မကိုင်တွယ်နိုင်သေးသည့် အသေးစား၊ အလတ်စားလုပ်ငန်းများ ဖွံ့ဖြိုးရေး

အသေးစားထုတ်လုပ်မှု လုပ်ငန်းတစ်ခုဖြစ်သည့် မြန်မာ့ရိုးရာထုတ်ကုန် ချည် ရက်ကန်းစင် လုပ်ငန်းခွင်တစ်ခုကို တွေ့မြင်ရစဉ်။ ဓာတ်ပုံ – မြန်မာတိုင်း(မ်)အသေးစားထုတ်လုပ်မှု လုပ်ငန်းတစ်ခုဖြစ်သည့် မြန်မာ့ရိုးရာထုတ်ကုန် ချည် ရက်ကန်းစင် လုပ်ငန်းခွင်တစ်ခုကို တွေ့မြင်ရစဉ်။ ဓာတ်ပုံ – မြန်မာတိုင်း(မ်)

နိုင်ငံစီးပွားရေး ဖွံ့ဖြိုးမှုဖော်ဆောင်ရာတွင် အသေးစားနှင့်အလတ်စားလုပ်ငန်းများဖွံ့ဖြိုးရေး
သည် အဓိကအရေးပါလှသည့် သော့ချက်ဖြစ်သည်။

အသေးစားနှင့်အလတ်စားမှသည် အင်အားကြီးမားသော အများပိုင် အစုအဖွဲ့စီးပွားရေး
လုပ်ငန်းများ ဖြစ်ပေါ်လာရန်လိုအပ်သည်။ စီးပွားရေးလုပ်ငန်းကြီးများ ဖြစ်လာရေးအတွက်
အသေးစားနှင့်အလတ်စားလုပ်ငန်းများ တိုးတက်ဖွံ့ဖြိုးစေသည့် အခြေအနေမှ စတင်ရမည်
ဖြစ်သည်။

မြန်မာနိုင်ငံသည် စီးပွားရေးဖွံ့ဖြိုးတိုးတက်ရေးအတွက် ပို့ကုန်မြှင့်တင်ရေးကို ဦးစားပေးရန်
လိုအပ်လာလျက်ရှိနေသည်ဟု စီးပွားရေးလုပ်ငန်းရှင်များနှင့် ပညာရှင်များက ထောက်ပြနေ
ကြသည်။

ထိုသို့လုပ်ဆောင်မည်ဆိုပါက အသေးစားနှင့်အလတ်စားစီးပွားရေးလုပ်ငန်း (SMEs) များ
ရှင်သန်ကြီးထွားလာစေရေးအတွက် မလွဲမသွေ ဆောင်ရွက်ရမည်ဟု စီမံကိန်းနှင့်ဘဏ္ဍာ
ရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ပြောသည်။

ထိုကဲ့သို့ SMEs လုပ်ငန်းများ တိုးတက်လာရေးအတွက်လည်း အစိုးရအဖွဲ့အနေဖြင့်
ပံ့ပိုးမှုများ လုပ်ကိုင်တော့မည်ဟုလည်း ပြည်ထောင်စုဝန်ကြီး ဦးကျော်ဝင်းက နေပြည်တော်
တွင်ကျင်းပခဲ့သည့် ၂ဝ၁၇ ခုနှစ် ရင်းနှီးမြှုပ်နှံမှုဖိုရမ်တွင် စီးပွားရေးလုပ်ငန်းရှင်များကို ကတိ
ပေးပြောကြားခဲ့သည်။

သို့သော် ပြည်တွင်း SMEs လုပ်ငန်းများ တိုးတက်လာရန်မှာ အခက်အခဲကဏ္ဍများစွာ
ရှိနေဆဲဖြစ်သည်။ မြေယာအလွယ်တကူ ရရှိနိုင်ရေး အခက်အခဲ၊ ငွေကြေးအရင်းအနှီး
ရရှိနိုင်မှုအခက်အခဲ၊ လျှပ်စစ်ကဲ့သို့ အခြေခံအဆောက်အအုံနှင့် နည်းပညာပိုင်းဆိုင်ရာ
လိုအပ်ချက်များက ကြီးမားနေဆဲဖြစ်သည်။

