ပြည်ပကြွေးမြီများ ဆပ်ရမည့်အချိန်

ခေတ်အဆက်ဆက် အစိုးရများ ချေးယူလာခဲ့သည့် ပြည်ပကြွေးမြီများကို လက်ရှိဘဏ္ဍာနှစ်မှစ၍
အတိုးရော အရင်းပါ ပြန်လည် ပေးဆပ်ရတော့မည်ဖြစ်သည်။ တရားဝင်ထုတ်ပြန်ထားသော
စာရင်းများအရ ၂၀၁၆ ခုနှစ် ဒီဇင်ဘာလကုန်အထိ ပေးဆပ်ရန်ရှိသည့် ကြွေးမြီစုစုပေါင်းမှာ
အမေရိကန်ဒေါ်လာ ၂၂ ဒသမ ၇ ဘီလျံဖြစ်ပြီး ပြည်တွင်း ကြွေးမြီ ၁၃ ဒသမ ၇၈ ဘီလျံနှင့်
ပြည်ပကြွေးမြီ ၈ ဒသမ ၉၈ ဘီလျံဖြစ်သည်။

ကာလလတ်ကြွေးမြီ စီမံခန့်ခွဲမှု မဟာဗျူဟာအရဆိုလျှင် ပြည်ပကြွေးမြီများကို ၂၀၁၇ - ၁၈ ဘဏ္ဍာနှစ်မှ
၂၀၅၂ - ၅၃ ဘဏ္ဍာနှစ်အထိ နှစ်အလိုက် ပြန်ဆပ်ရမည်ဖြစ်သည်။ အင်န်အယ်လ်ဒီအစိုးရသည်
ကြွေးမြီပြန်ဆပ်ကာလ ၃၆ နှစ် အတွင်း ပြည်ပကြွေးမြီအများဆုံး ဆပ်ရမည့်နှစ်များကို ရင်ဆိုင်ရမည်
ဖြစ်သည်။

စစ်အစိုးရလက်ထက်မှစ၍ တင်ရှိခဲ့သည့် ကြွေးမြီများကို ဦးသိန်းစိန်အစိုးရလက်ထက်တွင် 
နိုင်ငံတကာမှ လျှော့ပေးခြင်းများ ရှိခဲ့သည်။

သို့သော် ကြွေးမြီများမှာ လက်ရှိအထိကျန်ရှိနေဆဲဖြစ်ပြီး ၂ဝ၁၆ ခုနှစ်ကုန်အထိ ပြည်ပ
ကြွေးမြီ ရှစ်ဘီလျံကျော် ကျန်ရှိနေသေးသည်။ ထို ပြည်ပကြွေးမြီများကို ယခုဘဏ္ဍာနှစ်တွင်
စတင်၍ ဆပ်ရတော့မည်ဖြစ်သည်။

ယခင်အစိုးရများအဆက်ဆက်က ချေးယူလာခဲ့သည့် ပြည်ပကြွေးမြီများမှာ ယခု
အင်န်အယ်လ်ဒီအစိုးရလက်ထက် လက်ရှိဘဏ္ဍာနှစ်မှာပင် အရင်းရောအတိုးပါ စတင်
ပြန်လည်ဆပ်ရတော့မည့်အချိန် ရောက်ရှိလာပြီ ဖြစ်သည်။

အစိုးရထုတ်ပြန်ချက်များအရ ၂ဝ၁၆ ခုနှစ်၊ ဒီဇင်ဘာလကုန်အထိ ပေးရန်ရှိသည့် ကြွေးမြီ
စုစုပေါင်းမှာ အမေရိကန်ဒေါ်လာ ၂၂ ဒသမ ၇ ဘီလျံရှိပြီး ပြည်တွင်းကြွေးမြီ ၁၃ ဒသမ
၇၈ ဘီလျံနှင့် ပြည်ပကြွေးမြီ၈ ဒသမ ၉၈ ဘီလျံ ဖြစ်သည်။

အစိုးရက ပေးရန်ရှိနေသည့် ပြည်ပကြွေးမြီရှစ်ဘီလျံကျော်မှာ နိုင်ငံတကာအဖွဲ့အစည်း
များသို့ပေးရန်ကြွေးမြီ၊ ပဲရစ်ကလပ်အဖွဲ့ဝင်နိုင်ငံများသို့ပေးရန် ကြွေးမြီနှင့် ပဲရစ်ကလပ်
အဖွဲ့ဝင်မဟုတ်သော နိုင်ငံများသို့ပေးရန် ကြွေးမြီများ ဖြစ်သည်။

