ရန်ကုန်မြစ်တစ်ဖက်ကမ်းက မြို့သစ်စီမံကိန်း အမှန်တကယ် ရပ်တန့်နေတာလား

ပြီးခဲ့သည့်နှစ် စက်တင်ဘာလအတွင်းက ရန်ကုန်တိုင်းဒေသကြီး လွှတ်တော်
အစည်းအဝေးတွင် တိုင်းဒေသကြီးအစိုးရက သဘော ထားတောင်းခံခဲ့သည့်
ရန်ကုန်မြို့ လှိုင်မြစ်တစ်ဖက်ကမ်းရှိ ကျေးရွာများတွင် မြို့သစ်စီမံကိန်းပြုလုပ်ရန်အဆို
သည် လွှတ်တော်အမတ်များ၊ ပြည်သူများ၏ ဝေဖန်ကန့်ကွက်မှု များကြောင့်တစ်ပတ်
အတွင်းမှာပင် ယင်း အဆိုကိုအကန့်အသတ်မရှိ ရွှေ့ဆိုင်းခဲ့သည်။

သို့သော် ယခုအခါတွင် ယင်းကျေးရွာ များ၌ ပြုပြင်ပြောင်းလဲမှုများ ဆက်လက် ဖြစ်ပေါ်နေသေး
သည့်အတွက် အဆိုပါ စီမံကိန်း ရုပ်သိမ်းခဲ့ခြင်းသည် အမှန်တကယ် ဖြစ်နိုင်ခြေမရှိကြောင်း
ယင်းဒေသခံများက မြန်မာတိုင်း(မ်)ကို ပြောသည်။

"မြို့သစ်စီမံကိန်း ရပ်သွားပြီလို့ပြောကြ ပေမယ့် ရွာထဲမှာတော့ ပြောင်းလဲလာတာ လေးတွေ
ကျွန်တော်တို့ တွေ့နေရပါတယ်။ လျှပ်စစ်မီးတိုင်တွေထောင်ပြီး လျှပ်စစ်မီး သွယ်တာတွေ၊
ရွာအ၀င်လမ်းတွေကို ကွန်ကရစ်လမ်းခင်းတာတွေ၊ ချောင်းတွေမှာ တံတားဆောက်တာတွေ
လုပ်နေကြပြီး တချို့ဆို တော်တော်တောင်ပြီးနေပါပြီ" ဟု မြို့သစ်စီမံကိန်း ဧရိယာတွင် ပါဝင်သော
ခလောက်ချိုင်တိုက်နယ် တမာတဂေါကျေးရွာ ဒေသခံ ဦးသန်းဌေးက ပြောသည်။

ဒေသခံများ၏ အဆိုအရ အဆိုပါစီမံကိန်း အတွင်း ပါဝင်သည့် တမာဂေါကျေးရွာ၊
တမံကြီးကျေးရွာတို့တွင် လျှပ်စစ်မီးများ သွယ်တန်းလျက်ရှိပြီး ရွာသို့သွားလာသည့် လမ်းများ
ကိုလည်း လေးမိုင် နှစ်ဖာလုံ အရှည်ရှိသည့် နှစ်လမ်းသွား ကွန်ကရစ်လမ်းများ ခင်းလျက်ရှိကြောင်း
၎င်းကပြောသည်။ ထို့ပြင် ယင်းကျေးရွာများ အတွင်းသို့ စီးဆင်းလျက်ရှိသည့် ချောင်းလက်သွယ်များကို
ကျော်ဖြတ်ရန် တည်ဆောက်လျက်ရှိသည့် တံတား ခုနစ်စင်းခန့်ရှိကြောင်း ဒေသခံများ က ပြောသည်။
"အရင်တုန်းက ကျွန်တော်တို့ ရွာတွေမှာ လျှပ်စစ်မီးမရှိပါဘူး။ ဒါပေမဲ့ မြို့သစ်စီမံကိန်း အကြောင်းတွေ
ပေါ်ထွက်လာပြီးတော့မှ အခုဆိုရင် လျှပ်စစ်မီးတွေသွယ်နေတာ မီးတိုင်တွေ ထောင်နေတာတွေကို
လုပ်လာ ကြတယ်။ ကျွန်တော်တို့ရွာက သူတွေက လည်း ကိုယ်ထူကိုယ်ထနဲ့ မီးအားမြှင့်စက်ဝယ်ပြီး
မီးသွယ်ဖို့တောင် လုပ်နေပါပြီ။ အရင် က လျှပ်စစ်မီးလုံးဝမရှိတဲ့နေရာမှာ လျှပ်စစ် မီးတွေ သွယ်တယ်
ဆိုတာ အကြောင်းတစ်ခုခု ရှိလို့ ဖြစ်မှာပါ။ မြို့သစ်စီမံကိန်းက ပါးစပ် က ရပ်နေပေမယ့် လက်ကတော့
လုပ်နေတယ် လို့ ကျွန်တော်ထင်တယ်" ဟု ဦးသန်းဌေး က ပြောသည်။ စီမံကိန်းတည်ရှိရာကျေးရွာများသည်
လှိုင်မြစ်ဘေးတွင်တည်ရှိပြီး လက်ရှိတွင် အဆိုပါလှိုင်မြစ်အတွင်း မြစ်ကောနေသည့်နေရာ
များကို ပြန်လည်တူးဖော်မှုများလည်း ပြုလုပ်နေကြောင်း တမာတဂေါကျေးရွာနေ ဦးဝင်းမြင့်
ကပြောသည်။

