ယခုဘဏ္ဍာနှစ် ကုန်သွယ်မှု ကန်ဒေါ်လာ ၂၉ ဘီလျံ လျာထား

တရုတ် - မြန်မာနယ်စပ် ရွှေလီမြစ်တစ်ဖက်ကမ်း တရုတ်နိုင်ငံဘက်ခြမ်းရှိ ကုန်ကားများကို မြန်မာနိုင်ငံဘက်ခြမ်း မူဆယ်ကမ်းနံဘေးမှ လှမ်းတွေ့မြင်ရစဉ်။ ဓာတ်ပုံ – သစ်နေမိုးတရုတ် - မြန်မာနယ်စပ် ရွှေလီမြစ်တစ်ဖက်ကမ်း တရုတ်နိုင်ငံဘက်ခြမ်းရှိ ကုန်ကားများကို မြန်မာနိုင်ငံဘက်ခြမ်း မူဆယ်ကမ်းနံဘေးမှ လှမ်းတွေ့မြင်ရစဉ်။ ဓာတ်ပုံ – သစ်နေမိုး

ယခုဘဏ္ဍာနှစ်အတွက် ကုန်သွယ်မှုပမာဏကို အမေရိကန်ဒေါ်လာ ၂၉ ဘီလျံရရှိရန် 
လျာထား ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန လက်ထောက်
အတွင်းဝန် ဦးခင်မောင်လွင်က ပြောသည်။

ကုန်သွယ်မှုပမာဏကို ပို့ကုန်တင်ပို့မှုမှ ကန်ဒေါ်လာ ၁၄ ဘီလျံနှင့် သွင်းကုန်မှ ၁၅ ဘီလျံ
လျာထားပြီး စုစုပေါင်း ကန်ဒေါ်လာ ၂၉ ဘီလျံရရှိရန် စီမံကိန်းနှင့် ဘဏ္ဍာရေးဝန်ကြီးဌာန
နှင့်ညှိနှိုင်း၍ လျာထားခဲ့ခြင်းဖြစ်သည်ဟု ၄င်းက ပြောသည်။

''အဓိကကတော့ နိုင်ငံပိုင်ကဏ္ဍက သဘာဝဓာတ်ငွေ့တင်ပို့မှု လျော့သော်လည်း
တစ်ဖက် ပုဂ္ဂလိကကဏ္ဍက ဆန်တို့၊ ပြောင်းတို့၊ ပဲတို့တင်ပို့မှုတွေက တိုးတက်နေတယ်။
လျာထားချက်ကတော့ ပြည့်မီနိုင်တယ်လို့ထင်တယ်။ လျာထားချက်သဘောမှာလည်း
ပြီးခဲ့တဲ့ ဘဏ္ဍာနှစ် ကာလတူနဲ့စာရင်လည်း ဇွန်လကုန်အထိ ပို့ကုန်က သန်း ၄၅ဝ လောက်
တိုးတက်နေတယ်''ဟု ဦးခင်မောင်လွင်က ပြောသည်။

လက်ရှိဘဏ္ဍာနှစ်ကုန်သွယ်မှုတွင် ပို့ကုန်တိုးတက်ရန် အဓိကဆောင်ရွက်နေပြီး
ဆန်တင်ပို့မှု တိုးတက်ရန် ဈေးကွက်ချဲ့ထွင်မှုများ လုပ်ဆောင်လျက်ရှိသည်ဟု ၄င်းက
ဆိုသည်။

ထို့ပြင် အထည်ချုပ် (CMP) လုပ်ငန်းများ၏ ပို့ကုန် တင်ပို့မှုသည်လည်း တိုးတက်လာ
သည်ဟု အထည်ချုပ်လုပ်ငန်းရှင်များက ပြောသည်။

စီးပွား/ကူးသန်းဝန်ကြီးဌာနအနေဖြင့် ယခုဘဏ္ဍာနှစ်အတွက် ပို့ကုန်မြင့်တက်ရန် အဓိက
ဆောင်ရွက်သွားမည်ဖြစ်ရာ လျာထားချက်ကိုလည်း ပြည့်မီနိုင်မည်ဟု ပြောဆိုထားသည်။

