အက္ခရာတန်းကားများ အပ်နှံခွင့် ကြန့်ကြာမှုကြောင့် ငွေကြေးနစ်နာ

ဟံသာဝတီ ကားရောင်းဝယ်ရေးဝင်းအတွင်း၌ အရောင်းအ၀ယ်လုပ်ရန် ပြသထားသော 'ဗ' အက္ခရာ ကားတစ်စီးကို တွေ့ရစဉ်။ (ရတနာ / မြန်မာတိုင်း(မ်))ဟံသာဝတီ ကားရောင်းဝယ်ရေးဝင်းအတွင်း၌ အရောင်းအ၀ယ်လုပ်ရန် ပြသထားသော 'ဗ' အက္ခရာ ကားတစ်စီးကို တွေ့ရစဉ်။ (ရတနာ / မြန်မာတိုင်း(မ်))

မာဇဒါအုပ်စုဝင် လေလံယာဉ်များအား လုံး လက်ခံဆောင်ရွက်ပေးမည်ဆိုသည့် သတင်းများ
ထုတ်ပြန်ပြီးနောက်ပိုင်း အက္ခရာတန်းယာဉ်များကို အပ်နှံခွင့်ပြု ရန်ကြေညာချက် မပေါ်ထွက်
လာသေး ခြင်းကြောင့် ကားဈေးကွက်အတွင်း အက္ခရာတန်း ယာဉ်အိုယာဉ်ဟောင်းများ အပ်နှံ
ရန်စောင့်ဆိုင်းနေသူများနှင့် ၀ယ်ယူသိုလှောင်ထားသည့် လုပ်ငန်းရှင် များအနေဖြင့် ငွေကြေး
နစ်နာမှုများ ကြုံတွေ့နေရကြောင်း ဈေးကွက်အတွင်း မှ ၀ယ်ရောင်းလုပ်ငန်းရှင်များက ပြော
သည်။

"ကားဈေးတွေက ဆက်တိုက်အေး နေပေမယ့် ၀ယ်သူတွေကတော့ အက္ခရာ တန်းယာဉ်တွေ
ကြေညာနိုးနဲ့ ၀ယ်ပြီး သိမ်းထားကြတာ 'ဗ' အက္ခရာကြေညာ ပြီးတဲ့ နောက်ပိုင်းကတည်းက
ပေါ့။ ၀ယ်သူတွေကလည်း 'ဗ' အက္ခရာပြီးရင် တော့ သေချာပေါက် 'ဘ' အက္ခရာ လာမယ်
အထင်နဲ့ ဈေးကွက်ထဲမှာ ရသ လောက်ဈေးနဲ့ ၀ယ်ကြတယ်။ 'ဘ' အက္ခရာက အပ်နှံမယ်ဆိုတာ
မကြေညာ ဘဲ လေလံကားတွေဘက် လှည့်သွား တော့ ၀ယ်သူတွေ ငွေမြုပ်တာပေါ့။ လေလံ
ကား ရှိတဲ့သူတွေကတော့ ငွေပေါ်တဲ့အတွက်ကြောင့် ကားဈေး ကွက်ထဲမှာ လှည့်ပြီး ၀ယ်
ရောင်းလုပ်နေ ကြတာ တချို့လည်း အလုပ်ဖြစ်ကြတယ်" ဟု ကားဝယ်ရောင်း လုပ်ကိုင်သူ
ကိုဦးက ပြောသည်။

သက်ဆိုင်ရာက ယခုလအတွင်း မော်တော်ယာဉ်အပ်နှံခြင်း လုပ်ငန်းများ နှင့် ကားတင်သွင်း
ခြင်းလုပ်ငန်းများကို ၂၀၁၃ ခုနှစ်၊ ဇန်န၀ါရီလ ၁ ရက်နေ့မှ စတင်ခါ ပုံမှန်အတိုင်းဆောင်ရွက်
ပေး သွားမည်ဖြစ်ကြောင်းနှင့် မာဇဒါအုပ်စု ၀င်ယာဉ်များအနက် ကျန်ရှိသည့် လေလံယာဉ်
များ အားလုံးကို အပ်နှံခြင်းကို လက်ခံဆောင်ရွက်ပေးသွားမည်ဟု ထုတ်ပြန်ကြေညာထားပြီး
ဖြစ်သည်။

