လျှပ်စစ်အတွက် ကျောက်မီးသွေးနည်းပညာကို စဉ်းစားရမည့်အချိန်

ရှမ်းပြည်တောင်ပိုင်းရှိ တီကျစ် ကျောက်မီးသွေးသုံး ဓာတ်အားပေးစက်ရုံအနီး တစ်နေရာကို တွေ့မြင်ရစဉ်။ ဓာတ်ပုံ - မြန်မာတိုင်း(မ်)ရှမ်းပြည်တောင်ပိုင်းရှိ တီကျစ် ကျောက်မီးသွေးသုံး ဓာတ်အားပေးစက်ရုံအနီး တစ်နေရာကို တွေ့မြင်ရစဉ်။ ဓာတ်ပုံ - မြန်မာတိုင်း(မ်)

ကျောက်မီးသွေးကနေ နည်းပညာသုံး (Clean Coal Technology) ကို အသုံးပြု 
လျှပ်စစ်ထုတ်လုပ်မှုဟာ ကမ္ဘာ့မှာ ဖွံ့ဖြိုးပြီးနိုင်ငံတွေမှာ တွင်တွင်ကျယ်ကျယ်သုံးနေကြသလို 
အိမ်နီးချင်းနိုင်ငံတွေဖြစ်တဲ့ မလေးရှား၊ ဘင်္ဂလားဒေ့ရှ်၊ အိန္ဒိယ၊ ဖိလစ်ပိုင် စတဲ့နိုင်ငံတွေ
မှာလည်း ကျောက်မီးသွေးလောင်စာသုံး စက်ရုံတွေ တည်ဆောက်နေကြပါတယ်။

မြန်မာနိုင်ငံမှာတော့ လက်ရှိအနေအထားအရ ကျောက်မီးသွေးကနေ လျှပ်စစ်ကို တွင်တွင်
ကျယ်ကျယ် ထုတ်လုပ်နေတာမရှိသေးပါဘူး။ ကျောက်မီးသွေးကနေ လျှပ်စစ်ထုတ်လုပ်မယ်
ဆိုရင် ဘေးထွက်ဆိုးကျိုးတွေ များနေတဲ့အတွက် ပြည်သူများက လက်ခံနိုင်ခြင်းမရှိသေ
းပါဘူး။ ကမ္ဘာ့အင်အားကြီးနိုင်ငံတွေလို ကျောက်မီးသွေး ထုတ်လုပ်ရာမှာ
Clean Coal Technology ကို အသုံးပြုထုတ်လုပ်ရေးဟာလည်း လက်ရှိအချိန်မှာတော့
မြန်မာနိုင်ငံအနေနဲ့ အလှမ်းဝေးနေဆဲပဲ ဖြစ်ပါတယ်။

အခုချိန်အထိ နိုင်ငံအတွင်း လျှပ်စစ်ဓာတ်အားရရှိရေးအတွက် ရေအားနဲ့သဘာဝဓာတ်ငွေ့
ကိုသာ အဓိကအရင်းအမြစ်အဖြစ် အားပြုနေရဆဲဖြစ်ပြီး ပြန်ပြည့်မြဲစွမ်းအင်ဖြစ်တဲ့ လေအား
နဲ့ ဆိုလာစနစ်ဟာလည်း သိသိသာသာ တိုးတက်လာခြင်းမရှိသေးဘဲ နိုင်ငံတော်ရဲ့
အမျိုးသား လျှပ်စစ်ဓာတ်အားပေးစနစ်ထဲကို ရောက်ရှိလာခြင်း မရှိသေးပါဘူး။

လျှပ်စစ်နဲ့စွမ်းအင်ဝန်ကြီးဌာနရဲ့ အချက်အလက်တွေအရဆိုရင် လျှပ်စစ်မီးရရှိရေးအတွက်
၂ဝ၁၆ ခုနှစ်မှာ ရေအားလျှပ်စစ်ကနေ ၆၁ ရာခိုင်နှုန်း၊ သဘာဝဓာတ်ငွေ့ကနေ ၃၅ ရာခိုင်
နှုန်းမှီခိုနေရပြီး ကျောက်မီးသွေးကနေ လျှပ်စစ်ရရှိမှုဟာလည်း လေအားနဲ့ဆိုလာကဲ့သို့ပဲ
နှစ်ရာခိုင်နှုန်းစီလောက်ပဲ ရှိနေပါသေးတယ်။

လက်ရှိအနေအထားမှာတော့ ရေအားကနေ လျှပ်စစ်ထုတ်လုပ်မှု စီမံကိန်းတွေ အကောင်
အထည်ဖော်တာတွေရှိပေမဲ့ ဘဏ္ဍာငွေလိုအပ်ချက်တွေကြောင့် လုပ်ငန်းသတ်မှတ်ကာလ
အတွင်း ပြီးစီးအောင် လုပ်ဆောင်နိုင်မှာမဟုတ်ဘူးလို့ သက်ဆိုင်ရာဝန်ကြီးဌာန တာဝန်
ရှိသူက ပြောဆိုပါတယ်။

