီးမြှုပ်နှံမှုအပေါ်တွင် (FMI) ကုမ္ပဏီ၏ သည် ၃၀ ရာခိုင်နှုန်းသာ ပိုင်ဆိုင်ထားခြင်း ဖြစ်ကာ
၇၀ ရာခိုင်နှုန်းကိုမူ အကျိုးတူဖက်စပ် ကုမ္ပဏီတစ်ခုဖြစ်သည့်
Yoma Strategic Holdings Ltd. (YSH) FMI ကုမ္ပဏီက ပိုင်ဆိုင်ထားကြောင်း
ထုတ်ပြန်ချက်တွင် ပါဝင်သည်။

ထို့အတွက် BOB လုပ်ငန်း၏ တိုးတက် အောင်မြင်အပေါ်တွင် ရရှိလာမည့် အကျိုး
အမြတ်များအနက် FMI ကုမ္ပဏီရှယ်ယာဝင်များအနေဖြင့် ၃၀ ရာခိုင်နှုန်း၏ အကျိုး
အမြတ်ကိုသာ ခံစားခွင့်ရှိမည်ဖြစ်သည်။ လက်ရှိ စတော့ဈေးကွက်အတွင်း FMI ကုမ္ပဏီ၏
ရှယ်ယာတစ်စုတန်ဖိုးသည် စက်တင်ဘာ ၅ ရက်တွင် ကျပ် ၁၉,၅၀၀ ဈေးပေါက် နေသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