၂၀၁၇ ခုနှစ်အတွင်း ရွှေဗဟိုဈေးကွက် ပေါ်ပေါက်လာရေး လုပ်ဆောင်နေ

ရွှေရောင်းဝယ်ခြင်းကို တစ်နေရာတည်းတွင် ပြုလုပ်နိုင်မည့် ရွှေဗဟိုဈေးကွက်ကို ရန်ကုန်မြို့တွင်
၂၀၁၇ ခုနှစ်အတွင်း ပေါ်ပေါက်လာရန် သက်ဆိုင်ရာဝန်ကြီးဌာနများနှင့် ရွှေအသင်းတို့က
ပူးပေါင်းဆောင်ရွက်လျက်ရှိကြောင်း မြန်မာနိုင်ငံ ရွှေလုပ်ငန်းရှင်များအသင်း အထွေထွေအတွင်းရေးမှူး
ဦးကျော်ဝင်းက ပြောသည်။

ရွှေဗဟိုဈေးကွက်ပေါ်ပေါက်ရေးအတွက် မူဝါဒနှင့် အကောင်အထည်ဖော်ရန် သက်ဆိုင်ရာ
ဝန်ကြီးဌာနများဖြစ်သည့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထဲရေးဝန်ကြီးဌာန၊
သယံဇာတနှင့် ပတ်ဝန်းကျင်ထိန်းသိမ်းရေးဝန်ကြီးဌာန၊ စီမံကိန်းနှင့် ဘဏ္ဍာရေးဝန်ကြီးဌာန၊
ဗဟိုဘဏ်တို့နှင့် မြန်မာနိုင်ငံ ရွှေလုပ်ငန်းရှင်များ အသင်း၊ ဗဟိုဈေးကွက်ကြီး ဖော်ဆောင်မည့်
မြန်မာ့ရွှေ ဖွံ့ဖြိုးတိုးတက်ရေး အများပိုင် ကုမ္ပဏီတို့ ညှိနှိုင်းမှုများ ပြုလုပ်ခဲ့ရာ လက်ရှိအချိန်ထိပင်
ဖြစ်သည်ဟု ၎င်းက ဆိုသည်။

"ဒီဈေးကွက်ကြီးပေါ်ပေါက်ဖို့ အန်ကယ်တို့အားနဲ့ လုပ်ငန်းရှင်ကြီးပဲ လုပ်လို့မရဘူး။ နိုင်ငံတော်ဘက်က
ရွှေကို တင်ပို့မယ်။ တင်သွင်းမယ်။ မူဝါဒကအစ ဒီဈေးကွက်မှာ ဘယ် လို ကုန်သွယ်မှုလုပ်မလဲ။
Rule နဲ့ Regulation ဘယ်လိုရှိမလဲ။ ဒါကို နိုင်ငံတော်ဘက်က ပံ့ပိုးပေးမှ၊ သတ်မှတ်ပေးမှ
အန်ကယ်တို့က ဒီမူဝါဒကို အကောင်အထည်ဖော်ပြီး လုပ်ရမှာ။ အန်ကယ်တို့က မူဝါဒချပေးတဲ့အပိုင်း
မဟုတ်တော့ အခုလိုနှစ်နဲ့ချီပြီးကြာ(ရွှေဗဟိုဈေးကွက် ပေါ်ပေါက်လာဖို့ )တာ အန်ကယ်တို့လည်း
သိတယ်။ ဌာနဆိုင်ရာတွေကို ကျွန်တော်တို့က ပံ့ပိုးကူညီပေးမယ်။ သူတို့ဘက်က မြန်မြန်လုပ်ရင်တော့
မြန်မြန်ပေါ် ပေါက်လာမှာပေါ့" ဟု အဆိုပါဈေးကွက် အကောင်အထည်ဖော်မည့် ရွှေဖွံ့ဖြိုးတိုးတက်ရေး
အများပိုင်ကုမ္ပဏီ၏ ဈေးကွက်ဒါရိုက်တာ လည်းဖြစ်သူ ဦးကျော်ဝင်းက ပြောသည်။

