ကျိုင်းတုံ ကျောက်မီးသွေး စက်ရုံကို ဆက်လက် အကောင်အထည်ဖော်ရန် လက်မှတ်ရေးထိုး

ရှမ်းပြည်နယ် အရှေ့ပိုင်း ကျိုင်းတုံမြို့နယ်၌ တည်ဆောက်မည့် အငြင်းပွား ဖွယ်ရာ
ကျောက်မီးသွေးသုံး လျှပ်စစ်ဓာတ်အားပေးစက်ရုံစီမံကိန်းကို ဒေသခံများက ကန့်ကွက်
နေသော်လည်း ဆက်လက်အကောင်အထည်ဖော်ရန် လျှပ်စစ်စွမ်းအား ၀န်ကြီးဌာနနှင့်
ထိုင်းကုမ္ပဏီတို့ စီမံကိန်းနောက်တစ်ဆင့် အကောင်အထည် ဖော်ရေးဆိုင်ရာသဘော
တူညီမှုအတွက် ပြီးခဲ့သည့်သီတင်းပတ်က လက်မှတ်ရေးထိုးခဲ့သည်။

"မတ်လ ၁၁ ရက်နေ့က နားလည်မှုစာချွန် လွှာ လက်မှတ်ထိုးခဲ့တာပါ။ ကုမ္ပဏီအနေနဲ့ စီမံကိန်းဖြစ်မြောက်နိုင်စွမ်း လေ့လာပြီးတဲ့နောက်မှာ နောက်တစ်ဆင့် လုပ်နိုင်ဖို့ ခွင့်ပေး
လိုက်တဲ့ သဘောပါပဲ။ ဒါပေမဲ့ စီမံကိန်းတစ်ခု လုံးအတွက် Joint Venture Agreement
အဆင့်တစ်ခု ကျန်ပါသေးတယ်" ဟု လျှပ်စစ် စွမ်းအားဝန်ကြီးဌာန၊ ရေအားလျှပ်စစ်အကောင်
အထည်ဖော်ရေးဦးစီးဌာန၊ ညွှန်ကြားရေးမှူးချုပ် ဦးအေးဆန်းက ပြောသည်။

လျှပ်စစ်စွမ်းအားဝန်ကြီးဌာနနှင့် ပြည်တွင်း ပြည်ပကုမ္ပဏီများအကြား နားလည်မှု စာချွန်
လွှာရေးထိုးထားသည့် ကျောက်မီးသွေးသုံး ဓာတ်အားပေးစက်ရုံစီမံကိန်း ၁၂ ခုရှိသည့်
အနက် ကျိုင်းတုံကျောက်မီးသွေးသုံး ဓာတ်အား ပေးစက်ရုံ စီမံကိန်းမှာ ပထမဆုံး
လက်မှတ်ရေးထိုးခဲ့သည့် စီမံကိန်းဖြစ်သည်။ ထိုင်းနိုင်ငံ မှ ကုမ္ပဏီတစ်ခုက အကောင်
အထည်ဖော် ဆောင်ရွက်မည့် အဆိုပါ ဓာတ်အားပေးစက်ရုံ မှာ စက်တပ်ဆင်အင်အား
စုစုပေါင်း မဂ္ဂါဝပ် ၆၆၀ ရှိမည်ဖြစ်ပြီး ကျိုင်းတုံဒေသထွက် ကျောက်မီးသွေးကိုသာ
အသုံးပြုသွားမည် ဖြစ် ကြောင်းလည်း ဦးအေးဆန်းက ပြောသည်။

အဆိုပါ ကျောက်မီးသွေးသုံး ဓာတ်အားပေးစက်ရုံစီမံကိန်းနှင့်ပတ်သက်၍ ကျိုင်းတုံဒေသ
ခံများက ရှင်းရှင်းလင်းလင်းမသိရသေးသော်လည်း ကန့်ကွက်ထားကြသည်။

"ပါတီစုံကလူတွေရော ဒေသခံတွေရော ဘယ်သူမှ သဘောမတူဘူး။ စီမံကိန်းလုပ်မယ့်
ကုမ္ပဏီအကြောင်း ဘာမှမသိရသလို သဘာဝ ပတ်ဝန်းကျင်နဲ့ ပတ်သက်ပြီးလည်း
ဘာမှလာပြီးလေ့လာတယ်လို့ မကြားမိဘူး။ ကြား တာကတော့ အဲဒီနားကရွာတွေ
ရွာလုံးကျွတ်ပြောင်းရမယ်ဆိုတာပဲ" ဟု ကျိုင်းတုံမြို့ခံ တစ်ဦး ဖြစ်သူ ဦးစိုင်းထွန်းထွန်းနိုင်
ကပြောသည်။ ကျောက်မီးသွေးသုံး ဓာတ်အားပေးစက်ရုံ စီမံကိန်းကို ကျိုင်းတုံမြို့နှင့် သုံး
မိုင်ခန့်အကွာတွင် အကောင်အထည်ဖော်သွားမည် ဖြစ်သည်။ လျှပ်စစ်စွမ်းအားဝန်ကြီးဌာနက
ရှမ်းပြည် နယ် အရှေ့ပိုင်း လျှပ်စစ်မီးရရှိရေးအတွက် ဆောင်ရွက်နေခြင်း ဖြစ်သော်လည်း
ကျိုင်းတုံ မြို့အတွက် သဘာဝပတ်ဝန်းကျင်နှင့် လူမှု စီးပွားဆိုင်ရာဆိုးကျိုးများ ဖြစ်ပေါ်လာမည်
ကို ဒေသခံများကစိုးရိမ်နေကြသည်။