ယင်းနှင့်ပတ်သက်၍ စီးပွားရေးလုပ်ငန်းရှင် ဒေါက်တာစိုးထွန်းက ''ဆိပ်ကမ်းကလည်း
အဲဒီလောက်မလုပ်နိုင်ဘူး။ အခုဆိုရင် ကွန်တိန်နာကားတွေ ညဘက်ပဲသွားလို့ရတော့
ပိုပြီး ဝန်ဆောင်မှုကျလာတယ်။ ကုန်သွယ်မှုကို မြှင့်တယ်လို့ပြောရင် ပြန်စဉ်းစားရမှာက
စပါးက ဘယ်လောက်ထပ်စိုက်မှာလဲ။ အထွက်တိုးမှာလား။ Logistic လို့ခေါ်တဲ့ သယ်ယူ
ပို့ဆောင်ရေးကားတွေ ထပ်တိုးမှာလား။ ကရိန်းတွေက ဘယ်လိုလဲ။ ဆိပ်ကမ်းတွေရော
ထပ်တိုးမှာလား။ အဲဒါတွေ မေးခွန်းတွေ မေးစရာရှိတယ်။ ပါးစပ်ထဲ လျာထားလို့ အော်
နေလို့မှမရတာ။ တက်အောင်လုပ်မယ်လို့ပြောရင် တစ်ဖက်မှာလည်း ဒါတွေကြည့်ရမယ်''
ဟု ဆိုသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန စာရင်းများအရ လက်ရှိ ၂ဝ၁၇–၁၈
ဘဏ္ဍာနှစ် ဇွန်လကုန်အထိ ကုန်သွယ်မှုပမာဏ စုစုပေါင်းမှာ ကန်ဒေါ်လာ ၇,၇၇၈ သန်း
ကျော်ရှိပြီး ယမန်ဘဏ္ဍာနှစ်ကာလတူက ကန်ဒေါ်လာ ၆,၄၈၄ သန်းကျော်သာရှိခဲ့ခြင်း
ကြောင့် ယခုဘဏ္ဍာနှစ်တွင် သုံးလတာအတွင်း ကန်ဒေါ်လာ သန်း ၁,၃ဝဝ နီးပါး ပိုမို
ကုန်သွယ်မှု ပြုနိုင်သည်ကို တွေ့ရသည်။

ပို့ကုန်မှာ ကန်ဒေါ်လာ ၃,၁၆၂ သန်းကျော်ရှိပြီး ယမန်ဘဏ္ဍာနှစ် ကာလတူက ၁,၇ဝ၆
သန်းကျော်ရှိရာ ယခုဘဏ္ဍာနှစ်တွင် ၄၅၅ သန်းကျော် ပိုမိုတင်ပို့နိုင်ခဲ့သည်။ သွင်းကုန်မှာ
၎,၆၁၆ သန်းကျော်ရှိပြီး ယမန်ဘဏ္ဍာနှစ်ကာလတူက ၃,၇၇၇ သန်းကျော်ရှိခဲ့ရာ ယခုနှစ်
ဘဏ္ဍာနှစ် သုံးလတာအတွင်း သန်း ၈ဝဝ ကျော် ပိုမိုတင်သွင်းနိုင်ခဲ့သည်ကို တွေ့ရသည်။

လက်ရှိတွင် ဆန်ဈေးကွက်ရရှိမှုမှာ အာဖရိကဈေးကွက်၊ သီရိလင်္ကာနှင့် အခြားနိုင်ငံများ
ကိုလည်း တင်ပို့နေသည်။ ပြီးခဲ့သော ဘဏ္ဍာနှစ်တွင် ဆန်တင်ပို့မှုကို ၅၃ နိုင်ငံအထိ
တင်ပို့လာနိုင်ပြီး ပြည်ပသို့ ဆန်တင်ပို့မှုတွင် ပင်လယ်ရေကြောင်းက တင်ပို့မှုကို ၄ဝ
ရာခိုင်နှုန်းလောက်ထိ ဆောင်ရွက်လာနိုင်ပြီဖြစ်ကြောင်း၊ ယခင်က ပင်လယ်ရေကြောင်းက
ဆန်တင်ပို့မှုမှာ ၂ဝ ရာခိုင်နှုန်းလောက်သာ ဆောင်ရွက်နိုင်ကြောင်း ဦးခင်မောင်လွင်က
ပြောသည်။

မူဆယ်မြို့နှင့် ကြယ်ဂေါင်မြို့အကြား တရုတ်-မြန်မာနယ်စပ် ကုန်သွယ်ရေးဂိတ်ကို တွေ့မြင်ရစဉ်။ ဓာတ်ပုံ – သစ်နေမိုးမူဆယ်မြို့နှင့် ကြယ်ဂေါင်မြို့အကြား တရုတ်-မြန်မာနယ်စပ် ကုန်သွယ်ရေးဂိတ်ကို တွေ့မြင်ရစဉ်။ ဓာတ်ပုံ – သစ်နေမိုး

ထို့ကြောင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ကုန်သွယ်မှုပမာဏ
လျာထားချက် ပြည့်မီနိုင်မည်ဟု မျှော်မှန်းထားသော်လည်း ကုန်သွယ်မှုကဏ္ဍတွင်
ဆန်တင်ပို့မှုသည် ဈေးကွက် မကျဆင်းသော်လည်း တင်ပို့နိုင်မှုတွင် အကန့်အသတ်
ရှိနေသည်ဟု စီးပွားရေးလုပ်ငန်းရှင် ဒေါက်တာစိုးထွန်းက ပြောသည်။

