လှည်းတန်းခုံးကျော်တံတားစီမံကိန်း ၆၅ ရာခိုင်နှုန်းပြီးစီးနေပြီဖြစ်၊ ကုန်ကျစရိတ်ငွေ ကျပ် ၁၄ ဘီလျံကျော်ရှိမည်ဟု ခန့်မှန်းထား

(လွင်ကိုတိတ် / မြန်မာတိုင်း(မ်))(လွင်ကိုတိတ် / မြန်မာတိုင်း(မ်))

ရွှေတောင်ဖွံ့ဖြိုးတိုးတက်မှု ကုမ္ပဏီမှ တာဝန်ယူတည်ဆောက်နေသည့် လှည်း တန်းခုံးကျော်
တံတားတည်ဆောက်ရေး စီမံကိန်းသည် လက်ရှိအချိန်တွင် ၆၅ ရာခိုင်နှုန်းပြီးစီးနေပြီဖြစ်ပြီး
ကုန်ကျစရိတ် ၁၄ ဒသမ ၄၈၇ ဘီလျံရှိမည်ဟုတွက်ချက် ခန့်မှန်းထားကြောင်း ဒီဇင်ဘာ ၁
ရက် နေ့တွင်ပြုလုပ်သော လှည်းတန်းခုံးကျော် တံတားတည်ဆောက်ရေးစီမံကိန်း၏လုပ်ငန်း
ဆောင်ရွက်မှု အခြေအနေ များနှင့်ပတ်သက်၍ ရှင်းလင်းဆွေးနွေး ပွဲတွင် ရွှေတောင်ဖွံ့ဖြိုး
တိုးတက်မှုကုမ္ပဏီ ၏ Group Chief Executive Officer ဖြစ်သူ ဦးအောင်ဇော်နိုင်က ပြော
ကြားခဲ့သည်။

"လှည်းတန်းခုံးကျော်တံတားစီမံကိန်း အတွက် ပဏာမဘတ်ဂျတ်အနေနဲ့ ၁၄ ဒသမ ၄၈၇
ဘီလျံလျာထားပါတယ်၊ လောလောဆယ် ကမ္ဘောဇဘဏ်ကနေ သုံးဘီလျံချေးထားပါတယ်၊
စက်မှုလက်မှု ဘဏ်ကနေလည်း သုံးဘီလျံချေးထားပါ တယ်၊ လက်ရှိကုန်ကျထားတာက
ငွေကျပ် ကိုးဘီလျံရှိနေပြီဖြစ်ပါတယ်"ဟု ဦးအောင်ဇော်နိုင်ကမီဒီယာများအား ပြောကြားခဲ့
သည်။

ရန်ကုန်မြို့၏ယာဉ်ကြောရှုပ်ထွေးမှု အရှိဆုံးနေရာတစ်ခုဖြစ်သည့် လှည်းတန်း လမ်း ငါးခွဆုံ
တွင် တည်ဆောက်ရသည့် စီမံကိန်းဖြစ်သည့်အတွက် လုပ်ငန်းခွင်လုံခြုံရေး site safety ၊
စီမံကိန်းအတွက် ယာဉ်သွားလာမှု အနှောင့်အယှက်မဖြစ်စေရန်တို့ကို အထူးဂရုပြုကြပ်မတ်
ဆောင်ရွက်ခဲ့ ကြောင်းလည်း ပြောသည်။