"အဲဒီစီမံကိန်းရဲ့ အကျိုးဆက်တွေကို ဘယ်သူက တာဝန်ယူမှာလဲ။ တာဝန်ရှိသူတို့ အုပ်ချုပ်ရေးမှူး
တို့ဆိုတာတွေကလည်း ဒီနယ် က မဟုတ်ဘူးလေ။ သူတို့က ပြီးရင်ပြောင်း သွားမှာ။
ကျွန်တော်တို့အတွက် ဘာအကျိုး ကျေးဇူးမှ ရှိမယ်မထင်ဘူး" ဟုလည်း ဦးစိုင်း ထွန်းထွန်းနိုင်က
ပြောသည်။ အဆိုပါစီမံကိန်းကို ထိုင်းကုမ္ပဏီက ၂၀၁၃ ခုနှစ်၊ အောက်တိုဘာလတွင် နားလည်
မှု စာချွန်လွှာလက်မှတ်ရေးထိုးကာ စီမံကိန်း ဖြစ်မြောက်နိုင်စွမ်းလေ့လာခဲ့ပြီး၊ စီမံကိန်း
ပထမအဆင့်အနေဖြင့် ၂၅ မဂ္ဂါဝပ်နှင့် ဒုတိယအဆင့်တွင် မဂ္ဂါဝပ် ၄၀၀ မှ ၅၀၀ အထိ
ထုတ်လုပ်နိုင်ရန် ၂၀၁၅ ခုနှစ်မှ ၂၀၁၈ ခုနှစ်အတွင်း အကောင် အထည်ဖော်သွားမည်
ဖြစ်သည်။

"အစတုန်းကတော့ အဲဒါ မဂ္ဂါဝပ်၂၀ လို့ ပြောတာ။ ခု မဂ္ဂါဝပ် ၃၀ ထက်ကျော်တဲ့ စီမံကိန်းဖြစ်တဲ့
အတွက် ကျွန်တော်နဲ့မဆိုင်တော့ဘူး။ နောက်ပိုင်း လူထုတွေ့ဆုံပွဲတွေ ဘာတွေလည်း
ကျွန်တော့်ကို မခေါ်တော့ဘူး ဗျ" ဟု ရှမ်းပြည်နယ်အစိုးရအဖွဲ့၊ စက်မှု လက်မှုနှင့် လျှပ်စစ်ဝန်ကြီး
ဦးစိုင်းထွန်းရီ က ပြောသည်။

သဘာဝပတ်ဝန်းကျင်နှင့် လူမှုရေးဆိုင်ရာ ဝေဖန်ကန့်ကွက်မှုများကြောင့် ကျောက်မီး သွေးသုံး
ဓာတ်အားပေးစက်ရုံစီမံကိန်းအားလုံးမှာ နားလည်မှုစာချွန်လွှာ အဆင့်သာရှိသေးပြီး၊ မည်
သည့်စီမံကိန်းမှ ဆက်လက်အကောင်အထည်ဖော်နိုင်ခြင်းမရှိသေးဟု လျှပ်စစ်စွမ်းအားဝန်ကြီးဌာန၊
တာဝန်ရှိသူတစ်ဦးက ပြီးခဲ့သည့် သီတင်းပတ်အတွင်း ပြောကြားခဲ့သော်လည်း ကျိုင်းတုံကျောက်
မီးသွေးသုံး ဓာတ်အားပေးစက်ရုံစီမံကိန်းကို နောက်တစ်ဆင့် အကောင်အထည်ဖော်ရေး
လက်မှတ်ရေးထိုးခဲ့ခြင်း ဖြစ်သည်။ လျှပ်စစ်စွမ်းအားဝန်ကြီးဌာန၏ အဆို အရ ရှမ်းပြည်နယ်
အရှေ့ပိုင်း ကျိုင်းတုံဒေသ တွင် လစ်ဂနိုက်အမျိုးအစား သက်နုကျောက်မီးသွေး တန် ၃၂ သန်း
ခန့်နှင့် ဆပ်ဘီကျူးမီးနပ်စ်အမျိုးအစား သက်လတ်ကျောက်မီးသွေး ၁၂၂ ဒသမ ၃ သန်းခန့်ထွက်
ရှိနိုင်သည်။

မြန်မာနိုင်ငံ၏ ပထမဆုံးနှင့် တစ်ခုတည်း သော ရှမ်းပြည်နယ်တောင်ပိုင်းရှိ တီကျစ်
ကျောက်မီးသွေးသုံး ဓာတ်အားပေးစက်ရုံမှာ လည်း အထက်ပါကျောက်မီးသွေး အမျိုး
အစားများကို အသုံးပြုလည်ပတ်ခဲ့ခြင်းဖြစ်ပြီး၊ သဘာဝပတ်ဝန်းကျင်ထိခိုက်မှုများရှိခြင်းနှင့်
လျှပ်စစ်ဓာတ်အားထုတ်လုပ်နိုင်မှု အားနည်းခြင်းတို့ကြောင့် စက်ရုံလည်ပတ်မှုကို ရပ်နား ထားရသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အိမ်ခြံမြေကဏ္ဍ