အမေရိကန်နှင့် ကုန်သွယ်မှု တိုးတက်ရေး အချိန်ယူရဦးမည်

ကွန်တိန်နာများသယ်ဆောင်လာသော ပင်လယ်ကူးကုန်သွယ်သင်္ဘောတစ်စင်းကို ရန်ကုန်မြစ်ဝအတွင်းတွေ့ရစဉ်။မြန်မာတိုင်း(မ်)ကွန်တိန်နာများသယ်ဆောင်လာသော ပင်လယ်ကူးကုန်သွယ်သင်္ဘောတစ်စင်းကို ရန်ကုန်မြစ်ဝအတွင်းတွေ့ရစဉ်။မြန်မာတိုင်း(မ်)

ဒေါ်အောင်ဆန်းစုကြည်၏ အမေရိကန် ခရီးစဉ် အပြီး မြန်မာအပေါ်ထားရှိသော အရေးယူ
ပိတ်ဆိုမှုများ ဖြေလျှော့ရေးနှင့် ကုန်သွယ်မှု အထူးအခွင့်အရေးတို့ ရရှိမည် ဖြစ်သော်လည်း
အမေရိကန်မြန်မာ နှစ်နိုင်ငံ ကုန်သွယ်မှု တိုးတက်ရေးမှာ အချိန်ယူရဦးမည်ဟု စီးပွားရေး
လုပ်ငန်းရှင်များက ပြောသည်။

ဒေါ်အောင်ဆန်းစုကြည် ခရီးစဉ်တွင် အမေရိကန်က National Emergency Eco-nomy
Power Act ဖြင့် လုပ်ဆောင်ထားသော စီးပွားရေးနှင့် ဘဏ္ဍာရေးပိတ်ဆို့ အရေးယူမှု
များကို ဖယ်ရှားပေးရေးနှင့် ကုန်သွယ်မှု အထူး အခွင့်အရေး GSP ကို လာမည့် နိုဝင်ဘာ
၁၃ ရက်တွင် ပြန်လည်ပေးအပ်ရေးတို့ကို သမ္မတ အိုဘားမားက ပြောဆိုခဲ့သည်။

လက်ရှိတွင် အရေးယူပိတ်ဆုိ့မှုကြောင့် ကုန်သည်များ အခက်အခဲရှိနေမှုနှင့် ပတ်သက်၍
"ပိုပြီး အရေးကြီးတာက ဒေါ်လာနဲ့ ပတ်သက်တဲ့ လွှဲပြောင်းမှု အခက်အခဲပဲ။ အခု ဆိုရင်
Sanction ရှိတဲ့အတွက် ဒေါ်လာက (free flow) မရှိဘူး။ မြန်မာကုန်သွယ်မှု အများ
အပြားက ကြေးနန်းဖြင့် ဆက်သွယ်ရတဲ့ (TT-Telegraph transfer) စနစ်ကို ကျင့်သုံး
ပြီး လွှဲရတဲ့အတွက် စရိတ်ပိုကြီးတယ်။ ကုန် သွယ်မှုက အများကြီး မလုပ်နိုင်တော့ဘူး"ဟု
အစိုးရဟောင်းလက်ထက် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ အကြံပေး
ပုဂ္ဂိုလ် ဒေါက်တာမောင်အောင်က ဆိုသည်။

မကြာမီကာလအတွင်း အမေရိကန်က မြန်မာအပေါ် အရေးယူပိတ်ဆို့မှု ဖယ်ရှားမည်
ဆိုသည့် သတင်းကြောင့် အမေရိကန်လုပ်ငန်း ရှင်များ၏ ရင်းနှီးမြှုပ်နှံမှုများစွာ တိုးတက်မည့်
အလားအလာများ ရှိနေပြီး ကုန်သွယ်မှု အထူးအခွင့်အရေး ရမည့်အခြေအနေကလည်း
နှစ်နိုင်ငံအကြား ကုန်သွယ်မှုကို သေချာပေါက် တိုးတက်လာစေမည်ဟု ၎င်းက ပြောသည်။

မြန်မာ၏ အလုံးစုံ စီးပွားရေးဖွံ့ဖြိုးတိုးတက် မှုအတွက် အမေရိကန်ဘက်က ကူညီပေးမည်
ဖြစ်ပြီး လက်ရှိ အကူအညီပေးရေးအစီအစဉ်များ၊ တာဝန်ခံမှုရှိသော ရင်းနှီးမြှုပ်နှံမှုများကို
အားပေးနိုင်မည့် မူဝါဒရေးရာ ပြောင်းလဲမှုများ မှတစ်ဆင့် ကူညီပေးသွားမည်ဟု အမေရိကန်
သမ္မတဒေါ်အောင်ဆန်း စုကြည်နှင့် တွေ့ဆုံစဉ် ပြောကြားခဲ့သည်။