တစ်ဖက်ကလည်း ရေအားလျှပ်စစ်စီမံကိန်းတွေကို သဘာဝပတ်ဝန်းကျင် ဆိုးကျိုး
သက်ရောက်မှုတွေ ဖြစ်လာမှာ စိုးရိမ်တဲ့အတွက် ပြည်သူတွေက လက်ခံနိုင်ခြင်းမရှိဘဲ
ကန့်ကွက်နေကြဆဲပဲ ဖြစ်ပါတယ်။

သို့သော် နိုင်ငံအတွင်း လျှပ်စစ်ဓာတ်အားလိုအပ်ချက်ဟာ တစ်နှစ်ထက်တစ်နှစ် တိုးတက်
လာခဲ့ပေမဲ့ အဲဒီလိုအပ်ချက်ကို နိုင်ငံတော်က ဖြည့်ဆည်းနိုင်ခြင်း မရှိသေးသလို တစ်ဖက်
ကလည်း လျှပ်စစ်မရရှိသေးတဲ့ အိမ်ထောင်စု ၆ ဒသမ ၅ သန်းခန့် ရှိနေပါသေးတယ်။
အမျိုးသားလျှပ်စစ်ဓာတ်အားရရှိရေးစီမံချက်အရဆိုရင် ၂ဝ၃ဝ ပြည့်နှစ်မှာ ၁ဝဝ ရာခိုင်နှုန်း
ပြည့်ရရှိရန် မျှော်မှန်းထားတာပဲ ဖြစ်ပါတယ်။

နိုင်ငံအတွင်း တိုးတက်သုံးစွဲလာတဲ့ လျှပ်စစ်လိုအပ်ချက် အလျဉ်မီရေးနဲ့ လျှပ်စစ်မီးမရရှိသေး
တဲ့ဒေသတွေအတွက် ဖြည့်ဆည်းနိုင်ရေးဟာ အဓိကကျသလို တစ်ဖက်ကလည်း နိုင်ငံ့
စီးပွားရေး ဖွံ့ဖြိုးတိုးတက်မှုကို အထောက်အကူဖြစ်စေမယ့် နိုင်ငံခြားရင်းနှီးမြှုပ်နှံမှုတွေ
ဖိတ်ခေါ်ရေးမှာ အဟန့်အတားတစ်ခုဖြစ်နေတဲ့ အခြေခံအဆောက်အအုံ လိုအပ်ချက်
လျှပ်စစ်မီးရရှိရေးဟာလည်း အဓိက ကျနေပါတယ်။

ဒါပေမဲ့ လျှပ်စစ်ရရှိရေး အရင်းအမြစ်တွေထဲက ပြည်တွင်းလျှပ်စစ် လိုအပ်ချက်အတွက်
တစ်ရက်ကို ကုဗပေ သန်း ၄ဝဝ ဖြန့်ဖြူးပေးနေတဲ့ သဘာဝဓာတ်ငွေ့ကမ်းလွန်စီမံကိန်း
သုံးခုဖြစ်တဲ့ ရတနာ၊ ရွှေနဲ့ ဇောတိကတို့ဟာ သဘာဝအလျှောက် ထွက်မှုနှုန်း တဖြည်းဖြည်း
ကျဆင်းလာနေပြီဖြစ်တာကြောင့် ခုနှစ်အလိုက် ပိုမိုကျဆင်းလာမှာ ဖြစ်တယ်လို့ မြန်မာ့ရေနံ
နဲ့ သဘာဝဓာတ်ငွေ့လုပ်ငန်း ဦးဆောင်ညွှန်ကြားရေးမှူးဦးမျိုးမြင့်ဦးက ပြောဆိုထားပါတယ်။

ဆက်လက်ပြီး ရခိုင်ကမ်းလွန်မှာ သဘာဝဓာတ်ငွေ့ လုပ်ကွက်သစ်တွေ တွေ့ရှိနေပေမဲ့
သဘာဝဓာတ်ငွေ့ဟာ နိုင်ငံသယံဇာတဖြစ်သလို ပြန်လည်ဖြည့်ဆည်းလို့မရတဲ့အတွက်
ရေရှည်မှီခိုနိုင်ဖို့ဟာ မဖြစ်နိုင်ဘူးလို့ သက်ဆိုင်ရာ ကျွမ်းကျင်သူတွေက ထောက်ပြကြ
ပါတယ်။

