လယ်ယာ၊ စက်မှုနှင့် ဝန်ဆောင်မှုကဏ္ဍများတွင် ပြဿနာများ ရှိနေဟု ဒုတိယဝန်ကြီးဆို

လယ်ယာလုပ်ငန်းခွင်အတွင်း စပါးများ ရိတ်သိမ်းနေသော လယ်သူမတစ်ဦးကို တွေ့ရစဉ်။ အောင်ဌေးလှိုင် / မြန်မာတိုင်း(မ်)လယ်ယာလုပ်ငန်းခွင်အတွင်း စပါးများ ရိတ်သိမ်းနေသော လယ်သူမတစ်ဦးကို တွေ့ရစဉ်။ အောင်ဌေးလှိုင် / မြန်မာတိုင်း(မ်)

မြန်မာနိုင်ငံ၏ စီးပွားရေးဖွံ့ဖြိုးမှုနှင့် အလုပ်အကိုင်အခွင့်အလမ်း ဖန်တီးပေးနိုင်မှုတို့တွင် 
ကဏ္ဍကြီးသုံးခု၌ ပြဿနာနှင့် ကန့်သတ်ချက်များ ရှိနေကြောင်း စီမံကိန်းနှင့်ဘဏ္ဍာရေး
ဝန်ကြီးဌာနမှ ဒုတိယဝန်ကြီး ဦးမောင်မောင်ဝင်းက ပြောသည်။

''ပြည်တွင်းမှာ လယ်ယာကဏ္ဍကြီးနဲ့ စက်မှုကဏ္ဍကြီးတို့မှာ မြေယာအသုံးချမှုအရင်းအနှီး၊
လုပ်သားပြဿနာတွေရှိနေပြီး ဝန်ဆောင်မှုကဏ္ဍကြီးမှာ နည်းပညာနဲ့ ကျွမ်းကျင်လုပ်သား
ရရှိမှုဟာ အဓိကကန့်သတ်ချက်ဖြစ်နေပါတယ်''ဟု ၄င်းက ပြောသည်။

ဇွန် ၁၄ ရက်က ပြုလုပ်ခဲ့သော ပြည်သူ့လွှတ်တော်တွင် အလုပ်အကိုင်အခွင့်အလမ်းများ
ဖန်တီးပေးနိုင်ရေး ပြည်ထောင်စုအစိုးရသို့ တိုက်တွန်းကြောင်းအဆိုကို ပြန်လည်ရှင်းလင်း
တင်ပြစဉ် ၄င်းက အထက်ပါအတိုင်း ပြောကြားခဲ့ခြင်းဖြစ်သည်။

အစိုးရအနေဖြင့် အလုပ်အကိုင်အခွင့်အလမ်းများ ဖန်တီးနိုင်သည့် အသေးစားနှင့်
အလတ်စား စီးပွားရေးလုပ်ငန်းများကို မြှင့်တင်ပေးသွားမည်ဖြစ်ပြီး ဌာနဆိုင်ရာများတွင်
လည်း အလုပ်နေရာများ ခန့်အပ်လျက်ရှိသည်ဟု ဆိုသည်။

''အလုပ်အကိုင် ဖန်တီးပေးရေးနဲ့ ပတ်သက်ပြီး အစိုးရက ဘယ်ကဏ္ဍတွေမှာ ရင်းနှီးမြှုပ်နှံ
ပါက အလုပ်အကိုင် မည်မျှဖန်တီးပေးနိုင်မည်၊ သုံးစွဲသည့်ကဏ္ဍက ဂျီဒီပီကို မည်မျှတိုးတက်
စေမည် စသည်တို့ကိုသုံးသပ်ပြီး ဆောင်ရွက်သွားမှာ ဖြစ်ပါတယ်''ဟု ဦးမောင်မောင်ဝင်းက
ပြောသည်။

အထက်ပါအဆိုကို တင်သွင်းခဲ့သည့် ကရင်ပြည်နယ် လှိုင်းဘွဲ့မြို့နယ်မှ ပြည်သူ့လွှတ်တော်
ကိုယ်စားလှယ် ဦးခင်ချိုကလည်း ကရင်ပြည်နယ်အတွင်းရှိ ကျေးရွာအများအပြားတွင်
အလုပ်လုပ်ကိုင်နိုင်သည့် အရွယ်များ ရွာလုံးကျွတ်နီးပါးသည် တစ်ဖက်နိုင်ငံသို့သွားရောက်
လုပ်ကိုင်နေကြသောကြောင့် အလုပ်လက်မဲ့ပြဿနာများ ကြီးထွားလာပြီး ရေရှည်တွင်
စိန်ခေါ်မှုများ ဖြစ်ပေါ်လာနိုင်ကြောင်း ပြောသည်။ ၄င်းက ''အလုပ်လက်မဲ့ပြဿနာကြောင့်
ရေရှည်မှာ ဖြစ်ပေါ်လာနိုင်တဲ့ လူကုန်ကူးမှု၊ မူးယစ်ဆေးဝါး၊ လောင်းကစား ဒီဟာတွေကို
လည်း ကာကွယ်စေချင်တဲ့ ဆန္ဒရှိပါတယ်''ဟု ပြောသည်။