အပြည်ပြည်ဆိုင်ရာ အဖွဲ့အစည်းသို့ ပေးရန်ကြွေးမြီစုစုပေါင်းမှာ ကန်ဒေါ်လာ
တစ်ဘီလျံကျော် (၁,၃၆၄ သန်းကျော်) ဖြစ်ပြီး အာရှဖွံ့ဖြိုးရေးဘဏ်သို့ အမေရိကန်
ဒေါ်လာ ၅ဝ၈ သန်းကျော်၊ ကမ္ဘာ့ဘဏ်လက်အောက်ရှိ အိုင်ဒီအေသို့ ကန်ဒေါ်လာ ၈၄ဝ
သန်းကျော်နှင့် အခြားနိုင်ငံတကာအဖွဲ့အစည်းများသို့ ကန်ဒေါ်လာ ၁၅ သန်းကျော်
ပေးရမည် ဖြစ်သည်။

ပဲရစ်ကလပ် အဖွဲ့ဝင်နိုင်ငံများသို့ ပြန်ဆပ်ရန်ရှိသည့် ကြွေးမြီ စုစုပေါင်းမှာ ကန်ဒေါ်လာ
၃ ဒသမ ၃ ဘီလျံကျော် (၃,၃ဝ၁ ဒသမ ၃ သန်း) ဖြစ်ပြီး အဆိုပါ အဖွဲ့ဝင်နိုင်ငံများဖြစ်
သော ဂျပန်အစိုးရသို့ ကန်ဒေါ်လာ နှစ်သန်းနီးပါး (၁,၉၉၈ ဒသမ ၄ သန်း)၊ ဂျာမနီနိုင်ငံသို့
ကန်ဒေါ်လာ သန်း ၆၈၃ သန်းကျော်နှင့် အခြားအဖွဲ့ဝင်နိုင်ငံများကို ကန်ဒေါ်လာ ၆၁၉
ဒသမ၆ သန်း ပေးရမည် ဖြစ်သည်။

ပဲရစ်ကလပ် မဟုတ်သော အခြားနိုင်ငံများသို့ ပေးရန်ရှိသည့် ပမာဏမှာ အမေရိကန်
ဒေါ်လာ ၄ ဒသမ ၃ ဘီလျံကျော် ( ဒေါ်လာ ၄,၃၂၄ ဒသမ ၄သန်း) ဖြစ်ပြီး တရုတ်နိုင်ငံသို့
၃,၄၅၅ ဒသမ ၇ သန်းနှင့် အခြားနိုင်ငံများသို့ ၃၆၈ ဒသမ ၇ သန်းပေးရမည် ဖြစ်သည်။

အစိုးရ၏ ကာလလတ်ကြွေးမြီ စီမံခန့်ခွဲမှုမဟာဗျူဟာ အရဆိုလျှင် ပြည်ပကြေးမြီများကို
၂ဝ၁၇-၁၈ ဘဏ္ဍာနှစ်မှစ၍ ၂ဝ၅၂-၅၃ ဘဏ္ဍာနှစ်အထိ နှစ်အလိုက်ပြန်ဆပ်ရမည်
ဖြစ်သည်။

အစိုးရအကူးအပြောင်းကာလမှစ၍ အင်န်အယ်လ်ဒီ အစိုးရစတင်တာဝန်ယူပြီးနောက်ပိုင်း
လက်ရှိအချိန်အထိ တိုင်းပြည်စီးပွားရေးမှာ ရပ်တန့်နေဆဲဖြစ်သည့်အချိန်တွင် ယခု
ဆီးကြိုနေသော ကြွေးမြီပြန်ဆပ်ရမည့်အခြေအနေက အင်န်အယ်လ်ဒီအစိုးရအတွက်
စိန်ခေါ်မှုတစ်ရပ်ဖြစ်မည်ဟု စီးပွားရေးပညာရှင်များက သုံးသပ်ကြသည်။