ဒါကြောင့် ရေရှည်အတွက် လျှပ်စစ်ရရှိရေးအနေအထားကို သက်ဆိုင်ရာအသိုင်းအဝိုင်းက
မျိုးစုံထောက်ပြပြောဆိုမှုတွေထဲမှာ Master Plan ရေးဆွဲရေး၊ နိုင်ငံတော်က နှစ်စဉ် အရှုံးခံ
စိုက်ထုတ်နေရတဲ့ ထုတ်လုပ်မှုစရိတ်ကို မကာမိတဲ့ ဖြန့်ဖြူးရေးစရိတ်မှာ မီတာခ တိုးမြှင့်
ကောက်ခံရေးနဲ့လျှပ်စစ်ရရှိရေးကို အရင်းအမြစ်ရှာဖွေထုတ်လုပ်မှုပုံစံ၊ အရင်းအမြစ်ရှာဖွေ
ရေးနဲ့ အခြားကိစ္စရပ်တွေ ပါဝင်ပါတယ်။

လျှပ်စစ်နဲ့ စွမ်းအင်ဝန်ကြီးဌာန၊ ဒုတိယဝန်ကြီးဟောင်း ဦးမော်သာထွေးရဲ့ရေရှည်ဓာတ်အား
ထုတ်လုပ်မှုမျှော်မှန်းချက်နှင့် ရေအရင်းအမြစ်အချိုး စာတမ်းမှာ လျှပ်စစ်ရရှိရေးအရင်းအမြစ်
ရှာဖွေမှုကို ရေအား၊ ကျောက်မီးသွေး၊ သဘာဝဓာတ်ငွေ့နဲ့ ပြန်ပြည့်မြဲစွမ်းအင်တို့ ပေါင်းစပ်
ရှာဖွေခြင်းရဲ့ နည်းလမ်းသုံးမျိုးထဲက ရေအားအရင်းအမြစ်က ၅ဝ၊ ၆ဝ ရာခိုင်နှုန်းကျော်ရှိပြီး
ကျောက်မီးသွေးက ၂ဝ၊ ၂၅ ရာခိုင်နှုန်း၊ ဓာတ်ငွေ့ကတော့ ၁ဝ ရာခိုင်နှုန်းနဲ့ ၁၅ ရာခိုင်နှုန်း
မှာရှိပြီး ပြန်ပြည့်မြဲစွမ်းအင်ကတော့ ငါးရာခိုင်နှုန်းနဲ့ ၁ဝ ရာခိုင်နှုန်း အသီးသီးရှိနေပါတယ်။

မြန်မာနိုင်ငံရဲ့ လျှပ်စစ်မီးရရှိရေးပြဿနာ ရင်ဆိုင်နေရဆဲအခြေအနေမှာ သဘာဝဓာတ်ငွေ့
နဲ့ထုတ်လုပ်ရာမှာ ကုန်ကျစရိတ်များနိုင်ပြီး ကျောက်မီးသွေးနဲ့ထုတ်ရင် ကုန်ကျစရိတ်
သက်သာနိုင်တဲ့အတွက် ဈေးနှုန်းချိုသာတဲ့ လျှပ်စစ်မီးထုတ်လုပ်မှုကို စဉ်းစားဆောင်ရွက်ဖို့
လိုအပ်နေပြီလို့ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ပြောဆိုခဲ့ပါတယ်။

ဒါပေမဲ့ ကျောက်မီးသွေးထုတ်လုပ်မှုမှာ သဘာဝပတ်ဝန်းကျင် ထိန်းသိမ်းရေးကိုကာကွယ်
ရတဲ့အတွက် မြန်မာနိုင်ငံဟာ နောက်ကျကျန်နေခဲ့ပြီး ကမ္ဘာ့နိုင်ငံတွေ အပါအဝင် ဂျပန်နိုင်ငံ
ဟာလည်း နည်းပညာ အဆင့်မြင့်ထုတ်လုပ်တဲ့ ကျောက်မီးသွေးကနေ လျှပ်စစ်ထုတ်လုပ်
မှုကို ဆောင်ရွက်နေပြီ ဖြစ်တာကြောင့် မြန်မာနိုင်ငံအနေနဲ့လည်း ဈေးနှုန်းချိုသာတဲ့
ထုတ်လုပ်မှုကို စဉ်းစားသင့်နေပြီလို့ ပြောဆိုခဲ့တာပဲ ဖြစ်ပါတယ်။