၎င်းအခက်အခဲများက လုပ်ငန်းရှင်များအတွက် အလွယ်တကူ ဖြတ်သန်းရန် လွယ်ကူမှု
မရှိကြသေးကြောင်း ပြည်တွင်းစီးပွားရေးလုပ်ငန်းရှင်များက ပြောသည်။

မြန်မာနိုင်ငံ၏ စီးပွားရေးတိုးတက်မှုကိုသွားမည့်ခရီးတွင် အသေးစားနှင့်အလတ်စားလုပ်ငန်း
များတိုးတက်ရေး လှေကားထစ်ကို မလွဲမသွေ လျှောက်လှမ်းရမည်ဖြစ်သည်။

အခြေခံအကျဆုံး အရင်းအနှီးအခက်အခဲ

အသေးစားနှင့် အလတ်စားလုပ်ငန်းများ တိုးတက်လာရေး ဖြတ်သန်းရမည့် အခက်အခဲများ
အနက် ငွေကြေးအရင်းအနှီးရရှိရေး လွယ်ကူမှုမှာ အကြီးမားဆုံး အခက်အခဲဟု စီးပွားရေး
လုပ်ငန်းရှင်များက ပြောသည်။ ထိုအခက်အခဲကြောင့်ပင် လုပ်ငန်းများချဲ့ထွင်ခြင်းနှင့်
လုပ်ငန်းအချင်းချင်း ယှဉ်ပြိုင်မှုပိုင်းတွင် အားနည်းချက်ဖြစ်နေသည်ဟု ၄င်းတို့က ထောက်ပြ
သည်။

''ချေးငွေအရင်းအနှီး ရရှိနိုင်မှုပိုင်းကတော့ လက်တွေ့အချိန်ထိ ထိထိရောက်ရောက်ရှိမလာ
သေးဘူး။ အရင်ကတော့ လုပ်ပေးမယ်ဆိုတာတောင် မရှိသလောက်ရှားတယ်။ အခု
နောက်ပိုင်းတော့ ဘဏ်တွေနဲ့အစိုးရပိုင်းရဲ့ အသံတွေ ကြားလာရတယ်။ ဒါလေးတော့
အားသာချက်ဖြစ်လာတယ်။ ဒါပေမဲ့ မြေပြင်မှာ ထိရောက်တဲ့အထိ ဖြစ်မလာသေးဘူး။
စီးပွားရေးလုပ်ငန်းတွေဟာ အရင်းအနှီးရရှိမှု လွယ်ကူပြီး အတိုးနှုန်းသက်သာတဲ့
အခြေအနေ ရောက်မလာနိုင်သရွေ့ လွယ်လွယ်ကူကူ တိုးတက်ဖို့က အလှမ်းဝေးနေဦး
မှာပါ''ဟု မြန်မာနိုင်ငံ ငါးလုပ်ငန်းအဖွဲ့ ချုပ် ဒုဥက္ကဋ္ဌ ဦးနှင်းဦးက ပြောသည်။

မြန်မာနိုင်ငံသည် ကုန်သွယ်ရေးလိုငွေဖြစ်နေသည့်အတွက် လိုငွေလျှော့ချရေး ပြဿနာကို
မဖြစ်မနေဆောင်ရွက်ရမည်ဟု ပြည်ထောင်စုဝန်ကြီးက ရင်းနှီးမြှုပ်နှံမှုဖိုရမ်တွင် ပြောခဲ့
သည်။ ထိုကဲ့သို့လုပ်ဆောင်မည်ဆိုပါက ကုန်ထုတ်လုပ်မှုပိုင်းကိုဦးတည်ကာ
သွင်းကုန်အစားထိုးခြင်းလုပ်ဆောင်ရန် လိုအပ်မည်ဟု ဆိုသည်။ ၄င်းအစီအစဉ်များအတွက်
အသေးစားနှင့်အလတ်စားလုပ်ငန်းများ ဖွံ့ဖြိုးရေးကို ဦးစားပေးကာ လိုအပ်သမျှကိုပံ့ပိုးရေး
လုပ်ဆောင်မည်ဟု ကတိပေးခဲ့သည်။

