သစ်ထုတ်ရာတွင် ကုမ္ပဏီများကို ကန်ထရိုက်ပေးထုတ်လုပ်စေခြင်း မရှိတော့ဟုဆို

သစ်ထုတ်ရေး လုပ်ငန်းများတွင် ပုဂ္ဂလိကကုမ္ပဏီများကို တစ်ဆင့်ခံ ကန်ထရိုက်ပေး
ထုတ်စေခြင်းကို အစိုးရသစ် လက်ထက်တွင်စတင် ရပ်ဆိုင်းလိုက်ပြီဖြစ်ကြောင်း မြန်မာ့
သစ်လုပ်ငန်း၊ သစ်ထုတ်ရေးဌာန ဒုတိယအထွေထွေမန်နေဂျာ ဦးခင်မောင်ကြည်က
ပြောသည်။

''အရင် ၂ဝ၁၅–၁၆ သစ်ထုတ်တဲ့ ကာလအထိ တစ်လျှောက်လုံး ပုဂ္ဂလိကကုမ္ပဏီတွေကို
သစ်ပေါ်မှာ အတိုင်းအတာတစ်ခုအထိ အကျိုးအမြတ် ခွဲဝေပေးပြီး သစ်ထုတ်တာကနေ
သစ်ဆိပ်အထိ သူတို့ တာဝန်ယူလုပ်ခဲ့တာပေါ့။ ဥရောပသမဂ္ဂက ဒီလိုလုပ်ဆောင်တာကို
မကြိုက်တဲ့အတွက် ကန်ထရိုက်ပေးတာမျိုး လုံးဝလုပ်မှာ မဟုတ်ပါဘူး'' ဟု ၄င်းက
မြန်မာတိုင်း(မ်)ကို ပြောသည်။

မြန်မာနိုင်ငံသည် ၂ဝ၁၆–၁၇ ဘဏ္ဍာနှစ်တွင် တစ်နိုင်ငံလုံး အတိုင်းအတာအားဖြင့်
သစ်ထုတ်ခွင့်ရပ်ဆိုင်းခဲ့ပြီးနောက် ယခု ၂ဝ၁၇–၁၈ ဘဏ္ဍာနှစ်အတွက် ကျွန်းတန်ချိန်
၁၅,ဝဝဝ နှင့် သစ်မာတန်ချိန် ၃၅ဝ,ဝဝဝ ကို စတင်ထုတ်ယူတော့မည်ဖြစ်သည်။

မြန်မာ့သစ်လုပ်ငန်းတွင်ရှိသော ဆင်အရေအတွက် မလုံလောက်ခြင်းနှင့် သစ်ထုတ်သည့်
ယာဉ်ယန္တရားများသည် နှစ်ပေါင်း ၃ဝကျော် ကြာမြင့်နေပြီ ဖြစ်ခြင်းကြောင့် သစ်ထုတ်ရာတွင်
ပမာဏပြည့် ထုတ်နိုင်ခြင်းမရှိဘဲ အကန့်အသတ်ရှိနေသည့်အတွက် သက်ဆိုင်ရာဒေသ
အလိုက် စာချုပ်များဖြင့် ဌားရမ်းသုံးစွဲမည်ဟု ဦးခင်မောင်ကြည်က ပြောသည်။

''ဌာနအင်အားနဲ့ မနိုင်တဲ့နေရာတွေမှာ ငှားရမ်းသုံးစွဲသွားမှာ ဖြစ်တယ်။ ဒီလိုငှားရမ်းသုံးစွဲ
တဲ့အခါ ကုမ္ပဏီလုပ်ငန်းရှင်ကြီးတွေလည်း မပါပါဘူး။ စာချုပ်တွေမှာလည်း သစ်အပေါ်မှာ
လုံးဝအကျိုးအမြတ် ခွဲဝေးပေးခြင်း မရှိတာရယ်၊ သစ်ကိုပြန်လည်ဝယ်ယူခွင့် မရှိတာရယ်ကို
ထည့်သွင်းထားပါတယ်။ sub contract မပေးဘဲ service provider ငှားသုံးတာပါ''ဟု
၎င်းက ပြောသည်။

သစ်လုပ်ငန်း ကျွမ်းကျင်သူများသည် မြန်မာ့သစ်လုပ်ငန်းက သစ်ထုတ်ရာတွင် ငှားရမ်း
သုံးစွဲမှုအပေါ် ပွင့်လင်းမြင်သာမှုရှိစွာ ဆောင်ရွက်သင့်ကြောင်း ပြောသည်။

''မြန်မာ့သစ်လုပ်ငန်းက သူ့အင်အားနဲ့ပဲ သစ်ထုတ်တော့ပါမယ်ဆိုပြီး ကမ္ဘာသိအောင်
ကြေညာထားပြီး အခု ငှားရမ်းသုံးစွဲမယ်ဆိုတာမျိုး ဖြစ်လာပြန်ပြီ။ sub contract ပးတာနဲ့
service provider ဘာတွေကွာခြားလို့လဲ ဆိုတာမေးခွန်းထုတ်စရာပါပဲ'' ဟု ပြည်တွင်း
သစ်လုပ်ငန်းရှင်တစ်ဦးက ပြောသည်။

ပျိုးပင်အစီအစဉ်၏ မဟာဗျုဟာ ရေးဆွဲခြင်းဆိုင်ရာ အကြံပေး ဆလိုင်းကျုံးလျန်ထောင်းက
'' မြန်မာ့သစ်လုပ်ငန်းမှာ ဘတ်ဂျက်ရှိလား၊ ဘယ်လိုပုံစံမျိုးနဲ့ service provider ကိုရွေးလဲ၊
ငွေချေတာက ဘယ်လိုပုံစံနဲ့လဲ ဆိုတာတွေမှာ ပွင့်လင်းမြင်သာမှုရှိဖို့ လိုတယ်။ မြန်မာ့သစ်
လုပ်ငန်းဟာ ကိုယ်တိုင်ပဲ သစ်ထုတ်လုပ်ငန်းလုပ်မယ်လို့ ကနဦးကြေညာထားတာ ဖြစ်ပါ
တယ်''ဟု ၄င်းက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