ဒါ့ပြင် ကျောက်မီးသွေးကနေ လျှပ်စစ်ထုတ်ဖို့ လျှပ်စစ်နဲ့ စွမ်းအင်ဝန်ကြီးဌာနရဲ့ လက်ရှိ
ထိပ်ပိုင်းခေါင်းဆောင်အချို့ကလည်း ပြောဆိုသံထွက်ခဲ့သလို လျှပ်စစ်ရရှိရေးရေရှည်
စီမံကိန်းအစီအစဉ်တွေ အကြံပြုဆွေးနွေးပွဲတွေမှာလည်း ယခင် လျှပ်စစ်ဒုတိယဝန်ကြီး
ဟောင်းတွေက ကျောက်မီးသွေးကနေ အရင်းအမြစ်ရယူမှုကို လက်ရှိ နှစ်ရာခိုင်နှုန်းကနေ
၃၃ ရာခိုင်နှုန်းအထိ တိုးမြှင့်ထုတ်လာရေးအတွက် စာတမ်းတွေချပြခဲ့တာပါ။

မြန်မာနိုင်ငံက ကျောက်မီးသွေးကနေ လျှပ်စစ် တိုးတက်ထုတ်လုပ်ဖို့ လေသံပစ်နေသလို
အာဆီယံနိုင်ငံတွေမှာလည်း ERIA  ရဲ့ ဖော်ပြချက်အရ အရင်းအမြစ်အသုံးချပြီးလျှပ်စစ်
ဓာတ်အားထုတ်လုပ်ရာမှာ ကမ္ဘောဒီးယားနိုင်ငံဟာ ၂ဝ၁ဝ ပြည့်နှစ်မှာ ရေအားကနေ ၅၅
ရာခိုင်နှုန်း၊ လောင်စာဆီကနေ ၄၅ ရာခိုင်နှုန်း အားပြုထုတ်လုပ်ခဲ့သော်လည်း ၂ဝ၂ဝ
မှာတော့ ကျောက်မီးသွေးကနေ ၄၅ ရာခိုင်နှုန်း အားပြုထုတ်လုပ်ပြီး ရေအား ၄၁ ရာခိုင်နှုန်း၊
လောင်စာဆီ ၁ဝ ရာခိုင်နှုန်း၊ သဘာဝဓာတ်ငွေ့ လေးရာခိုင်နှုန်း ထုတ်လုပ်ဖို့ရည်မှန်းထား
တာပါ။ လာအိုနိုင်ငံမှာလည်း ၂ဝ၁ဝ ပြည့်နှစ်က ရေအားကို ရာခိုင်နှုန်းပြည့် မှီခိုပြီး လျှပ်စစ်
ထုတ်လုပ်ခဲ့ပေမဲ့ ၂ဝ၂ဝ ပြည့်နှစ်မှာတော့ ကျောက်မီးသွေးကို ၄၉ ရာခိုင်နှုန်းနဲ့ ရေအား ၅၁
ရာခိုင်နှုန်းထုတ်လုပ်ဖို့ ရည်မှန်းထားတာကို တွေ့ရပါတယ်။

ဒါ့ပြင် အင်ဒိုနီးရှားနဲ့ မလေးရှားက ၂ဝ၁ဝ ပြည့်နှစ်ကတည်းက ကျောက်မီးသွေးကို ၃၅
ရာခိုင်နှုန်းသုံးစွဲ၍ လျှပ်စစ်ထုတ်လုပ်နေပြီး လာမယ့် ၂ဝ၂ဝ အတွက်တော့ အင်ဒိုနီးရှားက
၅၈ ရာခိုင်နှုန်းနဲ့ မလေးရှားက ၄၁ ရာခိုင်နှုန်းအထိ တိုးမြှင့်အသုံးပြုရန် ရည်မှန်းထားသလို
ဖိလစ်ပိုင်ကလည်း ကျောက်မီးသွေးကနေ လျှပ်စစ်တိုးချဲ့ထုတ်လုပ်ဖို့ရည်မှန်းထားကြောင်း
သက်ဆိုင်ရာနိုင်ငံတွေရဲ့ ဝန်ကြီးဌာနက ဖော်ပြမှုတွေအရ သိရပါတယ်။

မြန်မာရဲ့အိမ်နီးချင်း ထိုင်းနိုင်ငံမှာတော့ လျှပ်စစ်အတွက် ရေနံနဲ့ သဘာဝဓာတ်ငွေ့ကို
၂ဝ၁၂ ခုနှစ်မှာ ၆၈ ရာခိုင်နှုန်းကျော် သုံးစွဲနေပြီး ကျောက်မီးသွေး ၂ဝ ရာခိုင်နှုန်းနီးပါးနဲ့
ရေအားလျှပ်စစ်ကို ၁၂ ရာခိုင်နှုန်းကျော် သုံးစွဲနေတာပဲဖြစ်ပါတယ်။