စစ်ကိုင်းတိုင်းဒေသကြီး၊ ဝန်းသိုမြို့နယ်မှ ပြည်သူ့လွှတ်တော်ကိုယ်စားလှယ်ဦးနေစိုးအောင်
ကလည်း ''အလုပ်လက်မဲ့ပြဿနာကို ဖြေရှင်းဖို့ဆိုရင် ရှင်းလင်းတိကျတဲ့မူဝါဒတွေ၊
လုပ်သာကိုင်သာရှိတဲ့ ဥပဒေ၊ နည်းဥပဒေတွေကို ဖန်တီးရေးဆွဲပေးဖို့အပြင် ဖြစ်ပေါ်လာ
မယ့် အလုပ်အကိုင်အခွင့်အလမ်းသစ်များနဲ့ သင့်လျော်မယ့် ကျွမ်းကျင်ပညာရှင်၊ ကျွမ်းကျင်
လုပ်သားများလည်း မွေးထုတ်ရန်လိုအပ်ပါတယ်''ဟု ပြောသည်။

လက်ရှိတွင် မြန်မာနိုင်ငံသည် နိုင်ငံတကာ ရင်းနှီးမြှုပ်နှံသူများအတွက် လုပ်သာကိုင်သာရှိမှု
အနေအထားတွင် နိုင်ငံပေါင်း ၁၉ဝ အနက် အဆင့် ၁၇ဝ တွင်ရှိနေပြီး ရင်းနှီးမြှုပ်နှံလိုသူ
များအတွက် အခက်အခဲဖြစ်နေကြောင်းလည်း ၄င်းက ဆက်လက်ပြောသွားခဲ့သည်။ ထို့ပြင်
အသေးစားနှင့် အလတ်စားစီးပွားရေးလုပ်ငန်းများ၊ စွန့်ဦးတီထွင်လုပ်ငန်းများကိုလည်း
ဖွံ့ဖြိုးတိုးတက်ပြီး အလုပ်အကိုင်အခွင့်အလမ်းများ ဖန်တီးနိုင်ရန်အတွက် နိုင်ငံတော်က
ငွေကြေးနှင့် နည်းပညာများ ပံ့ပိုးပေးသင့်သည်ဟု ဆိုသည်။

မန္တလေးတိုင်းဒေသကြီး၊ ပျော်ဘွယ်မြို့နယ်မှ ပြည်သူ့လွှတ်တော်ကိုယ်စားလှယ်
ဦးသောင်းအေးကလည်း ပြည်တွင်းလုပ်ငန်းရှင်များ နိုင်ငံခြား ရင်းနှီးမြှုပ်နှံသူများနှင့်
ယှဉ်ပြိုင်နိုင်စွမ်း မြင့်မားလာစေရန် အစိုးရက နည်းပညာ၊ ချေးငွေစသည်ဖြင့် ပံ့ပိုးပေးသင့်
ကြောင်း အကြံပြုသည်။

''ပြည်တွင်းဘဏ်တွေရဲ့ ချေးငွေအတိုးနှုန်းက ၁၃ ရာခိုင်နှုန်း (တစ်နှစ်လျှင်) ဖြစ်ပါတယ်။
FDIင်္ှီု တွေက ပြည်ပဘဏ်တွေကနေ အတိုးနှုန်း ၂ ဒသမ ၅ (တစ်နှစ်လျှင်) လောက်နဲ့ရတဲ့
အတွက် အမြတ်နည်းတဲ့ လုပ်ငန်းတွေကို ပြည်တွင်းလုပ်ငန်းရှင်တွေ လုပ်ဖို့ခက်ခဲလာမှာ
ဖြစ်ပါတယ်။ လုပ်ပြန်ရင်လည်း မယှဉ်ပြိုင်နိုင်တဲ့အတွက် ရေရှည်မှာ ပြိုလဲသွားနိုင်ပါတယ်''
ဟု ပြောသွားခဲ့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