ထိုဈေးကွက်ကြီး ပေါ်ပေါက်လာပါက နိုင်ငံတကာနှင့် လွတ်လပ်စွာ ရောင်းဝယ်ဖောက်ကားနိုင်မည်
ဖြစ်သည်။

သို့သော် ထိုသို့ရောင်းဝယ်နိုင်ရန် လက်ရှိတွင် ရွှေကဏ္ဍကို စီးပွားရေးနှင့် ကူးသန်းရောင်းဝယ်ရေး
ဝန်ကြီးဌာနက ပို့ကုန် ကန့်သတ်ကုန်စည်ထဲမှ ရွှေဗဟိုဈေးကွက် မူဝါဒရေးဆွဲပြီးချိန်တွင်
ပယ်ဖျက်သွားမည်ဟု ပြောဆိုထားကြောင်း ၎င်းက ဆိုသည်။

"အခုပဲ စီးပွားကူးသန်းက ပယ်ဖျက်မယ်လို့ ပြောထားပြီးပါပြီ။ ဒီမူဝါဒပြီးသွားတဲ့အခါ တစ်ခါတည်း
သူတို့ ပယ်ဖျက်ပေးမယ်။ လက်ရှိ အစိုးရအဖွဲ့အစည်းအဝေးလည်း ထိုင်ထားပြီးပြီဆိုတော့
ဒီမူဝါဒရေးဖို့က အဓိကဖြစ်ပါတယ်"ဟု ဦးကျော်ဝင်းက ပြောသည်။

ရွှေအပါအ၀င် ရေနံနှင့် စိန်ကိုလည်း ကန့်သတ်ကုန်စည်ထဲမှ ပယ်ဖျက်သွားမည်ဟု စီးပွားရေးနှင့်
ကူးသန်းရောင်းဝယ်ရေး ၀န်ကြီးဌာန လက်ထောက်အတွင်းဝန် ဦးခင်မောင်လွင်က မြန်မာတိုင်း(မ်)ကို
၂၀၁၆ ခုနှစ်၊ ဩဂုတ်လအတွင်း ပြောဆိုခဲ့သည်။

ရွှေဗဟိုဈေးကွက်နှင့် ပတ်သက်၍ လိုအပ်ချက်အတွက် ဒုတိယအကြိမ် ပြင်ဆင်သည့် သတ္တုတွင်း
ဥပဒေမူကြမ်းထဲတွင် ရွှေနှင့် ပတ်သက်၍ ထုတ်လုပ်ပြီးပစ္စည်းကို ရောင်းချ ခွင့်ရှိသည်ဟု
ပါထားပြီးသားဖြစ်ပြီး ယင်းအပြင် နည်းဥပဒေထဲတွင် ရောင်းခွင့်၊ ၀ယ်ခွင့် ပါမစ်ပါ ထည့်သွင်းထားရန်
သယံဇာတနှင့် ပတ်ဝန်းကျင်ထိန်းသိမ်းရေး ၀န်ကြီးဌာနက ပြင်ဆင်သင့်သည်များကို
ပြင်ဆင်လုပ်ဆောင်ထားပြီဖြစ်ကြောင်း၊ ၎င်းတို့ ၀န်ကြီးဌာနက ရွှေကို မြန်မာနိုင်ငံ၏ စံချိန်စံညွှန်း
သတ်မှတ်ပေးရန် အချက်သာ လိုအပ်တော့ရာ ရွှေလုပ်ငန်းရှင်များအသင်းနှင့် ညှိနှိုင်း၍ စံချိန်စံညွှန်း
သတ်မှတ်ပေးရန် လုပ်ထားပြီးပြီဖြစ်ကြောင်း အဆိုပါဝန်ကြီးဌာနအောက်ရှိ သတ္တုတွင်းဦးစီးဌာန၊
ညွှန်ကြားရေးမှူးချုပ် ဦးဝင်းထိန်က ပြောသည်။