''ကုန်သွယ်ရေးလိုငွေလျှော့ချတဲ့နေရာမှာ ပထမဆုံးစဉ်းစားတာက သွင်းကုန်အစားထိုးခြင်း
ဖြစ်ပါတယ်။ အဲဒီအတွက် ကုန်ထုတ်လုပ်မှုပိုင်းကို ချဉ်းကပ်ရမှာ ဖြစ်ပါတယ်။ ဒီလိုချဉ်းကပ်
မယ်ဆိုရင် SMEs တွေကို မလွဲမသွေစောင့်ရှောက်ပေးရပါမယ်။ SMEs တွေ မြေလိုသလား၊
ငွေရေးကြေးရေး အထောက်အပံ့လိုသလား၊ နည်းပညာလိုသလား၊ စီမံခန့်ခွဲမှု လိုအပ်တာ
လား၊ အခြားအခြားသော ဘာတွေလိုအပ်တာရှိလဲ ဒါတွေကို ကူညီပံ့ပိုးပေးရပါမယ်။ ဒါဟာ
SMEs တွေ တိုးတက်ဖို့ ခြေလှမ်းပြင်ရာရောက်ပါတယ်။ ဒီလို ခြေလှမ်းမြင်နိုင်မှလည်း
AEC ကို ပြန်လည်ယှဉ်ပြိုင်နိုင်မှာ ဖြစ်ပါတယ်''ဟု ပြည်ထောင်စုဝန်ကြီးက ပြောသည်။

သို့သော် မြေပြင်အခြေအနေ၌မူ အရင်းအနှီးရရှိရေးအတွက် လွယ်ကူစွာဆောင်ရွက်ပေးနိုင်
ရေးကပင် အခက်အခဲများစွာ ရှိနေသည်ဟု သက်ဆိုင်ရာဝန်ကြီးဌာန ဦးဆောင်ညွှန်ကြား
ရေးမှူးများနှင့် ဘဏ်လုပ်ငန်းအသိုင်းအဝိုင်းက ပြောသည်။

ပြည်တွင်း၌ ငွေရေးကြေးရေးကဏ္ဍဖွံ့ဖြိုးလာရန်အတွက်မှာ စိန်ခေါ်ချက်များစွာရှိနေဆဲဟု
စီမံကိန်းနှင့် ဘဏ္ဍာရေးဝန်ကြီးဌာနအောက်ရှိ မြန်မာ့အာမခံလုပ်ငန်း ဦးဆောင်ညွှန်ကြား
ရေးမှူး ဒေါက်တာစန္ဒာဦးက ရင်းနှီးမြှုပ်နှံမှုဖိုရမ်တွင် ပြောခဲ့သည်။

