လာမည့်ဘဏ္ဍာနှစ်မှစ၍ လမ်းအသုံးပြုခများ ကောက်ခံတော့မည်မဟုတ်

လာမည့် ၂ဝ၁၈–၁၉ ဘဏ္ဍာနှစ်မှ စတင်၍လမ်းအသုံးပြုခများ ကောက်ခံတော့မည်မဟုတ်
ကြောင်း လျှပ်စစ်၊ စက်မှုနှင့် လမ်းပန်းဆက်သွယ်ရေး ဝန်ကြီးဒေါ်နီလာကျော်က
ရန်ကုန်တိုင်းဒေသကြီး အစိုးရအဖွဲ့ တစ်နှစ်ပြည့်သတင်းစာရှင်းလင်းပွဲတွင် ပြောသည်။

ရန်ကုန်တိုင်းဒေသကြီးအတွင်း တံတားများပေါ်က ဖြတ်သန်းခ ကောက်ခံခြင်းကို
ပြည်ထောင်စု ဆောက်လုပ်ရေး ဝန်ကြီးဌာနနှင့် ရန်ကုန်တိုင်းဒေသကြီး ဝန်ကြီးချုပ်တို့
အကြိမ်ကြိမ် ဆွေးနွေးပြီးနောက် ၂ဝ၁၇ ခုနှစ်၊ဧပြီ ၁ ရက်မှစတင်၍ ရပ်ဆိုင်းခဲ့ပြီး
ယခုထပ်မံ၍ လမ်းအသုံးပြုခများ ကောက်ခံခြင်းကိုပါ ရပ်ဆိုင်းတော့မည်ဖြစ်သည်။

''ရန်ကုန်တိုင်းဒေသကြီး အတွင်းက တံတားတွေပေါ် ဖြတ်တော့မယ်ဆိုရင် တန်ပိုချိန်ခိုင်း
တယ်။ တန်ပို မဖြတ်စေချင်လို့ တန်ပိုချိန်တာ။ စည်းကမ်းအရ တန်ပိုရင် ပိုတဲ့တန်ကိုချထား
ခဲ့ရမယ်။ ဒါပေမဲ့ တံတားဖြတ်သန်းခကောက်တာကို တင်ဒါပေးလိုက်တဲ့အတွက်ပုဂ္ဂလိက
တင်ဒါ ဆွဲတဲ့သူတွေက တန်ပိုတာကို ဒဏ်ကြေးကောက်ပြီး ဖြတ်သန်းခွင့်ပေးလိုက်တော့
တံတားတွေထိခိုက်မှု အများကြီးရှိတယ်။ ဒါကြောင့် ဧပြီ ၁ ရက်ကစပြီးတန်ပိုလည်း
ဖြတ်ခွင့်မပေးတော့သလို တံတားဖြတ်သန်းခလည်း ကောက်ခံခြင်း မပြုတော့ဘူး။
နောက်တစ်ခုက လာမယ့် ၂ဝ၁၈–၁၉မှာ လမ်းအသုံးပြုခတွေကိုလည်း ကောက်ခံတော့မှာ
မဟုတ်ပါဘူး'' ဟု ဒေါ်နီလာကျော်က ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