စင်ကာပူ-မြန်မာ နှစ်နိုင်ငံရင်းနှီးမြှုပ်နှံမှု အကာအကွယ်ပေးရေးစာချုပ် ချုပ်ဆိုရန်ပြင်

ရန်ကုန်မြို့ ဆူးလေဘုရားလမ်းရှိ ဆာကူရာတာဝါတွင် ဖွင့်လှစ်ထားသော စင်ကာပူအခြေစိုက် DBS ဘဏ်ရုံးခွဲကို တွေ့ရစဉ်။ အောင်မြင်ရဲဇော်/မြန်မာတိုင်း(မ်)ရန်ကုန်မြို့ ဆူးလေဘုရားလမ်းရှိ ဆာကူရာတာဝါတွင် ဖွင့်လှစ်ထားသော စင်ကာပူအခြေစိုက် DBS ဘဏ်ရုံးခွဲကို တွေ့ရစဉ်။ အောင်မြင်ရဲဇော်/မြန်မာတိုင်း(မ်)

မြန်မာနိုင်ငံနှင့် စင်ကာပူနိုင်ငံအကြား ရင်းနှီးမြှုပ်နှံမှုမြှင့်တင်ရေးနှင့် အကာအကွယ်ပေးရေး
သဘောတူညီမှု စာချုပ်ချုပ်ဆိုနိုင်ရန် ညှိနှိုင်းဆွေးနွေးနေကြောင်း ရင်းနှီးမြှုပ်နှံမှုနှင့် ကုမ္ပဏီများ
ညွှန်ကြားမှုဦးစီးဌာန DICA ညွှန်ကြားရေးမှူးချုပ် ဦးအောင်နိုင်ဦးက ပြောသည်။

စင်ကာပူနိုင်ငံသည် မြန်မာနိုင်ငံအတွင်း နှစ်အလိုက် ရင်းနှီးမြှုပ်နှံမှု အများဆုံးဝင်ရောက်နေသည့်
နိုင်ငံဖြစ်သည်။

ထို့အတူ မြန်မာလုပ်ငန်းရှင်များကလည်း စင်ကာပူနိုင်ငံတွင် သွားရောက်ရင်းနှီးမြှုပ်နှံ လုပ်ကိုင်မှုများ
ရှိနေ ခြင်းကြောင့် အဆိုပါစာချုပ် ချုပ်ဆိုနိုင်ရန် ဆောင်ရွက်နေခြင်းဖြစ်သည်ဟု ရန်ကုန်မြို့ရှိ
DICA ရုံးတွင် ကျင်းပခဲ့သည့် ရင်းနှီးမြှုပ်နှံမှုဆိုင်ရာ မီဒီယာရှင်းလင်းပွဲတွင် ပြောခဲ့သည်။

"ဒီစာချုပ်တွေ ချုပ်ဆိုတယ်ဆိုတာက နှစ်နိုင်ငံ အပြန်အလှန် ရင်းနှီးမြှုပ်နှံထားတဲ့လုပ်ငန်းတွေကို
အပြည့်အ၀ အကာအကွယ်ပေးနိုင်ဖို့၊ အနှောင့်အယှက် အဟန့်အတား မရှိဖို့၊ အခွင့်အရေးတွေ
ပိုပေးနိုင်ဖို့၊ လုပ်ငန်းလွယ်လွယ်ကူကူ လုပ်နိုင်ဖို့အတွက်တွေ ဖြစ်ပါတယ်။ ဒီလိုစာချုပ်တွေ
ရှိထားခြင်းအားဖြင့် နှစ်နိုင်ငံ အပြန်အလှန်ရင်းနှီးမြှုပ်နှံမှုတွေ လုပ်တဲ့အခါမှာ စိတ်ချလက်ချနဲ့
ပြည့်ပြည့်၀၀ အခွင့်အရေးရယူပြီး ရင်းနှီးမြှုပ်နှံနိုင်ဖို့အတွက် ဖြစ်ပါတယ်"ဟု ဦးအောင်နိုင်ဦးက
ပြောသည်။

လက်ရှိတွင် မြန်မာနှင့် စင်ကာပူနိုင်ငံအကြား ၎င်း စာချုပ် ချုပ်ဆိုနိုင်ရေးအတွက် ကနဦး
ညှိနှိုင်းဆွေးနွေးမှုကို ယခုဩဂုတ်လ ၇ ရက်နှင့် ၈ ရက်နေ့များတွင် ဆောင်ရွက်ထားပြီး ဒုတိယအကြိမ်
ဆွေးနွေးညှိနှိုင်းမှုကို အောက်တိုဘာလဆန်းပိုင်းတွင် ဆောင်ရွက်သွားမည်ဖြစ်သည်ဟု
ဦးအောင်နိုင်ဦးက ပြောသည်။

