ပွင့်လင်းမြင်သာ သတင်းထုတ်ပြန်မှု ထိပ်တန်းကုမ္ပဏီများကျန်နေသေး

အခွန်ပေးဆောင်မှု အများဆုံး ပြည်တွင်းကုမ္ပဏီ ကြီး ၁၀၀ တွင် ပွင့်လင်းမြင်သာမှုရှိရှိဖြင့်
အများ ပြည်သူများသို့ သတင်းအချက်အလက်များ မှန်မှန်ကန်ကန်ပေးနိုင်သည့် ကုမ္ပဏီပေါင်း
၆၆ ခုသာရှိကြောင်း မြန်မာ့စီးပွားရေးကဏ္ဍ တာဝန်ယူမှုရှိရေး အထောက်အကူပြုအဖွဲ့
MCRB က စက်တင်ဘာ ၁၆ ရက်တွင် ထုတ်ပြန်ခဲ့သည်။

ကုမ္ပဏီ ၁၀၀တွင် အခြားကုမ္ပဏီ ၃၄ ခုမှာ ၀က်ဘ်ဆိုက်များပင် ပြုလုပ်ထားခြင်း မရှိ ကြောင်း
MCRB ၏ အစီရင်ခံစာတွင် ဖော်ပြ ထားသည်။ ၎င်းတို့ သုတေသနပြုသည့် အထဲတွင်
၂၀၁၄-၂၀၁၅ ဘဏ္ဍာနှစ်အတွက် ပြည်တွင်း အခွန်များ ဦးစီးဌာနမှ ထုတ်ပြန်ခဲ့သည့်
ကုန်သွယ်လုပ်ငန်းခွန်နှင့် ၀င်ငွေခွန် ပေးဆောင်သူ ထိပ်တန်း ၁,၀၀၀ စာရင်းကို အခြေခံ
ထုတ်ယူထားသည့် ကုမ္ပဏီများအပြင် အခြားသိသာ ထင်ရှားသော ကုမ္ပဏီများနှင့်
ကဏ္ဍအလိုက် ဦးဆောင်နေသည့်သူများလည်း ပါဝင်သည်။

"မြန်မာ့စီးပွားရေးကဏ္ဍမှာ အဓိကကျတဲ့ လုပ်ငန်းစုအချို့က ဒီလို အများပြည်သူကို ဖွင့်လှစ်
ဖော်ပြရမယ့် ကိစ္စရပ်အပေါ်မှာ စိတ်ပါ ၀င်စားမှု မရှိလို့ စိတ်ပျက်မိပါတယ်။ သဘာဝ
ပတ်ဝန်းကျင်ဆိုင်ရာ လေ့လာမှု ဆန်းစစ်ချက် တွေ ပြုလုပ်ရာမှာ ပွင့်လင်းမြင်သာမှုရှိဖို့
အရေးကြီးပါတယ်။ မေးခွန်းပေါင်း ၃၅ ခုကို အခြေခံပြီး ကုမ္ပဏီတွေကို လေ့လာစောင့် ကြည့်ခဲ့တာ
ဖြစ်ပါတယ်"ဟု မှဒါရိုက် တာ ဗစ်ကီဘိုမန်က ပြောသည်။ မြန်မာကုမ္ပဏီ ၀က်ဘ်ဆိုက်များ၏
ပွင့်လင်းမြင်သာမှုမျာကို လေ့လာစောင့်ကြည့် ပွင့်သစ်စစီမံချက်တွင် ထိပ်တန်းကုမ္ပဏီပေါင်း
၁၀၀ ၏ ၀က်ဘ်ဆိုက်များကို နှိုင်းယှဉ်လေ့လာ ပြီး ကုမ္ပဏီများ၏ စီမံအုပ်ချုပ်မှုပိုင်းနှင့်
စီးပွား ရေးလုပ်ငန်း အလေ့အကျင့်များ အထူးသဖြင့် အဂတိလိုက်စားမှု တိုက်ဖျက်ရေး၊
အဖွဲ့ အစည်းဆိုင်ရာ ပွင့်လင်းမြင်သာမှု၊ လူ့အခွင့် အရေး၊ ကျန်းမာရေး၊ လုံခြုံစိတ်ချရမှုနှင့်
သဘာဝပတ်ဝန်းကျင်နှင့် ပတ်သက်ပြီး ပြောဆိုချက်များကို ကြည့်ကာ စစ်တမ်းတွင်
အမှတ် ပေးခြင်းဖြစ်ကြောင်း သိရသည်။