စိန်ခေါ်ချက်များအနက် မြန်မာနိုင်ငံသည် ငွေကြေး ဈေးကွက်နှင့် အရင်းအနှီးဈေးကွက်တွင်
အစဦးပိုင်း အဆင့်တွင်သာ ရှိနေသေးခြင်း၊ မြေယာပိုင်ဆိုင်မှုပိုင်း ဆိုင်ရာဗဟိုဌာန မရှိသေး
ခြင်း၊ ဘဏ်အတိုး မတူညီမှုနှင့် အတိုးနှုန်းမြင့်မားနေခြင်းက အဓိက စိန်ခေါ်ချက်ဖြစ်နေခြင်း၊
ဘဏ်လုပ်ငန်းများ၏ အရင်းအနှီးစွမ်းအင်ပိုင်း ပိုမိုတိုးတက်လာရန် လိုအပ်နေခြင်း၊
ငွေကြေးဘဏ္ဍာရေးပိုင်းဆိုင်ရာ စည်းမျဉ်းစည်းကမ်းပိုင်းဆိုင်ရာများ ပိုမိုတိုးတက်ကောင်းမွန်
ရန်လိုအပ်နေခြင်း၊ ဘဏ်လုပ်ငန်းအချင်းချင်း ချိတ်ဆက်ဆောင်ရွက်သည့် ဈေးကွက်ပိုမို
ခိုင်မာရန်လိုအပ်ခြင်း၊ ခေတ်နှင့်လျော်ညီသည့် ငွေပေးချေမှုစနစ် ဖြစ်ပေါ်လာရန်လိုအပ်နေ
ခြင်း၊ ပြည်သူများအနေဖြင့် ငွေကြေးကဏ္ဍပိုင်းဆိုင်ရာ နားလည်မှု အားနည်းခြင်းများရှိနေ
သည်ဟု ဒေါက်တာစန္ဒာဦးက ဆိုသည်။

လက်ရှိတွင်လည်း ဘဏ်များအနေဖြင့် ချေးငွေပေးနိုင်မှုဆိုင်ရာ လွယ်ကူရေးအတွက်
စိစစ်အကဲဖြတ်မှုပိုင်းတွင် အခက်အခဲများ ကြုံနေရလျက်ရှိသည်။

''ကျွန်တော်တို့အနေနဲ့ ချေးငွေပိုင်းကို အပေါင်ပစ္စည်းနဲ့ ချေးငွေရော၊ ပေါင်နှံပစ္စည်းမဲ့
ချေးငွေရောပေးနိုင်ဖို့ ကြိုးစားနေပါတယ်။ အဲဒီလို ဖြစ်လာဖို့က စာရင်းအင်းစနစ်နဲ့ အခွန်
စနစ်ပိုင်းဆိုင်ရာတွေမှာ တော်တော်လေး ခိုင်မာဖို့လိုပါတယ်။ လက်ရှိမှာ မြန်မာနိုင်ငံအနေ
နဲ့ကလည်း ငွေရေးကြေးရေးကဏ္ဍကြီးတစ်ခုလုံးတိုးတက်လာအောင်လုပ်ဖို့အတွက်ဆိုရင်
မြေယာပိုင်ဆိုင်မှုဆိုင်ရာ မှတ်တမ်းဌာနလိုအပ်ချက်ရှိနေတယ်။ အဲဒါသာရှိနေရင်
ဘယ်သူတွေက ဘယ်မြေကို ပိုင်လဲဆိုတာ လွယ်လွယ်နဲ့ သိနိုင်မယ်။ ပိုင်ဆိုင်မှုကိုလည်း
လွယ်လွယ်နဲ့ တန်ဖိုးဖြတ်မယ်ဆိုရင် ချေးငွေပေးနိုင်တဲ့စနစ်ဟာလည်း ပိုပြီးတော့ မြန်ဆန်
လာမှာဖြစ်တယ်''ဟု စီဘီဘဏ်၏ စီးပွားရေးဆိုင်ရာ မန်နေးဂျင်းဒါရိုက်တာ ဦးသိန်းဇော်
ထွန်းက ပြောသည်။

