တစ်ဦးချင်းစီတာဝန်သိစိတ်မရှိရင် ကမ္ဘာဟာ အမှိုက်တွေနဲ့ ပြည့်နေမယ်

ပလတ်စတစ်အိတ်များ အလွန်အကျွံ သုံးစွဲခြင်း၊ အမှိုက်များ စည်းကမ်းမဲ့ပစ်ခြင်းတို့ကို လူတိုင်း
တစ်ဦးချင်း တစ်ယောက်ချင်း တာဝန်သိစိတ်ဖြင့်လျှော့ချလုပ်ဆောင်သွားကြရန် လိုအပ်ပြီး၊
အဆိုပါတာဝန်များကို လျစ်လျူရှုထားပါက ကမ္ဘာကြီးတွင်အမှိုက်များဖြင့် ပြည့်နေမည်ဖြစ်
ကြောင်း သဘာဝပတ်ဝန်းကျင် ထိန်းသိမ်းရေးပညာရှင် ဒေါ်ဒေ၀ီသန့်စင်က ပြောသည်။

"သာမန်ကြည့်လိုက်ရင်တော့ ဒီကိစ္စက ဘာမှမဟုတ်သလိုပဲ၊ ပလတ်စတစ်အိတ်တွေ လျှော့ချ
ရမယ့် နည်းလမ်းကတော့ ကိုယ်တိုင်တာဝန်ယူမှုပါပဲ။ ဒါဆိုရင် ဒီပြဿနာတွေမရှိနိုင်ပါဘူး"
ဟု ၎င်းက ပြောသည်။

လူဦးရေ တိုးပွားလာသည်နှင့်အမျှ ပလပ်စတစ်သုံးစွဲမှု၊ အမှိုက်ပစ်မှုများ ဆက်လက် များပြား
နိုင်မည်ဖြစ်သော ကြောင့် ကိုယ်တိုင်အသိစိတ်ဖြင့်  လျှော့ သုံးခြင်း၊ ပလပ်စတစ်အိတ်မဟုတ်
သော တခြားအိတ်များကို တစ်ခါထက်ပို၍ သုံးစွဲခြင်းဖြင့် အမှိုက်များပြားမှုလည်း ထိန်းချုပ်နိုင်
မည့်အပြင် ပလတ်စတစ်အိတ် ကြောင့်ဖြစ်သော ရောဂါများကိုလည်း တားဆီးနိုင်မည်ဖြစ်
ကြောင်း ဒေါ်ဒေ၀ီ သန့်စင်က ပြောသည်။

"ပဲပြုတ်ဝယ်မယ်ဆိုရင် ထည့်စရာအဖြစ် ပန်းကန်တို့၊ ချိုင့်တို့ယူသွားရင်မဖြစ်ဘူးလား၊ တချို့က
ခြေလွတ်လက် လွတ်သွားဝယ်ကြတယ်၊ ပဲပြုတ်ရောင်းတဲ့သူကသူ ရောင်းဖို့ပလတ်စတစ်အိတ်
နှစ်အိတ်ဝယ်ရတယ်ဆိုရင် အိမ်တိုင်းက ဒီလိုကျင့်သုံးလိုက်ရင် သူ့ကိုကူညီရာရောက်သလို၊
ကိုယ်တိုင်ကလည်းအမှိုက်ပွအောင် လုပ်မိတာမျိုး မဖြစ်တော့ဘူး။ ဒါမျိုးတွေက လက်တွေ့မှာ
ရယ်စရာ ကြီးဖြစ်နေပေမယ့် တကယ်ကျင့်သုံးကြည့်ပါ။ တကယ်အကျိုးများပါတယ်။

"ပလတ်စတစ်က ရေနံရဲ့ ဘေးထွက် ပစ္စည်းပါ။ ပူလွန်းတဲ့အရာတွေနဲ့ တွေ့မိရင် ဓာတုပြောင်းလဲ
မှုတွေဖြစ်ပေါ်တယ်။ ပွက်ပွက်ဆူနေတဲ့ လက်ဖက်ရည်ကို ပလတ်စတစ်အိတ်ထဲထည့်ရင်
ဓာတ်ပြုမှုတွေဖြစ်ပြီး လူတွေမှာ ကင်ဆာဖြစ်စေတယ်၊ ပလတ်စတစ်ကို မီးရှို့တဲ့အခါ ထွက်လာ
တဲ့အငွေ့တွေက အဆိပ်ငွေ့အဖြစ် ပြောင်းသွားတယ်၊ ဒီအငွေ့တွေကိုရှူမိရင် အမျိုးသမီးတွေ
သန္ဓေသားမရနိုင်ပါဘူး"ဟု၎င်းက ပြောသည်။

