ဗြိတိန်အစိုးရက ရေနံနှင့် သဘာဝဓာတ်ငွေ့ကဏ္ဍ ထောက်ပံ့ထားမှုအပေါ် လေ့လာမည်

ဗြိတိန်နိုင်ငံ စကော့တလန် ပြည်နယ်ဝန်ကြီး DavidMundell သည် မြန်မာနိုင်ငံသို့
လာရောက်မည်ဖြစ်ပြီးမြန်မာ့ကမ်းလွန်ရေနံနှင့် သဘာဝဓာတ်ငွေ့ အခန်းကဏ္ဍတွင်
ဗြိတိန်နိုင်ငံက ထောက်ပံ့ပေးထားသော စီမံကိန်းအကျိုးဖြစ်ထွန်းနေမှုများကို လေ့လာ
ဆွေးနွေးသွားမည်ဖြစ်ကြောင်း မြန်မာနိုင်ငံဆိုင်ရာ ဗြိတိန်သံရုံးကသတင်းထုတ်ပြန်ထားသည်။

David Mundell သည် မြန်မာနိုင်ငံသို့ ဧပြီ ၃ ရက်မှ၅ ရက် ကြားတွင် လာရောက်
လည်ပတ်မည်ဖြစ်ပြီး လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဖေဇင်ထွန်းနှင့်
တွေ့ဆုံမည်ဖြစ်သည်။

ဗြိတိန်နိုင်ငံ၏ ထောက်ပံ့ပေးထားသော စီမံကိန်းသည်၂ဝ၁၅ ခုနှစ်၊ စက်တင်ဘာတွင်
ဦးဖေဇင်ထွန်း ယခင်အမြဲတမ်း အတွင်းဝန်ရာထူး တာဝန်ယူထားစဉ်က စကော့တလန် ပြည်နယ်ရှိ
Aberdeen မြို့သို့ အစိုးရအရာရှိများ၊စီးပွားရေးလုပ်ငန်းရှင်များနှင့်အတူ လေ့လာရေးခရီးစဉ်
သွားရောက်မှုမှ တစ်ဆင့် စတင်ခဲ့ခြင်းဖြစ်သည်။

''မြန်မာနိုင်ငံသူ နိုင်ငံသားတွေရဲ့ အကျိုးစီးပွားကိုတိုးတက်လာအောင် ကူညီပေးနိုင်မယ့်
ရေနံနဲ့ သဘာဝဓာတ်ငွေ့လုပ်ငန်းတွေ ခေတ်မီ ဖွံ့ဖြိုးတိုးတက်လာအောင်ပုံဖော်တဲ့နေရာမှာ
ဗြိတိန်နိုင်ငံက ကူညီပေးသွားနိုင်အောင်လည်း ကျွန်တော်တို့မှာ အတွေ့အကြုံ နည်းပညာတွေ
အပြည့်အဝ ရှိနှင့်ပြီး ဖြစ်ပါတယ်။ ဒီအတွက်ကြောင့်လည်းကျွန်တော်တို့ ဗြိတိန်စီးပွားရေး
လုပ်ငန်းတွေအတွက်ဒီနိုင်ငံမှာ အခွင့်အလမ်းတွေ ဖြစ်ပေါ်လာနိုင်မှာပါ'' ဟု David Mundell က
ပြောသည်။

ဗြိတိန်အစိုးရ၏ ကမ်းလွန်ရေနံနှင့် သဘာဝဓာတ်ငွေ့အခန်းကဏ္ဍ အထောက်အပံ့ပေးရေး
စီမံကိန်းကို Aberdeen International Associates (AIA) နှင့် စွမ်းအင်နည်းပညာနှင့်
ဝန်ဆောင်မှုပေးသော AGR အဖွဲ့အစည်းများက ဗြိတိန်အစိုးရ ကိုယ်စားလှယ်အဖြစ်
အကောင်အထည်ဖော် ဆောင်ရွက်ပေးခဲ့သည်။

မြန်မာနိုင်ငံ၏ ပြည်တွင်းကုန်စည် ထုတ်လုပ်ဖြန့်ဖြူးရေးလုပ်ငန်းတွင် ဆက်လက်ဖွံ့ဖြိုး
တိုးတက်မှုများ များစွာ လိုအပ်လျက်ရှိကြောင်း လေ့လာတွေ့ရှိပြီး ကမ်းလွန် သဘာဝဓာတ်ငွေ့
ကဏ္ဍ တိုးတက်လာသည်နှင့်အမျှ ပေါ်ပေါက်လာမည့် ပြည်တွင်းရှိ အခွင့်အလမ်းများ အများဆုံး
အသုံးချနိုင်ရေးအတွက်လည်း မြန်မာနိုင်ငံအနေဖြင့် ယင်းကဏ္ဍရှိစီးပွားရေးလုပ်ငန်းများ
ဖွံ့ဖြိုးတိုးတက်စေရန် အစီအမံများလိုအပ်ကြောင်း ထုတ်ပြန်ချက်တွင် ဖော်ပြထားသည်။

''မြန်မာနိုင်ငံရဲ့ ရေနံနဲ့ သဘာဝဓာတ်ငွေ့လုပ်ငန်းကစကော့တလန်ပြည်နယ်နဲ့ သမိုင်းကြောင်းအရ
ဆက်နွှယ်မှုများစွာ ရှိခဲ့ပါတယ်။ မြန်မာနိုင်ငံဟာ ကမ္ဘာပေါ်မှာ ရေနံကို သက်တမ်းအကြာမြင့်ဆုံး
ထုတ်လုပ်ခဲ့တဲ့ နိုင်ငံ တစ်နိုင်ငံဖြစ်ပါတယ်။ ၁၈၈၆ ခုနှစ်မှာ စကော့တလန်ပိုင် ဗမာ့ရေနံ
လုပ်ငန်းဟာ မြန်မာနိုင်ငံမှာ ရေနံတူးဖော်ခဲ့တဲ့ ပထမဆုံးနိုင်ငံခြားသားပိုင်လုပ်ငန်း ဖြစ်ခဲ့ပါတယ်။
အဲဒီအချိန်ကတည်းက စကော့တလန်နဲ့ မြန်မာ့ရေနံလုပ်ငန်း ဆက်နွှယ်ခဲ့မှုဟာ ယနေ့အချိန်အထိလည်း
ဆက်စပ်မှု ရှိနေပါသေးတယ်။ မြန်မာနိုင်ငံရဲ့ စွမ်းအင်သယံဇာတများစွာ ပင်လယ်ရေနက် ပိုင်းမှာ
တည်ရှိနေတဲ့အတွက် စကော့တလန်ရဲ့နိုင်ငံတကာက အသိအမှတ်ပြုမှုများစွာ ရရှိထားတဲ့
မြောက်ပင်လယ်ရှိ စွမ်းအင်ရှာဖွေတူးဖော်ရေး လုပ်ငန်းတွေကအသိပညာ အတတ်ပညာတွေကို
ဆက်စပ်အသုံးချနိုင်လို့ပါပဲ''ဟု David Mundell က ပြောသည်။

ယခုလက်ရှိ စကော့တလန်ပိုင်လုပ်ငန်း ကုမ္ပဏီများမြန်မာနိုင်ငံတွင် လာရောက် အလုပ်လုပ်ကိုင်လျက်
ရှိပြီးယခုထက် ပိုများသော လုပ်ငန်းများလည်း လာရောက်ပူးပေါင်းမည်ဟု မျှော်လင့်ကြောင်း ၄င်းက
ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