''နောက်တစ်ချက်ကတော့ Credit Buaeru (ချေးငွေဆောင်ရွက်မှု မှန်ကန်ရေးအတွက်
စိစစ်ကြပ်မတ်သည့် ဌာန) ပါ။ ဒါကတော့ ချေးငွေပေးတော့မယ်ဆိုတဲ့ ဆုံးဖြတ်ချက်အတွက်
အရေးကြီးတဲ့အပိုင်းလည်း ဖြစ်ပါတယ်။ လုပ်ငန်းတစ်ခုကို ငွေချေးတဲ့အခါမှာ အရင်တုန်းက
သူဟာ ချေးငွေရယူမှု ရှိခဲ့ဖူးလား။ ချေးငွေကို မှန်မှန်ကန်ကန်နဲ့ ပြန်လည်ဆောင်ရွက်တာ
ရှိခဲ့လားဆိုတာကို လွယ်လွယ်ကူကူ စိစစ်နိုင်ဖို့အတွက် Credit Buaeru က အရေးကြီးတဲ့
လိုအပ်ချက်ဖြစ်ပါတယ်''ဟု ဦးသိန်းဇော်ထွန်းက ပြောသည်။

မြန်မာနိုင်ငံတွင် အစိုးရပိုင်းက Credit Buaeru အဖွဲ့အစည်းတစ်ခုကို သီးခြားထူထောင်ဖွဲ့
စည်းနိုင်မှု မရှိသေးပေ။ ၄င်းဌာနကို ဗဟိုဘဏ်၏ ဦးဆောင်မှုဖြင့် ပုဂ္ဂလိက ကဏ္ဍက
ဆောင်ရွက်နိုင်ရန် လုပ်ဆောင်နေလျက်ရှိသည်။ သို့ရာတွင် တရားဝင် ဖွဲ့စည်းနိုင်ခြင်း
မရှိသေးပေ။

သို့သော် မြန်မာနိုင်ငံ ဘဏ်လုပ်ငန်းရှင်များအသင်း အနေဖြင့် ၄င်းဌာနတစ်ခုကို
ဘဏ်လုပ်ငန်းများအကြား အသုံးတည့်နိုင်ရေးအတွက် ထူထောင်ထားသည်ဟု
အသင်းဥက္ကဋ္ဌ ဦးခင်မောင်အေးက ပြောသည်။

မြင့်မားနေဆဲ ဘဏ်ချေးငွေအတိုးနှုန်း ပြဿနာ

လက်ရှိတွင် ဘဏ်လုပ်ငန်းများနှင့် အစိုးရအဖွဲ့များ၏ ကြိုးပမ်းမှုများကြောင့် ပြည်တွင်း
အသေးစားနှင့် အလတ်စားလုပ်ငန်းများ တိုးတက်ရေးအတွက် နိုင်ငံတကာအဖွဲ့အစည်း
များ၏ကူညီမှုများ ရရှိထားသည်။ ပြည်တွင်းဘဏ်များအနက် စီဘီဘဏ်၊ အသေးစားနှင့်
အလတ်စား စက်မှုလုပ်ငန်းများ ဖွံ့ဖြိုးတိုးတက်ရေးဘဏ်၊ ရိုးမဘဏ်၊ ကမ္ဘောဇဘဏ်၊
ဧရာဝတီဘဏ်နှင့် ယူနိုက်တက် အမရဘဏ်တို့ကလည်း ဆောင်ရွက်နေလျက်ရှိသည်။

သို့သော် ¤င်းဘဏ်များအားလုံး၏ ချေးငွေအတိုးနှုန်းသည် အနည်းဆုံး ၈ ဒသမ ၅
ရာခိုင်နှုန်းမှ ၁၃ ရာခိုင်နှုန်းအထိ ရှိနေဆဲဖြစ်သည်။ ၄င်းအတိုးနှုန်းသည် ပြည်တွင်းအပ်ငွေ
အတိုးနှုန်း ၈ ဒသမ ၅ ရာခိုင်နှုန်းနှင့် နှိုင်းယှဉ်ပါက များသည်ဟု မဆိုနိုင်သော်လည်း
အာဆီယံဒေသတွင်း နိုင်ငံများနှင့် အခြားသောနိုင်ငံကြီးများ၏ အတိုးနှုန်းနှင့် နှိုင်းယှဉ်ပါက
မြင့်မားနေလျက်ရှိသည်။

