Monday, 21 April 2014

နယ်စပ်တရားမ၀င်ကုန်သွယ်မှုကို လျှော့ချလာနိုင်သော်လည်း ကွင်းဆင်းစစ်ဆေးမှုအပိုင်းများတွင် အားနည်းချက်နှင့် လိုအပ်ချက်များစွာ ရှိနေသေး

ယခုဘဏ္ဍာနှစ်၏ စက်တင်ဘာလ အထိ နယ်စပ်ကုန်သွယ်ရေးတွင် တရားမ၀င်ကုန်သွယ်မှုအချိုး
မြင့်မားနေမှုကို လျှော့ချရန် နယ်စပ်ဂိတ်များတွင် လှုပ်ရှား ရှာဖွေတားဆီးစစ်ဆေးရေးအဖွဲ့ Mobile
Team များဖြင့် ပြီးခဲ့သည့်နှစ် နိုဝင်ဘာလဆန်းမှ စတင်ခါ နယ်စပ်ဂိတ်များနှင့် ကုန်သွယ်မှုလမ်း
ကြောင်းများကို ကြပ်မတ်စစ်ဆေးခဲ့ပြီးနောက်ပိုင်းတွင် တရားဝင်နယ်စပ်ကုန်သွယ်မှုမှာ နှစ်ကုန်ပိုင်း
နှစ်လ တာကာလအတွင်း မြင့်တက်လာခဲ့ကြောင်း စီးပွားရေးနှင့် ကူးသန်း ရောင်းဝယ်ရေးဝန်ကြီး
ဌာနမှ တာဝန်ရှိသူများက ပြောသည်။

သို့သော် ထိုသို့ဆောင်ရွက်မှုများတွင် အားနည်းချက်များရှိနေသေးပြီး ပိုမိုပွင့်လင်းမြင်သာရန်လည်း
လိုအပ်နေသေးကြောင်း ဇန်န၀ါရီလ ၅ ရက်နေ့က စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန
တွင် ကျင်းပသော နယ်စပ်ကုန်သွယ်ရေးဆွေးနွေးပွဲတွင် ကုန်သည်များနှင့် တာဝန်ရှိသူများက ပြော
သည်။

တရားမ၀င်ကုန်သွယ်မှုများကြောင့် စားသုံးသူ အကာအကွယ်ပေးရေးကို ထိခိုက်ကာ၊ ရသင့်သည့်
အခွန်အခနှင့် ကုန်သွယ်မှုပမာဏများ လျော့ကျနေမှုကြောင့် ယမန်နှစ်နိုဝင်ဘာလမှစတင်ခါ လားရှိုး
နှင့် မူဆယ်ဂိတ်များတွင် Mobile Team အဖွဲ့များဖြင့် လျှပ်တစ်ပျက် စစ်ဆေးမှုများ ပြုလုပ်ခဲ့သည်။

ထို့ပြင် ယခုနှစ်ဆန်းပိုင်းတွင် မူဆယ်-မန္တလေးနှင့် မြ၀တီ-ရန်ကုန်ကုန်သွယ်မှု လမ်းကြောင်းပေါ်ရှိ
တရားမ၀င်ဂိတ်များ ဖြစ်သော ရေပူနှင့် မရမ်းချောင်းစစ်ဆေး ရေး ဂိတ်နှစ်ခုကို ဖယ်ရှားပေးခဲ့သည်။

အဆိုပါဂိတ်များ ဖြုတ်သိမ်းခြင်းမပြုမီ ဖမ်းဆီးရရှိမှု အခြေအနေများမှာ မူဆယ်၊ ရေပူ၊ မြ၀တီ၊ မရမ်း
ချောင်းစခန်းများတွင် အများဆုံးဖြစ်ပြီး ဖမ်းဆီးရမိပစ္စည်းများမှာ ကျောက်စိမ်း၊ ကျောက်မျက်၊
အင်ကြင်းကျောက်၊ မူးယစ်ဆေးဝါး၊ တရားမ၀င်ယာဉ်များ၊ သစ်ခွဲသားနှင့် ပရိဘောဂများဖြစ်ကြောင်း
အဖွဲ့(၁)၏ ဒုတိယခေါင်းဆောင် ဒုတိယညွှန်ကြားရေးမှူး ဦးကြည်စိန်က ပြောသည်။

"လားရှိုး၊ မူဆယ်တို့မှာဆို ကွင်းလမ်း က အခက်အခဲရှိတယ်။ မူဆယ်က စထွက်တာနဲ့ လားရှိုး
မရောက်ခင် ကွင်းလမ်းတွေ အများကြီးတယ်။ ဒါကို ကျွန်တော်တို့ဘက် ကအကြောင်းအမျိုးမျိုး
ကြောင့် ခပ်စိတ်စိတ်မလုပ်နိုင်ခဲ့ဘူး။ ကျွန်တော်တို့ဘက် ကအားနည်းချက်တွေက လက်မလည်
အောင်ဆောင်ရွက်နေရတဲ့ အခါမျိုးမှာ ရေလမ်းက၀င်လာတာကို ထိုင်ပြီး ဆောင်ရွက်မယ်ဆိုရင်
လည်း အခက်အခဲ အမျိုးမျိုးရှိသလို မိုးတွင်းဘက်လုပ်ဖို့လည်း အခက်အခဲရှိတယ်။ ဒါကြောင့်
လုပ်ငန်း ကို အပြည့်အ၀အကောင်အထည်ဖော် နိုင်မှုမရှိသေးဘူးလို့ ပြောချင်ပါတယ်" ဟု ၎င်းက
ပြောသည်။

