ဘဏ်မတည်ငွေရင်း၏ ၂ဝ ရာခိုင်နှုန်းအထက် ငွေမထုတ်ချေးရန် ဗဟိုဘဏ်စည်းမျဉ်းသတ်မှတ်

ပြည်တွင်းဘဏ်လုပ်ငန်းများအနေဖြင့် ဘဏ်မတည်ရင်းနှီးငွေ၏ ၂ဝ ရာခိုင်နှုန်းထက်
ပိုမိုသည့်ငွေကြေးကို ချေးငွေအဖြစ်ထုတ်ချေးခြင်းမပြုရန် မြန်မာနိုင်ငံတော်ဗဟိုဘဏ်က
စည်းမျဉ်းထုတ်ပြန်လိုက်သည်။

မြန်မာနိုင်ငံတော်ဗဟိုဘဏ်သည် ပမာဏကြီးမားသော ကြွေးမြီဆိုင်ရာစည်းမျဉ်းတစ်ရပ်ကို
ဇူလိုင် ၇ ရက်၊ ရက်စွဲပါထုတ်ပြန်ချက်ဖြင့် ဇူလိုင်၁၁ ရက်တွင် ထုတ်ပြန်လိုက်သည်။

၎င်းစည်းမျဉ်းအရ ပြည်တွင်းဘဏ်များအားလုံးသည် ပုဂ္ဂိုလ်တစ်ဦးချင်း ဖြစ်စေ၊ စီးပွားရေး
လုပ်ငန်းအုပ်စု တစ်ခုခုကို ဖြစ်စေ၊ ဆက်နွှယ်မှုရှိနေသည့် မိတ်ဖက်အဖွဲ့အစည်း အုပ်စု
တစ်ခုခုသို့ ဖြစ်စေချေးငွေထုတ်ချေးရာတွင် မိမိဘဏ် မတည်ရင်းနှီးငွေကြေး၏ ၂ဝ
ရာခိုင်နှုန်းထက်ပိုမို၍ ထုတ်ချေးခြင်း မပြုရဟု ပါရှိသည်။

ထိုကဲ့သို့ ထုတ်ပြန်လိုက်ခြင်းသည် ပြည်တွင်းဘဏ်လုပ်ငန်းများကို နိုင်ငံတကာက
ဘဏ်လုပ်ငန်းများ၏ သတ်မှတ် စံချိန်စံညွှန်း အဆင့်အတန်းများဖြင့်ကိုက်ညီစေရန်
ဆောင်ရွက်ခြင်းဖြစ်သည်ဟု မြန်မာနိုင်ငံတော် ဗဟိုဘဏ်မှညွှန်ကြားရေးမှူးတစ်ဦးက
မြန်မာတိုင်း(မ်)ကို ပြောသည်။

''အဲဒီထုတ်ပြန်ချက်က ပြည်တွင်းဘဏ်တွေကို နိုင်ငံတကာ ဘဏ်တွေလိုက်နာတဲ့
စည်းမျဉ်း စံချိန်စံညွှန်းအတိုင်း ဖြစ်စေဖို့လုပ်လိုက်တာဖြစ်ပါတယ်။ ပြည်တွင်းဘဏ်တွေရဲ့
စံချိန်စံညွှန်းကို Basel ကနေ Basel II ကို (နိုင်ငံတကာဘဏ်များ လိုက်နာရမည့်
စည်းမျဉ်းစည်းကမ်းမူဘောင် အဆင့်အတန်း) ကို တိုးမြှင့် ဆောင်ရွက်လိုက်တာ ဖြစ်ပါ
တယ်''ဟု ၄င်းညွှန်ကြားရေးမှူးက ပြောသည်။

ထိုကဲ့သို့ စည်းမျဉ်းစည်းကမ်းသတ်မှတ်ချက်ဖြင့် ထုတ်ပြန်လိုက်ခြင်းကြောင့် ဘဏ်လုပ်ငန်း
များအနေဖြင့် စွန့်စားလုပ်ဆောင်မှု နည်းသွားစေမည်ဖြစ်ရာ ရေရှည်တွင် ကောင်းမွန်သည့်
အချက်ဖြစ်သည်ဟု ဗဟိုဘဏ်ဒုတိယဥက္ကဋ္ဌဟောင်းနှင့် ကမ္ဘောဇဘဏ်ဘဏ်မှ
အကြီးတန်းအကြံပေးဖြစ်သူ ဦးသန်းလွင်က ပြောသည်။

