Friday, 24 October 2014

စိုက်ပျိုးရေးကိုအခြေခံသည့် သုံးခွမြို့တွင် လောင်းကစားမှုများကို စီးပွားရေးလုပ်ငန်းတစ်ရပ်အဖြစ် ပိုမိုတွင်ကျယ်စွာ ပြုလုပ်လာ

စိုက်ပျိုးရေးကို အခြေခံသော ရန်ကုန်တိုင်း ဒေသကြီးအတွင်းရှိ သုံးခွမြို့နယ်တွင် ပုံမှန်စိုက်ပျိုးရေး
လုပ်ငန်းကို အားထားလုပ်ကိုင်သူနည်းပါးလာပြီး ဒေသခံ အများစု၏ နေ့စဉ်နေထိုင်စားသောက်မှု
အတွက် အားထားရာ စီးပွားရေးလုပ်ငန်းအဖြစ် လောင်းကစားလုပ်ငန်းများက အစားထိုးနေရာယူ
လာကြောင်း သုံးခွမြို့ နယ်ရှိဒေသခံများက ပြောသည်။

"သုံးခွမြို့ရဲ့အဓိကစီးပွားရေးက စိုက်ပျိုး ရေးကို အခြေခံတာပါ။ အခုနောက်ပိုင်း မှာ လောင်းကစားမှု
ကို အခြေခံလာကြတယ်။ ပဲနဲ့စပါးကို အဓိကစိုက်ပျိုးပေမယ့်လည်း လောင်းကစားမှု တော်တော်များ
နေတဲ့မြို့ပါ။ ဖမ်းရင်လည်း ကြီးကြီးကျယ်ကျယ်လုပ်နေတဲ့ ဒိုင်ကိုမိတယ်လို့ တစ်ခါ မှ မကြားဖူးဘူး။
ဖဲဝိုင်းဆိုလည်း ချိန်းဝိုင်း တွေ ဒုနဲ့ဒေး ဖြစ်နေပေမယ့် ထိထိရောက် ရောက်မဖမ်းကြဘူး" ဟု သုံးခွ
နယ်ခံ ကိုမြစိန်က ပြောသည်။

လတ်တလောတွင် လောင်းကြေးငွေ ကျပ်လေးသိန်းမှ ဆယ်သိန်းအထိ အလောင်းအစားပြုလုပ်
သော ကြက်ပွဲများမှာ တစ်လတွင် သုံးကြိမ်ခန့် အနည်း ဆုံးရှိနေကြောင်း သုံးခွမြို့နယ် ကျားဘို
ကျေးရွာမှ ဦးစံလင်းက ပြောသည်။

"လူတွေက လောင်းကစားကိုပဲ စိတ်ဝင်စားသလို ဖြစ်နေကြတယ်။ ထိထိရောက်ရောက် အရေးယူ
တာလည်း မရှိတော့ ကျေးရွာလုံခြုံရေးအတွက်လည်းမကောင်းဘူး"ဟု ၎င်းက ပြောသည်။

သုံးခွမြို့ပေါ်မှ မော်တော်ဆိုင်ကယ် အငှားမောင်းသူတစ်ဦးက အဆိုပါကြက်ပွဲများသို့ သုံးခွဒေသခံ
များသာမက နီးစပ်ရာ မြို့နယ်များဖြစ်သော ခရမ်းနှင့် ရန်ကုန်မြို့မှသူများပါ လာရောက်လောင်း
ကြေး ထပ်ကစားမှုများ ပြုလုပ်လာခြင်းကြောင့် ကြက်ပွဲလောင်းကစားမှုမှာ ပိုမိုတွင်လာကြောင်း
ပြောသည်။

မြေယာဥပဒေအရ လယ်သမားများ အနေဖြင့် မိမိတို့ပိုင်ဆိုင်သော လယ်ယာမြေများကို ပေါင်နှံ
ရောင်းချခွင့်မရှိသော်လည်း လယ်သမားအများစုမှာ လယ်ပြန် ငွေပြန်စနစ်ခေါ် မိမိပိုင်ဆိုင်သော
လယ်မြေကို နှုတ်ကတိဖြင့် တစ်လလျှင် အတိုးခြောက်ကျပ်နှုန်းပေးကာ ငွေကြေး တတ်နိုင်သူများ
ထံတွင် ပေါင်နှံလုပ်ကိုင်ကာ ရပ်တည်နေရကြောင်း ဒေသခံလယ်သမားများက ပြောသည်။

၎င်းတို့၏ အဆိုအရ ထိုကဲ့သို့ငွေတိုးချစားနေသူများမှာ အထူးသဖြင့် လယ်ယာလုပ်ငန်းကို အဓိက
မထားပဲ လောင်းကစားလုပ်ငန်းမျိုးစုံကို စီးပွားဖြစ်လုပ်ကိုင်နေကြသူများ ဖြစ်သည်။