ပြည်တွင်းဘဏ်များက စီးပွားရေးလုပ်ငန်းများကို ထောက်ပံ့ပေးနေသည့် ချေးငွေများသည်
လည်း အခြားသော နိုင်ငံများ၏ ငွေရေးကြေးရေးအဖွဲ့အစည်းများမှ တစ်ဆင့်ခံရယူကာ
ပြန်လည် ချေးပေးနေရခြင်းကလည်း အခက်အခဲတစ်ရပ် ဖြစ်နေသည်။

လက်ရှိတွင် အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF) ၊ ဂျာမနီနိုင်ငံက GIZ နှင့်
ဂျပန်နိုင်ငံက JICA ကဲ့သို့ အဖွဲ့အစည်းများက ကြားဝင်၍ သက်ဆိုင်ရာအစိုးရအဖွဲ့
အချင်းချင်း ကူညီသည့်အစီအစဉ်များဖြင့် ရယူနေခြင်း ဖြစ်သည်။ ၄င်းချေးငွေများမှ အစိုးရ
အဖွဲ့သည် မြန်မာ့စီးပွားရေးဘဏ်သို့ လွှဲပြောင်းပေးကာ မြန်မာ့စီးပွားရေးဘဏ်မှ ပြည်တွင်း
ဘဏ်များသို့ လွှဲပြောင်းပေးသည့် နှစ်ဆင့်ချေးငွေစနစ်များဖြင့်သာ ဆောင်ရွက်နေခြင်းဖြစ်
သည်။ ထို့အတွက် ချေးငွေပမာဏပိုင်းတွင် အတိုးနှုန်းသည် အနည်းဆုံး ၈ ဒသမ ၅
ရာခိုင်နှုန်းဖြင့် ရှိနေခြင်း ဖြစ်သည်။

''စီးပွားရေး ချေးငွေယူတယ်ဆိုတာက အမှန်တကယ် အလုပ်အတွက် ယူကြတာဖြစ်တယ်။
အတိုးနှုန်းက များနေရင်တော့ အကျပ်အတည်းကြားထဲကနေ ချေးငွေယူလုပ်ကိုင်တာက
အများကြီးအခက်အခဲ ပိုဖြစ်သွားစေနိုင်တယ်''ဟု ဦးနှင်းဦးက ပြောသည်။

ရေတိုချေးငွေ ပြဿနာ

ထို့အတူ ချေးငွေရရှိမှုပိုင်းတွင်လည်း ပေါင်နှံပစ္စည်းအခက်အခဲ၊ ကာလရှည်ချေးငွေ ရရှိမှု
အခက်အခဲ၊ အတိုးနှုန်း အခက်အခဲများကလည်း ရှိနေဆဲဖြစ်သည်။ သို့သော်ဘဏ်လုပ်ငန်း
များ၏ ကြိုးစားအားထုတ်မှုများကြောင့် ငါးနှစ်အထိ ကြာမြင့်သည့် ချေးငွေစနစ်များ
ပေါ်ပေါက်လာပြီဖြစ်သည်။ သို့သော် လက်တွေ့အကျိုးသက်ရောက်ရန် ကြိုးစားနေဆဲ
အဆင့်တွင်သာ ရှိနေဆဲဖြစ်သည်။

လက်ရှိတွင် ပြည်တွင်းဘဏ်လုပ်ငန်းများသည် တစ်နှစ်ချေးငွေနှင့် သုံးနှစ်ချေးငွေများကိုသာ
အများဆုံး ထုတ်ပေးလျက်ရှိသည်။

