ယခုနွေရာသီ ရန်ကုန်တိုင်းအတွက် လျှပ်စစ်မီး လုံလောက်စွာရရှိရေး နိုင်ငံတော်သမ္မတ ရန်ပုံငွေထဲက အသုံးပြုမည်

 ရန်ကုန်တိုင်းဒေသကြီးအတွင်းရှိ လျှပ်စစ်ဓာတ်အားပေးဝေရေး ဓာတ်အားလိုင်းဌာနခွဲတစ်ခုကို တွေ့ရစဉ်။ ဓာတ်ပုံ - မြန်မာတိုင်း(မ်)ရန်ကုန်တိုင်းဒေသကြီးအတွင်းရှိ လျှပ်စစ်ဓာတ်အားပေးဝေရေး ဓာတ်အားလိုင်းဌာနခွဲတစ်ခုကို တွေ့ရစဉ်။ ဓာတ်ပုံ - မြန်မာတိုင်း(မ်)

ယခုလာမည့် နွေရာသီ ရန်ကုန်တိုင်းဒေသကြီးအတွက် လျှပ်စစ်မီး လုံလောက်စွာရရှိရေး
နိုင်ငံတော် သမ္မတရန်ပုံငွေထဲက အသုံးပြုသွားမည်ဖြစ်ကြောင်း ရန်ကုန်တိုင်းဒေသကြီး
ဝန်ကြီးချုပ် ဦးဖြိုးမင်းသိန်းက ပြောသည်။

ဒုတိယသမ္မတနှင့် စီမံကိန်းနှင့် ဘဏ္ဍာရေး ပြည်ထောင်စုဝန်ကြီး အပါအဝင် ပြည်ထောင်စု
ဝန်ကြီးအချို့နှင့် စီးပွားရေး လုပ်ငန်းရှင်များ ယခုလ ၁ဝ ရက်နေ့တွင် ကုန်သည်များနှင့်
စက်မှုလက်မှု လုပ်ငန်းရှင်များ အသင်းချုပ်၌ တွေ့ဆုံစဉ် ဦးဖြိုးမင်းသိန်းက ယင်းသို့
ပြောကြားခဲ့ခြင်းဖြစ်သည်။

ထိုသို့ လျှပ်စစ်မီး လုံလောက်စွာ ရရှိရေးအတွက် လျှပ်စစ်နှင့် စွမ်းအင်ဝန်ကြီးဌာနနှင့်
ဆွေးနွေးထားပြီး နိုင်ငံတော်သမ္မတ၏ အထူး ရန်ပုံငွေထဲမှ လာမည့်နွေရာသီတွင်
၂၅ မဂ္ဂါဝပ် ထုတ်လုပ်နိုင်မည့် ဓာတ်ဆီ၊ ဒီဇယ်ပါ သုံးနိုင်သော အင်ဂျင်တစ်လုံး ဝယ်ယူရန်
ပြင်ဆင်ထားကြောင်း၊ ယင်းအတွက် တင်ဒါ ခေါ်ယူရန် တိုင်းဒေသကြီး အစိုးရဝန်ကြီးများက
ပြင်ဆင်နေပြီဖြစ်ကြောင်း ၄င်းက ပြောသည်။

အဆိုပါအင်ဂျင်စက်သည် ၂၅ မဂ္ဂါဝပ် ထွက်မည်ဖြစ်ပြီး ထိုသို့ ဝယ်ယူရန်အတွက် သက်ဆိုင်ရာ
ပြည်ထောင်စုဝန်ကြီးဌာနက သမ္မတ အထူးရန်ပုံငွေဖြင့် ခွင့်ပြုထားပြီး ဖြစ်ကြောင်း
ရန်ကုန်တိုင်းဒေသကြီး ဝန်ကြီးချုပ်က ပြောသည်။

ရန်ကုန်တိုင်းဒေသကြီးအစိုးရအနေဖြင့် လျှပ်စစ်မီး အဆင့်မြှင့်တင်ရေးအတွက် စီစဉ်နေပြီး
သွယ်တန်းရေးနှင့် ဖြန့်ချိရေး အပိုင်းအားလုံးကို ပုဂ္ဂလိက ကဏ္ဍနှင့် ပူးပေါင်းဆောင်ရွက်ပါက
အမြန်ဆုံးတိုးတက်အောင် ဆောင်ရွက်နိုင်မည်ဖြစ်ကြောင်း၊ လျှပ်စစ်မီးမရှိဘဲ ရန်ကုန်တိုင်း၏
ဖွံ့ဖြိုးတိုးတက်မှုကို လုပ်ဆောင်နိုင်မည်မဟုတ်ဘဲ လျှပ်စစ်မီးလုံလောက်စွာ
မပေးနိုင်ခြင်းကြောင့် စက်ရုံအချို့ မလည်ပတ်နိုင်ကြောင်း သိရသည်။