မြန်မာနိုင်ငံဟာလည်း ၂ဝ၁၆ ခုနှစ်အခြေအနေအရ သဘာဝဓာတ်ငွေ့ကနေ ၃၅ ရာခိုင်နှုန်း၊
ရေအားလျှပ်စစ်ကနေ ၆၁ ရာခိုင်နှုန်း၊ ကျောက်မီးသွေးနဲ့ ဒီဇယ်မှ နှစ်ရာခိုင်နှုန်းစီ စုစုပေါင်း
မဂ္ဂါဝပ် ၅,၂၃၅ ထုတ်လုပ်နေတာပါ။ ၂ဝ၂ဝ မှာတော့ ရေအားလျှပ်စစ်ကနေ ၅၃ ရာခိုင်နှုန်း
ကျော်၊ သဘာဝဓာတ်ငွေ့ကနေ ၂၂ ရာခိုင်နှုန်းကျော်နဲ့ ကျောက်မီးသွေးက ၂၂ ရာခိုင်နှုန်း
နီးပါး သုံးစွဲလာနိုင်တဲ့ အခွင့်အလမ်းများရှိနေပြီး ၂ဝ၃ဝ မှာကျောက်မီးသွေးအရင်းအမြစ်ကို
၃၃ ရာခိုင်နှုန်းအထိ တိုးချဲ့လာနိုင်တဲ့ အနေအထားတွေ ရှိနေတယ်လို့ လျှပ်စစ်နှင့်စွမ်းအင်
ဝန်ကြီးဌာနက အငြိမ်းစား ဒုတိယဝန်ကြီးဟောင်း ဦးအောင်သန်းဦးရဲ့ Power Generation,
Transmission and Distribution စာတမ်းမှာ ဖော်ပြထားပါတယ်။

အရင်းအမြစ်အလိုက် ထုတ်လုပ်မှုစရိတ်နဲ့ ဖြန့်ဖြူးခြင်းအပါအဝင် စရိတ်ကုန်ကျမှုမှာ
ရေအားက ၈၉ ကျပ်၊ ကျောက်မီးသွေးက ၁၃၈ ကျပ်၊ သဘာဝဓာတ်ငွေ့က ၁၇၈ ကျပ်၊
နေအားက ၂၆၃ ကျပ်နဲ့ လေအားက ၂၁၉ ကျပ်အထိ ကုန်ကျမှာဖြစ်ကြောင်း လျှပ်စစ်နှင့်
စွမ်းအင်ဝန်ကြီးဌာနက အငြိမ်းစား ဒုတိယဝန်ကြီးဟောင်း၊ ဦးမော်သာထွေးရဲ့ ဓာတ်အား
ထုတ်လုပ်မှုအရင်းအမြစ်အချိုးနဲ့ ဓာတ်အားခဈေးနှုန်း ကြောင်းကျိုးဆက်နွှယ်မှုစာတမ်းမှာ
ဖော်ပြထားပါတယ်။

ဒါကိုကြည့်ခြင်းအားဖြင့် ရေအားနဲ့ ကျောက်မီးသွေးထုတ်လုပ်မှုကသာ ထုတ်လုပ်မှုကုန်ကျ
စရိတ်သက်သာတာကို တွေ့ရှိရမှာဖြစ်ပါတယ်။

တီကျစ် ကျောက်မီးသွေးသုံး ဓာတ်အားပေးစက်ရုံကို တွေ့မြင်ရစဉ်။ ဓာတ်ပုံ - မြန်မာတိုင်း(မ်)တီကျစ် ကျောက်မီးသွေးသုံး ဓာတ်အားပေးစက်ရုံကို တွေ့မြင်ရစဉ်။ ဓာတ်ပုံ - မြန်မာတိုင်း(မ်)

အစိုးရအနေနဲ့ လျှပ်စစ် လုံလောက်စွာ ရရှိရေးအတွက်၂ဝ၃ဝ စီမံချက်မှာ ကျောက်မီးသွေး
ကနေ ၃၃ ရာခိုင်နှုန်းအထိ ရှိလာဖို့ မျှော်မှန်းထားပါတယ်။ ကျောက်မီးသွေးနဲ့ ဓာတ်အား
ထုတ်လုပ်ခြင်းက အချိန်၊ ဈေးနှုန်း၊ ပတ်ဝန်းကျင်ထိခိုက်မှု လျှော့ချရေး ဆောင်ရွက်နိုင်တဲ့
အတွက် ပြည်သူတွေ လက်ခံလာအောင် ကြိုးစားပြီး လုံလောက်တဲ့ ပမာဏတစ်ခုရောက်
ချိန်အထိ စတင်ဆောင်ရွက်သင့်တယ်လို့ ဦးအောင်သန်းဦးက ပြောပါတယ်။