ကုန်သွယ်မှု အထူးအခွင့်အရေးရပါက ပို့ကုန်များ တင်ပို့ရာတွင် အရေအတွက် သတ်မှတ်
မထားပဲ အခွန်အကောက် ကင်းလွှတ်ခွင့် ပြုမည်ဖြစ်ရာ မြန်မာ့ပို့ကုန်များ ဈေးနှုန်း
သက် သက်သာသာဖြင့် တင်ပို့နိုင်၍ အခြားနိုင်ငံ များနှင့် ယှဉ်ပြိုင်လာနိုင်မည်ဖြစ်သည်။

အရေးယူပိတ်ဆို့မှု ဖယ်ရှားခြင်းနှင့် ကုန်သွယ်မှု အထူးအခွင့်အရေး ပေးလာမည်ကို
ကြိုဆိုသော်လည်း အရေးယူပိတ်ဆို့မှုများ ကြောင့် အမေရိကန်နှင့် မြန်မာ့စီးပွားရေးအရ
ဆက်ဆံမှုမှာ နှစ်ကာလကြာရှည်စွာ မရှိ သလောက်ဖြစ်ခဲ့၍ နစ်နာခဲ့ကြောင်း၊ ကုန်သွယ်မှု
မှာလည်း လွန်စွာနည်းပါးနေသည့် အတွက် နှစ်နိုင်ငံကုန်သွယ်မှု မြင့်တက်ရေး မှာ
အချိန်ယူရဦးမည်ဟု စီးပွားရေးလုပ်ငန်းရှင် ဒေါက်တာစိုးထွန်းက ပြောဆိုခဲ့သည်။

'GSP ပေးလိုက်လို့လည်း အားလုံးအဆင်ပြေသွားတာတော့ မဟုတ်ဘူး။ ပွင့်ပွင့်လင်းလင်း
ပြောရရင် အမေရိကန်နဲ့ လက်ရှိအနေ အထား ကုန်သွယ်မှုက ပြောပလောက်တဲ့
ပမာဏမရှိဘူး။ ရှင်းရှင်းပြောရရင် အဆက် အဆံတောင် မရှိသလောက် ဖြစ်နေပြီ။
အခုမှ ပို့ပါလုပ်လိုက်လို့လည်း ချက်ချင်း ဈေးကွက် ကြီး တက်လာမှာ မဟုတ်ဘူး။
အမေရိကန်ဆန်ရှင်လုပ်လို့လည်း မြန်မာပြည် ဒီတိုင်းပဲ သွားနေတာပေါ့။ ဖြုတ်လိုက်ရင်တော့လည်း
အခွင့်အရေးတစ်ခုအနေနဲ့ ရလာနိုင်တာတွေရှိပါတယ်။ ဒါပေမဲ့ GSP က ဘယ်လိုဟာမျိုး
ပေးသလဲဆိုတာ မသိရသေးဘူးပေါ့"ဟု ၎င်းက ဆိုသည်။

လက်ရှိ နှစ်နိုင်ငံအကြား ကုန်သွယ်မှုမှာ စီးပွားရေးနှင့် ကူးသန်းရောင်းဝယ်ရေး ၀န်ကြီး
ဌာန စာရင်းများအရ အခြားနိုင်ငံများနှင့် နှိုင်းယှဉ်လျှင် လွန်စွာ နည်းပါးခဲ့ကာ ပြီးခဲ့သည့်
၂၀၁၅-၁၆ ဘဏ္ဍာနှစ်တွင် အမေရိကန်ဒေါ်လာ ၁၉၆ သန်းကျော်သာရှိခဲ့သည်။

