ပြည်တွင်းလုပ်ငန်းများအတွက် အကူအညီ ဖြစ်မလာသေးသည့်နိုင်ငံခြားဘဏ်များ

ရန်ကုန်မြို့ ဆူးလေဘုရားလမ်းပေါ်ရှိ ဆာကူရာတာဝါအဆောက်အအုံတွင်ဖွင့်လှစ်ထားသည့်စင်ကာပူအခြေစိုက်ြှီ ဘဏ်နှင့်အင်ဒိုနီးရှားဘဏ်ဖြစ်သောြှု ဘဏ်များကိုယခုလ ၁၇ ရက်က တွေ့ရစဉ်။ အောင်မြင်ရဲဇော် / မြန်မာတိုင်း(မ်)ရန်ကုန်မြို့ ဆူးလေဘုရားလမ်းပေါ်ရှိ ဆာကူရာတာဝါအဆောက်အအုံတွင်ဖွင့်လှစ်ထားသည့်စင်ကာပူအခြေစိုက်ြှီ ဘဏ်နှင့်အင်ဒိုနီးရှားဘဏ်ဖြစ်သောြှု ဘဏ်များကိုယခုလ ၁၇ ရက်က တွေ့ရစဉ်။ အောင်မြင်ရဲဇော် / မြန်မာတိုင်း(မ်)

နိုင်ငံ့စီးပွားရေး ဖွံ့ဖြိုးမှုအတွက် ခရာကျသည့် ပြည်တွင်းစီးပွားရေးလုပ်ငန်းများတိုးတက်
ရေးတွင် ငွေကြေးအရင်းအနှီး လိုအပ်ချက်သည် အဓိကအရေးကြီးသည့် ကဏ္ဍက 
ပါဝင်လျက်ရှိသည်။

ပြည်တွင်းရှိ အစိုးရဘဏ်များနှင့် ပုဂ္ဂလိကဘဏ် ၂ဝ ကျော်က မိမိဘဏ်ကိုယ်တိုင်ဖြစ်စေ၊
ပြည်တွင်းသို့ လာရောက်ဖွင့်လှစ်ထားသော နိုင်ငံခြားဘဏ်ရုံးခွဲများနှင့်ပူးပေါင်း၍ဖြစ်စေ
တက်နိုင်သလောက် ဘဏ္ဍာရေးထောက်ပံ့ ဝန်ဆောင်မှုပေးနေသော်လည်း နိုင်ငံ
ကုန်သွယ်ရေး တိုးတက်စေမည့် ပို့ကုန်၊သွင်းကုန်လုပ်ငန်းများ၊ ၉ဝ ရာခိုင်နှုန်းသော
အသေးစား၊ အလတ်စားစီးပွား ရေးလုပ်ငန်းများနှင့် အခြားစီးပွားရေးလုပ်ငန်းများမှာ
ငွေကြေးအရင်းအနှီး လိုအပ်ချက်ရှိနေဆဲ ဖြစ်သည်။

ငွေကြေးအရင်းအနှီး ပမာဏနည်းသော ပြည်တွင်းဘဏ်များအနေဖြင့် ပြည်တွင်းစီးပွားရေး
လုပ်ငန်းများ၏ ဘဏ္ဍာရေးလိုအပ်ချက်ကို တတ်နိုင်သည့်အင်အားနှင့်သာ ဖြည့်ဆည်းပေး
နိုင်သေးသည့် ယခုလိုအချိန်တွင်ငွေကြေးအင်အား တောင့်တင်းသော နိုင်ငံခြားဘဏ်ခွဲများ
ထံမှ ဘဏ္ဍာရေးအကူအညီကို ပြည်တွင်းလုပ်ငန်းရှင်များက လိုချင်ကြသည်။ သို့သော်
ဗဟိုဘဏ်၏ ကန့်သတ်ထားရှိသော လုပ်ပိုင်ခွင့် စည်းမျဉ်းများအရ နိုင်ငံခြားဘဏ်များထံမှ
ပြည်တွင်းလုပ်ငန်းများ ဘဏ္ဍာရေးအကူအညီရယူခွင့် မရှိသေးသည့် အခြေအနေဖြစ်သည်။
ထို့အတွက် နိုင်ငံခြားဘဏ်များကို လုပ်ပိုင်ခွင့် အကန့်အသတ်များ ဖြေလျှော့ရေးနှင့်
ပြည်တွင်းဘဏ်များနည်းတူ အခွင့်အရေး ပေးသင့်သည်ဟု လုပ်ငန်းရှင်များက ပြောဆို
ကြသည်။