လျှပ်စစ်ထုတ်လုပ်ရာတွင် သဘာဝ ဓာတ်ငွေ့နှင့် ထုတ်လုပ်ရာတွင် ကုန်ကျစရိတ် များနိုင်ပြီး
ကျောက်မီးသွေးဖြင့် ထုတ်ပါက ကုန်ကျစရိတ် သက်သာနိုင်ကြောင်း ၄င်းက ပြောသည်။

သို့သော် ကျောက်မီးသွေး ထုတ်လုပ်မှုအတွက် သဘာဝပတ်ဝန်းကျင် ထိန်းသိမ်းမှုကို
ကာကွယ်ရခြင်းကြောင့် မြန်မာနိုင်ငံသည် နောက်ကျ ကျန်နေခဲ့ပြီး ကမ္ဘာ့နိုင်ငံများ
အပါအဝင် ဂျပန်နိုင်ငံသည်လည်း နည်းပညာ အဆင့်မြင့် ထုတ်လုပ်သော ကျောက်မီးသွေးဖြင့်
လျှပ်စစ်ထုတ်လုပ်မှုကို ဆောင်ရွက်နေပြီ ဖြစ်ကြောင်း၊ မြန်မာနိုင်ငံအနေဖြင့်လည်း
ဈေးနှုန်းချိုသာသည့် လျှပ်စစ်မီး ထုတ်လုပ်မှုကို စဉ်းစားဆောင်ရွက်ရန်
လိုအပ်နေပြီဖြစ်ကြောင်း ဦးဖြိုးမင်းသိန်းက ပြောသည်။

သင့်တင့်မျှတသော ဈေးနှုန်းဖြင့် ထုတ်လုပ်နိုင်သည့် ဈေးနှုန်းကို စဉ်းစားပြီး
သဘာဝပတ်ဝန်းကျင် ထိခိုက်မှု အနည်းဆုံးဖြင့် အကျိုးဖြစ်ထွန်းမှုကို ဆောင်ရွက်သွားရန်
အစီအစဉ်ရှိပြီး ထိုသို့လုပ်ဆောင်ရန် ပုဂ္ဂလိကကနှင့် ပြီးခဲ့သည့် တစ်နှစ်ကတည်းက ညှိနှိုင်း
ဆွေးနွေးခဲ့ကြောင်း ၄င်းက ပြောသည်။

ရန်ကုန်တိုင်းဒေသကြီးသည် လက်ရှိတွင် လျှပ်စစ်မီး မဂ္ဂါဝပ် ၁,၃၅ဝ သုံးစွဲနေပြီး
လာမည့်နှစ်အတွင်း တိုးတက်လာသည့် အခြေအနေသည် မဂ္ဂါဝပ် ၅ဝဝ တိုး၍ လိုအပ်
လာမည်ဖြစ်ပြီး နောင် ငါးနှစ်စာအတွက် မဂ္ဂါဝပ်၃,ဝဝဝ ကို ရန်ကုန်တိုင်း အတွက်
ပြင်ဆင်ထားမှာ ဖွံ့ဖြိုးတိုးတက်မှု အဆင်ပြေမည်ဖြစ်ကြောင်း သိရသည်။

အစိုးရ၏ အဓိကရည်ရွယ်ချက်သည် ယခုနှစ်အနေဖြင့် လျှပ်စစ်ဓာတ်အားနှင့် လမ်းပန်း
ဆက်သွယ်ရေးသည် အဓိကဖြစ်ပြီး လျှပ်စစ်ဓာတ်အားကို မဖြစ်မနေ ဖြစ်နိုင်သော နည်းလမ်းဖြင့်
လုပ်ဆောင်ရမည် ဖြစ်ကြောင်း၊ လျှပ်စစ်ကဏ္ဍတွင် ပုဂ္ဂလိကကဏ္ဍကို ပထမဆုံး ဖြေလျှော့မှု
အနေဖြင့် လုပ်ကိုင်ခွင့်ပေးထားပြီဖြစ်ပြီး ထပ်မံ၍ ထုတ်လုပ်၊ တပ်ဆင်၊ ဖြန့်ဖြူး ရောင်းချခြင်းအထိ
ကဏ္ဍတစ်ခုလုံး ကိုယ်တိုင် လုပ်ခွင့်ရှိအောင် ဖြေလျှော့ပေးသွားမည်ဟု စီမံကိန်းနှင့်
ဘဏ္ဍာရေး ဝန်ကြီးဌာန ပြည်ထောင်စုဝန်ကြီး ဦးကျော်ဝင်းက အဆိုပါနေ့တွင် ပြောသည်။

