ကမ်းလွန်လုပ်ကွက် အမှတ် A-6 တွင် သဘာဝဓာတ်ငွေ့ တစ်ရက် ကုဗပေ သန်း ၅၀ နှုန်း ထုတ်ယူနိုင်မည့် အခြေအနေတွေ့

ယခုအသစ်ထပ်မံစမ်းသပ်တွေ့ရှိသော ပြည်သစ် တွင်းအမှတ်(၁)နှင့် အခြားတူးဖော်ရေးတွင်းများကို တွေ့ရစဉ်။ ဓာတ်ပုံ - ပေးပို့

မြန်မာနိုင်ငံ၏ ကမ်းလွန်လုပ်ကွက် အမှတ် A-6 ရေနက်ပိုင်းရှိ ပြည်သစ်တွင်း အမှတ်(၁)မှ
တစ်နေ့လျှင် သဘာဝဓာတ်ငွေ့ကုဗပေ သန်း ၅၀ နှုန်း ထုတ်ယူနိုင်သည်ကို စမ်းသပ်တွေ့ရှိကြောင်း
အဆိုပါတွင်း တူးဖော်နေသည့် MPRL E&P ကုမ္ပဏီနှင့် အစိုးရတာဝန်ရှိသူများက
တရားဝင်ထုတ်ပြန်သည်။

ပြည်သစ်တွင်း အမှတ်(၁)သည် လုပ်ကွက်အမှတ် A-6 ၏ တတိယမြောက်တွင်းဖြစ်ပြီး ပုသိမ်မြို့
အနောက်မြောက်ဘက် ကီလိုမီတာ ၉၀ ခန့်အကွာ ကမ်းလွန်ပင်လယ်ပြင် ရေအနက် ၂,၀၀၁ မီတာ
နေရာတွင် တူးဖော်ခဲ့ခြင်းဖြစ်သည်။

လုပ်ကွက် A-6 အတွင်းရှိ အကဲဖြတ်တွင်း ပြည်သစ်(၁)ကို ဇွန် ၁၀ ရက်တွင် စတင်တူးဖော်ခဲ့ပြီး
ဇူလိုင် ၁၅ ရက်တွင် ရည်မှန်းအနက် မီတာ ၄,၅၇၀ အထိ တူးဖော်ခဲ့ရာ အနက် ၃,၅၄၂ မီတာတွင်
သဘာဝဓာတ်ငွေ့ ခိုအောင်းနေသော အသားတင် ထုတ်ယူနိုင်မည့် သဲကြောအထူ ၃၅ မီတာခန့်ကို
စမ်းသပ်တွေ့ရှိခဲ့ကြောင်း သိရသည်။

အဓိက သဲကြောကို သဘာဝဓာတ်ငွေ့ထုတ်လုပ်နိုင်မှု စမ်းသပ်ခြင်း (Drill Stem Test) ကို
ပြုလုပ်ခဲ့ရာ ဩဂုတ် ၃ ရက်အထိ အချက်အလက်များအရ သဘာဝဓာတ်ငွေ့ စီးဆင်းနှုန်းမှာ
တစ်ရက်လျှင် 50 MM ထိရှိကြောင်း အတည်ပြုနိုင်ခဲ့သည်ဟု MPRL E&P ကုမ္ပဏီက
ယခုလ ၇ ရက်တွင် တရားဝင် ထုတ်ပြန်သည်။

ယခုတွေ့ရှိမှုနှင့် စပ်လျဉ်း၍ MPRL E&P ကုမ္ပဏီ၏ အမှုဆောင်အရာရှိချုပ် ဦးမိုးမြင့်က "ရခိုင်ကမ်းလွန်
လုပ်ကွက် A-6 မှာ ကျွန်တော်တို့ တူးဖော်ခဲ့တဲ့ သုံးတွင်းအနက် ဒီပြည်သစ်တွင်း အမှတ်(၁)ဟာ
တတိယမြောက် တူးဖော်အောင်မြင်ခဲ့တဲ့ တွင်းဖြစ်ပါတယ်။ ၎င်း အောင်မြင်မှုနဲ့အတူ လုပ်ကွက်
 A-6 ဟာ နိုင်ငံအတွက် အထူးလိုအပ်လျက်ရှိတဲ့ သဘာဝဓာတ်ငွေ့ကို ရှာဖွေရေးပြုလုပ်နေတဲ့
တခြားလုပ်ကွက်တွေထဲက အစောဆုံး ထုတ်လုပ်ပေးနိုင်ဖွယ် ရှိနေပါတယ်"ဟု ပြောသည်။

