အိန္ဒိယပဲသွင်းကုန် အခွန်ကောက်ခံမှုစနစ်ကြောင့် မြန်မာ့ပဲပို့ကုန်ဈေးနှုန်း တစ်နှစ်အတွင်း ထက်ဝက်အထိကျဆင်း

အိန္ဒိယနိုင်ငံအစိုးရက ပဲသွင်းကုန်များအပေါ်တွင် အခွန်ကောက်ခံမှုရှိလာခြင်းကြောင့်
မြန်မာ့ပဲဈးနှုန်းရရှိမှု ကျဆင်းလာကြောင်း မြန်မာနိုင်ငံပဲမျိုးစုံနှင့် နှမ်းကုန်သည်များအသင်း
အတွင်းရေးမှူး ဦးမင်းကိုဦးက မြန်မာတိုင်း(မ်)ကို ပြောသည်။

ပဲပို့ကုန်ဈေးနှုန်းများသည် ၂ဝ၁၆ ခုနှစ်အတွင်းက သမိုင်းတစ်လျှောက် စံချိန်တင်အမြင့်ဆုံး
ဈေးနှုန်းသို့ရောက်ရှိခဲ့သော်လည်း ယခု ၂ဝ၁၇ ခုနှစ်တွင် အကျဘက်သို့ ပြန်လည်ရောက်ရှိ
လာခြင်း ဖြစ်သည်။

၂ဝ၁၆ ခုနှစ် မေလအတွင်းပိုင်းက မတ်ပဲ(အရည်အသွေးမြင့် SQ) တစ်တန်လျှင် ကျပ်
၁,၈၁၁,ဝဝဝ နှင့် ပဲစင်းငုံနီ တစ်တန်လျှင် ကျပ် ၁,၅၅၅,ဝဝဝ အထိဈေးများဖြင့် သမိုင်း
တစ်လျှောက် စံချိန်တင်ဈေးများ ဖြစ်ခဲ့သည်။ သို့သော် ယခု ၂ဝ၁၇ ဖေဖော်ဝါရီလပိုင်းမှ
စတင်ကာ ဈေးနှုန်းများ ပြန်လည်ကျဆင်းလာခဲ့ခြင်းဖြစ်သည်။

ယခုနှစ် ဧပြီလကုန်ပိုင်းတွင် မတ်ပဲ (အရည်အသွေးမြင့် SQ)တစ်တန်လျှင် ကျပ် ၉၃ဝ,ဝဝဝ
ကျော်နှင့် ပဲစင်းငုံနီ တစ်တန်လျှင် ကျပ် ၇၆၉,ဝဝဝ ဈေးအထိ ကျဆင်းလာခဲ့ခြင်းဖြစ်ကြောင်း
ဘုရင့်နောင်ကုန်စည်ဒိုင်၏ နေ့စဉ်ဈေးနှုန်းမှတ်တမ်းများတွင် ဖော်ပြထားသည်။

ယခုမေလ ၁ဝ ရက်တွင်မူ မတ်ပဲတစ်တန်လျှင် ကျပ် ၉၇၅,ဝဝဝ ဈေးနှင့် ပဲစင်းငုံ
တစ်တန်လျှင် ကျပ် ၆၃၆,ဝဝဝ ကျော်ဈေးများ ရှိနေသည်။

''ဒီနှစ်က အိန္ဒိယမှာတောင် ပြည်တွင်းမှာ ပဲစင်းငုံဈေးက ကျနေတယ်။ နောက်တစ်ချက်က
၂ဝ၁၆ မှာ ပဲဈေးတွေ အရမ်းကြီးမြင့်ခဲ့တဲ့အတွက် အိန္ဒိယအစိုးရက ပဲသိုလှောင်ခွင့်တွေကို
ရပ်ဆိုင်းတာတို့၊ ပဲစင်းငုံတင်သွင်းမှုအပေါ် အခွန်ကောက်ခံမယ်ဆိုတာတွေလုပ်လိုက်တဲ့
အတွက် ကုန်သည်တွေက မဝယ်ရဲကြတော့ဘူး။ အဲဒီရဲ့အကျိုးဆက်က အခုနှစ်မှာ မြန်မာ
နိုင်ငံရဲ့ပဲပို့ကုန်ကို လာပြီးထိခိုက်တာတွေ ဖြစ်နေတယ်'' ဟု ဦးမင်းကိုဦးက ပြောသည်။