ထို့ပြင် ပလတ်စတစ်အိတ်၏ဆိုးကျိုး များမှာ မြို့တွင်သာမကတောရွာများမှာပါ ပြန့်နှံ့လာပြီး
သီးနှံမဖြစ်ထွန်းခြင်း၊ မြစ်ရေ၊ ချောင်းရေများ ရေစီးရေလာပိတ်ဆို့ခြင်း၊ အဆိုပါ မြစ်၊ချောင်းများရှိ
ရေနေသတ္တ၀ါများ သေကြေပျက်စီးခြင်းများဖြစ်ပေါ်နေရကြောင်း ကျိုက်လတ်မြို့ စာနာသော
လက်များ ပရဟိတအဖွဲ့မှ ကိုဖြိုးက ပြောသည်။

"ဒီဖြစ်စဉ်ကို သတိထားကြည့်မိတော့ လယ်ကွင်းတွေမှာ တောင်သူတွေကပိုး သတ်ဆေးဖျန်း
တယ်၊ ပိုးသတ်ဆေးထည့် တဲ့အိတ်တွေကို လယ်ကွင်းထဲမှာပဲ ပစ် သွားကြတယ်၊ ရေတက်ချိန်
ကျတော့ ချောင်းရေတွေ ၀င်လာတဲ့အချိန်မှာ ဒီပလတ်စတစ်အိတ်တွေက ပေါ်လာပြီး တချို့
ရေနဲ့မျောသွားတယ်။ တချို့ တစ်ဝက်က လယ်ကွင်းထဲမှာပဲကျန်ခဲ့တယ်။

"ဒီလယ်ကွင်းထဲကျန်ခဲ့တဲ့ ပလတ်စတစ်အိတ်တွေကြောင့် အပင်စိုက်ဖို့ မျိုးစိတ်တွေကြဲပေမယ့်
အိတ်ကိုဖောက်ပြီး မျိုးစိတ်က ခြေကုန်မယူနိုင်လို့အပင်မပေါက်နိုင်ဘူး၊ ဒါကြောင့် လယ်သုံးဧက
လောက်ဆုံးရှုံးမှုတွေဖြစ်နေတယ်"ဟု ၎င်းက ရှင်းပြသည်။

ထို့ပြင် ပလတ်စတစ်အိတ်သုံးစွဲမှု လျှော့ချခြင်း၊ စည်းကမ်းတကျအမှိုက် စွန့်ပစ်ခြင်းလုပ်ငန်းစဉ်
များ ဆောင်ရွက်ရာတွင် နိုင်ငံတော်အစိုးရကသာ  တစ်ဖက်သတ်တည်း ဆောင်ရွက်ရန်
မဖြစ်နိုင်ဘဲ အစိုးရနှင့်ပြည်သူ လက်တွဲညီညီ လုပ်ဆောင်သွားရန် လိုအပ်လျက်ရှိနေကြောင်း
ဒေါ်ဒေ၀ီသန့်စင်က ပြောသည်။

"စည်ပင်သာယာကြီးပဲ အားကိုးလို့မရပါဘူး၊ ကိုယ်တိုင်ကအမှိုက်ကို ပစ်ချင်တိုင်းပစ်ပြီးတော့
ချောင်းပိတ်တယ်၊ မြောင်းပိတ်တယ်ဆိုပြီး ပြောနေတာထက် ကိုယ်တိုင်စည်းကမ်းရှိဖို့လိုအပ်
ပါတယ်။ တကယ်အနံ့အသက်လုံတဲ့ အမှိုက်ကားတွေကိုအစိုးရက၀ယ်ပေးရမှာပါ။ အပေး
အယူညီညီမျှမျှနဲ့ လုပ်သွားရင် ဒီကိစ္စတွေဟာ ပပျောက်သွားနိုင်ပါတယ်"ဟု ၎င်းက
ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - စီးပွားရေးသတင်း

အကြည့်အများဆုံး - အိမ်ခြံမြေကဏ္ဍ