ကမ္ဘာ့နိုင်ငံကြီးတွေမှာ ကျောက်မီးသွေးကနေ Clean Coal Technology ကိုအသုံးပြုပြီး
လျှပ်စစ်ထုတ်တာကို တွင်တွင်ကျယ်ကျယ် သုံးနေကြတာကြောင့် မြန်မာနိုင်ငံမှာလည်း
အဲဒီနည်းပညာကို အသုံးပြုပြီး ထုတ်မယ်ဆိုရင် ထုတ်လုပ်နိုင်တယ်လို့ သတ္တုတွင်း
ပညာရှင်တွေက ပြောဆိုလာပါတယ်။

''ကျောက်မီးသွေးနဲ့ပတ်သက်ရင် Clean Coal Technology ဆိုတာရှိပါတယ်။ ဒီနည်းပညာ
ကို ထိထိရောက်ရောက်သုံးစွဲပြီး ကျောက်မီးသွေးကို လောင်စာအဖြစ်သုံးလို့ရပါတယ်။
နိုင်ငံရဲ့ လျှပ်စစ်ဓာတ်အား လိုအပ်ချက်အရ ထုတ်လုပ်မှုကုန်ကျစရိတ်သက်သာတဲ့
ကျောက်မီးသွေးသုံး လျှပ်စစ်ဓာတ်အားပေးစက်ရုံတွေ တည်ဆောက်ရမယ်။ နိုင်ငံတိုးတက်
ဖို့အတွက် အခြေခံလိုအပ်ချက်ဖြစ်တဲ့ လျှပ်စစ်ဓာတ်အားအတွက် ဖြစ်မယ့် ကျောက်မီးသွေး
သုံး လျှပ်စစ်ဓာတ်အားပေးစက်ရုံတွေ တည်ဆောက်မှာကို သဘာဝပတ်ဝန်းကျင်
အကြောင်းပြချက်နဲ့ ပြည်သူတွေကို နားယောင်အောင်လုပ်ပြီး မတားဆီးသင့်ဘူးလို့မြင်ပါ
တယ်''လို့ သတ္တုတွင်းပညာရှင်ဦးထွန်းထွန်းက သူ့ရဲ့ဆိုရှယ်စာမျက်နှာမှာ ပြောဆိုထား
ပါတယ်။

Clean Coal Technology နည်း ၁၆ ခုရှိပြီး ကမ္ဘာမှာတော့ လက်ရှိအနေအထားအရ ၁၅
မျိုးကိုသာ ကျယ်ကျယ်ပြန့်ပြန့် သုံးနေကြတာဖြစ်ကာ မြန်မာနိုင်ငံမှာလည်း ကျောက်မီးသွေး
စက်ရုံတွေမှာ အဲဒီနည်းပညာနဲ့ စနစ်တကျ စောင့်ကြည့်စစ်ဆေးတဲ့ အစိုးရအဖွဲ့အစည်း
ရှိရမှာဖြစ်ကြောင်း၊ လေထုညစ်ညမ်းမှုတွေကို ကာကွယ်ဖို့ သတ်မှတ်ချက်တွေ ဥပဒေ၊
နည်းဥပဒေတွေရှိဖို့နဲ့ တိကျဖို့လိုအပ်ပြီး ဒါတွေ ပြည့်စုံအောင် လုပ်ပြီးပြီဆိုရင်တော့
ကျောက်မီးသွေးသုံး လျှပ်စစ်ဓာတ်အားပေး စက်ရုံတွေ မတည်ဆောက်နိုင်စရာအကြောင်း
မရှိဘူးလို့ ၄င်းက ပြောဆိုပါတယ်။

ကျောက်မီးသွေးထဲမှာ မလိုလားအပ်တဲ့ အမှုန်အမွှားနဲ့ ဒြပ်စင်တွေပါဝင်ပြီး ကျောက်မီးသွေး
မှာပါဝင်တဲ့ ကာဗွန်ကိုမီးရှို့ရင် ကမ္ဘာကြီးကို ပူနွေးစေတဲ့ ကာဗွန်ဒိုင်အောက်ဆိုက်ထွက်မှာ
ဖြစ်ပြီး ကျောက်မီးသွေးမှာပါဝင်တဲ့ ဆာလ်ဖာ(ကန့်ဓာတ်)ကလည်း အက်စစ်မိုးဖြစ်နိုင်သလို
နိုက်ထရိုဂျင်ကလည်း နိုက်ထရစ်အက်စစ် ထွက်နိုင်တာကြောင့် ကျောက်မီးသွေးဟာ
Clean Coal မဟုတ်ပါဘူး။ သို့သော်လည်း ကျောက်မီးသွေးကို သန့်စင်အသုံးပြုတဲ့
နည်းပညာရှိလာပြီလို့ သတ္တုတွင်းပညာရှင်တွေက ပြောဆိုပါတယ်။