ကြွေးမြီစီမံခန့်ခွဲမှု မဟာဗျူဟာ၏ အချက်အလက်များအရဆိုလျှင် အင်န်အယ်လ်ဒီ
အစိုးရသည် ကြွေးမြီပြန်ဆပ်ကာလ နှစ် ၃၆ နှစ်အတွင်း ပြည်ပကြွေးမြီ အများဆုံး
ဆပ်ရသောနှစ်များကို ရင်ဆိုင်ရမည်ဖြစ်သည်။

စတင်ပြန်ဆပ်ရမည့် ပထမနှစ်ဖြစ်သော ယခုဘဏ္ဍာနှစ်မှာပင် အရင်းသန်း ၄ဝဝ ကျော်နှင့်
အတိုးနှုန်း သန်း ၂ဝဝ ကျော်အပါအဝင် ကန်ဒေါ်လာသန်း ၆ဝဝ ကျော် ပြန်ဆပ်ရမည်ဖြစ်
သည်။ ၂ဝ၁၈-၁၉ ဘဏ္ဍာနှစ်တွင်လည်း အရင်း သန်း ၄ဝဝ ကျော်၊ အတိုး သန်း ၂ဝဝ
နီးပါး ပြန်ဆပ်ရမည်ဖြစ်သည်။၂ဝ၁၉-၂ဝ တွင် အရင်းသန်း ၅ဝဝ နှင့် အတိုး သန်း ၁ဝဝ
ကျော်ပြန်ဆပ်ရမည်ဖြစ်ရာ စုစုပေါင်း သန်း ၇ဝဝ နီးပါး ပြန်ဆပ်ရမည် ဖြစ်သည်။

ကြွေးမြီပြန်ဆပ်ကာလစတင်သည်မှ ၃၆ နှစ် သက်တမ်းထိ လက်ရှိအစိုးရသက်တမ်းနှင့်
နောက်တက်လာမည့် အစိုးရနှစ်ဆက်တာဝန်ယူသည့် သက်တမ်းအတွင်းသာ အတိုးနှင့်
အရင်းပြန်ဆပ်ရမှု ပမာဏများသည်ကိုတွေ့ရပြီး ယင်းနောက်ပိုင်းတွင် သိသိသာသာ
ပမာဏလျော့နည်းသွားမည် ဖြစ်သည်။

အတိုးနှုန်းသည့် ချေးစဉ်သဘောတူညီမှု အတိုင်း ပုံမှန်ဆပ်ရခြင်းဖြစ်ပြီး တစ်နှစ်ထပ်
တစ်နှစ် ကြွေးမြီ ကျန်ငွေအပေါ် မူတည်၍ အတိုးတွက်ချက်မှု ကွာဟခြင်းကြောင့်
နောက်ပိုင်းဆပ်ရသည့် အတိုးနှုန်းပမာဏ လျော့နည်းသွားခြင်း ဖြစ်သည်ဟု စီမံကိန်းနှင့်
ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင်က ဆိုသည်။

လက်ရှိ မြန်မာနိုင်ငံ၏ စီးပွားရေးအခြေအနေနှင့် ဆက်စပ်၍ ယခု ကြွေးမြီ ပြန်ဆပ်ရမှု
အခက်အခဲကို စိုးရိမ်မိကြောင်း နိုင်ငံရေး၊စီးပွားရေးလေ့လာ သုံးသပ်သူ သန်းစိုး
(ဘောဂဗေဒ) က ပြောသည်။

၎င်းက ''စိုးရိမ်တာက ဒီအချက်အလက်တွေအရဆိုရင် ကြွေးမြီပြန်ဆပ်နိုင်ပါ့မလား။
လယ်ယာကဏ္ဍမှာ ဈေးကွက်သစ်တချို့ရှိလာတော့ မျှော်လင့်ချက် ရှိတယ်။ ကျန်တဲ့
သယံဇာတ သဘာဝဓာတ်ငွေ့၊ လောင်စာဆီကဏ္ဍမှာ နိုင်ငံတကာက ဈေးကျနေတဲ့
အခါကျတော့ ဘယ်အချက်တွေက ကြွေးမြီကို ပြန်ဆပ်နိုင်မလဲ။ ဘယ်လိုပိုက်ဆံနဲ့
ပြန်ဆပ်နိုင်မလဲဆိုတာ သံသယရှိတယ်။ အဲဒီတော့အဲဒါအတွက် အလားအလာက
သိပ်မမြင်ဘူး''ဟု ပြောသည်။