အဆိုပါ ပြည်သစ်အမှတ်(၁)တွင်းကို နဂိုမူလ စီစဉ် ထားသည့်အတိုင်း တွင်းပိတ်သိမ်းမှု
လုပ်ငန်းများကို စနစ်တကျပြုလုပ်သွားမည်ဖြစ်ပြီး ယင်းနောက် တူးဖော်ရေးသင်္ဘောသည်
လုပ်ကွက်အမှတ် A-6 အတွင်းရှိ အခြားသော သဲကြောကြီးများတွင် ရေနံနှင့် သဘာဝဓာတ်ငွေ့
ခိုအောင်းနိုင်မှု အလားအလာကို လေ့လာ စမ်းသပ်ရန် ပြည်သာယာတွင်း အမှတ်(၁)ကို
ယခုလအတွင်း ဆက်လက်တူးဖော်သွားမည်ဖြစ်ကြောင်း MPRL E&P ထံမှ သိရသည်။

ရခိုင်ကမ်းလွန်လုပ်ကွက် A-6 တွင် ရေနံနှင့် သဘာဝဓာတ်ငွေ့ရှာဖွေရေးလုပ်ငန်းများ ဆောင်ရွက်ရန်
MPRL E&P ကုမ္ပဏီက ၂၀၀၇ ခုနှစ်၊ ဇန်န၀ါရီလတွင် ထုတ်လုပ်မှုအပေါ် ခွဲဝေခံစားနိုင်သည့်
PSC စာချုပ်တစ်ခုကို မြန်မာ့ရေနံနှင် သဘာဝဓာတ်ငွေ့လုပ်ငန်းနှင့် လက်မှတ်ရေးထိုး ချုပ်ဆိုခဲ့သည်။

မြန်မာ့ကမ်းလွန်လုပ်ကွက် အမှတ် A-6 တွင် MPRL E&P ကုမ္ပဏီက ရင်းနှီးမြှုပ်နှံမှု ၂၀ ရာခိုင်နှုန်း၊
ဩစတြေးလျနိုင်ငံ Woodside Energy(Myanmar) Pte, Ltd က ၄၀ ရာခိုင်နှုန်း၊ ပြင်သစ်နိုင်ငံ
Total E & P Myanmar ကုမ္ပဏီက ၄၀ ရာခိုင်နှုန်း အချိုးကျပါဝင်ကာ ရှာဖွေတူးဖော်ခြင်း
လုပ်ငန်းများကို အကျိုးတူ ပူးပေါင်းဆောင်ရွက်ခြင်း ဖြစ်သည်။

အဆိုပါလုပ်ကွက် A-6 တွင် ယခုအချိန်အထိ စုစုပေါင်း ရေနံနှင့် သဘာဝဓာတ်ငွေ့ရှာဖွေရေး
တွင်း သုံးတွင်း တူးဖော်ခဲ့ပြီး သုံးတွင်းလုံးတွင် သဘာဓာတ်ငွေ့ ရှာဖွေ တွေ့ရှိခဲ့သည့်အတွက်
ရာနှုန်းပြည့်အောင်မြင်မှုဖြစ်ကြောင်း သိရသည်။

လုပ်ကွက်အမှတ် A-6 တွင် ရှာဖွေရေးတွင်း/အကဲ ဖြတ်တွင်းများ ဆက်လက်တူးဖော်သွားမည်ဖြစ်ပြီး
သဘာဝဓာတ်ငွေ့ ခိုအောင်းမှုပမာဏမှာ စီးပွားဖြစ် ထုတ်လုပ်နိုင်ကြောင်းတွေ့ရှိပါက
ဖွံ့ဖြိုးရေးလုပ်ငန်းများကို ဆက်လက် ဆောင်ရွက်သွားမည်ဟု သိရသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