ရခိုင်ပြည်နယ်မှ မတ်ပဲတန်ချိန် တစ်သောင်းခန့် အိန္ဒိယသို့ တင်ပို့မည်

ရောင်းတန်းဝင် ပဲမျိုးစုံကို ရန်ကုန်ဈေးကွက်အတွင်း ရေစဉ်။ ဓာတ်ပုံ - မြန်မာတိုင်း(မ်)ရောင်းတန်းဝင် ပဲမျိုးစုံကို ရန်ကုန်ဈေးကွက်အတွင်း ရေစဉ်။ ဓာတ်ပုံ - မြန်မာတိုင်း(မ်)

ရခိုင်ပြည်နယ် စစ်တွေမြို့တွင် ဆောက်လုပ်လျက်ရှိသော ကုလားတန်မြစ်ကြောင်း စီမံကိန်း ပြီးဆုံးပါက
လာမည့်နှစ်တွင် ရခိုင်ပြည်နယ်မှ မတ်ပဲတန်ချိန် တစ်သောင်းခန့်ကို အိန္ဒိယနိုင်ငံသို့ တင်ပို့သွားမည်
ဖြစ်ကြောင်း ပြည်နယ် စီမံကိန်း၊ အခွန်၊ စီးပွားရေးနှင့် ဘဏ္ဍာရေးဝန်ကြီး ဦးကျော်အေးသိန်းက
ပြောသည်။

အစိုးရနှင့် ပုဂ္ဂလိကကုမ္ပဏီများ ပူးပေါင်း ၍ ရခိုင်ပြည်နယ်အတွင်း မတ်ပဲများ စိုက်ပျိုးပြီး တင်ပို့သွားမည်
ဖြစ်သည်ဟု ၎င်းက ဆိုသည်။

"ဆိပ်ကမ်းကို အခုနှစ် မတ်လမှာ နိုင်ငံတော်ကို အပြီးသတ် အပ်နှံမယ်လို့ သိရပါတယ်။ ဒီဆိပ်ကမ်း
ပြီးရင်တော့ အဲဒီက တစ်ဆင့် အိန္ဒိယကို မတ်ပဲတင်ပို့မှာပါ။ မတ်ပဲစိုက်ပျိုး ပြီးတော့ ပဲတန်ချိန်
၁၀,၀၀၀ လောက်ကို စိုက်ပျိုးထုတ်လုပ် တင်ပို့ဖို့အတွက် စီစဉ်ဆောင်ရွက်တာ ဖြစ်ပါတယ်"ဟု
ဦးကျော်အေးသိန်းက ပြောသည်။

အိန္ဒိယသည် မြန်မာနိုင်ငံ၏ ပဲဈေးကွက်အတွက် အဓိကနိုင်ငံ ဖြစ်သည့်အပြင် ရခိုင်ပြည်နယ်သည်
အိန္ဒိယသို့ ရေလမ်းခရီး ကုန်သွယ်ရေးအတွက် အလွန်အခွင့်အလမ်းရှိသော ပြည်နယ်တစ်ခု
ဖြစ်ကြောင်း၊ ထို့ကြောင့် ယခုနှစ်မှ စတင်ကာ ဈေးကွက်အပေါ် မူတည်ပြီး ရခိုင်ပြည်နယ်အတွင်း
မတ်ပဲများ တိုးချဲ့ စိုက်ပျိုး ထုတ်လုပ်သွားမည်ဖြစ်ပြီး တင်ပို့မည့် ပဲတန်ချိန် မပြည့်ပါက
မြန်မာနိုင်ငံအလယ်ပိုင်း ပဲစိုက်ပျိုးသည့်ဒေသများမှ တင်သွင်းကာ အိန္ဒိယနိုင်ငံသို့ တင်ပို့သွားမည်
ဖြစ်ကြောင်း ၎င်းက ပြောသည်။

"ရခိုင်ပြည်နယ်အနေနဲ့ အိန္ဒိယကို မတ်ပဲ တင်ပို့နိုင်မယ်ဆိုရင် စိုက်ပျိုးတဲ့ တောင်သူတွေ အတွက်ရော၊
ကုန်သည်တွေအတွက်ရော အကျိုးအမြတ်အများကြီး ရှိလာမှာဖြစ်ပြီး ရေကြောင်းလမ်းကို အသုံးပြုပြီး
အိန္ဒိယကို ကုန်ပစ္စည်းသယ်မယ်ဆိုရင် စစ်တွေဆိပ်ကမ်းကနေ အိန္ဒိယကို အချိန်ကာလ
တိုတောင်းစွာနဲ့ တင်ပို့နိုင်တဲ့အတွက် နောက်ပိုင်းမှာ စစ်တွေမြို့ဟာ အိန္ဒိယနဲ့ ဆက်သွယ်တဲ့
အဓိက ပဲဈေး ကွက်တစ်ခု ဖြစ်လာနိုင်ပါတယ်"ဟု ဦးကျော်အေးသိန်းက ဆက်လက်ပြောကြားသည်။