'' စီးပွားရေးဆိုတာ ငွေကြေးတို့၊ Banking တို့က အဓိက အသက်သွေးကြောဖြစ်တဲ့
အတွက်ကြောင့်မို့ အပြည့်အဝ ပေးနိုင်ရင်တော့ ပိုကောင်းတယ်။ နိုင်ငံခြားဘဏ်တွေ
လုပ်ပိုင်ခွင့်ပေးရင်တော့ ပြည်တွင်းမှာရှိတဲ့လုပ်ငန်းရှင်တွေ၊ ကုမ္ပဏီ၊ အသေးစား
အလတ်စားတွေက ကိုယ့်အတွက် ရွေးချယ်စရာ ပိုများတာပေါ့။ ပြည်တွင်းဘဏ်တွေက
သူလုပ်နိုင်သမျှ လုပ်ပေးတာပေါ့။ နိုင်ငံခြားဘဏ်တွေကို အနည်းဆုံးတော့
Corporate Financing  ခေါ်တဲ့ ကုမ္ပဏီတွေကို ပထမအဆင့် လုပ်ပိုင်ခွင့်ပေးသင့်တယ်။
ပြည်တွင်းဘဏ်တွေ လုပ်တဲ့နည်းပုံစံအတိုင်း အားလုံးအပြည့်အဝ ပေးသင့်တယ်''ဟု
စီးပွားရေးလုပ်ငန်းရှင် ဒေါက်တာစိုးထွန်းက ပြောသည်။

မြန်မာနိုင်ငံတော် ဗဟိုဘဏ်၏ သတ်မှတ်ချက်အရ ပြည်တွင်းဘဏ်များ ဘဏ်
တည်ထောင်ပါက မတည်ရင်းနှီးငွေ အနည်းဆုံးကျပ် ဘီလျံ ၂ဝ ရှိရပြီး နိုင်ငံခြားဘဏ်ခွဲ
ဖွင့်လျှင် မတည်ရင်းနှီးငွေ အမေရိကန်ဒေါ်လာအနည်းဆုံး ၇၅ သန်း ရှိရမည်ဖြစ်သည်။
ယင်းမတည်ရင်းနှီးငွေ ကန်ဒေါ်လာ ၇၅ သန်းထဲမှ သန်း ၄ဝ ကို ဗဟိုဘဏ်က သိမ်းဆည်း
ထားသည်။ ပြည်တွင်း၌ ဖွင့်လှစ်ခွင့်ရရှိထားသော နိုင်ငံခြားဘဏ်ခွဲ ၁၃ ခုရှိပြီး ဂျပန်နိုင်ငံက
သုံးဘဏ်၊ စင်ကာပူနိုင်ငံက နှစ်ဘဏ်၊ သြစတြေးလျ၊ ကိုရီးယား၊ အိန္ဒိယ၊ တရုတ်၊ ထိုင်း၊
တိုင်ပေ၊ မလေးရှား၊ ဗီယက်နမ်နိုင်ငံတို့က တစ်ဘဏ်စီ ဘဏ်ခွဲဖွင့်လှစ်ခွင့် ရရှိထားသည်။

လက်ရှိအချိန်အထိ ဗဟိုဘဏ်က နိုင်ငံခြားဘဏ်ခွဲများကို ပြည်တွင်းဘဏ်များနှင့်
Join t  Venture သို့မဟုတ် နိုင်ငံခြား ရင်းနှီးမြှုပ်နှံကုမ္ပဏီများကိုသာ အကောင့်စာရင်းဖွင့်
ခွင့်နှင့် Transaction လုပ်ခွင့်ပေးထားပြီး ပြည်တွင်းလုပ်ငန်းရှင်များကို ဘဏ္ဍာရေး
ဝန်ဆောင်မှုဆိုင်ရာ တိုက်ရိုက်လုပ်ဆောင်ခွင့် ပေးမထားပေ။ သို့သော်လက်ရှိတွင်
ပြည်တွင်းစီးပွားရေး လုပ်ငန်းရှင်များက နိုင်ငံခြားဘဏ်နှင့် တိုက်ရိုက်လုပ်ဆောင်ခွင့်
တောင်းဆိုနေသည်ဟု ဗဟိုဘဏ်တာဝန်ရှိသူတစ်ဦးက ပြောသည်။