မြန်မာနိုင်ငံသို့ ကုန်သွယ်မှု အထူးအခွင့် အရေး ပေးထားသည့် အီးယူနိုင်ငံများနှင့်
ကုန်သွယ်မှုမှာ ၂၀၁၅-၁၆ ဘဏ္ဍာနှစ်တွင် ကုန်သွယ်မှုပမာဏ အမေရိကန်ဒေါ်လာ
၆၇၆ သန်းကျော် ရှိခဲ့သည်။ ယခု ၂၀၁၆-၁၇ ဘဏ္ဍာနှစ်စမှ စက်တင် ဘာလ ၉ ရက်
အထိ အမေရိကန်နှင့် မြန်မာ ကုန်သွယ်မှု ပမာဏမှာ အမေရိကန်ဒေါ်လာ ၁၃၄ ဒသမ
၄၉၆ သန်းသာ ရှိသေးသည်။ သို့သော် အမေရိကန်၏ ကုန်သွယ်မှုအထူးအခွင့်အရေးကို
ပြန်ရပါက နှစ်နိုင်ငံ ကုန်သွယ်မှုပမာဏ ပြန်တက်လာမည်ဖြစ်ပြီး ပို့ကုန်များ
အမေရိကန်ဈေးကွက်သို့ ပိုမို တင်ပို့ လာနိုင်မည်ဖြစ်ရာ အထည်ချုပ်နှင့် လက်ခ
စားစနစ် CNP လုပ်ငန်းများ တင်ပို့မှု လျင်မြန် စွာ တိုးတက်လာမည့်အပြင်
အခြားပို့ကုန်များ လည်း တင်ပို့နိုင်ကြောင်း ဒေါက်တာမောင်အောင်က ပြောသည်။

အမေရိကန်ကုန်သွယ်မှု အထူးအခွင့် အရေး မပိတ်ခင်က အထည်ချုပ်ကို များစွာ
တင်ပို့ခဲ့ရပြီး လက်ရှိတွင် ဂျပန်နှင့် ကိုရီးယားသို့ အများဆုံး တင်ပို့နေရသော်လည်း
ယခင် အမေရိကန်၏ ၀ယ်လိုအားကို မမီကြောင်း ၎င်းက ဆိုသည်။

အမေရိကန်၏ GSP ပေးသည့်ထဲတွင် နိုင်ငံရေးအရ အထည်ချုပ်ကဏ္ဍကို မပေးဘဲ
အမေရိကန်နှင့် မဟာမိတ်ဖြစ်သော နိုင်ငံများ ကိုသာ ပေးပြီး ဂျော်ဒန်၊ စင်ကာပူ၊
တောင်ကို ရီးယား၊ ဂျပန်တို့ကို ပေးထားသော်လည်း မြန်မာနိုင်ငံနှင့် မဟာမိတ်
အဆင့်ထိ မရောက်သေးခြင်းကြောင့် အထည်ချုပ်ကဏ္ဍအတွက် ကုန်သွယ်မှု
အထူးအခွင့်အရေး ပေးမပေးမှာ လည်း လက်ရှိတွင် သေချာစွာ သိရှိနိုင်ခြင်း မရှိ
သေးကြောင်း အထည်ချုပ်လုပ်ငန်းရှင်များ အသင်းဥက္ကဋ္ဌ ဦးမြင့်စိုးက ပြောသည်။

မြန်မာ့အထည်ချုပ်ကဏ္ဍသည် ၂၀၀၃ ခုနှစ် ရှေ့ပိုင်းတွင် ကုန်သွယ်မှု အထူးအခွင့်
အရေးနှင့် ပုံစံတူသော Quota စနစ်ကို ခံစားခွင့် ရရှိခဲ့၍ ပြည်ပတင်ပို့မှုမှ ၀င်ငွေ
အမေရိကန် ဒေါ်လာ ၈၁၇ သန်းဖိုး တင်ပို့နိုင်ခဲ့သည်။

ထို အထဲတွင် အမေရိကန်သို့ ဒေါ်လာ သန်း ၅၀၀ နီးပါး တင်ပို့နိုင်ခဲ့ရာ ၆၀ ရာခိုင်နှုန်း
တင်ပို့မှုမှာ အမေရိကန် ဈေးကွက်သို့ တင်ပို့ခဲ့ရသည်ဟု ၎င်းက ဆိုသည်။ အမေရိကန်နှင့်
ကုန်သွယ်မှုကို ကြည့်မည် ဆိုလျှင် ၂၀၁၁-၁၂ ဘဏ္ဍာနှစ်တွင် ကုန်သွယ်မှု ပမာဏ
ကန်ဒေါ်လာ ၂၉၃ သန်းကျော်၊ ၂၀၁၂-၁၃ ဘဏ္ဍာနှစ်တွင် ကုန်သွယ်မှု ပမာဏ
၁၁၉ သန်းကျော်၊ ၂၀၁၃-၁၄ ဘဏ္ဍာ နှစ် တွင် ၁၀၄ သန်းကျော်၊၂၀၁၄-၁၅ ဘဏ္ဍာ နှစ်တွင်
၅၄၄ သန်းကျော် ရှိခဲ့သည်ကို စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန
စာရင်းများအရ သိရသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