"ဘယ်သူတွေ လုပ်နေလဲဆိုတာ သေချာမသိပေမဲ့ လှိုင်မြစ်က ကောနေတာတွေကိုတော့
ပြန်တူးနေကြတယ်။ အနက် ရှစ်ပေ၊ အကျယ် ၂၅၀ လောက်ရှိတယ်။ အဲဒီ လိုတူးတာ
တစ်လ နှစ်လလောက်တောင် ရှိနေပြီ။ ဒီလိုမြစ်တူးတာကလည်း တစ်ခုခု လုပ်စရာရှိလို့
ပြန်တူးနေကြတာလို့ ထင် တယ်" ဟု ၎င်းကပြောသည်။

သို့သော်လည်း ဒေသခံများမှာ ၎င်းတို့ ဒေသများတွင် မြို့သစ်စီမံကိန်းကြီးတစ်ခု ပေါ်ပေါက်
လာစေရန် မျှော်လင့်နေကြသည့် အတွက် စီမံကိန်းကို အကောင်အထည် ဖော်စေချင်ကြောင်း
ဒေသခံ ရွာသူ ရွာသား များက ပြောသည်။ "ကျွန်တော်တို့ကတော့ စီမံကိန်းကြီးကို
ဖြစ်စေချင်ပါတယ်။ စီမံကိန်းကြီး ရပ်လိုက် တဲ့နောက်ပိုင်းမှာလည်း ကျွန်တော်တို့တွေ
ဆန္ဒပြခဲ့တာ သုံးခါရှိပါပြီ။ တကယ်လို့ ကျွန်တော်တို့ ကျေးရွာတွေမှာသာ မြို့သစ်တစ်ခု
တည်ပေးမယ်ဆိုရင် ကျွန်တော်တို့လို ဒေသခံရွာသူရွာသားတွေရဲ့ စီးပွားရေးလည်း
တော် တော်အဆင်ပြေမှာပါ" ဟု ဦးသန်းဌေးက ပြောသည်။ လက်ရှိ မြို့သစ်စီမံကိန်း
အတွင်း ပါရှိ သည့် ကျေးရွာများသည် လယ်ယာစိုက်ပျိုး ခြင်းကို အဓိက လုပ်ကိုင်လျက်ရှိသော်လည်း
ယင်းဒေသရှိ လယ်မြေများမှာ မြေဆီလွှာ မကောင်းမွန်တော့သည့်အတွက် စိုက်ပျိုးရေး
လုပ်ကိုင်ရန် အလားအလာမကောင်းတော့ ကြောင်း ဒေသခံတောင်သူများက ပြောသည်။

"အရင်တုန်းက ကျွန်တော်တို့လယ်တွေ က တစ်ဧကကို တင်း ၅၀ ကနေ ၈၀ လောက်
ထွက်တယ်။ အခုနောက်ပိုင်းမှာ တင်း ၄၀ လောက်ပဲ ထွက်တော့တယ်။ လယ်မြေတွေ
က မကောင်းတော့ လုပ်ကိုင်စားသောက် ရတာလည်း အဆင်မပြေဘူး။ မြို့သစ်စီမံကိန်း
ကြီးလုပ်မယ်လို့ ပြောတဲ့အချိန်တုန်းက ဒီက လယ်မြေတွေလည်း ဈေးတွေတက်ပြီး ရောင်း
လိုက်တဲ့သူတွေက အခုဆို လှူနိုင် တန်းနိုင် ဖြစ်နေကြပြီ။ တကယ်လို့ မြို့သစ်သာ တည်မယ်
ဆိုရင် ကျွန်တော်တို့လည်း တခြား စီးပွားရေးကို ပြောင်းလုပ်နိုင်ပြီး အဆင်ပြေ လာနိုင်မှာ"
ဟု တံခွန်ဒိုင်းအုပ်စု၊ တမံကြီး ကျေးရွာနေ လယ်သမားတစ်ဦးက ပြောသည်။ လယ်မြေများ
သည်လည်း စီမံကိန်း ရပ်ဆိုင်းသွားသည့် နောက်ပိုင်းတွင် မြို့ပေါ် က လာရောက်ဝယ်ယူသူများ
မရှိသလောက် နည်းပါးသွားပြီး ဈေးနှုန်းများ ပြန်လည် ကျဆင်းသွားကြောင်း ဒေသခံများကပြော
သည်။ စီမံကိန်းလုပ်ဆောင်မည်ဟု ကြေညာသည့် ကာလအတွင်း ယင်းကျေးရွာများ

