ကမ္ဘာအေးဘုရားလမ်းက ဆောက်လုပ်ဆဲ အဆင့်မြင့်ကွန်ဒိုများ စတင်ရောင်းချ

ဆောက်လုပ်ဆဲဖြစ်သည့် Kabaraye Executive Residence ဒီဇိုင်းပုံစံငယ်ကို တွေ့ရစဉ်။ဆောက်လုပ်ဆဲဖြစ်သည့် Kabaraye Executive Residence ဒီဇိုင်းပုံစံငယ်ကို တွေ့ရစဉ်။

မရမ်းကုန်းမြို့နယ် ကမ္ဘာအေးဘုရားလမ်းပေါ်တွင် တည်ဆောက်လျက်ရှိသော ၂၉ ထပ်မြင့်
Kabaraye Executive Residenceက အထပ်နိမ့်အခန်းများကို စတင်ရောင်းချပေးခဲ့ပြီးဖြစ်ပြီး
တိုက်ခန်း ၆၀ ရာခိုင်နှုန်းခန့် ရောင်းချ ပြီးစီးခဲ့ကြောင်း ထိုအိမ်ရာရောင်းချရေးလုပ်ငန်း မှ အုပ်ချုပ်
မှုဒါရိုက်တာ ဒေါ်အေးအေးသွယ် ကပြောသည်။

"ဒီ ကွန်ဒိုကို ၂၀၁၃ ခုနှစ်၊ ဇူလိုင်လက စတင် ဆောက်လုပ်ခဲ့ပြီး အခုမြေအောက်ခန်းက ၈၀
ရာခိုင်နှုန်း တည်ဆောက်ပြီးနေပါပြီ။ အဆောက် အအုံစဆောက်တုန်းက အထပ်နိမ့်ဖြစ်တဲ့ ရှစ်ထပ်
ကနေ ၁၆ ထပ်အထိ ရောင်းချ ခဲ့ပြီးပြီ။ အထပ်မြင့်တွေကို ဆက်လက်ရောင်းချ သွားမှာပါ"ဟု
ဒေါ်အေးအေးသွယ်ကပြောသည်။

တိုက်ခန်းများကို နှစ်နှစ် အရစ်ကျရောင်းချ ပေးခြင်းဖြစ်ပြီး အကြွေးဝယ်ယူလိုပါက ကမ္ဘောဇ
ဘဏ်နှင့်ချိတ်ဆက်ကာ သုံးနှစ်မှ ငါးနှစ်အတွင်း အရစ်ကျဝယ်ယူနိုင်ကြောင်း ၎င်းကပြောသည်။

"အခန်းစ၀ယ်မယ်ဆိုရင် ၃၀ ရာခိုင်နှုန်း စပေးရမယ်။ အဲဒီ ၃၀ ရာခိုင်နှုန်းကို သုံးလ ခွဲသွင်းပေးရ
မှာပါ။ ကျန်တဲ့ ၆၀ ရာခိုင်နှုန်းကို တစ်လ သုံးရာခိုင်နှုန်း အချိုးနဲ့ လ ၂၀ ပေးရမှာ ပါ။ အခန်းအပ်ရင်
၁၀ ရာခိုင်နှုန်းပေးရပါမယ်။ ဘဏ်နဲ့ဝယ်ချင်ရင်လည်း ကမ္ဘောဇဘဏ်နဲ့ချိတ် ပြီး သုံးနှစ်ကနေ ငါးနှစ်
အတွင်း ပေးချေနိုင် တယ်"ဟု ၎င်းကပြောသည်။

ကားရပ်နားရန်နေရာအတွက် မြေအောက်ခန်းသုံးထပ်ကို ထည့်သွင်းတည်ဆောက်ထားခြင်းဖြစ်ပြီး
ပထမထပ်မှ ငါးထပ်မြောက်အထိ ဆိုင်ခန်းများပါဝင်မည် ဖြစ်သည်။ စုစုပေါင်း ကွန်ဒိုတိုက်ခန်း
၁၁၄ ခန်းသာ ပါဝင်မည်ဖြစ်ပြီး ကလေး၊ လူကြီး ရေကူးကန်များ၊ အရေးပေါ် ကယ်ဆယ်ရေးအတွက်
ရဟတ်ယာဉ်ကွင်းလည်း ပါဝင်မည်ဖြစ်သည်။

"ဒီ အိမ်ရာက ဘိုးဘွားပိုင်မြေပေါ်မှာဆောက် တာဆိုတော့ တခြားကွန်ဒိုတွေလိုမဟုတ်ဘဲ မြေပိုင်
ဆိုင်မှုကို အခန်းဝယ်ယူသူတွေစုပေါင်း ရရှိနိုင်မှာပါ။ အဆောက်အအုံကို ငလျင်ဒဏ် နဲ့ မုန်တိုင်း
ဒဏ်တွေကိုခံနိုင်အောင် တည် ဆောက်ထားတာဖြစ်တယ်"ဟု ထိုအိမ်ရာ၏ နည်းပညာပိုင်းဆိုင်ရာ
အင်ဂျင်နီယာ ကိုဉာဏ် ကပြောသည်။

ထိုအိမ်ရာကို ၂၀၁၆ ခုနှစ်၊ ဇူလိုင်လ တွင် အပြီးသတ် တည်ဆောက်နိုင်မည်ဖြစ်ကာ ရှစ်ထပ်မှ
၁၆ ထပ်အထိ တစ်စတုရန်းပေ လျှင် ကျပ် ၃၀၀,၀၀၀ ပေါက်ဈေးရှိပြီး ၁၇ ထပ်မှ ၁၉ ထပ်ထိ ကျပ်
၃၇၀,၀၀၀ ခန့် ပေး ရမည် ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အိမ်ခြံမြေကဏ္ဍ