"စင်ကာပူနိုင်ငံနဲ့ ညှိနှိုင်းဆွေးနွေးရေးဆိုင်ရာ အပြီးသတ်ကိုတော့ ၂၀၁၇ ခုနှစ် နှစ်မကုန်မီမှာ
နှစ်ဦးနှစ်ဖက် အပြီးသတ် ညှိနှိုင်းဆွေးနွေး နိုင်ဖို့လည်း သဘောတူထားပါတယ်"ဟု ညှိနှိုင်းမှုဆိုင်ရာ
အပြီးသတ်ကာလအပေါ် ခန့်မှန်းပြောသည်။

စင်ကာပူနိုင်ငံသည် ၂၀၁၂-၁၃ ဘဏ္ဍာနှစ်အတွင်းက ကန်ဒေါ်လာ ၄၁၈ ဘီလျံသာ
ဝင်ရောက်မြှုပ်နှံထားခဲ့ခြင်းဖြစ်သည်။

သို့သော် ၂၀၁၃-၁၄ ဘဏ္ဍာနှစ်တွင် ကန်ဒေါ်လာ ၂ ဒသမ ၃ ဘီလျံ၊ ၂၀၁၄-၁၅ ဘဏ္ဍာနှစ်တွင်
၎ ဒသမ ၂၉၇ ဘီလျံကျော်၊ ၂၀၁၅-၁၆ ဘဏ္ဍာနှစ် တွင် ၄ ဒသမ ၂၄၆ ဘီလျံကျော်၊
၂၀၁၆-၁၇ ဘဏ္ဍာနှစ်တွင် ဒ ဒသမ ၈၂၆ ဘီလျံကျော်နှင့် ယခု ၂၀၁၇-၁၈ ဘဏ္ဍာနှစ်
ဇူလိုင်လအထိတွင် ၁ ဒသမ ၀၅၂ ဘီလျံကျော် တို့ဖြင့် အသီးသီးတိုးမြှင့် ၀င်ရောက်မြှုပ်နှံလာသည့်
နိုင်ငံလည်း ဖြစ်သည်။

မြန်မာနိုင်ငံသည် ၎င်းစာချုပ်နှင့် စပ်လျဉ်း၍ EU နှင့်လည်း အပြီးသတ်ဆွေးနွေး လုပ်ကိုင်ထားသည်။

ထို့အတူ ဟောင်ကောင်နိုင်ငံနှင့်မူ လက်မှတ်ရေးထိုးရန် အဆင့်သို့ ရောက်ရှိနေပြီဖြစ်သည်။

"EU အနေနဲ့ကတော့ ဆွေးနွေးမှုတွေ ပြီးသွားပါပြီ။ သူတို့ဘက်က ညှိနှိုင်းမှုရလဒ်ကို EU အုပ်စုဝင်
နိုင်ငံတွေကြားထဲမှာ ပြန်ပြီးချပြနေပါတယ်။ မြန်မာဘက်ကလည်း အဲဒီရလဒ်တွေကို ၀န်ကြီးဌာနတွေနဲ့
ညှိနှိုင်းတာတွေ လုပ်နေတယ်။လုပ်ငန်းစဉ်တွေ အားလုံးကို ၂၀၁၇ ထဲမှာ အပြီးသတ်ပြီး
၂၀၁၈ နှစ်ဆန်း ပိုင်းလောက်မှာ လက်မှတ်ထိုးနိုင်ဖို့ မှန်းထားပါတယ်"ဟု ပြောသည်။

မြန်မာနိုင်ငံအနေဖြင့် နှစ်နိုင်ငံအကြား ရင်းနှီးမြှုပ်နှံမှု မြှင့်တင်ရေးနှင့်အကာအကွယ်ပေးရေး
သဘောတူညီမှု စာချုပ် ချုပ်ဆိုနိုင်ရန် ဘင်္ဂလားဒေ့ရ်ှနိုင်ငံ၊ ရုရှားနိုင်ငံတို့နှင့်လည်း အပြန်အလှန်
မူကြမ်းများပေးပို့ခြင်းဖြင့် ညှိနှိုင်း ဆွေးနွေးမှု လုပ်ကိုင်ထားပြီးလက်ရှိတွင် တရုတ်၊ အိန္ဒိယ၊ လာအို၊
ထိုင်း၊ ဗီယက်နမ်၊ ဖိလစ်ပိုင်၊ အစ္စရေး၊ ကူဝိတ်၊ ဂျပန်၊ တောင်ကိုရီးယား စသည့်နိုင်ငံများနှင့်
လက်မှတ်ရေးထိုးထားပြီး ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