ဓမ္မစေတီလမ်းနှင့် လင့်ခ်လမ်း ထောင့်ရှိ အိမ်ရာနေရာများတွင် အဆင့်မြင့်ကွန်ဒို ဆောက်မည်

မြို့ပြ ပြန်လည်ဖွံ့ဖြိုးရေးစီမံကိန်းတစ်ခုအဖြစ် ဆောက်လုပ်ရေးဝန်ကြီးဌာန မြို့ရွာနှင့် အိုးအိမ် ဖွံ့ဖြိုး
ရေးဦးစီးဌာနနှင့် ထိုက်စင်ကုမ္ပဏီတို့ ပူးပေါင်းကာ ရွှေတိဂုံဘုရားအနီး ဓမ္မစေတီလမ်းနှင့် လင့်ခ်လမ်း
ထောင့်ရှိ သက်တမ်းလွန် ၀န်ထမ်းအိမ်ရာနှင့် ပြည်သူ့အိမ်ရာများကို ကြယ်ငါးပွင့် အဆင့်မြင့် ကွန်ဒို
မီနီယံအဖြစ် ပြောင်းလဲ တည်ဆောက်သွားမည်ဖြစ်ကြောင်း ဆောက်လုပ်ရေးဝန်ကြီးဌာန ပြည်
ထောင်စု ဒုတိယ၀န်ကြီး ဦးဝင်းမြင့်က ပြောသည်။

မြေဧက ၂ ဒသမ ၁၆၄ အကျယ်အ၀န်းပေါ် တွင် တည်ရှိသော ၀န်ထမ်းအိမ်ရာနှင့် ပြည်သူ့အိမ်ရာ
များကို Golden Link အဆင့်မြင့်ကွန်ဒို အဖြစ် မြို့ရွာနှင့် အိုးအိမ်ဖွံ့ဖြိုးရေးဦးစီးဌာန က အကျိုး
အမြတ် ၅၃ နှင့် ထိုက်စင်ကုမ္ပဏီ တို့ကအကျိုးအမြတ် ၄၇ ရာခိုင်နှုန်းတို့ဖြင့် အကျိုးတူပူးပေါင်း
သွားမည် ဖြစ်သည်။

အဆိုပါဝန်ထမ်းအိမ်ရာများနှင့် ပြည့်သူ့ အိမ်ရာများတွင် ပညာရေးနှင့် ကျန်းမာရေးဝန် ကြီးဌာနများ
ဝန်ထမ်းများ အပါအ၀င် အခြား ၀န်ကြီးဌာနပေါင်းစုံမှ ၀န်ထမ်းများ စုပေါင်း နေထိုင်ကြခြင်းဖြစ်သည်။
စုစုပေါင်းသက်တမ်း နှစ် ၅၀ နီးပါး ကြာမြင့် နေပြီဖြစ်သော ထိုအဆောက်အအုံများကို မြို့ပြပြန်
လည်ဖွံ့ဖြိုးရေးစီမံကိန်းအရ ယခုကဲ့သို့ အဆင့်မြင့် အဆောက်အအုံများအဖြစ် ပြောင်းလဲတည်
ဆောက်ရခြင်းဖြစ်ကြောင်း ဒုတိယ၀န်ကြီးက ပြောသည်။

Golden Link Condominium ကို ၂၀၁၅ ခုနှစ်တွင် စတင်ဆောက်လုပ်မည်ဖြစ်ပြီး စီမံကိန်း
ကာလမှာ ၁၈ လကြာမြင့်မည်ဖြစ်ကာ ကုမ္ပဏီကရရှိမည့် အခန်း ၂၀ ကို နေရာ အနေ အထား
ပေါ်မူတည်ကာ တစ်ပေပတ်လည်လျှင် ကျပ် ၃၆၀,၀၀၀ မှ ၄၂၀,၀၀၀ ဖြင့် ရောင်းချ သွားမည်ဖြစ်ပြီး
အခန်းအကျယ်မှာ စတုရန်း ပေ ၁,၆၆၈ မှ ၂,၀၇၁ အထိ ကျယ်ဝန်းမည် ဖြစ်သည်။

ထိုအဆင့်မြင့်ကွန်ဒို ဆောက်လုပ်ပြီးစီး ချိန်တွင် မူလနေထိုင်ခဲ့သူများကို ပြန်လည်နေထိုင်ခွင့်ပေး
မည်ဖြစ်ပြီး ဆောက်လုပ် မည့် ကာလအတွင်း ထိုသူများအတွက် နေထိုင် မှု စရိတ်ကိုလည်း
မြို့ရွာနှင့် အိုးအိမ်ဖွံ့ဖြိုး ရေး ဦးစီးဌာနနှင့် ညှိနှိုင်းကာ သင့်တော်သည့် ထောက်ပံ့ကြေးကို ပေးအပ်
ထားပြီးဖြစ်ကြောင်း ထိုက်စံကုမ္ပဏီ တာဝန်ရှိသူတစ်ဦး က ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အိမ်ခြံမြေကဏ္ဍ