မြန်မာနိုင်ငံ ရင်းနှီးမြှုပ်နှံမှုဥပဒေသစ် ၂ဝ၁၇ ဧပြီမှ စတင်ကျင့်သုံးနိုင်ရန်ရှိ

 

မြန်မာနိုင်ငံ ရင်းနှီးမြှုပ်နှံမှုဥပဒေနှင့်ပတ်သက်ပြီး နည်းဥပဒေများ ဆက်လက်ရေးဆွဲကာ
လာမည့် ၂ဝ၁၇ ခုနှစ် ဧပြီမှ စတင်၍ ကျင့်သုံးနိုင်ရေး ဆောင်ရွက်မည်ဟု မြန်မာနိုင်ငံရင်းနှီး
မြှုပ်နှံမှုကော်မရှင် အတွင်းရေးမှူး ဦးအောင်နိုင်ဦးက ပြောသည်။

''လျာထားချက်အရ ၂ဝ၁၇ ခုနှစ်၊ ဇန်နဝါရီလကုန်လောက်မှာ နည်းဥပဒေလုပ်ငန်းတွေ
အားလုံးပြီးနိုင်အောင် ဆောင်ရွက်သွားမှာဖြစ်ပါတယ်။ အဲဒါပြီး နည်းဥပဒေထုတ်ပြန်ပြီးတဲ့အခါမှာ
လိုအပ်တဲ့ အမိန့်ညွှန်ကြားချက်တွေ ဆက်လက်ထုတ်ပြန်ဖို့ ရှိပါလိမ့်မယ်။ ပြီးရင် လိုအပ်တဲ့
လုပ်ထုံးလုပ်နည်းတွေ ထုတ်ပြန်ဖို့ ရှိပါလိမ့်မယ်။ ထုတ်ပြန်တဲ့ဟာ အားလုံးက ၂ဝ၁၇ မတ်လ
မကုန်ခင် အပြီးဆောင်ရွက်ပါမယ်။ ရည်ရွယ်ချက်ကတော့ ၂ဝ၁၇-၁၈ ဘဏ္ဍာနှစ်ပေါ့၊
အတိအကျပြောရရင်တော့ ၂ဝ၁၇ ဧပြီလကစပြီး ဥပဒေသစ်၊ နည်းဥပဒေသစ်၊ လုပ်ထုံး
လုပ်နည်းသစ်တွေနဲ့ ကျင့်သုံးဆောင်ရွက်သွားနိုင်ဖို့ ပြင်ဆင်ဆောင်ရွက်သွားမှာဖြစ်ပါတယ်''ဟု
ဦးအောင်နိုင်ဦးက ပြောသည်။

အောက်တိုဘာ ၂၇ ရက် နံနက် ၉ နာရီက ဟီတန်ဟိုတယ်၌ ကျင်းပပြုလုပ်သည့် မြန်မာနိုင်ငံ
ရင်းနှီးမြှုပ်နှံမှုဥပဒေနှင့်ပတ်သက်သော နည်းဥပဒေများဆက်လက်ရေးဆွဲရေးအတွက်
ပထမဆုံးအကြိမ် ညှိနှိုင်းအစည်းအဝေးအပြီး မီဒီယာများကိုပြောကြားခဲ့ခြင်းဖြစ်သည်။

လက်ရှိ အချိန်တွင် မြန်မာနိုင်ငံရင်းနှီးမြှုပ်နှံမှုကော်မရှင်က တင်လာသည့် အဆိုပြုလွှာ
အားလုံးကို အသေးစိတ်စစ်ဆေး ခွင့်ပြုလျက်ရှိပြီး နည်းဥပဒေသစ် ပေါ်ထွက်လာပါက
မြန်မာနိုင်ငံ ရင်းနှီးမြှုပ်နှံမှုကော်မရှင်က အားလုံးကို စစ်ဆေးတော့မည်မဟုတ်ကြောင်း၊
နည်းဥပဒေပြဋ္ဌာန်းပြီးနောက်ပိုင်းတွင် မြန်မာနိုင်ငံ ရင်းနှီးမြှုပ်နှံမှုကော်မရှင်သည် ဥပဒေအရ
မဖြစ်မနေ ကိုင်တွယ်ရမည့်လုပ်ငန်းများကိုသာ ဆောင်ရွက်တော့မည်ဖြစ်ပြီး ကျန်ရှိနေသည့်
လုပ်ငန်များအားလုံးကို တိုင်းဒေသကြီးနှင့် ပြည်နယ်အစိုးရများထံ လုပ်ပိုင်ခွင့်များနှင့်
ဆုံးဖြတ်ခွင့်များ လွှဲပြောင်းပေးအပ်သွားမည်ဖြစ်သည်။