ရန်ကုန်မြို့ ဘူတာကြီးအတွင်းရှိ အိုးမဲ့အိမ်မဲ့များကို ပြီးခဲ့သည့်နှစ်အတွင်းက တွေ့ရစဉ်။ မြန်မာတိုင်း(မ်)ရန်ကုန်မြို့ ဘူတာကြီးအတွင်းရှိ အိုးမဲ့အိမ်မဲ့များကို ပြီးခဲ့သည့်နှစ်အတွင်းက တွေ့ရစဉ်။ မြန်မာတိုင်း(မ်)

လက်ရှိ ရင်းနှီးမြှုပ်နှံမှုပမာဏ အခြေအနေ၊ ပို့ကုန် ပမာဏအခြေအနေ၊ တိုင်းဒေသကြီး
ပြည်နယ်များတွင် လိုအပ်နေသည့်ဖွံ့ဖြိုးတိုးတက်မှု၊ အခြေခံအဆောက်အအုံ ဖွံ့ဖြိုး
တိုးတက်မှုအတွက် လိုအပ်နေသော ငွေကြေးအရင်းအမြစ် အခြေအနေများ စသည်တို့မှာ
ယခုမှ စတင်လည်ပတ်နိုင်ပြီး ရင်းနှီးမြှုပ်နှံမှုဥပဒေမှာလည်း မကြာမီကမှ ထွက်ရှိပြီးထား
သည့်အတွက် တိုးတက်ပြောင်းလဲမှု ရှိမရှိ Impact များကိုလည်း အနည်းဆုံး
နောင်ခြောက်လလောက် စောင့်ကြည့်ရဦးမည်ဖြစ်ရာ ယင်းအခြေအနေတွင်
ပြည်ပကြွေးမြီပြန်ဆပ်ရမှုသည် စိန်ခေါ်မှုရှိနိုင်သည်ဟု စီးပွားရေးပညာရှင် ဒေါက်တာ
အောင်ကိုကိုက ဆိုသည်။

''စီးပွားရေးကျနေတာနဲ့ တက်နေတဲ့ နှစ်ခုကြားထဲမှာတော့ အဲဒီပိုက်ဆံကို ပြန်ဆပ်
ရလောက်တဲ့ပိုက်ဆံ ထွက်လာစရာအကြောင်း မရှိဘူး။ ဆပ်ချိန်တန်ရင် ဆပ်ကိုဆပ်ရ
မှာပဲ။ တိုင်းပြည်ရဲ့ အခြေခံအဆောက်အအုံတွေအတွက် ရင်းနှီးမြှုပ်နှံဖို့တောင် သုံးစရာ
မလောက်နိုင်ဘူး ဖြစ်နေတော့ အကြွေးဆပ်ဖို့ဆိုရင် ကျပ်တည်းမှာပဲ။ အဲဒီတော့ရှိတဲ့ငွေက
တိုင်းပြည် အပြောင်းအလဲမှာ အသည်းအသန် လုပ်ရမှာတွေတောင် မလောက်တော့
ကြွေးရှင်တွေနဲ့ အကောင်းဆုံး ပြန်ညှိနှိုင်းဖို့လိုတယ်။ အဲဒီလိုညှိနှိုင်းချိန်မှာ တကယ့်ကို
ကျွမ်းကျွမ်းကျင်ကျင်နဲ့ ပြောနိုင်ဆိုနိုင်ဖြစ်ဖို့လိုတယ်''ဟု စီးပွားရေးပညာရှင် ဒေါက်တာ
သောင်းဟန်က ပြောသည်။

ထို့ပြင် လတ်တလော ဖြစ်ပွားခဲ့သည့် ထိုင်းနိုင်ငံရောက် မြန်မာလုပ်သားများ မြန်မာနိုင်ငံကို
ပြန်ရောက်လာပြီဖြစ်သော်လည်း ပြည်တွင်း၌ အလုပ်အကိုင် အဆင်သင့် မရှိခြင်း၊
အသေးစား အလတ်စား လုပ်ငန်းများ တိုးတက်မှုအတွက် ပြင်ဆင်ထားမှုများ မရှိခြင်း
စသောအခြေအနေများ ရင်ဆိုင်နေရချိန်တွင် ပြည်ပကြွေးမြီများ မဖြစ်မနေဆပ်ရမည့်
အရေးမှာ လက်ရှိစီးပွားရေးအပေါ် အခက်အခဲနှင့် အကျပ်အတည်းများစွာ ဖြစ်နိုင်ကြောင်း
လည်း ပြောဆိုကြသည်။