''လူတွေက စိုးရိမ်တယ်။ အဲဒီဓာတ်ငွေ့တွေကို ဘယ်လိုဖယ်မလဲ။ ကမ္ဘာ့ပေါ်မှာ အဲဒီလို
အန္တရာယ်ဖြစ်နိုင်တဲ့ ဓာတ်ငွေ့တွေကို ဖယ်တဲ့နည်းတွေ ရှိလာပြီ။ ဆာလ်ဖာဒိုင်အောက်
ဆိုက်ကို ထုံးရည်၊ ထုံးကျောက်ဖြန်းပေးလို့ ရတယ်။ ကမ္ဘာမှာ ကျောက်မီးသွေးစက်ရုံအသစ်
တွေဆောက်တာမှာ ဒါတွေထည့်လာပြီ။ ကျောက်မီးသွေးကနေ ထွက်လာတဲ့ ပြာကို
အိတ်နဲ့ဖမ်းတာရှိတယ်။ လျှပ်စစ်နဲ့ ဖမ်းတာရှိတယ်။ နိုက်ထရိုဂျင်အောက်ဆိုက်ဖမ်းပြီး
ရေကိုအပူတက်လာအောင် ဖယ်ထုတ်နည်းနဲ့ လုပ်လို့ရတယ်။ ဖယ်ထုတ်နည်းက
လေးငါးမျိုးလောက်ရှိတယ်။ ဂျပန်ပြည်မှာ အဲဒါကိုသုံးတယ်။ ကာဗွန်ဒိုင်အောက်ဆိုက်တွေ
လျှော့ချနိုင်မယ်ဆိုရင် လူအတွက် အန္တရာယ်မထိခိုက်ဘူး။ မြန်မာပြည်ကို ရင်းနှီးမြှုပ်နှံဖို့
လာတာတွေက ဒါတွေမရှင်းပြဘူး''လို့ သတ္တုတွင်းပညာရှင် ဦးစောမိုးမြင့်က မြန်မာတိုင်း(မ်)
ကို ပြောပါတယ်။

မြန်မာနိုင်ငံမှာ ကျောက်မီးသွေးထုတ်လုပ်ရေးနဲ့ပတ်သက်ပြီး သဘာဝပတ်ဝန်းကျင်ပညာရှင်
ဦးမောင်မောင်သန်းကတော့ နိုင်ငံရဲ့ စွမ်းအင်လိုအပ်နေချိန်မှာ ဘယ်လိုနည်းပညာပဲ
သုံးရသုံးရ ပြည်သူကို အနည်းဆုံးထိခိုက်အောင်လုပ်လို့ရတဲ့ နည်းပညာတွေ၊ ဥပဒေ
တွေရှိပြီး နည်းပညာနဲ့ဥပဒေတွေကို အခြားနိုင်ငံတွေကနေ အကူအညီတောင်းလို့လည်း
ရတယ်လို့ ဆိုပါတယ်။

''တခြားနိုင်ငံကလည်း သူတို့ပေးတဲ့ အကူအညီကြောင့် မြန်မာနိုင်ငံ ဒါဖြစ်သွားတယ်
ဆိုတာ ဘယ်သူမှ အဖြစ်မခံဘူး။ ဘာနည်းပညာပဲသုံးသုံး နိုင်ငံက အခုချိန်မှာ စွမ်းအင်လို
တယ်။ စွမ်းအင်လိုတဲ့အချိန်မှာ ကိုယ့်မှာရှိတဲ့ အရင်းအနှီးကအစ၊ ငွေကအစ မဖြစ်နိုင်လို့
ဘာပဲသုံးရသုံးရ အကောင်းဆုံး ဒါလေးကိုတောင်မှ မလုပ်ဘဲ ကြောက်တဲ့သူတွေဟာ
မြန်မာနိုင်ငံ တိုးတက်လာမှာကို ကြောက်တဲ့ ထိုင်း၊ စင်ကာပူကနေ ပိုက်ဆံပေးထားတဲ့
လူတွေပဲရှိတာပဲ''လို့ ဦးမောင်မောင်သန်းက မြန်မာတိုင်း(မ်)ကို ပြောပါတယ်။