ဥပဒေအရ မဖြစ်မနေကိုင်တွယ်ရမည့် လုပ်ငန်းများဆိုသည်မှာ မြန်မာနိုင်ငံရင်းနှီးမြှုပ်နှံမှု
ဥပဒေ၏ အပိုဒ် ၃၇ တွင် ပြဋ္ဌာန်းထားသော ရင်းနှီးမြှုပ်နှံသူသည် နည်းဥပဒေတွင်ဖော်ပြထားသော
နိုင်ငံတော်အတွက် မဟာဗျူဟာအရ အရေးပါသည့် ရင်းနှီးမြှုပ်နှံမှုလုပ်ငန်းအမျိုးအစားများ၊
မတည်ငွေရင်းကြီးမားသည့် ရင်းနှီးမြှုပ်နှံမှု လုပ်ငန်းအမျိုးအစားများ၊ သဘာဝပတ်ဝန်းကျင်နှင့်
ဒေသခံလူထုအပေါ် သက်ရောက်မှု ဖြစ်ပေါ်စေနိုင်သည့် ရင်းနှီးမြှုပ်နှံမှုလုပ်ငန်းများ၊
နိုင်ငံတော်ပိုင်မြေ၊ အဆောက်အအုံများအသုံးပြုသည့် ရင်းနှီးမြှုပ်နှံမှု လုပ်ငန်းများနှင့်
ကော်မရှင်သို့ အဆိုပြုချက်တင်ပြစေရန် အစိုးရအဖွဲ့က သတ်မှတ်ထားသည့် ရင်းနှီးမြှုပ်နှံမှု
လုပ်ငန်းကို ကော်မရှင်သို့အဆိုပြုချက်တင်ပြစေပြီး ခွင့်ပြုမိန့် ရရှိမှသာ ရင်းနှီးမြှုပ်နှံရမည်
ဟူသည့် လုပ်ငန်းများဖြစ်သည်ဟု ရန်ကုန်တိုင်းဒေသကြီး ဆိပ်ကြီးခနောင်တို မဲဆန္ဒနယ်
ပြည်သူ့လွှတ်တော်ကိုယ်စားလှယ် ဦးတင်နိုင်ထွန်းက အောက်တိုဘာ ၄ ရက် ပြည်ထောင်စု
လွှတ်တော်အစည်းအဝေးတွင် မြန်မာတိုင်း(မ်)ကို ပြောသည်။

၎င်းက '' မဟာဗျူဟာအရ အရေးပါတဲ့လုပ်ငန်းတွေရယ်၊ သဘာဝဘေးအန္တရာယ်နဲ့ ကျေးလက်နေ
ပြည်သူလူထုရဲ့ ဘဝကိုထိခိုက်နိုင်တဲ့ လုပ်ငန်းအမျိုးအစားတွေရယ်၊ မတည်ငွေ အရမ်းကြီးမားတဲ့
လုပ်ငန်းအမျိုးအစားရယ် အဲဒီဟာတွေက ဘာတွေလဲဆိုတဲ့ အဓိပ္ပာယ်ဖွင့်ဆိုမှုတွေ လိုအပ်တယ်။
နည်းဥပဒေ အမြန်လိုက်ပြီးပြဋ္ဌာန်းဖို့လိုတယ်။ ဒီနည်းဥပဒေထွက်မှ နိုင်ငံခြားက
ရင်းနှီးမြှုပ်နှံသူတွေက အပေါ်မှာပြောတဲ့အချက်တွေကို သိရှိနားလည်ပြီး မြန်မာနိုင်ငံကို ဝင်လာပြီး
စီးပွားရေး လုပ်မှာဖြစ်တယ်။ အဲဒီသတ်မှတ်ချက်တွေ ပြတ်သားမှုမရှိရင် ရင်းနှီးမြှုပ်နှံသူက
ဝေဝါးသွားပြီး လာဖို့ စဉ်းစားသွားမယ်''ဟု ဆိုသည်။

မြန်မာနိုင်ငံ ရင်းနှီးမြှုပ်နှံမှုကော်မရှင်၏အခန်းကဏ္ဍသည် နည်းဥပဒေသစ်ပေါ်ထွက်လာပါက
အထက်ပါ ဥပဒေအရ မဖြစ်မနေကိုင်တွယ်ရမည့် လုပ်ငန်းများသာ ကျန်ရှိတော့မည်ဖြစ်သဖြင့်
လက်ရှိအနေအထားထက် ပိုမိုလျော့နည်းသွားမည်ဖြစ်သည်။

ပြည်ထောင်စုသမ္မတ မြန်မာနိုင်ငံအတွင်း စီးပွားရေးနယ်ပယ်အသီးသီးတွင်ရင်းနှီးမြှုပ်နှံလိုသူများ
ရှိနေပြီး မြန်မာနိုင်ငံ၏ စီးပွားရေးဖွံ့ဖြိုးတိုးတက်ရေးအတွက်မြန်မာနိုင်ငံ ရင်းနှီးမြှုပ်နှံမှုဥပဒေကို
ဆောလျင်စွာ အသုံးချနိုင်ရေးဆောင်ရွက်ရန် လိုအပ်လျက်ရှိကြောင်း အမျိုးသားလွှတ်တော်ဥက္ကဋ္ဌ
ဦးမန်းဝင်းခိုင်သန်းကအောက်တိုဘာ ၄ ရက် အစည်းအဝေးတွင်ပြောခဲ့သည်။

အမေရိကန်အရေးယူပိတ်ဆို့မှုများ ဖယ်ရှားခဲ့ခြင်းကြောင့် ရင်းနှီးမြှုပ်နှံမှုများ ပိုမိုဝင်
ရောက်လာနိုင်မည်ဟု ခန့်မှန်းကြသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