နိုင်ငံခြားဘဏ်များကို ပြည်တွင်းဘဏ်များနှင့် လုပ်ပိုင်ခွင့် အခွင့်အရေးတန်းတူမပေးခြင်းမှာ
ပြည်တွင်းဘဏ်လုပ်ငန်းများကို ကာကွယ်ပေးခြင်းမဟုတ်ကြောင်း၊ နိုင်ငံခြားဘဏ်များကို
ဘဏ်ခွဲဖွင့်ခွင့်လိုင်စင် ချပေးစဉ်ကတည်းမှ တစ်ဆင့်ပြီးတစ်ဆင့် လုပ်ပိုင်ခွင့်ပေးမည်
ဆိုသော သဘောတူညီမှု လုပ်ငန်းစဉ်အတိုင်း သွားမည်ဖြစ်ကြောင်း ဗဟိုဘဏ်
လက်အောက်ရှိ နိုင်ငံခြားသုံးငွေ စီမံခန့်ခွဲရေးဌာန၏ ညွှန်ကြားရေးမှူးချုပ် ဦးဝင်းသော်က
ပြောသည်။

''ပြည်တွင်းဘဏ်တွေကို ကာကွယ်တာ မဟုတ်ပါဘူး။ မပေးခင်ကထဲက ပထမအဆင့်
ဘာပေးမယ်။ ဒုတိယအဆင့် ဘာပေးမယ်။ နောက်ဆုံးအဆင့်ကျရင် အကုန်ပေးမယ်
ဆိုတာမျိုး အစတည်းက Schedule ရှိပြီးသား။ အဲဒီ Schedule အတိုင်းသွားတာပါ။ နိုင်ငံ
တကာမှာလည်း ဒီအတိုင်းပဲ။ နိုင်ငံခြားဘဏ်ခွဲ ဖွင့်ရင်ပေးပေးချင်း အကုန်လုပ်ခွင့်မပေးဘူး။
အဲဒါနှစ်ဖက်လုံးရဲ့ Side ပေါ့။ နိုင်ငံခြားဘဏ်ကလည်း အကုန်လုပ်နိုင်အောင် ဒီဘက်
(ပြည်တွင်း) ကိုလေ့လာရဦးမှာ။ ဒီဘက်က လူတွေကလည်း နိုင်ငံခြားဘဏ်တွေက
ဘယ်လောက်အထိ အားကိုးရတယ်ဆိုတာ ဒီဘက်ကလည်း လေ့လာရဦးမယ်။
တစ်ပြိုင်တည်းမှာပဲ နိုင်ငံခြားဘဏ်တွေရဲ့ တက်တက်ကြွကြွလုပ်ဆောင်မှုတွေကို
ပြည်တွင်းဘဏ်တွေကလည်း ပြန်ပြီး လေ့လာလို့ရတာပေါ့။ အဲဒါတွေအတွက်ရည်ရွယ်ပြီး
နိုင်ငံတကာအသိုင်းအဝိုင်းမှာလည်း ရောက်တာနဲ့ တန်းပေးတာမရှိဘူး။
Foreign Corporate  ပေးပြီးမှ အဆင့်ဆင့်သွားတာပေါ့။ ကိုယ့်ဘဏ်တွေကို ပြိုလဲမှာစိုးလို့
မပေးတာ မဟုတ်ဘူး''ဟု ဦးဝင်းသော်က ပြောသည်။