"ယာဉ်သွားလာမှုများပြားလွန်းတဲ့ နေရာဖြစ်တဲ့အတွက် ခုံးကျော်တံတား စီမံကိန်းမစတင်ခင်မှာ
လမ်းချဲ့တာ၊ လျှပ်စစ်မီးကြိုးတွေ၊ ဖုန်းလိုင်းတွေနဲ့ ရေ နုတ်မြောင်းတွေ စနစ်ကျဖို့ကိုပါ အထူး
ဂရုပြုဆောင်ရွက်ခဲ့ပါတယ်၊ ဒါ့ပြင် စီမံကိန်းဆောင်ရွက်မှုက ထုထည်ကြီးမားတဲ့အတွက်
safety အတွက်အထူး ဂရုပြုထားပါတယ်၊ စီမံကိန်းမှာ site engineer ၄၅ ဦး ရှိပြီး project
management အတွက် supervisor တွေပါဆိုရင် အယောက် ၁၀၀ ကျော်ရှိ ပါတယ်၊ နေ့ခင်း
ဘက်မှာ ယာဉ်သွားယာဉ် လာရှုပ်ထွေးများပြားတဲ့အတွက် ည ၉ နာရီနောက်ပိုင်းဆိုရင်
လုပ်ငန်းပို အရှိန်မြှင့်တင် လုပ်ဆောင်ပါတယ်၊ ဘာဖြစ်လို့လဲဆိုတော့ စက်ယန္တရားကြီးတွေ
ဖြစ်တဲ့ ကရိန်းတွေ ၃၆၀ ဒီဂရီ လှည့်ပတ်နိုင်ဖို့မှာ လုပ်ငန်းဧရိယာ ကျဉ်းတဲ့အတွက်ဘေးက
သွားလာနေတဲ့ မော်တော်ယာဉ်တွေကို ထိခိုက်မှုရှိမှာ စိုးတဲ့အတွက် ညပိုင်းမှာ ပိုအရှိန်မြှင့်
လုပ်ကိုင်တာဖြစ်ပါတယ်၊ နေ့စဉ်နေ့ည အလှည့်ကျ လုပ်ငန်းဆောင်ရွက်မှုတွေနဲ့ သတ်မှတ်
ပြီးစီးချိန်နဲ့ ကိုက်ညီအောင် ဆောင်ရွက်သွားမှာဖြစ်ပါတယ်"ဟု ရွှေတောင်ဖွံ့ဖြိုးတိုးတက်မှု
ကုမ္ပဏီမှ ဒါရိုက်တာ ဦးထွန်းအောင်စန်းက ပြောသည်။

အရှည်အားဖြင့် ၂,၅၀၇ ပေရှိသည့် လေးလမ်းသွားလှည်းတန်းခုံးကျော် တံတားသည်
သံမဏိယက်မနှင့် သံကူ ကွန်ကရစ်အမျိုးအစားဖြစ်ပြီး ယာဉ်သွား လမ်းအကျယ်မှာ ၄၄
ပေ ၈ လက်မရှိ သည်။ တံတားအကျယ်မှာ ၅၀ ပေ ၈ လက်မရှိသည်။

တံတားအောက်ကင်း လွတ်အမြင့်မှာ ၁၈ ပေရှိသည်။ ယာဉ် တစ်စီးချင်းစီအတွက် ခွင့်ပြုတန်
ချိန်မှာ တန် ၆၀ ဖြစ်သည်။

"အလုပ်သမားတစ်ယောက်ဟာ သတ်မှတ်ထားတဲ့ဝတ်စုံပြည့် ၀တ်မလာရင် site ထဲ အ၀င်မခံ
ပါဘူး၊ ငြမ်းပေါ်တက်လို့ ရှိရင် safety belt၊ ဦးထုပ်၊ ဖိနပ်ပါရပါမယ်၊ international standard
မီအောင် လုပ်ထားတာပါ၊ ဘာဖြစ်လို့လဲဆိုတော့ နောင်တစ်ချိန် ရင်းနှီးမြှပ်နှံမှုတွေဝင်လာတဲ့
အခါမှာ ဒါတွေက မလွဲမသွေ တွေ့ကြုံရမယ့် လုပ်ငန်းတွေဖြစ်ပါတယ်၊ နောက်ပြီး quality
control ပေါ့၊ concrete structure မှာ လှည်းတန်း ခုံးကျော် တံတားဟာ အကောင်းဆုံး
မဟုတ်တာ တောင် အကောင်းဆုံးထဲမှာ ပါတယ်လို့ ဆိုနိုင်ပါတယ်၊ မျက်နှာပြင် အနေအထား၊ ကွန်ကရစ်အရည်အသွေးကအစပေါ့၊ နောက်ပြီးဒီနေရာမှာ ခုံးကျော်တံတား တည်ဆောက်ရ
တာဟာ ခက်ခဲတယ် လို့မဆိုနိုင်ပေမယ့်ကန့်သတ်ချက်တွေ များတယ်၊ တံတားစဆောက်မယ့်
အချိန်မှာလမ်းစချဲ့ရတယ်၊ လမ်းလည်းပိတ်လို့ မရတဲ့အတွက် working area လည်းရှိအောင်၊
ယာဉ်သွားယာဉ်လာလည်း မပိတ်ရအောင် ဆောင်ရွက်ခဲ့ရပါတယ်" ဟု လှည်းတန်းခုံးကျော်
တံတားစီမံကိန်းမှ စီမံကိန်းအင်ဂျင်နီယာ တစ်ဦးဖြစ်သည့် ဦးခင်မောင်ဦးမှလည်း ရှင်းလင်း
တင်ပြခဲ့သည်။