မြန်မာနိုင်ငံသည် ပဲပို့ကုန်ဈေးနှုန်း တည်ငြိမ်ရေးအတွက် အိန္ဒိယနိုင်ငံနှင့် အစိုးရအချင်းချင်း
စာချုပ်ချုပ်ဆိုမှုတင်ပို့ခွင့်ရရှိရေးအတွက် ၂ဝ၁၆ ခုနှစ်အတွင်းပိုင်းက ဆောင်ရွက်မှုရှိခဲ့သည်။
သို့ရာတွင် အိန္ဒိယနိုင်ငံအနေဖြင့် ဈေးကွက်ပေါက်ဈေးဖြင့် ဝယ်ယူခြင်းထက် ဈေးနှုန်း
သတ်မှတ်ဝယ်ယူလိုသည့် အနေအထားများကြောင့် အောင်မြင်မှုမရှိဘဲဖြစ်ခဲ့သည်ဟုလည်း
၎င်းက ပြောသည်။

''ပြီးခဲ့တဲ့နှစ်တုန်းကတော့ G to G ရောင်းဝယ်မှုလုပ်ဖို့ စီးပွားကူးသန်းဝန်ကြီးဌာန
ဦးဆောင်မှုနဲ့ အိန္ဒိယမှာ သွားညှိခဲ့ဖူးတယ်။ ဒါပေမဲ့ ကန့်သတ်ဈေးတစ်ခုနဲ့ပဲ ဝယ်ယူမယ်
ဆိုတော့ ဒီဘက်ကကုန်သည်တွေက အဆင်မပြေဘူး။ အခုတော့ အခွန်စနစ်တွေနဲ့
လုပ်တဲ့အခါမှာ ကုန်သည်တွေက အဝယ်နည်းတာကြောင့် ဈေးက ကျလာတယ်။ ဒါပေမဲ့
အခွန်စနစ်ကလည်း အိန္ဒိယက လိုအပ်ချက်ဖြစ်တဲ့ မတ်ပဲနဲ့ ပဲတီစိမ်းကိုကျတော့ အခွန်
ကောက်မယ်ဆိုတာမျိုး မကြားရဘူး''ဟု ပဲနှင့်နှမ်းကုန်သည်များအသင်း ဒုတိယဥက္ကဋ္ဌ
ဦးစိုင်းဘဥာဏ်က ပြောသည်။

လက်ရှိဖြစ်ပေါ်နေသည့် ပဲဈေးနှုန်းများ စံချိန်တင်မဖြစ်ပေါ်မီ ဈေးနှုန်းများနှင့်နှိုင်းယှဉ်ပါက
ပုံမှန်ဈေးအနေအထားတွင်သာ ရှိနေသေးသည်ဟုလည်း ၄င်းက ပြောသည်။

''အခုဈေးက စံချိန်တင်ဈေးနဲ့ယှဉ်လို့သာ ကျတယ်၊ ၂ဝ၁၄ ခုနှစ် အစောပိုင်းဈေးနှုန်းနဲ့ယှဉ်
ရင်တော့ မကျသေးပါဘူး။ ၂ဝ၁၅ နဲ့ ၂ဝ၁၆ မှာသာ အရမ်းကြီးဈေးတွေက တက်လာတာပါ။
တစ်ခုရှိတာက ပြည်တွင်းက ဘယ်လောက်ထွက်ကုန်တိုးတိုး၊ ဘယ်လောက်ထွက်ကုန်
ကျကျ အိန္ဒိယ မဝယ်ရင် ဈေးက မရဘူး။ အိန္ဒိယက ဝယ်ရင် ဈေးကတက်တယ်ဆိုတော့
တောင်သူတွေက ထုတ်လုပ်မှုစရိတ် မြင့်နေရင်တော့ မရောင်းနိုင်ဘဲ ဖြစ်တာပေါ့။
ထုတ်လုပ်မှုစရိတ်နည်းတဲ့ စိုက်ပျိုးမှုပုံစံကိုပြောင်းပြီး အကျဈေးမှာလည်း ရောင်းနိုင်မယ်
ဆိုတဲ့ပုံစံဖြစ်လာအောင်တော့ လုပ်ရမှာပဲ။ ဒီနှစ်ထဲမှာတော့ ပဲဈေးက စံချိန်တင်ဈေးနားကို
ပြန်မရောက်နိုင်တော့ပါဘူး''ဟု ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