နိုင်ငံခြားဘဏ်များက အသိပညာ၊ အရင်းအနှီးနှင့် ဘဏ္ဍာငွေ (Fund)  များစွာရှိသည်။
အချို့ဘဏ်များမှာ အသေးစား၊ အလတ်စားကဏ္ဍတစ်ခုတည်းကို အဓိကပံ့ပိုးမှုအတွက်
ဘဏ်ခွဲဖွင့်လှစ်မှု လိုင်စင်ချပေးလိုက်သော နိုင်ငံခြားဘဏ်များလည်း ပါဝင်ပြီး ပြည်တွင်း၌
ဖွင့်လှစ်ခွင့်ရထားသည့် နိုင်ငံခြားဘဏ်ခွဲများမှာ ကဏ္ဍအလိုက် တာဝန်ခွဲဝေ၍ လုပ်ဆောင်
ကြမည်ဟု သိရသည်။

အကယ်၍ ဗဟိုဘဏ်က နိုင်ငံခြားဘဏ်များကို လုပ်ပိုင်ခွင့် ထပ်မံဖွင့်လှစ်ပေးမည်ဆိုပါက
လည်း အသေးစား၊ အလတ်စား စီးပွားရေးလုပ်ငန်းများကို ငွေချေးရန်မှာ ချေးနိုင်လောက်
သည့်အနေအထား၊ ယုံကြည်စိတ်ချရလောက်သည့် အနေအထားများ လိုအပ်သည်ဟု
၎င်းက ပြောသည်။

နိုင်ငံခြားဘဏ်များက ချေးငွေချေးမည်ဆိုပါက ဘဏ္ဍာရေးစာရင်းရှင်းတမ်းထုတ်ပြန်ချက်များ၊
ဘဏ္ဍာရေးတစ်နှစ်စာ ရှင်းတမ်းထုတ်ပြန်ချက်၊ တရားဝင် အစီရင်ခံစာများကို အဓိကထား
တောင်းဆိုကြရာ ယင်းအချက်များမှာ ပြည်တွင်း အသေးစား၊ အလတ်စားလုပ်ငန်းများတွင်
မရှိသလောက် ဖြစ်သည်။

''ပုဂ္ဂလိက ဘဏ်တွေမှာ ချေးရင်ခက်တာထက် နိုင်ငံခြားဘဏ်တွေမှာချေးရင် ပိုခက်သေး
တယ်။ ဘယ်လိုနည်းနဲ့ လုပ်ရင်ရမယ်ဆိုတာ လေ့လာပြင်ဆင်နိုင်ချိန်လည်း ပေးထားတဲ့
သဘောပေါ့''ဟု ဦးဝင်းသော်က ဆိုသည်။

''လုပ်ငန်းရှင်တွေ လုပ်နိုင်တာ၊ မလုပ်နိုင်တာက တစ်ပိုင်း။ ဖွင့်တော့ပေးရမှာပေါ့။ ဗဟို
ဘဏ်အနေနဲ့ ခွင့်ပြုဖို့လိုတယ်''ဟု ပြည်တွင်းစီးပွားရေးလုပ်ငန်းရှင်တစ်ဦးက ပြောသည်။

ဗဟိုဘဏ်၏ တစ်ဆင့်ချင်းသွားမည့် အစီအစဉ်အတိုင်း နောက်ဆုံးတွင် နိုင်ငံခြားဘဏ်
များက ပြည်တွင်းဘဏ်များနှင့် လုပ်ပိုင်ခွင့် တန်းတူအခွင့်အရေးရလာပါက ၄င်းတို့ဘဏ်များ
ထိခိုက်လာမည်ကို ပြည်တွင်းဘဏ်များက စိုးရိမ်ကြသည်။ လက်ရှိတွင် အဆိုပါဗဟိုဘဏ်
၏အစီအစဉ်များကို တိကျသေချာစွာ မသိရှိရသေးပေ။

''ပြည်တွင်းဘဏ်တွေက စိုးရိမ်စိတ်ကတော့ ရှိသင့်သလောက်ရှိတယ်။ နိုင်ငံခြားဘဏ်ကို
အားလုံးဖွင့်ပေးဖို့ ဆိုတာကလည်း အချိန်ပေးရဦးမှာပါ။ ချက်ချင်းဖွင့်ပေးလို့ မရသေးဘူး။
ဖြည်းဖြည်းချင်း ဖွင့်သွားလိမ့်မယ်။ ချက်ချင်းတော့ အကုန်လုံးပေးမှာ မဟုတ်သေးဘူး''ဟု
မြန်မာအရှေ့တိုင်းဘဏ် ဒုတိယအုပ်ချုပ်မှု ဒါရိုက်တာ ဦးသန်းဝင်းက ပြောသည်။