"ပထမလုပ်ငန်းတွေကို ပုံမှန်အတိုင်း ဆောင်ရွက်ပေးမယ်ဆိုတဲ့ ကြေညာချက် ကတော့ သိပ်ပြီး
မထူးခြားပေမယ့် ဒုတိယထုတ်ပြန်တဲ့ ကြေညာချက်ကတော့ အက္ခရာအနိမ့်ယာဉ်တွေဝယ်ထား
တဲ့ သူတွေအဖို့ ငွေကြေးနစ်နာမှုတွေ ရှိတယ်။ အခုလိုလုပ်တဲ့အတွက် လေလံ ယာဉ်ကိစ္စပြတ်
သွားတယ်ဆိုပေမယ့် လည်း တစ်ဖက်က ကြည့်ပြန်ရင်လည်း 'ဘ၊ လ၊ သ' အက္ခရာတွေကို
ဈေး သက်သက်သာသာနဲ့ ၀ယ်ထားတဲ့ သူတွေ ငွေမြုပ်တာပေါ့။ အဲဒီဖြစ်ရပ်နှစ်ခုက ကားဈေး
ကွက်ကို နည်းနည်းတော့ ဂယက်ရိုက်စေတယ်။ လေလံယာဉ်တွေ လက်ထဲမှာရှိတဲ့သူကတော့
ပြဿနာမရှိ ဘူးပေါ့။ အက္ခရာအနိမ့်ဝယ်တဲ့ သူတွေ အတွက် သူတို့မျှော်လင့်ထားတာက လေလံ
ယာဉ်ပြီးတာနဲ့ သူတို့ဝယ်ထားတဲ့ ကားတွေ အပ်ရတော့မယ်ဆိုတဲ့ အချက် ပဲ။ အဲဒီမျှော်လင့်
ချက်နဲ့ပဲ အောက်ကား ဈေးကွက်မှာ အရောင်းအ၀ယ် တော်တော်လေး ဖြစ်သွားတယ်။ လေလံ
ကား စလစ်က ၉၃ သိန်းအထက်မှာ ရှိတယ်။ အက္ခရာတန်းကျတော့ သိန်း ၆၀ ၀န်းကျင်လောက်
က စတယ်။ ကား အမျိုးအစားပေါ်မူတည်ပြီး အရောင်း အ၀ယ်လုပ်ကြရတယ်" ဟု ကား ၀ယ်
ရောင်း ကိုရင်ထွန်းက ပြောသည်။

မာဇဒါအုပ်စုဝင်ကားများမှာ ကျန်ရှိသည့် လေလံယာဉ်များ အပ်နှံခြင်းကို နိုဝင်ဘာလ ၁၆ ရက်
နေ့ စတင်ဆောင် ရွက်ပေးမည်ဆိုသည့် သတင်းများထွက် ပေါ်ပြီးနောက်ပိုင်း ကားဈေးကွက်
အတွင်း အရောင်းအ၀ယ်ပုံမှန်အတိုင်း သာရှိကြောင်းလည်း ၀ယ်ရောင်းသမား များကပြော
သည်။

"ကားဈေးကွက်ထဲမှာ အရောင်း အ၀ယ်တွေကတော့ ပုံမှန်အတိုင်းပါပဲ။ အရင်လို အဆိုးကြီး
တော့ မဟုတ်ဘူး။ ၀ယ်မယ့်သူတွေကတော့ ကြည့်နေတာ ပဲ။ အရောင်းအ၀ယ်ကတွေက
သိပ် အကောင်းကြီးတော့ မဟုတ်ဘူး။ မာဇဒါအုပ်စုဝင်ကားတွေ အများစုက အစိုးရဌာနပိုင်
ကားတွေ အတော်များ ပြီး အပြင်လူလက်ထဲမှာလည်း ရှိတယ်။ အခုဆိုရင် ကားကုမ္ပဏီ
တစ်ခုက ကား ဟောင်းပေးရင် ကားသစ်လဲပေးတဲ့ အစီ အစဉ်တွေ လုပ်နေပြီ။ အဲဒီကုမ္ပဏီ
ကို လူတွေတော်တော် စိတ်ဝင်စားတယ်။ ဒါပေမယ့်ကြားတာက သူတို့ထဲက သင့်တော်မယ့်
ကားကိုပဲ ယူရမယ်လို့ သိထားတယ်"ဟု ၎င်းက ပြောသည်။

ကားတင်သင်္ဘောကြီးများ ၀င်ရောက် လာပြီဖြစ်သော်လည်း ဆိပ်ကမ်းတွင် မထုတ်ယူရသေး
သည့် ကားအစီးရေ ၁၂,၀၀၀ ကျော်ခန့်ရှိပြီး ကားမှာယူ တင်သွင်းသူများ အနေဖြင့်လည်း
ဆိပ်ကမ်းရောက် တန်ဖိုးလျှော့ချရေး နှင့် အခွန်အခများ လျှော့ချပေးခြင်း တို့ကို စောင့်ဆိုင်း
နေကြသဖြင့် ယခု ကဲ့သို့ ကားများထုတ်ယူမှုမရှိခြင်းဖြစ် ကြောင်းလည်း လုပ်ငန်းရှင်များက
ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