ကျားဘိုကျေးရွာမှ လယ်ယာလုပ်ကိုင်သူ ဦးလှဌေးက "၂၀၀၆ -၂၀၀၇ လောက် ကတည်းက
ငွေဆယ့်တစ်သိန်းကို ခြောက်ကျပ်တိုးနဲ့ ချေးထားတာ ၂၀၀၉ လောက်ကျတော့ အခြေအနေကပို
ဆိုးလာလို့ အတိုးတောင်မပေးနိုင်တော့ပဲ လယ်မြေနဲ့ ဆပ်ရတာလည်း ရှိတယ်။ ဒီကြားထဲ ကိုယ်က
ပေါင်ထားတုန်းမှာ အမည်ပေါက် ပြောင်းတာမျိုးလည်း ကြုံရတယ်" ဟု ပြောသည်။

လက်ရှိတွင် အချို့လယ်သမားများမှာ စိုက်ပျိုးရေးဘဏ်မှ ငွေချေးယူရာတွင် အဆင့်ဆင့်ငွေပေး
ရခြင်းကြောင့် အခက်ကြုံလျက်ရှိပြီး ပြင်ပငွေချေးသူများထံ တွင် လယ်ပေါင်ပါကလည်း အရင်းပေါ်
အတိုးထပ်ခြင်းကြောင့် လယ်လက်မဲ့ဖြစ်ရခြင်းမျိုးလည်း ကြုံရကြောင်း ၎င်းက ပြောသည်။

ကျားဘိုကျေးရွာမှ အခြားလယ်သမား တစ်ဦးဖြစ်သူ ဒေါ်စန်းကြည်က "သုံးခွ စိုက်ပျိုးရေးစရိတ်ချေး
ငွေဘဏ်ကနေ ချေးငွေယူဖို့အတွက်ကို ကျေးရွာအုပ်ချုပ် ရေးမှူးလက်မှတ် လိုတယ်။ လမ်းစရိတ် က
တစ်ထောင်၊ ဘဏ်ရုံးပြင်ဆင်ဖို့ အလှူငွေက သုံးထောင်၊ ဘဏ်စာအုပ် လုပ်ဖို့က နှစ်ထောင်၊ ချေးငွေ
ထုတ်ဖို့ အတွက် စုစုပေါင်းတစ်ယောက်ကို ခြောက်ထောင်လောက် ကုန်တယ်။ ချေးငွေရတာက
တစ်ဧကကို ကျပ် ငါးသောင်းနှုန်းပဲ ရတယ်"ဟု ပြောသည်။

သုံးခွမြို့နယ်အတွင်းရှိ ကျေးရွာအုပ်ချုပ်ရေးမှူးဟောင်းတစ်ဦးက ယခင်က သုံးခွမြို့နယ်၏ စီးပွားရေး
မှာ အဓိကအားဖြင့် စပါးနှင့် ပဲကို အခြေခံစိုက်ပျိုးပြီး အခြားဟင်းသီးဟင်းရွက်များကို ရန်ကုန်သို့
တက်ကာ ရောင်းချခြင်းဖြင့် လုပ်ကိုင်ကြသော်လည်း နောက်ပိုင်းတွင် ဒေသဆိုင်ရာ အုပ်ချုပ်ရေးပိုင်း
တွင် ဥပဒေအရ ထိန်းချုပ်ကိုင်တွယ်မှုလျော့နည်းလာခြင်းကြောင့် လောင်းကစားမှုများ ပေါ်ပေါ်ထင်
ထင် လုပ်ကိုင်လာကြခြင်းဖြစ်ကြောင်း ပြောသည်။

"ကျွန်တော်တို့ရဲ့ အဓိကလိုအပ်ချက် ဖြစ်တဲ့ ဆန်ဈေးနဲ့ စပါးဈေးကိစ္စတွေမှာ အာရုံစိုက်ပြီး ဆောင်
ရွက်ပေးရမှာပါ။ အခုတော့ ကျေးရွာတော်တော်များများကလည်း လောင်းကစားဝိုင်းတွေမှာလာပြီး
ငွေကိုသုံးဖို့ပဲ အားသန်နေကြ တယ်" ဟု ၎င်းက ပြောသည်။

သုံးခွမြို့နယ်အတွင်း ကျေးရွာ ၆၄ ရွာ တည်ရှိပြီး ယခုနောက်ပိုင်းတွင် ကျားဘိုရွာအပြင်ဘက်
ညောင်လန်းကုန်းရွာ အနီးကွင်းပြင်တွင် နေ့လယ်ပိုင်းအချိန် များတွင်ပါ ကြက်ပွဲကြီးများကို လုပ်ကိုင်
ကာ လောင်းကစားမှုပြုလာကြပြီး ဒေသတွင်း၌ လောင်းကစားမျိုးစုံဖြစ်သော ကြက်ပွဲ၊ နှစ်လုံးထီ၊
သုံးလုံးချဲထီ၊ ဘောလုံး လောင်းကြေးနှင့် ဖဲဝိုင်းများတွင် လောင်းကစားမှုများ ပြုလျက်ရှိကြောင်း
ဒေသခံများက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar.times@gmail.com သို့ပေးပို့နိုင်ပါသည်။


အကြည့်အများဆုံး - စီးပွားရေးသတင်း