''ဒီလိုထုတ်ပြန်လာတာကို ကျွန်တော်ကတော့ ကြိုက်တယ်။ အဲဒီလို ထိန်းကျောင်းထားမှု
မရှိဘူးဆိုရင် ငွေပမာဏကလည်းများမယ်၊ ချေးထားတဲ့ ဦးရေကလည်း များမယ်ဆိုရင်
ရေရှည်ဘဏ်တွေအတွက် အန္တရာယ်ရှိတယ်။ အမှန်တော့ ဒါကကောင်းတဲ့ စည်းမျဉ်း
စည်းကမ်း ဖြစ်ပါတယ်။ နိုင်ငံတကာမှာလည်း ဒီလိုပါပဲ''ဟု ၄င်းက ပြောသည်။

ပြည်တွင်းဘဏ်လုပ်ငန်းများ၏ ငွေကြေးအရင်းအနှီး မတည်မှုပမာဏသည် နိုင်ငံတကာ
စံချိန်စံညွှန်းများအရဆိုပါက Basel I အဆင့်တွင်သာ ရှိနေခြင်းဖြစ်သည်။ ထို့အတွက်
Basel II အဆင့်နှင့် ကိုက်ညီမှုရှိစေရန် ဘဏ်လုပ်ငန်းများက ကြိုးစားလုပ်ဆောင်နေရဆဲ
ဖြစ်သည်ဟုလည်း ဦးသန်းလွင်က ဆက်လက်ပြောသည်။

''အခု ပြည်တွင်းဘဏ်တွေကလည်း Basel II အဆင့်နဲ့ ကိုက်ညီဖို့ လုပ်နေပါပြီ။
ဒါပေမဲ့ Basel I၊ Basel II ကို ပြောင်းတယ်ဆိုတာက ပါးစပ်ကသာ လွယ်တာပါ။ တကယ်
လုပ်ဆောင်မှုပိုင်းမှာကျတော့စာရင်းဇယားပိုင်း၊ စာရင်းစစ်အဖွဲ့ပိုင်းတွေကအစ ပြုပြင်
ပြောင်းလဲမှု လုပ်ဆောင်ရတာ အများကြီး ရှိသေးတယ်။ ဘဏ်တွေကလည်း ကြိုးစားနေ
ပါတယ်''ဟု ဦးသန်းလွင်က ပြောသည်။

၎င်းစည်းမျဉ်း ထုတ်ပြန်ချက်တွင် အာမခံရှိသည့် ချေးငွေများအတွက် ဘဏ်များက
ကန့်သတ်ချက်မရှိ ဆောင်ရွက်ခွင့် ပြုထားသည်။ သို့သော် အာမခံမရှိသည့် ချေးငွေများ
အတွက်မူဘဏ်၏ အဓိကမတည် ငွေရင်း၏၁ဝဝ ရာခိုင်နှုန်းအထိသာကန့်သတ်၍
ဆောင်ရွက်ရမည်ဟု သတ်မှတ်ထားသည်။

မြန်မာနိုင်ငံတော်ဗဟိုဘဏ်သည် ¤င်းစည်းမျဉ်း ထုတ်ပြန်ချက်အပြင် ငွေကြေးလွယ်ကူမှု
အချိုး သတ်မှတ်ဆိုင်ရာ စည်းမျဉ်းတစ်ရပ်ကိုလည်း ဇူလိုင် ၁၁ ရက်က အလားတူ
ထုတ်ပြန်ထားခဲ့သည်။ ၄င်းစည်းမျဉ်းအရ ဘဏ်များသည် ငွေကြေးလွယ်ကူမှု အချိုးကို
အနည်းဆုံး ၂ဝ ရာခိုင်နှုန်းထား ရှိရမည်ဟု သတ်မှတ်လိုက်သည်။

မြန်မာနိုင်ငံတွင် ကောလာဟလ သတင်းများကြောင့် ဘဏ်လုပ်ငန်းများတွင် ငွေအပ်နှံထား
သူများက တစ်ပြိုင်တည်း ငွေထုတ်ယူမှုများ မကြာခဏ ဖြစ်လေ့ရှိသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