ယခုထက်ပို၍ ကျယ်ကျယ်ပြန့်ပြန့် ဆောင်ရွက်နိုင်ပါက ပိုအောင်မြင်နိုင်ပြီး ဆက်သွယ်ရေးစနစ်
ကောင်းမွန်ရန်၊ လူအင်အားပြည်စုံစွာ ဖန်တည်းပေးနိုင်ရန် နှင့် လုံခြုံရေးကောင်းမွန်အောင် လုပ်နိုင်
ပါက ယခုထက် ပိုအောင်မြင်နိုင်ကြောင်း ဦးကြည်စိန်က ပြောသည်။

၂၀၁၂-၁၃ဘဏ္ဍာနှစ်အတွင်း (ဇန်န ၀ါရီမှ စက်တင်ဘာလအထိ) ထိုင်း- မြန်မာ နယ်စပ်ကုန်သွယ်မှု
တန်ဖိုးတွင် မြန်မာနိုင်ငံဘက်မှ အမေရိကန် ဒေါ်လာ ၈၅ သန်းရှိပြီး ထိုင်းမှ ၈၂၁ သန်း ရှိနေသဖြင့်
ခြားနားချက်မှာ ဒေါ်လာ ၇၃၆ သန်းရှိခဲ့သည်။

သို့သော် ယမန်နှစ် အောက်တိုဘာလတွင် နယ်စပ်ကုန်သွယ်မှုတစ်ခုလုံး၏ စုစုပေါင်းပမာဏဒေါ်လာ
၁၈၄ သန်းရရှိခဲ့ရာမှ ပညာပေးဆောင်ရွက်ခဲ့သည့် နိုဝင်ဘာနှင့် ဒီဇင်ဘာလတို့ တွင် ဒေါ်လာ ၂၁၆
သန်းနှင့် ဒေါ်လာ ၂၇၈ သန်းသို့ အသီးသီးမြင့်တက်လာခဲ့သည်ကို တွေ့ရသည်။

မန္တလေးတိုင်းဒေသကြီး၏ ငါးရှဥ့် လုပ်ငန်းရှင်များအသင်း အတွင်းရေးမှူး ဦးတိုင်းကျော်က လှုပ်ရှား
အဖွဲ့အနေဖြင့် အချို့ဖြစ်စဉ်များကို ဖော်ပြပေးခဲ့ခြင်း မရှိဘဲ အားနည်းချက်အနေဖြင့် ကျွမ်းကျင်
လုပ်သားနှင့် ၀န်ထမ်းအရေအတွက် နည်းပါးခြင်းနှင့် ပိုမိုပွင့်လင်းမြင်သာမှုရှိရန် လိုအပ်ကြောင်းပြော
သည်။

"လိုင်စင်ထုတ်ပေးတဲ့နေရာမှာ ကုန်ပစ္စည်းတိုင်းကို လိုင်စင်နဲ့ လုပ်တာမျိုးမဖြစ်သင့်ဘူး။ တချို့ပို့ကုန်၊
သွင်းကုန်တွေကို လိုင်စင်ထုတ်ပေးဖို့ လိုမလိုစစ်သင့် တယ်။ ဥပမာ ငါးရှဥ့်လို ပြည်တွင်းမှာ ပိုလျှံ နေ
တဲ့ကုန်စည်တွေဆိုရင် လိုင်စင်အကန့်အသတ်မထားသင့်ဘူး။ နောက်ပြီး ဒီကနေ ဖြစ်ဖြစ်မြောက်
မြောက် မထုတ်နိုင်ဘဲ အရည်အသွေးလည်း မမီတဲ့ ဆောက်လုပ်ရေးသုံးပစ္စည်းမျိုးတွေ တင်သွင်း
တာအတွက်လည်း ပြန်စဉ်းစားဖို့ လိုတယ်"ဟု ၎င်းက ပြောသည်။

ပွင့်လင်းမြင်သာမှုမရှိပဲ အဂတိလိုက်စားမှုများဖြစ်ပေါ်လာပါက အရေးယူဆောင်ရွက်သွားမည်ဖြစ်
ကြောင်း အဖွဲ့ (၂) ၏ ခေါင်းဆောင်ညွှန်ကြားရေးမှူး ဦးသိန်းဝင်းက ပြောသည်။

"လာဘ်ပေးလာဘ်ယူနဲ့ အဂတိလိုက်စားတဲ့ ကိစ္စတွေကို ပြင်းပြင်းထန်ထန်အရေးယူသွားဖို့ ရှိပါ
တယ်။ မြန်မာနိုင်ငံ ရဲတပ်ဖွဲ့မှာ အမှုဖွင့်ပြီး အရေးယူသွားပါမယ်"ဟု ၎င်းက ပြောသည်။

ပညာပေးကာလအတွင်း ယာယီသိမ်းဆည်းထားသည့်ကုန်ပစ္စည်းများ မှ တရားဝင်ကုန်သွယ်ခွင့်ပြု
ပစ္စည်းများကို လိုင်စင်ပြန်ထုတ်ပေးခဲ့ရာ တန်ဖိုးအားဖြင့် အမေရိကန်ဒေါ်လာ ၂၈၇,၀၀၀ (ကျပ် ၂၆
သန်းကျော်ဖိုး) ဆောင်ရွက်နိုင်ခဲ့ကြောင်း ၎င်းက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ပေးပို့နိုင်ပါသည်။


အကြည့်အများဆုံး - စီးပွားရေးသတင်း