နိုင်ငံခြားဘဏ်များ ပြည်တွင်း၌ အပြည့်အဝ လုပ်ကိုင်ခွင့်ရလာပါက အရင်းအနှီးနည်းသော
ပြည်တွင်းဘဏ်များက ပြည်တွင်းဘဏ်အချင်းချင်း ပူးပေါင်းလုပ်ဆောင်ရမည့်အပိုင်းများ
ရှိလာနိုင်ကြောင်း၊ ထို့ကြောင့် ပြည်တွင်းဘဏ်များ အများပိုင်ဘဏ်ဖြစ်ရေး လျှောက်ထားမှု
ကိုလည်း ဗဟိုဘဏ်က ဖွင့်ပေးသင့်သကဲ့သို့ လုပ်ပေးရမည်ဖြစ်ကြောင်း ဘဏ်အသိုင်း
အဝိုင်းဘက်က ဆိုသည်။

စတော့အိတ်ချိန်းတွင် ဘဏ်များပါဝင်လာမှုကိုလည်း ဖြေလျှော့ပေးရမည်ဖြစ်ပြီး ပြည်တွင်း
ဘဏ်များအတွက်လည်း ဖြေလျှော့ရမည့်အပိုင်းများကို ဖြေလျှော့ပေးခြင်း၊ ဖွင့်ပေးရမည့်
အပိုင်းများကို ဖွင့်ပေးမှသာ ပြည်တွင်းဘဏ်များ အရင်းအနှီး များလာမည်ဖြစ်သည်။
သို့သော် ထိုသို့ဖွင့်ပေးရန်မှာလည်း မြန်မာနိုင်ငံတွင် ဥပဒေများမှာ ပြည့်စုံမှုမရှိသေးကြောင်း
ဦးသန်းဝင်းက ထောက်ပြသည်။

နိုင်ငံခြားဘဏ်ခွဲများ အပြည့်အဝ လုပ်ကိုင်ခွင့်ရလာပါက မြန်မာနိုင်ငံ၏ ဘဏ်လုပ်ငန်း
ကဏ္ဍ ပိုမိုကောင်းလာမည်ဖြစ်ပြီး ပြည်တွင်းပုဂ္ဂလိကဘဏ်များအနေဖြင့်လည်း နည်းပညာ
နှင့် ငွေရေးကြေးရေး အကူအညီကိုပါ ပြန်လည် ယူရမည်ဖြစ်သည်။ နိုင်ငံခြားဘဏ်နှင့်
ပြည်တွင်းဘဏ်တို့ နည်းပညာအရသော်လည်းကောင်း၊ ရင်းနှီးငွေအရသော်လည်းကောင်း
ပူးပေါင်းလုပ်ဆောင်ကြပါက နိုင်ငံခြားဘဏ်ရော ပြည်တွင်းဘဏ်ပါ အကျိုးအမြတ်ရှိမည်
ဖြစ်ကြောင်း ဦးသန်းဝင်းက ပြောသည်။ လက်ရှိတွင် ပြည်တွင်းဘဏ်များအနေဖြင့်
နည်းပညာအကူအညီကို အချို့နိုင်ငံခြား ဘဏ်များနှင့် ပူးပေါင်းပြီး ယူရသည့်အပိုင်းများ
လည်း ရှိသည်။

ပြည်တွင်းရှိ ဘဏ္ဍာရေး လိုအပ်နေသည့် အသေးစား အလတ်စား စီးပွားရေးလုပ်ငန်း
ကဏ္ဍတွင် နိုင်ငံခြားဘဏ်များ ချေးခွင့်ရလာပါက စီးပွားရေးဖွံ့ဖြိုးမှုတွင် ပိုမိုကျယ်ပြန့်ကာ
အဆင်ပြေလာနိုင်ကြောင်း ဦးဝင်းသော်က ပြောသည်။