ရန်ကုန်မြို့အတွင်း ရွှေဗဟိုဈေးကွက် တည်ထောင်မည့် နေရာအတွက် စီးပွားရေးနှင့်
ကူးသန်းရောင်းဝယ်ရေးဝန်ကြီးဌာနက ပံ့ပိုးကူညီမည်ဖြစ်ပြီး ရန်ကုန်တိုင်းဒေသကြီး
ဝန်ကြီးချုပ် ဦးဖြိုးမင်းသိန်းနှင့် မြို့တော်ဝန် ဦးမောင်မောင်စိုးတို့ကလည်း ကူညီပေးမည်ဟု
ရွှေအသင်းက သွားရောက်တွေ့ဆုံစဉ် ပြောဆိုခဲ့ကြောင်း ဦးကျော်ဝင်းက ပြောသည်။

"နေရာနဲ့ပတ်သက်ပြီး အကြမ်းအားဖြင့် ၀န်ကြီးဌာနက ကျွန်တော်တို့ကို ကူညီပံ့ပိုးပေးမယ်ဆိုတာ
သိတယ်။ ဒုတိယတစ်ချက်က ရန်ကုန်တိုင်းဝန်ကြီးချုပ်ကလည်း ကျွန်တော်တို့ကို ကူညီပေးမယ်။
ဘယ်နေရာတွေ လုပ်ပေးမလဲဆိုတော့ စည်ပင်သာယာ ကန်ထရိုက်တွေနဲ့ တခြားအပေးအယူလုပ်တဲ့
ကွန်ဒိုတွေ ရှိတယ်။ အဲဒီမှာ ဘယ်ကွန်ဒိုကဖြင့် သင့်တော်တယ်။ ကျွန်တော်တို့ ပံ့ပိုးပေးမယ်။ စသဖြင့်
နေရာအနေအထားကတော့ ရန်ကုန်တိုင်း ၀န်ကြီးချုပ်ကော၊ မြို့တော်ဝန်ပါ ကျွန်တော်တို့ကို
ကူညီပေးမယ်ပြောပါတယ်။ အဆိုပြုချက်လည်း ကျွန်တော်တို့ကို တင်ခိုင်းထားတာရှိတယ်။
နေရာအတိအကျကတော့ ရမှပဲ ပြောလို့ရမယ်"ဟု ၎င်းက ဆိုသည်။

ရွှေလုပ်ငန်းရှင်များအသင်းနှင့် ရွှေဖွံ့ဖြိုး တိုးတက်ရေး အများပိုင်ကုမ္ပဏီသည် လက်ရှိ
ရန်ကုန်တိုင်းဒေသကြီးအတွင်းရှိ ရွှေဈေးကွက်နှင့် အနီးဆုံးဖြစ်စေရန် ကြိုးစားနေကြောင်း၊
လက်ရှိနိုင်ငံတော်အစိုးရကလည်း ရွှေဗဟိုဈေးကွက် ပေါ်ပေါက်ရန် မျှော်မှန်းထားသောကြောင့်
မကြာခင် ရွှေဗဟိုဈေးကွက် တည်ထောင်နိုင်မည်ဟု ရွှေဖွံ့ဖြိုးတိုးတက်ရေး အများပိုင်ကုမ္ပဏီ၏
ဈေးကွက်ဒါရိုက်တာက ပြောသည်။

လက်ရှိတွင် စီးပွားကူးသန်း၊ ဗဟိုဘဏ်၊ စီမံကိန်းနှင့် ဘဏ္ဍာရေးဝန်ကြီးဌာန၊ အကောက်ခွန်တို့နှင့်သာ
ညှိနှိုင်းရန် ကျန်ရှိနေသေးကြောင်း သိရပြီး ရွှေဗဟိုဈေးကွက် တည်ထောင်ပြီးပါက သတ္တုကဏ္ဍကို
တစ်ပြိုင်တည်း အကောင်အထည်ဖော်ရန် အခက်အခဲရှိ သည့်အတွက် နောက်ပိုင်းမှသာ သတ္တုကဏ္ဍ
ထည့်သွင်း၍ ပူးပေါင်းလုပ်ဆောင်သွားမည်ဟု ၎င်းက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