''ချေးငွေတွေ စာချုပ်ချုပ်ထားတာကဆိုင်းငံ့ကာလ ကျော်လာရင် မဖြစ်မနေ ပေးရမှာ။
ဒါပေမဲ့ ဥပမာ စားစရာမရှိ လျော်စရာရှိပေါ့။ ကြွေးမြီကို ပြန်ဆပ်ရမှာ ဖြစ်တဲ့အတွက်
ဆပ်ရမယ့် ပိုက်ဆံကို အပြည့်အဝ ပြန်ဆပ်တဲ့အချိန်မှာ တိုင်းပြည်မှာ နိုင်ငံခြားအရန်ငွေ
လျော့နည်းလာတာတို့၊ လက်ထဲမှာရှိတဲ့ ငွေတွေကို စုပ်ယူသွားတာတို့က စီးပွားရေးအရ
ကြပ်သွားတာပေါ့''ဟု သန်းစိုး(ဘောဂဗေဒ)က ပြောသည်။

ထိုသို့ စီးပွားရေးအကျပ်အတည်းများနှင့် ရင်ဆိုင်ရနိုင်သည်ဟု ပြောဆိုမှုများရှိသော်လည်း
ကြွေးမြီမှာ မဖြစ်မနေ ပြန်ဆပ်ရတော့မည် ဖြစ်သည်။ အစိုးရက ယခင်ကတည်းက
ကြွေးမြီ သက်တမ်းနှစ် ၃ဝ စာ ပြန်လည်ပေးဆပ်ရန်အတွက် ဘတ်ဂျက်အစီအစဉ်ရေးဆွဲ
ထားပြီးဖြစ်ပြီး အချိန်တန်လျှင် သက်ဆိုင်ရာ ဝန်ကြီးဌာနက ပေးဆပ်မှုလုပ်ဆောင်မည်ဟု
စီမံကိန်းနှင့် ဘဏ္ဍာရေးဝန်ကြီးဌာန၊ အမြဲတမ်းအတွင်းဝန်ဦးထွန်းထွန်းနိုင်က ပြောသည်။

''တစ်နှစ်ကို အရင်းဘယ်လောက် ဆပ်ရမယ်။ အဲဒီအတွက် အတိုးက ဘယ်လောက်
ဆိုတာ နှစ်စဉ်တင်ပြတဲ့ ဘတ်ဂျက်အစီအစဉ်မှာလည်း သက်ဆိုင်ရာချေးတဲ့ ဝန်ကြီးဌာနက
သူ့ရဲ့ ဘတ်ဂျက်တောင်းတဲ့ အစီအစဉ်မှာ ထည့်ရေးဆွဲရတယ်'' ဟု ၄င်းက ဆိုသည်။

ရှေ့လာမည့်နှစ်များတွင် ဗဟိုအစိုးရ၏ ဗဟိုချုပ်ကိုင်မှု လျှော့ချခြင်းနှင့်အတူ တိုင်း
ဒေသကြီး၊ ပြည်နယ်အစိုးရတို့မှာ ဖွံ့ဖြိုးမှုစီမံကိန်းများ၊ အခြေခံအဆောက်အအုံ
တည်ဆောက်ခြင်းများ ဒေသအလိုက် လုပ်ဆောင်ရတော့မည်ဖြစ်ရာ ငွေကြေးလိုအပ်မှုများ
ရှိလာမည်ဖြစ်သောကြောင့် နိုင်ငံတကာ၏အကူအညီများ ထပ်မံလိုအပ်လာဦးမည်ဖြစ်
ကြောင်း၊ ယခု ဒီမိုကရေစီအစိုးရ လက်ထက်စီးပွားရေးပိတ်ဆို့မှုများ မရှိတော့သည့်
အချိန်တွင် နိုင်ငံတကာအကူအညီများ ယခင်ကထက် ပိုရလာမည်ဖြစ်သည်ဟု စီးပွားရေး
ပညာရှင်များက ပြောသည်။