ကုန်သွယ်ရေးဆိုင်ရာ ဘဏ္ဍာရေးပံပိုးမှု Trade Financing ကိုလည်း နိုင်ငံခြားဘဏ်များကို
လုပ်ခွင့်ပေးရန် ဗဟိုဘဏ်က ဆုံးဖြတ်ထားပြီး ပို့ကုန်သွင်းကုန် လုပ်ငန်းရှင်များ တောင်ဆို
ချက်အရ ပို့ကုန်သွင်းကုန် လုပ်ငန်းရှင်များကို နိုင်ငံခြားဘဏ်ခွဲများတွင် ကုန်သွယ်ရေး
အကောင့်များ ဖွင့်လှစ်ခွင့်ပေးသွားမည်ဟု ဦးဝင်းသော်က ပြောသည်။

''ပို့ကုန်လုပ်တဲ့လူတွေ လိုအပ်တဲ့အထောက်အပံ့ဖြစ်လာအောင် နိုင်ငံခြားဘဏ်ပေးမယ်
ဆိုရင် ကုန်သွယ်မှု Financing ကို အပြည့်အဝပံ့ပိုးနိုင်တယ်လို့ လုပ်ငန်းရှင်တွေက တင်ပြ
လာတာပေါ့။ တင်ပြလာတဲ့အပေါ် မူတည်ပြီး ဆောင်ရွက်ပေးသင့်တဲ့ ကိစ္စတစ်ခုအဖြစ်
ဆုံးဖြတ်ထားပြီးပြီ။ ဘယ်တော့ စပေးမယ်ဆိုတာတော့ မပြီးပြတ်သေးဘူး''ဟု ၄င်းက
ပြောသည်။ ယင်းသည် နိုင်ငံခြားဘဏ်ခွဲများအတွက် အခွင့်အလမ်းတစ်ခု တိုးလာစေမည်
ဖြစ်သည်။

လက်ရှိ ဖွင့်လှစ်ခွင့် ရရှိထားပြီးဖြစ်သည့် နိုင်ငံခြားဘဏ် ၁၃ ခုသည် ၂ဝ၁၅ ခုနှစ်တွင်
ပထမအသုတ်အဖြစ် ကိုးခုကို ဘဏ်လိုင်စင်ချပေးခဲ့ပြီး ၂ဝ၁၆ ခုနှစ်၊ အစိုးရဟောင်း
တာဝန်ယူစဉ်က ဘဏ်လေးခုကို ဒုတိယအသုတ်အနေဖြင့် လိုင်စင်ချထားပေးခဲ့သည်။
အစိုးရသစ် တက်လာချိန်တွင် နိုင်ငံခြားဘဏ်ခွဲ လိုင်စင်များ ထပ်မံချထားပေးခြင်း မရှိပေ။

စီးပွားရေး ဖွံ့ဖြိုးတိုးတက်မှုတွင် ဘဏ်လုပ်ငန်းများ ပါဝင်ပတ်သက်ရသော အခန်းကဏ္ဍက
လွန်စွာ အရေးကြီးသည်နှင့်အတူ ငွေကြေးအင်အား ခိုင်မာတောင့်တင်းသော ဘဏ်များစွာ
လိုအပ်သည်သာ ဖြစ်သည်။ ဖွံ့ဖြိုးမှုကိုအရှိန်ယူနေရဆဲ ဖြစ်သည့် တည်ဆောက်ဆဲမြန်မာ
နိုင်ငံကဲ့သို့သော နိုင်ငံမျိုးတွင် ငွေကြေးပံပိုးမှု ပိုမို လိုအပ်လျက်ရှိသည်။ ထို့အတွက်
ပြည်တွင်းလုပ်ငန်းများ ပိုမိုတိုးချဲ့နိုင်ရေးတွင်အထောက်အကူများစွာ ပေးနိုင်မည်ဖြစ်သည့်
နိုင်ငံခြားဘဏ်များ၏ အခန်းကဏ္ဍကို ယခုထက် လုပ်ကိုင်ခွင့်များ ဖြေလျှော့ပေးရေးက
လည်း အထူးလိုအပ်သည်ဟု ပြောရမည် ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