ရှိလယ်မြေများမှာ တစ်ဧကလျှင် ကျပ် သိန်း ၇၀၀ မှ ၈၀၀ ကျော်ထိ ဈေးတက်ခဲ့ပြီး
ဝယ်ယူသူလည်းများပြားခဲ့သော်လည်း လက်ရှိတွင် တစ်ဧကလျှင် ကျပ် သိန်း ၂၀၀
ခန့်သာ ပေါက်ဈေးရှိတော့သည်။

ထို့ပြင် စီးပွားရေးအဆင်မပြေသည့် လယ်သမားများမှာ ၎င်းတို့၏ လယ်များကို
ယခင်လာရောက်ဝယ်ယူခဲ့သူ များထံ သွားရောက်ရောင်းချမှုများလည်း ရှိကြောင်း
ဒေသခံများက ပြောသည်။ ထိုသို့ ငွေကျပ် ဘီလျံ ၇,၀၀၀ ကျော် ကုန်ကျခံ တည်ဆောက်
သွားမည့် မြို့သစ်စီမံကိန်း ကြီးသည် မရေရာမသေချာသည့် ကုမ္ပဏီတစ်ခု၏ အစီအစဉ်ဖြင့်
တည်ဆောက်မည် ဆိုသည့် အချက်အလက်များအပြင် တိုင်း ဒေသကြီးအစိုးရ၏
ပွင့်လင်းမြင်သာမှုမရှိ သည့် လုပ်ရပ်များကြောင့် လွှတ်တော်အမတ်များနှင့် ပြည်သူလူထု
က ဝေဖန်ကန့်ကွက်မှုတို့ကြောင့် ရုပ်သိမ်းခဲ့ပြီးမှ တိုးတိတ်စွာ ပြန်လည်လုပ်ဆောင်ခြင်း
များရှိပါက အစိုးရ အနေဖြင့် ရိုးသားမှုလုပ်ရပ်မဟုတ်ကြောင်း ဗဟန်းလွှတ် တော်ကိုယ်စား
လှယ် ဒေါ်ညိုညို သင်းက ပြောသည်။

"အစိုးရက လွှတ်တော်မှာ ရုပ်သိမ်းတယ် လို့ ပြောထားပြီးရင် ဒီလို လူသိရှင်ကြား
ပြောထားပြီးသား ကိစ္စတစ်ခုကို ဘယ်သူမှ မသိဘဲ ဆက်လုပ်လို့ မရပါဘူး။ ဒါဟာ
ဥပဒေနဲ့မကိုက်ညီလို့ပါ။ ဒါကိုမှ ဆက်လုပ်နေတယ်ဆိုရင်တော့ ဒါဟာ အစိုးရ ရိုးသား
မှုမရှိတဲ့အပြင် လွှတ်တော်ကြီးကိုလည်း မလေး မစားပြုလုပ်တာပါပဲ။ လွှတ်တော်ဆိုတာ
က ကလေးကစားစရာနေရာ မဟုတ်ပါဘူး။ အစိုးရဆိုတာကလည်း ပြောပြီးသားစကားကို
တည်ရမှာပါ" ဟု ၎င်းကပြောသည်။

ထို့ပြင် ယခုနှစ်အတွင်း ပြည်လုံးကျွတ်ရွေးကောက်ပွဲ ပြုလုပ်မည်ဖြစ်ခြင်းကြောင့် အစိုးရ
အပြောင်းအလဲဖြစ်လာပါက ယခုကဲ့သို့သော လုပ်ရပ်များကို အစိုးရသစ်က တာဝန်
ယူမည်မဟုတ်သည့်အတွက် ကျန်ရှိသူများ သာ အခက်အခဲများတွေ့နိုင်ကြောင်း၎င်းကပြောသည်။


"အစိုးရသစ်တက်လာရင်သူကတာဝန် ယူမှာ မဟုတ်ဘူး။ အဲဒါကြောင့် အခုအစိုးရက
ဘယ်လောက်ပဲ တိုးတိုးတိတ်တိတ်လုပ်နေလည်း သူ့သက်တမ်းကုန်သွားလို့ ဆက်
မလုပ်နိုင် တော့ဘူးဆိုရင် မပြီးပြတ်သေးတဲ့ အကျိုး ဆက်တွေကိုတော့ ပြည်သူတွေပဲခံရမှာပါ။
ဒါကြောင့်လည်း ဒီကိစ္စနဲ့ပတ်သက်ပြီး အဲဒီနေရာမှာ အခြေချ နေထိုင်နေကြတဲ့ ဒေသခံတွေပြည်သူတွေ
ကိုယ်တိုင်ကလည်း ဉာဏ်နဲ့ချင့်ချိန်ပြီး ယုံသင့်မယုံသင့်ကို စဉ်းစား ကြဖို့ပဲပြောချင်ပါတယ်" ဟု ၎င်းက
ပြော သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - အိမ်ခြံမြေကဏ္ဍ