ရှေးဟောင်းအဆောက်အအုံအနီး ဆောက်လုပ်ရေးအတွက် ခွင့်ပြုချက်ယူရမည်

ပြည်ထောင်စုလွှတ်တော်က အတည်ပြုပြဋ္ဌာန်းလိုက်သည့် ရှေးဟောင်းအဆောက်အအုံများ
ကာကွယ်ထိန်းသိမ်းရေး ဥပဒေသစ်အရ ရှေးဟောင်း အဆောက်အအုံအဖြစ် သတ်မှတ်ထား
သည့် အဆောက်အအုံများ၊ ဘုရားစေတီများအနီး အဆောက်အအုံများ ဆောက်လုပ်လိုပါက
ယဉ်ကျေးမှုဝန်ကြီးဌာန လက်အောက်ရှိ ရှေးဟောင်းသုတေသနနှင့် အမျိုးသားပြတိုက်ဦးစီးဌာနထံ ခွင့်ပြုချက်တောင်းခံပြီးမှသာ ဆောက်လုပ်ရန်လိုအပ်ကြောင်း ယဉ်ကျေးမှုဝန်ကြီးဌာန ဒုတိယ
ဝန်ကြီးက ပြောသည်။

"ရှေးဟောင်းအဆောက်အအုံ နားမှာ အဆောက်အအုံဆောက်ချင်ရင် ကြိုတင်ခွင့်ပြု ချက်တောင်း
ဖို့လိုပါတယ်။ နည်းဥပဒေထွက် လာရင်တော့ အသေးစိတ်အချက်အလက်တွေ
ပါလာနိုင်ပါတယ် " ဟု ယဉ်ကျေးမှုဝန်ကြီး ဌာန ဒုတိယ၀န်ကြီး ဒေါ်စန္ဒာခင်က မြန်မာ
တိုင်း(မ်)၏ မေးမြန်းမှုကို အီးမေးလ်မှတစ်ဆင့် ဖြေကြားခဲ့သည်။

ဩဂုတ်လ ၂၆ ရက်နေ့က ပြည်ထောင်စုလွှတ်တော်က အတည်ပြုပြဋ္ဌာန်းလိုက်သည့်
ရှေးဟောင်းအဆောက်အအုံများ ကာကွယ်ထိန်းသိမ်းရေး ဥပဒေသစ်အရ ရှေးဟောင်း
အဆောက်အအုံအဖြစ် သတ်မှတ်ထားသည့် အဆောက်အအုံ၏ အနီးတစ်ဝိုက်တွင်
အဆောက်အအုံသစ်များ ဆောက်လုပ်မှုအတွက် ယဉ်ကျေးမှုဝန်ကြီးဌာနသို့ ဦးစွာတင်ပြကာ
ခွင့်ပြုချက် တောင်းခံရမည်ဖြစ်ပြီး လိုက်နာမှုမရှိပါက အနည်းဆုံး ထောင်ဒဏ် ခြောက်လမှ
အများဆုံး တစ်နှစ်ထက်မပို သည့် ပြစ်ဒဏ်ကိုဖြစ်စေ၊ အနည်းဆုံး ကျပ် ၃၀၀,၀၀၀ မှ
အများဆုံး ကျပ် ၁၅ သိန်းအထိ ငွေဒဏ်များ ချမှတ်နိုင်သည့်အပြင် ထောင်ဒဏ်နှင့်
ငွေဒဏ်နှစ်ရပ်လုံးကိုပါ ပူးတွဲချမှတ် နိုင်ကြောင်း ပြဋ္ဌာန်းထားသည်။ ရှေးဟောင်း အဆောက်အအုံ
အဖြစ်သတ်မှတ်ထားသည့် ဧရိယာအတွင်း လူနေအဆောက်အအုံများတိုးချဲ့ခြင်း၊ ဟိုတယ်၊
စက်ရုံ အလုပ်ရုံများနှင့် လူနေအဆောက် အအုံများအပါအ၀င် အဆောက်အအုံသစ်များ
တိုးချဲ့တည်ဆောက်ခြင်း သို့မဟုတ် ပြင်ဆင်ခြင်း၊ ၀င်းခြံကာရံခြင်း၊ လမ်းဖောက်လုပ်ခြင်း၊
တံတားတည်ဆောက်ခြင်း၊ လေယာဉ်ကွင်းတည်ဆောက်ခြင်း ပုဂ္ဂလိကပိုင်ဆိုင်သည့်
အ၀န်းအ၀ိုင်းအတွင်းသို့ ရှေးဟောင်းအဆောက်အအုံများကို ထည့်သွင်းကာ ခြံစည်းရိုးခတ်ခြင်း၊
ရှေးဟောင်းအဆောက် အအုံအနီး ပတ်ဝန်းကျင်မြင်ကွင်း၌ ၀န်ကြီး ဌာနမှ ဒေသအလိုက်
စည်းကမ်းချက်များ နှင့် ကိုက်ညီခြင်းမရှိသည့် အဆောက်အအုံ များ ဆောက်လုပ်ခြင်း
လုပ်ငန်းများကို စိစစ် ပြီး၊ ခွင့်ပြုခြင်းနှင့် ငြင်းပယ်ခြင်းကို ရှေးဟောင်းသုတေသနနှင့်
အမျိုးသားပြတိုက် ဦးစီးဌာနက ပြုလုပ်သွားမည်ဖြစ်သည်။