လေ့လာဆန်းစစ်ခဲ့မှုများ ပြုလုပ်ခဲ့သော ကုမ္ပဏီပေါင်း ၁၀၀ တွင် ကုမ္ပဏီ ၃၄ မှာ တရားဝင်
ဝက်ဘ်ဆိုက်များ မရှိသလို ကုမ္ပဏီ ပေါင်း ၄၅ ခုတွင်လည်း ကောင်းမွန်စွာ လည်ပတ်နေသည့်
ဝက်ဘ်ဆိုက်များ မရှိကြောင်း၊ အချို့သောကုမ္ပဏီများမှာ စီးပွားရေး စီမံအုပ် ချုပ်မှု ပိုင်းဆိုင်ရာ
အချက်အလက် အနည်း ငယ်ကိုသာ တင်ထားသည့် ကုမ္ပဏီများ ရှိသလို၊ သတင်းအချက်
အလက် လုံးဝ မပါရှိသော ၀က်ဘ်ဆိုက်များလည်း ရှိကြောင်း လေ့လာသုံးသပ်ခဲ့သည့်
စစ်တမ်း အစီရင်ခံစာများတွင် ထုတ်ပြန်ထားသည်။

"ကုမ္ပဏီ ၁၀၀ စလုံးကို မေးခွန်းတွေနဲ့ သုတေသနလုပ်ပြီး ၀က်ဘ်ဆိုက်တွေကို အကဲဖြတ်
မယ်ဆိုတဲ့အကြောင်း ကြိုတင် အကြောင်းကြားလိုက်ပါတယ်။ စာပို့တယ်၊ အီးမေးတွေလည်း
ပို့လိုက်ပါတယ်။ လေ့လာမှု ပြုပြီးတော့လည်း ကုမ္ပဏီတွေကို ဒီမေးခွန်း တွေအတွက်
ကုမ္ပဏီတွေ ဒီလောက် အမှတ် တွေ ရထားတယ်ဆိုတဲ့အကြောင်း အမှတ်စာရင်းကို
အီးမေးပို့လိုက်ပါတယ်။ ပို့လိုက်တဲ့ အချိန်မှာ ကုမ္ပဏီတွေဘက်က သူတို့တင်ထားတဲ့
ဝက်ဘ်ဆိုက်မှာ ချောင်ကြို ချောင်ကြား ကျန်တဲ့ကိစ္စလေးတွေကအစ ပြန်ပြောလာခဲ့ ရင်
နောက်ဆုံး အပြီးသတ် ရလဒ်မထုတ်ခင်မှာ ပြန်ပြီးတော့ အမှတ်ပေးလို့ရပါတယ်။ သတင်း
အချက်အလက်အသစ်တွေကို ၀က်ဘ်ဆိုက် မှာ ကုမ္ပဏီတွေက အသစ်ထည့်ထားလိုက်လို့
ကျွန်မတို့ဆီ ပြန်အကြောင်းကြားရင်လည်း ပြန်ပြီးတော့ အမှတ်တွေကို အကုန်လုံး ပြန်စစ်
ပြီးတော့မှ ဒီအစီရင်ခံစာကို အများပြည်သူသိအောင် ထုတ်တာဖြစ်ပါတယ်"ဟု MCRB
ပွင့်သစ်စ စီမံချက်၏ တာဝန်ခံ ဒေါ်ဖြူဖြူဇင် က ပြောသည်။ ယခုအစီရင်ခံစာအရ ပွင့်လင်းမြင်သာမှု
အရှိဆုံးကုမ္ပဏီအဖြစ် နံပါတ် ၁ နေရာတွင် င်္FMI ကုမ္ပဏီ၊ နံပါတ် ၂ နေရာတွင် SPA ကုမ္ပဏီ၊
နံပါတ် ၃ နေရာတွင် မက်စ်မြန်မာကုမ္ပဏီနှင့် ကျန်ကုမ္ပဏီများကိုလည်း ပွင့်လင်းမြင်သာမှု
အမှတ်ပေး စည်းမျဉ်းစည်းကမ်းများအရ နံပါတ်စဉ် အလိုက်ဖော်ပြထားသည်။