လှည်းတန်းလမ်းဆုံနှင့်တာမွေလမ်းဆုံတစ်ဝိုက်ကို စစ်တမ်းကောက်ယူကြည့်ရာတွင် တာမွေ
လမ်းဆုံမှာမူလှည်းတန်းလမ်းဆုံကဲ့သို့ ခုံးကျော်တံတားဆောက်ရန် မလိုအပ်သေးဟုသိရှိရပြီး
တာမွေ လမ်းဆုံ၏ လက်ရှိ phasing နှင့် လမ်း အနေအထားကို ပြုပြင်လိုက်မည်ဆိုလျှင်
အဆင်ပြေနိုင်မည်ဖြစ်ကြောင်း သိရသည်။

သို့သော်လည်း လှည်းတန်းလမ်းဆုံသည် peak hour တွင် ယာဉ် အသွားအလာများပြား
သည့်အပြင် လမ်းငါးခွဆုံလည်းဖြစ်သည့်အတွက် ခုံးကျော်တံတားလိုအပ်ချက်ကြီးမားသည်
ဟုလည်း survey အချက်အလက်များ ပေါ်မူတည်၍ power point များဖြင့် စာနယ်ဇင်းများ
အားကုမ္ပဏီမှ တာဝန်ရှိသူများက အသေးစိတ် ရှင်းလင်းတင်ပြခဲ့သည်။

လှည်းတန်းခုံးကျော်တံတား၏ design cosultant မှာ စင်ကာပူနိုင်ငံမှ T.Y.LIN International
PTE.LTD ဖြစ်ပြီး project management consultant မှာ ဂျပန်နိုင်ငံမှ TOKYU Construction
Co., Ltd ဖြစ်သည်။

Bored Pile Foundation အတွက် Golden Tri Star Co., Ltd မှ တာဝန်ယူဆောင်ရွက်လျက်
ရှိသည်။

လေ့လာတွေ့ရှိသည့် survey အချက်အလက်များအရ လှည်းတန်း ခုံးကျော်တံတား မတည်
ဆောက်မီနှင့် တည်ဆောက်ပြီးစီးချိန်တွင်ရှိမည့် ယာဉ်ကြောရှုပ်ထွေးကြပ်တည်းမှု (traffic
capacity)ကို လေ့လာသုံးသပ်ရာတွင် တံတားမတည်ဆောက်ခင်တွင် traffic အခြေအနေမှာ
၆၀ ရာခိုင်နှုန်းခန့် over capacity ဖြစ်နေသည့်အတွက် ခုံးကျော်တံတား တည်ဆောက်ပြီးစီး
သွားလျှင် ယာဉ်သွားလာမှုအခြေအနေ ကို within capacity အတိုင်းအတာ ဖြင့် အဆင်ပြေ
ချောမွေ့သွားနိုင်မည် ဖြစ်သည့်အပြင် spare capacity ရရှိလာမည်ဟု ပညာရှင်များက
သုံးသပ် ကြောင်းလည်း ဦးအောင်ဇော်နိုင်က ရှင်းလင်းပြောကြားခဲ့သည်။

အဆိုပါနေ့တွင် လှည်းတန်းခုံး ကျော်တံတားစီမံကိန်းကို အသေးစိတ် လေ့လာကြည့်ရှုနိုင်ရန်
အတွက်သက် ဆိုင်ရာမီဒီယာများအားတာဝန်ရှိ သူများ က site visit လိုက်လံရှင်းလင်းပြသ
ခဲ့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - အိမ်ခြံမြေကဏ္ဍ