သို့သော် အတိုးနှုန်းမြင့်သော တရုတ်နိုင်ငံ ချေးငွေကို ရှောင်နိုင်သမျှ ရှောင်သည်မှာ
အကောင်းဆုံး ဖြစ်သည်ဟု ၄င်းတို့က တညီတညွတ်တည်း ပြောဆိုကြသည်။

အစိုးရ၏ ကြွေးမြီများ စုစုပေါင်းထဲတွင် တရုတ်အစိုးရဆီက ယူထားသောကြွေးမြီမှာ
အများဆုံး ဖြစ်သည်။ ၂ဝ၁၇ ခုနှစ် ကာလလတ် ကြွေးမြီ စီမံခန့်ခွဲမှု မဟာဗျူဟာအရ
ဆိုလျှင် တရုတ်နိုင်ငံချေးငွေမှာ ကန်ဒေါ်လာ ၃ ဒသမ ၉ ဘီလျံ ကျော် (၃,၉၅၅ သန်း
ကျော်)ရှိရာ အပြည်ပြည်ဆိုင်ရာ အဖွဲ့အစည်းများကို ပြန်ဆပ်ရမည့် ချေးငွေထက် သုံးဆ
ပိုများပြီး ပဲရစ်ကလပ် အဖွဲ့ဝင်နိုင်ငံများကို ပြန်လည်ဆပ်ရမည့် ပမာဏထက်
တရုတ်တစ်နိုင်ငံတည်းကို ပြန်ဆပ်ရမည့် ကြွေးမြီမှာ သန်း ၁ဝဝ နီးပါး ပိုများနေသည်ကို
တွေ့ရသည်။

ထိုသို့ တရုတ်ချေးငွေများနေမှုမှာ စစ်အစိုးရလက်ထက် မြန်မာနိုင်ငံအပေါ် စီးပွားရေး၊
နိုင်ငံရေးကဏ္ဍများကို အမေရိကန် အရေးယူပိတ်ဆို့မှုအောက် ရောက်စဉ်က ပြည်ပ
ချေးငွေရယူရာတွင် ချေးငွေရရှိရန်အခက်အခဲရှိခဲ့သည့်အတွက် တရုတ်အစိုးရဆီကသာ
ချေးငွေရရှိခဲ့ခြင်းကြောင့် အခြေအနေ အချိန်အခါအရ ချေးယူခဲ့ရပေရာ ပြည်ပကြွေးမြီများ
ထဲတွင် တရုတ်ကြွေးမြီက ပိုများနေခဲ့ခြင်းဖြစ်သည်ဟု စီးပွားရေးပညာရှင် ဒေါက်တာ
အောင်ကိုကိုက ပြောသည်။

''ပြည်ပချေးငွေယူတဲ့အထဲမှာ တရုတ်က ချေးငွေအတိုးနှုန်း အများဆုံးဖြစ်တယ်။
ဒါကလည်း အဲဒီအချိန်တုန်းက တရုတ်ကလွဲလို့ တခြားနိုင်ငံတွေက မပေးတာများတယ်။
အခြေအနေ အချိန်အခါအရ တရုတ်ချေးငွေအပေါ် အားထားခဲ့ရတာရှိတယ်''ဟု ၄င်းက
ပြောသည်။

ပြည်ပချေးငွေများ၏ ပျှမ်းမျှအတိုးနှုန်းမှာ ၁ ဒသမ ၈၅ ရာခိုင်နှုန်းဖြစ်ပြီး အတိုးနှုန်း သုညမှ
၎ ဒသမ ၅ ရာခိုင်နှုန်း အတွင်းရှိသည့်အနက် အချို့အပြည်ပြည်ဆိုင်ရာကြွေးမြီများမှာ
အတိုးနှုန်းမဲ့ဖြစ်ပြီး နှစ်နိုင်ငံအစိုးရကြားချေးသော ကြွေးမြီများမှာ အတိုးနှုန်းအမျိုးမျိုး
ရှိသော်လည်း တရုတ်နိုင်ငံ အတိုးနှုန်းမှာအများဆုံးဖြစ်နေရာ စီးပွားရေးပညာရှင်များက
ထောက်ပြပြောဆိုကြပြီး အတိုးနှုန်းသက်သာရေးအတွက် မြန်မာအစိုးရက တရုတ်
အစိုးရကို ညှိနှိုင်းတောင်းဆိုသင့်သည်ဟု ဆိုသည်။