အားနည်းနေဆဲ စာရင်းအင်းစနစ်

စာရင်းအင်းစနစ် အားနည်းချက်တွင် စီးပွားရေးလုပ်ငန်းများအပါအဝင် အစိုးရအဖွဲ့များ၏
စာရင်းအင်းပိုင်းများလည်း အားနည်းချက်များရှိနေကြသည်။ စာရင်းအင်းအားနည်းချက်များ
ကြောင့် စီးပွားရေးလုပ်ငန်းများကို အခွန်ငွေများ စနစ်တကျ ကောက်ခံနိုင်မှုတွင်လည်း
အားနည်းလျက်ရှိသည်။

စီးပွားရေးလုပ်ငန်းရှင်များအနေဖြင့်လည်း အခွန်စာရင်းလိမ်လည်မှုများ၊ အပေါင်ပစ္စည်း
ထားရှိရေးအတွက် ပိုင်ဆိုင်မှုလိမ်လည်ခြင်းများက စာရင်းဇယားပိုင်း အားနည်းချက်များ၏
ရလဒ်များအဖြစ် ရှိနေဆဲဖြစ်သည်။

အခြေခံအကျဆုံး အချက်တစ်ခုဖြစ်သည့် အသေးစားနှင့်အလတ်စားလုပ်ငန်းများ၏
စာရင်းကိုပင် တိကျရေရာစွာ မရှိသည့်အချက်ဖြစ်သည်။ အစိုးရအဖွဲ့များ၏ ထုတ်ပြန်ချက်
အရ မြန်မာနိုင်ငံတွင် တရားဝင်မှတ်ပုံတင်ထားသည့် အသေးစားနှင့်အလတ်စားလုပ်ငန်း
အရေအတွက်သည် ၂ဝ,ဝဝဝ ကျော်ခန့်ရှိကြောင်း ထုတ်ပြန်ထားသည်။ သို့ရာတွင်
၎င်းအရေအတွက်သည် မြန်မာနိုင်ငံတွင် အမှန်တကယ်ရှိသော အသေးစားနှင့်အလတ်စား
လုပ်ငန်းအရေအတွက်၏ ၃ဝ ရာခိုင်နှုန်းခန့်ကိုသာ ကိုယ်စားပြုနိုင်ခြင်းဖြစ်ပြီး အတိအကျ
စာရင်းမရှိနိုင်သေးကြောင်း ပြောထားသည်။

ထို့ပြင် လုပ်ငန်းစတင်ရေး မြေယာရရှိနိုင်မှု၊ လျှပ်စစ်မီးရရှိနိုင်မှု၊ အခြားသောနိုင်ငံများနောက်
စီးပွားရေး နောက်ကျခဲ့ခြင်းကြောင့် ခေတ်မီနည်းပညာ အားနည်းချက်များကလည်း အခက်
အခဲများ ရှိနေဆဲဖြစ်သည်။

ထိုသို့သောအချက်များကြောင့် ပြည်ထောင်စုဝန်ကြီး၏ ကြွေးကြော်မှုနှင့်ဘဏ်လုပ်ငန်းများ၏
ကြိုးစားအားထုတ်မှုများ ရှိနေသော်လည်း အသေးစားနှင့် အလတ်စားလုပ်ငန်းများ၏
တိုးတက်ရေးအခြေအနေသည် သိသာစွာ ရလဒ်ကောင်းများ ဖြစ်ပေါ်လာရန် ခက်ခဲနေ
ဦးမည်ဖြစ်သည်။

သို့ရာတွင် စီးပွားရေးလုပ်ငန်းများ စတင်ရန် မှတ်ပုံတင်ခြင်းနှင့် လုပ်ငန်းခွင့်ပြုတောင်းခံရာ
တွင် မြန်ဆန်လာရေးအတွက် မြန်မာနိုင်ငံ ရင်းနှီးမြှုပ်နှံမှုကော်မရှင်၏ ဖြေလျှော့မှုများက
လုပ်ငန်းများအတွက် များစွာအထောက် အကူရှိလာခဲ့သည်ဟု စီးပွားရေးလုပ်ငန်းရှင်များက
ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