ပြီးခဲ့သည့်ဘဏ္ဍာနှစ်က တန်ချိန်သုံးသန်းတင်ပို့နိုင်ခဲ့သော သကြား Re-export စနစ်
တင်ပို့မှု မှာလည်း ယခုဘဏ္ဍာနှစ်တွင် တရုတ်သို့ တင်ပို့မှု ကျဆင်းနေသကဲ့သို့ ပြောင်း
တင်ပို့မှုမှာလည်း ကျဆင်းနေကြောင်း၊ ပဲစိမ်းငုံဈေးနှုန်းမှာလည်း တစ်တန်လျှင် ယခင်က
ဒေါ်လာ ၁,၄ဝဝ ရသော်လည်း ယခုအခါ ဒေါ်လာ ၄၈ဝ သာရှိသောကြောင့် ဒေါ်လာ
၁,ဝဝဝ နီးပါး ကျဆင်းသွားကြောင်း၊ အဆိုပါအခြေအနေများကြောင့် ခြုံငုံသုံးသပ်ပါက
လျာထားချက်ပြည့်မီရန် အလားအလာ သိပ်မမြင်ကြောင်း ၄င်းက ပြောသည်။

''ဆန်နဲ့ပဲဆိုရင် နှစ်တိုင်း ပဲကတောင် ပိုရသေးတယ်။ ဆန်တစ်တန်ဈေးနှုန်းက နည်းတယ်။
သန်း ၆ဝဝ ရာလောက်ပဲရတယ်။ လျာထားချက် ကန်ဒေါ်လာဘီလျံနဲ့ယှဉ်ရင် နည်းတာပေါ့။
ဆန်က အဲဒီလောက်ပဲရတယ်။ ဒီထက်အများကြီး တိုးရဖို့ သိပ်မလွယ်ဘူး''ဟု မြန်မာနိုင်ငံ
ဆန်စပါး လုပ်ငန်းရှင်များအသင်းချုပ် ဒုတိယဥက္ကဋ္ဌလည်းဖြစ်သူ ဒေါက်တာစိုးထွန်းက
ပြောသည်။

နှစ်စဉ် ဆန်ပုံမှန်တင်ပို့နိုင်မှုမှာ တန်ချိန်တစ်သန်းခွဲသာရှိခဲ့ပြီး အမြင့်ဆုံးတင်ပို့နိုင်မှုမှာ
တန်ချိန် ၁ ဒသမ ၈ သန်း တင်ပို့နိုင်ခဲ့ဖူးကြောင်း၊ ထို့ကြောင့် ထပ်မံတိုးတက် တင်ပို့နိုင်
ပါကလည်း တန်ချိန် နှစ်သန်းထိသာ အလွန်ဆုံးတင်ပို့နိုင်မည်ဟု ၄င်းက ပြောသည်။

ပို့ကုန်ကဏ္ဍတွင် အဓိက တင်ပို့နေရသော အထည်ချုပ်ကဏ္ဍတွင် CMP စနစ်ဖြင့်
တင်ပို့မှုမှာ ၂ဝ၁၂ ခုနှစ်မှစ၍ ဆက်တိုက်မြင့်တက်နေပြီး နှစ်စဉ် ၃ဝ ရာခိုင်နှုန်းမြင့်တက်
လာနေကြောင်း၊ ယခုဘဏ္ဍာနှစ်တွင်လည်း ၃ဝ ရာခိုင်နှုန်း မြင့်တက်မည်ဖြစ်ကြောင်း
မြန်မာနိုင်ငံအထည်ချုပ်လုပ်ငန်းရှင်များ အသင်းဥက္ကဋ္ဌ ဦးမြင့်စိုးက ပြောသည်။

ယမန်ဘဏ္ဍာနှစ်က အထည်ချုပ်ကဏ္ဍတွင် CMP စနစ်ဖြင့်တင်ပို့မှုမှ ကန်ဒေါ်လာ ၂ ဒသမ
၂ ဘီလျံရရှိကြောင်း အထည်ချုပ်လုပ်ငန်းရှင်များအသင်းထံမှ သိရသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ပြီးခဲ့သော ၂ဝ၁၆–၁၇ ဘဏ္ဍာနှစ်
အတွက် ကုန်သွယ်မှုပမာဏ ကန်ဒေါ်လာ ၃၁ ဘီလျံရရှိရန် မျှော်မှန်းခဲ့သော်လည်း
သွင်းကုန်ပမာဏ လျော့ကျသွားခြင်း၊ အဓိကနယ်စပ်ကုန်သွယ်ရေးစခန်းဖြစ်သည့် ၁ဝ၅ မိုင်
ကုန်သွယ်ရေးစခန်း ယာယီရပ်နားခဲ့ရမှုအပါအဝင် အခြား နယ်စပ်ကုန်သွယ်ရေးစခန်းများ
ယာယီရပ်နားခဲ့ရမှုများ ရှိခဲ့သည့်အတွက် ဘဏ္ဍာနှစ်ကုန်မှာ ကုန်သွယ်မှုပမာဏမှာ
စုစုပေါင်း ကန်ဒေါ်လာ ၂၉ ဒသမ ၂ ဘီလျံသာရရှိခဲ့ရာ လျာထားချက်ပြည့်မီအောင်
ဆောင်ရွက်နိုင်ခြင်း မရှိခဲ့ပေ။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