''အတိုးနှုန်းကြီးတာက ဘယ်သူမှ မချေးတဲ့ ခေတ်မှာ ကိုယ်က အောက်စည်းရောက်ခဲ့တာ
ဖြစ်မှာပေါ့။ သက်သာတဲ့အတိုးနဲ့ ပြန်ရအောင် ကြိုးစားပေါ့။ ဟိုတုန်းက အတိုး
အဲဒီလောက်ယူတာက ဆန်ရှင်အောက်မှာရှိနေတဲ့နိုင်ငံ။ ဘယ်သူမှလည်း မချေးဘူး
ဆိုတာ အကြောင်းမျိုးစုံ ပြလို့ရတယ်။ အခု မြန်မာပြည်ရဲ့အနေအထားက အများကြီး
တိုးတက်သွားပြီလို့ ပြောတဲ့အတွက် သူတို့လည်း လျှော့ပေးလို့ရတယ်''ဟု စီးပွားရေး
ပညာရှင်ဒေါက်တာသောင်းဟန်က ပြောသည်။

တရုတ်ချေးငွေမှာ ပြည်ပကြွေးမြီ စုစုပေါင်း၏ ၄၄ ရာခိုင်နှုန်းရှိပြီး အတိုးနှုန်းအမျိုးမျိုးနှင့်
အမြင့်ဆုံး အတိုးနှုန်းမှာ ၄ ဒသမ ၅ ရာခိုင်နှုန်းရှိရာများနေသည့်အတွက် ပြန်လည်စိစစ်ရန်
ပြီးခဲ့သည့်တစ်ပတ်က ပြည်ထောင်စုလွှတ်တော်၌ ၂ဝ၁၇ ခုနှစ် ကာလလတ်
ကြွေးမြီစီမံခန့်ခွဲမှု မဟာဗျူဟာထုတ်ပြန်ရေးနှင့်စပ်လျဉ်း၍ ပြည်သူ့ငွေစာရင်း ပူးပေါင်း
ကော်မတီ၏ လေ့လာတွေ့ရှိချက် အစီရင်ခံစာကို ဆွေးနွေးစဉ် ပုလဲမဲဆန္ဒနယ် ပြည်သူ့
လွှတ်တော်ကိုယ်စားလှယ် ဒေါ်ခင်စန်းလှိုင်က တင်ပြတောင်းဆိုခဲ့သည်။

ယင်းပမာဏသည် မြန်မာနိုင်ငံကြွေးမြီ ဝန်ထုပ်ဝန်ပိုးအတွက် အဓိက အခန်းကဏ္ဍက
ပါဝင်နေမှုကို လက်ခံရမှာဖြစ်ကြောင်း၊ တရုတ်နိုင်ငံ ချေးငွေနှင့်ပတ်သက်၍ စာချုပ်
စာတမ်းများကို ပြန်လည်ဆန်းစစ်ခြင်း၊ လျှော့ပေါ့နိုင်သည့် အခွင့်အလမ်းများရှိပါက
နှစ်နိုင်ငံအစိုးရချင်း ညှိနှိုင်းမှုများ ပြုလုပ်ကာ နိုင်ငံတော်နှင့် နိုင်ငံသား အကျိုးရှေးရှုပြီး
လုပ်ဆောင်သင့်သည်ဟု ၄င်းက ပြောဆိုခဲ့သည်။

အင်န်အယ်လ်ဒီအစိုးရသည် ၄င်းတာဝန်ယူသော လက်ထက်မှာပင် ပြည်ပကြွေးမြီ
ပြန်ဆပ်ရမှုများနှင့် စတင်ကြုံတွေ့ခဲ့ရာ လက်ရှိစီးပွားရေးရပ်တန့်မှု အခြေအနေနှင့်လည်း
ရင်ဆိုင်နေရသည့်အတွက် အခက်အခဲအကျပ်အတည်းများကို ဖြတ်ကျော်ရမည်ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