ဥပဒေသစ်အတွက် နည်းဥပဒေများ ထပ်မံထွက်ရှိရန် ကျန်ရှိနေခြင်းကြောင့် လက်ရှိတွင်
ရှေးဟောင်းအဆောက်အအုံများ အနီးတစ်ဝိုက်တွင် အဆောက်အအုံသစ်များ ဆောက်လုပ်
လိုပါက ၁၉၉၈ ခုနှစ်က ပြဋ္ဌာန်း ထားပြီးဖြစ်သည့် ရှေးဟောင်းအမွေအနှစ် များ ကာကွယ်
ထိန်းသိမ်းရေးဥပဒေပါ ပြဋ္ဌာန်း ချက်များနှင့် ကိုက်ညီမှုရှိပါက အဆောက်အအုံဆောက်လုပ်
မှုများကို ယဉ်ကျေးမှုဝန်ကြီးဌာနက ခွင့်ပြုပေးမည်ဖြစ်သည်။ မြို့နယ်၊ ရပ်ကွက်၊ ကျေးရွာများ
အပြင် မြို့ကြီးများအတွင်း တည်ရှိနေသည့် ရှေးဟောင်းအဆောက်အအုံများ အနီးတစ်ဝိုက်တွင်
အဆောက်အအုံသစ်များ ဆောက်လုပ်လိုပါက အနည်းဆုံး ပေ ၁၂၀ အကွာအဝေးရှိရန်
လိုအပ်သည့်အပြင် ဆောက်လုပ်မည့် အဆောက်အအုံသစ်၏ အမြင့်ပေမှာလည်း
ပေ ၃၀ အမြင့်ထက်ကျော် လွန်ဆောက်လုပ်ခြင်းမပြုရန် တားမြစ်ထားသည်။

၎င်းပြင် ဆောက်လုပ်မည့် အဆောက်အအုံသစ်တွင် မြေအောက်ထပ်များ၊ မြေအောက်ခန်းများ
တူးဖော်ထည့်သွင်း တည်ဆောက်ခြင်း မပြုလုပ်ရန် ထပ်မံ ညွှန်ကြားထားသည်။ "စည်ပင်က
သတ်မှတ်ထားတာကတော့ ရန်ကုန်မှာ ရှေးဟောင်းအဆောက်အအုံ ၁၈၉ လုံးရှိပါတယ်။
ကျွန်မတို့ဆန္ဒနဲ့သာ စာရင်း ပြုစုရမယ်ဆိုရင်တော့ အဆောက်အအုံ အလုံးရေ ထောင်နဲ့ချီရှိ
လိမ့်မယ်။ အခုပြဋ္ဌာန်း လိုက်တဲ့ ဥပဒေသစ်နဲ့ပတ်သက်ပြီးတော့ ကျွမ်းကျင်သူတွေက လေ့လာ
ဆဲဖြစ်တော့ လောလောဆယ်တော့ မှတ်ချက်မပေးလိုသေးပါဘူး။ ကျွန်မတို့က အဆောက်အအုံ
ဆိုတာ ထက် မြို့ပြအမွေအနှစ်လို့ပဲ သုံးပါတယ်" ဟု ရန်ကုန်မြို့ပြအမွေအနှစ် ထိန်းသိမ်းစောင့်
ရှောက်ရေးအဖွဲ့က ပြန်ကြားရေးအရာရှိ မရွှေယင်းမာဦးက ပြောသည်။

အသစ်ပြဋ္ဌာန်းလိုက်သည့် ဥပဒေသစ် အရ ရှေးဟောင်းအဆောက်အအုံအဖြစ် သတ်မှတ်ရာတွင် မြေပေါ်တွင်ဖြစ်စေ မြေအောက်တွင်ဖြစ်စေ၊ ရေပေါ်တွင်ဖြစ်စေ
ရေအောက်တွင်ဖြစ်စေ နှစ်ပေါင်း ၁၀၀ နှင့်အထက် သက်တမ်းရှိသည့် ကျောက်ဖြစ်
ရုပ်ကြွင်းများတွေ့ရှိရာ၊ ဘူမိသဘာဝ ပတ်ဝန်းကျင်နေရာများအပါအ၀င် လူသားတို့
နေထိုင်ပြုလုပ်သုံးစွဲခဲ့သည့် အဆောက်အအုံများကို ဆိုလိုသည့်အပြင် နိုင်ငံတော်အဆင့်နှင့်
ဝန်ကြီးဌာနအသီးသီးက အမိန့်ကြော်ငြာစာထုတ်ပြန်၍ သတ်မှတ်ထားသော ရှေးဟောင်း
အဆောက်အအုံများစာရင်း တွင်ပါဝင်သည့် အဆောက်အအုံများကိုပါ ဆိုလိုသည်။ မြန်မာနိုင်ငံ
အနှံ့အပြားတွင် ယဉ်ကျေးမှုဝန်ကြီးဌာနက ရှေးဟောင်းအဆောက်အအုံအဖြစ် သတ်မှတ်ထိန်းသိမ်း
ထားသည့် ဘုရား၊ စေတီနှင့် သာသနိကအဆောက်အအုံများ အပါအ၀င် အဆောက်အအုံပေါင်း
၅,၀၀၀ ကျော်ကို ထိန်းသိမ်းစောင့်ရှောက်လျက်ရှိသော်လည်း နိုင်ငံတော်က ချထားပေးသည့်
ဘတ်ဂျက်ငွေပမာဏနှင့် လုံလောက်ခြင်းမရှိသည့်အတွက် ပြည်တွင်းပညာရှင်များနှင့် နိုင်ငံတကာ
အဖွဲ့အစည်းများ၏ အကူအညီဖြင့် ထိန်းသိမ်းစောင့်ရှောက်နေရဆဲဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အိမ်ခြံမြေကဏ္ဍ