"လုပ်ငန်းတွေကို နိုင်ငံတကာနဲ့ တွဲပြီး လုပ်ထားတာ မရှိတော့ ၀က်ဘ်ဆိုက်တွေမှာလည်း
မတင်ဖြစ်ပါဘူး။ တချို့ကုမ္ပဏီတွေက အများပိုင်ကုမ္ပဏီတွေလုပ်ထားတော့ သတင်း အချက်
အလက်တွေ အပြင်က သိဖို့လိုလို့ ၀က်ဘ်ဆိုက်တွေ တင်ကြတာဖြစ်မယ်။ အန်ကယ်တို့
ကုမ္ပဏီက အများပိုင် ကုမ္ပဏီ မဟုတ်တော့ ထုတ်ပြန်စရာ မလိုဘူးလို့ ထင် တယ်။
အချက်အလက်တွေ သိချင်ရင်လာမေးပါ။ ဆောက်လုပ်ရေးကလွဲလို့ ဘာမှ မလုပ် ဘူး။
အန်ကယ်တို့ရတဲ့ ပိုက်ဆံတွေအားလုံးက ၁၀၀ ရာခိုင်နှုန်းက ငွေဖြူတွေပဲ။ ငွေမည်းတစ်ပြားမှ
မရှိဘူး။ ရှိရင် အကုန်လာသိမ်း လိုက်လို့ရတယ်"ဟု ဇေကမ္ဘာကုမ္ပဏီ လီမိတက် ဥက္ကဋ္ဌ
ဒေါက်တာခင်ရွှေက စက်တင်ဘာလ ၁၆ ရက်တွင် မြန်မာတိုင်း(မ်)ကို ပြောသည်။

ပွင့်လင်းမြင်သာမှု ရှိရှိဖြင့် အများပြည်သူ အတွက် သတင်းများကို မှန်မှန်ကန်ကန်ဖြင့်
ပြည့်ပြည့်စုံစုံဖြင့် ဖော်ပြနိုင်ခြင်းမရှိသေးသည့် ကုမ္ပဏီ ၃၄ ခုစာရင်းတွင် ထင်ရှားသည့်
ပြည်တွင်းစီးပွားရေးလုပ်ငန်းရှင်များ ဦးဆောင်နေ သည့် IGE ၊ Zaykabar နှင့် Farmer
Phoyazar ကုမ္ပဏီကြီးများပါ ပါဝင်နေကြောင်း ယင်းအစီရင်ခံစာ၏ ထုတ်ပြန်ကြေညာ
ချက်တွင် ဖော်ပြ ထားသည်။

MCRB က ပထမအကြိမ် အစီရင်ခံစာကို ၂၀၁၄ ခုနှစ်၊ ဇူလိုင်လတွင် လည်းကောင်း၊
ဒုတိယအကြိမ် အစီရင်ခံစာကို ၂၀၁၅ ခုနှစ်၊ ဇူလိုင်လတွင် ထုတ်ပြန်ခဲ့ပြီးဖြစ်သည်။

ယခု ထုတ်ပြန်လိုက်သည့် တတိယ အကြိမ်မြောက် အစီရင်ခံစာကို ၂၀၁၆ ခုနှစ်၊
စက်တင်ဘာ ၁၆ ရက်တွင် ထပ်မံထုတ်ပြန်ခြင်းဖြစ်သည်။ "ကုမ္ပဏီလုပ်ငန်းတွေနဲ့
ပတ်သက်ပြီး ၀က်ဘ်ဆိုက်ကတော့ အရင်ကတည်းက ရှိပါ တယ်။ update မဖြစ်တာတော့
ရှိပါတယ်။ ကျွန်တော် IT Team ကို ပြန်ဆက်သွယ်ပြီး သတင်းအချက်အလက်တွေကို
ပုံမှန် ပြန်တင် ပေးဖို့ ပြောလိုက်ပါမယ်။ ဘယ်လို အမှား အယွင်း ရှိသလဲတော့ မသိဘူး
Farmer Phoyazar ကုမ္ပဏီမှ ဒါရိုက်တာ ဦးမျိုးထွေးမှ စက်တင်ဘာ ၁၆ ရက်တွင် ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