ပုဂ္ဂလိကကဏ္ဍက လုပ်ဆောင်လိုပါက လုပ်ကိုင်ခွင့်ရှိပြီး လုပ်ငန်းရှင်များအနေဖြင့်
ဝန်ကြီးဌာနနှင့် ဆက်သွယ်ဆောင်ရွက်ရာတွင် ကြန့်ကြာမှုရှိပါက တင်ပြနိုင်ကြောင်း၊
စီမံဘဏ္ဍာဝန်ကြီးအနေဖြင့် သက်ဆိုင်ရာ ဝန်ကြီးဌာနနှင့် တိုက်ရိုက်ညှိနှိုင်းပေးသွားမည်ဖြစ်ပြီး
မြန်ဆန်စွာရနိုင်အောင် ဆောင်ရွက် ပေးသွားမည်ဟု ၄င်းကဆိုသည်။

''ကျွန်တော်တို့တွေ မီးမှောင်မှောင်ထဲမှာ ငုတ်တုတ် ထိုင်နေရမယ့်အချိန် မဖြစ်သင့်တော့ဘူး။
မလိုလားအပ်တဲ့ ဥပဒေတွေ၊ ကန့်သတ်ချက်တွေကြောင့် ကျွန်တော်တို့ ပြည်သူတွေ၊
လုပ်ငန်းရှင်တွေ မီးမှောင်မှောင်ထဲမှာ စမ်းတဝါးဝါးနဲ့ မတည်ငြိမ်တဲ့ လျှပ်စစ်အနေနဲ့
လာလိုက်၊ ပျက်လိုက်နဲ့ အဲဒီလိုအချိန် မဟုတ်တော့ဘူး။ လျှပ်စစ်ကို မဖြစ်ဖြစ်တဲ့နည်းနဲ့
ဖြစ်နိုင်တဲ့ နည်းလမ်းကို သုံးမယ်။ ဒါကြောင့် ပုဂ္ဂလိက လုပ်ငန်းရှင်တွေဘက်က
အခက်အခဲရှိရင် မြန်မာနိုင်ငံ ရင်းနှီးမြှုပ်နှံမှု ကော်မရှင်ကို တင်ပေးပါ။
သက်ဆိုင်ရာဝန်ကြီးဌာနနဲ့ ညှိနှိုင်းဆောင်ရွက်ပေးပါ့မယ် ''ဟု ဦးကျော်ဝင်းက ပြောသည်။

မြန်မာနိုင်ငံရှိ ဂက်စ်တာဝါတိုင်များသည် သက်တမ်း ကြာမြင့်လာပြီ ဖြစ်သောကြောင့်
စွမ်းအားကျဆင်းလာရာ ဆက်လက်လည်ပတ်ရန် သက်တမ်း ကန့်သတ်ချက် ရှိလာပြီဖြစ်သည်။
ယင်းကဏ္ဍတွင် နိုင်ငံတော်ဘတ်ဂျက်ကို စောင့်စရာမလိုဘဲ ပုဂ္ဂလိက က ဝင်ရောက်ရင်းနှီးမြှုပ်နှံ
ပါက ဂက်စ်တာဝါတိုင်များ အသစ်ဖြစ်လာမည်ဖြစ်ပြီး စက်မှုစွမ်းအား မြင့်တက်လာကာ
သက်တမ်း ပိုရှည်လာမည် ဖြစ်ကြောင်း ၄င်းက ပြောသည်။

''ဒါကို ပုဂ္ဂလိကကို ဘာကြောင့် မပေးနိုင်ရမှာလဲ။ ဘာကြောင့်မို့ ပုဂ္ဂလိကနဲ့ တွဲမလုပ်နိုင်ရမှာလဲ။
ဘာကြောင့် မလုပ်နိုင်လဲ အကြောင်းပြချက်ပေးရမယ်။ ဒီတိုင်း ဆက်လုပ်ရင် ပြင်တာ နှစ် ၂ဝ
ကြာမယ်။ ပုဂ္ဂလိကကဏ္ဍက ဝင်လုပ်ဖို့ သက်ဆိုင်ရာဝန်ကြီးဌာနနဲ့ ညှိပါ့မယ်'' ဦးကျော်ဝင်းက
ဆိုသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