နိုင်ငံရဲ့လတ်တလောစွမ်းအင်လိုအပ်ချက်ကို ရအောင်လုပ်တဲ့အခါမှာ သဘာဝပတ်ဝန်းကျင်
ကိုတော့ အတတ်နိုင်ဆုံး မထိအောင် တွဲလုပ်ရမှာဖြစ်ပြီး ဒီလိုတွဲလုပ်ဖို့အတွက်လည်း
လိုအပ်တဲ့ နည်းပညာပိုင်းဆိုင်ရာတင်မကဘဲ ဥပဒေတွေ၊ နည်းဥပဒေတွေ လုပ်ထုံး၊
လုပ်နည်းတွေ အကုန်ပါရမှာဖြစ်ကြောင်း၊ မြန်မာနိုင်ငံက ယခုအချိန်မှာ နည်းပညာ
သိပ်မရှိတာကြောင့် နည်းပညာထည့်၍ရသော်လည်း သက်ဆိုင်ရာ ဥပဒေတွေနဲ့ နည်း
ဥပဒေတွေ တာဝန်ယူရတဲ့ ဝန်ကြီးဌာနတွေနဲ့ အစိုးရအဖွဲ့က မှန်မှန်ကန်ကန်လုပ်ဆောင်ဖို့နဲ့
စောင့်ထိန်းဖို့လိုပြီး အရပ်ဘက်အဖွဲ့စည်းတွေကလည်း နိုင်ငံတိုးတက်ရေးအတွက် ဝိုင်းဝန်း
ကူညီလိုသော စိတ်ထားမှန်နဲ့ ဝိုင်းလုပ်ကြရင် ဘာကိုမှ မလုပ်ရဲစရာ အကြောင်းမရှိဘူးလို့
ဦးမောင်မောင်သန်းက တိုက်တွန်းပြောဆိုပါတယ်။

တကယ်လို့ မြန်မာနိုင်ငံမှာ ကျောက်မီးသွေးကနေ လျှပ်စစ်ထုတ်လုပ်မယ်ဆိုရင် ကုန်ကြမ်း
ရရှိရေးအတွက် အင်ဒိုနီးရှားနိုင်ငံကဝယ်ရင် ပိုမိုသင့်တော်မယ်လို့ သတ္တုတွင်းပညာရှင်
တွေက ထောက်ပြပါတယ်။

မြန်မာနိုင်ငံရဲ့ လက်ရှိအချိန်အထိ ရှာဖွေတွေ့ရှိရတဲ့ ကျောက်မီးသွေး တန်ချိန်မှာ သန်း ၂ဝဝ
လောက်ပဲရှိပြီး တူးဖော်ထုတ်လုပ်လို့ရနိုင်တဲ့ တန်ချိန်ကလည်း ဒီထက်နည်းနိုင်တာက
တစ်ကြောင်း၊ လျှပ်စစ်ထုတ်ဖို့ရန်မှာ ကျောက်မီးသွေး အရည်အသွေးနိမ့်ကျပြီးအကယ်လို့
ပြည်တွင်းဖြစ်ပဲ သုံးမယ်ဆိုရင်လည်း ထွက်ရှိရာ ဒေသတွေက ဝေးတာကြောင့် သယ်ယူ
စရိတ်နဲ့ မကိုက်နိုင်ဘူးလို့ ထောက်ပြကြတာပဲ ဖြစ်ပါတယ်။ အဲဒီအတွက် ကျောက်မီးသွေး
အတင်အချ ပြုလုပ်နိုင်တဲ့ ဆိပ်ကမ်းကြီးကြီးတွေ လိုအပ်လာမှာပဲဖြစ်ပါတယ်။

ဒါပေမဲ့ နိုင်ငံအတွင်း နောင်အနာဂတ်မှာလိုအပ်ရင် သုံးစွဲနိုင်ဖို့ လက်ရှိမှာ ကန့်သတ်ထား
ရှိတဲ့ ကျောက်မီးသွေးထွက်ရှိမယ့် ဧရိယာဟာ ၁,၁၆၈,၃၄၅ ဧက ရှိနေပြီး စစ်ကိုင်းတိုင
ေးဒေသကြီးနဲ့ မကွေးတိုင်းဒေသကြီးတို့မှာရှိတယ်လို့ သယံဇာတနဲ့ ပတ်ဝန်းကျင်
ထိန်းသိမ်းရေးဝန်ကြီးဌာန၊ အမြဲတမ်းအတွင်းဝန် ဦးခင်မောင်ရီက ပြောထားပါတယ်။

နိုင်ငံအသီးသီးမှာ လိုအပ်တဲ့ လျှပ်စစ်ဓာတ်အားကို ကျောက်မီးသွေး လောင်စာသုံးလျှပ်စစ်
ဓာတ်အားပေး စက်ရုံတွေကနေ ထုတ်ယူနေကြပါပြီ။ မြန်မာနိုင်ငံမှာလည်း လျှပ်စစ်
လိုအပ်ချက်အတွက် Technology ကိုအသုံးပြုလို့ ကျောက်မီးသွေးကနေ
လျှပ်စစ် ထုတ်လုပ်လာနိုင်ရေး ကျယ်ကျယ်ပြန့်ပြန် အသိပညာပေးပြီး ပြည်သူသိရှိ
နားလည်လက်ခံလာအောင် လုပ်ဆောင်နိုင်မလားဆိုတာကိုတော့ စောင့်ကြည့်ရဦးမှာပဲ
ဖြစ်ပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