ရန်ကုန်မြို့ပြဖွံ့ဖြိုးရေးအတွက် အမေရိကန်ဒေါ်လာ သန်း၂၀၀ ဟိုဟပ်ကုမ္ပဏီ ရင်းနှီးမြှုပ်နှံမည်

မလေးရှားနိုင်ငံမှ Ho Hupဆောက်လုပ်ရေးလုပ်ငန်းစုသည် ရန်ကုန်မြို့ပြဖွံ့ဖြိုးတိုးတက်ရေး
အတွက် အမေရိကန်ဒေါ်လာ သန်း၂၀၀ခန့် ကုန်ကျမည့် စီမံကိန်းတစ်ခုကို ဇေကမ္ဘာကုမ္ပဏီနှင့်
အကျိုးတူပူးပေါင်း ဆောင်ရွက်သွားမည်ဖြစ်ကြောင်း The Edge Malaysia သတင်းဌာနက
စက်တင်ဘာလ ၈ရက်နေ့တွင် ဖော်ပြခဲ့သည်။

Ho Hupမှထုတ်ပြန်သည့် ကြေညာချက်တစ်ရပ်တွင် ရှယ်ယာ ၇၀ရာခိုင်နှုန်း ၎င်းပိုင်ဆိုင်သည့်
Ho Hup(Myanmar) E&C Co Ltd အမည်ဖြင့် ဇေကမ္ဘာဆောက်လုပ်ရေးကုမ္ပဏီနှင့် အကျိုးတူ
ပူးပေါင်း ဆောင်ရွက် သွားရန် သဘောတူညီချက်တစ်ရပ် ရရှိထားပြီး ယင်းသဘောတူညီချက်ကို
စက်တင်ဘာလ၈ရက်နေ့က လက်မှတ်ရေးထိုးခဲ့သည်ဟု ဖော်ပြထားသည်။

သဘောတူညီချက်အရ Ho Hup Myanmar ကုမ္ပဏီအနေဖြင့် မင်္ဂလာဒုံဥယျာဉ်မြို့တော်တွင်
191 Z Villas ဟု အမည်ပေးထားသော အိမ်ရာဆောက်လုပ်မှုအတွက် အိမ်ရာနှင့် ဘန်ဂလို
အပါအ၀င် အဆောက်အဦး ၁၉၁ခုကို ဆောက်လုပ်ခွင့်ရရှိမည်ဖြစ်သည်။ အကျိုးတူပူးပေါင်း
ဆောင်ရွက်ရန်အတွက် လက်မှတ်ရေးထိုးသော စာချုပ်အရ Ho Hupလုပ်ငန်းစု၏ ရပ်တည်
ချက်မှာ အဆောက်အဦးဒီဇိုင်းရေးဆွဲခြင်း၊ ဆောက်လုပ်ခြင်းနှင့် စီမံကိန်းကို စီမံခန့်ခွဲခြင်း စသည့်
အခန်းကဏ္ဍမှ ပါဝင်မည်ဖြစ်ပြီး မြေယာဖွံ့ဖြိုးမှုအပိုင်းကို လုပ်ဆောင်မဟုတ်ဟု ယင်းကုမ္ပဏီက
ထုတ်ပြန် ထားသည်။

Ho Hup Myanmar ကုမ္ပဏီအနေဖြင့် မြေစတုရန်းပေ ၁၀၀၀၀ အကျယ်အ၀န်းတွင် စတုရန်းပေ
၅၀၀၀ ကျယ်ဝန်းသည့် လုံးချင်းတိုက် ၁၉၁လုံးကို ဆောက်လုပ်သွားမည်ဖြစ်ပြီး ယင်းသို့ ဆောက်
လုပ်မှုအတွက် အဆင့်သုံးဆင့်သတ်မှတ်ထားသည်။ အာဏာပိုင်များထံမှ ဆောက်လုပ်ခွင့်အမိန့်
ရရှိသည့်နေ့မှစ၍ တစ်လအတွင်း ပထမအဆင့်ဖြစ်သည့် တည်ဆောက်ရေးလုပ်ငန်းများကို စတင်
သွားမည်ဖြစ်ပြီး လုံးချင်းတိုက်များကို ကြိုတင်ရောင်းချချိန်မှစ၍ နှစ်နှစ်အတွင်း ဆောက်လုပ်ရေး
လုပ်ငန်းများ အပြီးအစီး ဆောင်ရွက်သွားမည်ဖြစ်သည်ဟု ယင်းထုတ်ပြန်ချက်က ဆိုသည်။

"ပထမအဆင့်တွင် ဆောက်လုပ်သည့် လုံးချင်းအိမ်စုစုပေါင်း၏ ၅၀ရာခိုင်နှုန်းကို ရောင်းချပြီးချိန်
တွင် ဒုတိယနှင့် တတိယအဆင့်ကို ရှေ့ဆင့်နောက်ဆင့်ဆိုသလို ချက်ချင်းစတင်မည်ဖြစ်သည်"
ဟု Ho Hup၏ ထုတ်ပြန်ချက်တစ်ရပ်တွင် ဖော်ပြထားသည်။

ဇေကမ္ဘာကုမ္ပဏီအနေဖြင့် ယင်းစီမံကိန်းအတွက် မြေနေရာကို တစ်စတုရန်းပေလျှင် အမေရိကန်
ဒေါ်လာ ၄၀နှုန်းဖြင့် ရရှိမည်ဖြစ်ပြီး စီမံကိန်းပြီးစီးသောအခါ အသားတင်အမြတ်ငွေစုစုပေါင်း၏
၆၀ရာခိုင်နှုန်းကို ရရှိမည်ဖြစ်သည်။

စီမံကိန်းအတွက် ကနဦးစိုက်ထုတ်ငွေကို Ho Hupမှ ကုန်ကျခံမည်ဖြစ်ပြီး စီမံကိန်းပြီးစီးမှသာ
လုံးချင်းအိမ်ရာများ ရောင်းချငွေမှတစ်ဆင့် ရင်းစီမံကိန်းသည် ၎င်းကိုယ်၎င်း ရပ်တည်နိုင်မည်ဖြစ်
ကြောင်း Ho Hup၏ ထုတ်ပြန်ချက်တွင် ပါရှိသည်။ ယင်းစီမံကိန်းနှင့်ပတ်သက်သည့် သတင်းမှာ
မှန်ကန်ကြောင်း ဇေကမ္ဘာကုမ္ပဏီမှ ကိုဇေသီဟက မြန်မာတိုင်းမ်သို့ အတည်ပြုပြောကြားသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အိမ်ခြံမြေကဏ္ဍ