ရခိုင်ပြည်နယ်အတွင်း၌ မတ်ပဲဖြစ်ထွန်းရန် အခွင့်အလမ်းရှိသော ကျောက်တော်၊ မြောက်ဦး၊ မင်းပြားနှင့်
ဘူးသီးတောင်မြို့နယ်များတွင် မတ်ပဲ ဧက ၃၀၀ ခန့် စိုက်ပျိုးထုတ်လုပ်ရန် လျာထားကြောင်း၊
ထွက်ရှိလာသော မတ်ပဲမျိုးများကို တောင်သူများထံ ဖြန့်ဖြူးပြီး နောင်နှစ်များတွင် တောင်သူများ
ကျယ်ကျယ်ပြန့်ပြန့် စိုက်ပျိုးနိုင်ရန် မတ်ပဲမျိုးကို တိုးချဲ့ ထုတ်လုပ်သွားရန်ရှိကြောင်းလည်း
၎င်းက ပြောသည်။

မတ်ပဲကို မိုးစပါးရိတ်သိမ်းပြီးချိန် နိုဝင် ဘာလအတွင်း၌ အပြီးစိုက်ပျိုးရမည်ဖြစ်ပြီး ကာလကျော်လွန်ပါက
အောင်မြင်မှု ရာခိုင်နှုန်း နည်းကြောင်း၊ ရခိုင်ပြည်နယ်တွင် လုပ်သားအင်အား ရှားပါးခြင်း၊
စက်မှုလယ်ယာ မထွန်းကားခြင်းတို့ကြောင့် စပါးများကို အချိန်မီ မရိတ်သိမ်းနိုင်သဖြင့် မတ်ပဲစိုက်ပျိုးရန်
တောင်သူများ စိတ်ဝင်စားမှု နည်းကြောင်း ကျောက်တော်မြို့နယ်မှ တောင်သူဦးမောင်ထွီး က
ပြောသည်။

"မတ်ပဲကို နိုဝင်ဘာလမှာ အပြီးစိုက်ပျိုးရ မှာ ဖြစ်ပါတယ်။ နိုဝင်ဘာလလွန်မှ စိုက်ပျိုးရင် အောင်မြင်မှု
ရာခိုင်နှုန်း အလွန်နည်းပါးသွားပါတယ်။ မိုးစပါးရိတ်သိမ်းပြီး ချက်ချင်း စိုက်ပျိုးနိုင်မှ အဆင်ပြေမှာ
ဖြစ်ပါတယ်။ နိုဝင်ဘာလလွန်မှ စိုက်ပျိုးကြတဲ့ တောင်သူများတာကြောင့် အောင်မြင်မှုမရှိတာ
ဖြစ်ပါတယ်။ အောင်မြင်မှု နည်းတဲ့အတွက် တောင်သူတွေ စိတ်ဝင်စားမှု နည်းတာဖြစ်ပါတယ်"ဟု
ဦးမောင်ထွီးက ဆိုသည်။

ရမ်းဗြဲမြို့နယ်တွင် ယမန်နှစ်က မတ်ပဲ စမ်းသပ်စိုက်ဧက ၅၀ ကို စိုက်ပျိုးခဲ့သော်လည်း နည်းပညာ
အခက်အခဲကြောင့် မအောင်မြင်ခဲ့ကြောင်း ပြည်နယ်စိုက်ပျိုးရေး၊ မွေးမြူရေး၊ သစ်တောနှင့်
သတ္တုတွင်းဝန်ကြီး ဦးကျော်လွင် က ဆိုသည်။

"စက်နဲ့ သုံးနာရီလောက်ထွန်ရတဲ့ ပမာဏကို လူက ၁၀ ရက်လောက် ထွန်ရတယ်။ ထွန်ပြီးလို့
စိုက်မယ့်အချိန်ရောက်ရင် မြေခြောက်ပြီး စိုက်ပျိုးလို့ မရနိုင်တော့တဲ့အတွက် စိုက်ပျိုးလို့ မအောင်မြင်တာ
ဖြစ်ပါတယ်"ဟု ဦးကျော်လွင်က ပြောသည်။

ရခိုင်ပြည်နယ်အတွင်း မတ်ပဲကို စိတ်ဝင်တစား စိုက်ပျိုးခြင်း မရှိသေးကြောင်း၊ ထို့ကြောင့် ယခုနှစ်တွင်
မတ်ပဲစမ်းသပ် စိုက်ပျိုးဧက ၃၀၀ ကို ကျောက်တော်မြို့နယ်တွင် စိုက်ပျိုးသွားမည်ဖြစ်ပြီး ထိုမှ
ထွက်ရှိလာသော ပဲများကို မျိုးအဖြစ်ထားရှိကာ နောင်နှစ်များတွင် တောင်သူများ စိုက်ပျိုးနိုင်ရန်
ဖြန့်ဝေပေးသွားမည်ဖြစ်ကြောင်း၊ ရခိုင်ပြည်နယ်တောင်ပိုင်းဒေသများတွင် မတ်ပဲထက်
ဈေးကောင်းပိုရသော မြေပဲကို အစိုက်များကြသည်ကို တွေ့ရကြောင်းလည်း ဦးကျော်လွင် က
ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