၂၀၁၃ နှစ်ဆန်းမှစတင်၍ ရန်ကုန်မြို့တော် စည်ပင်မှ သန့်ရှင်းရေးဆောင်ရွက်ခ ပြောင်းလဲပြင်ဆင် ကောက်ခံမည်

ရန်ကုန်မြို့တော်စည်ပင်သာယာရေး ကော်မတီ၊ ပတ်ဝန်းကျင်ထိန်းသိမ်းရေး နှင့် သန့်ရှင်းရေး
ဌာနမှသန့်ရှင်းရေး ဆောင်ရွက်ခကို ၂၀၁၂-၁၃ စတုတ္ထ သုံးလပတ်ဖြစ်သော ဇန်န၀ါရီ၊
ဖေဖော်ဝါရီနှင့် မတ်လများမှစတင်ကာ ပြောင်းလဲပြင်ဆင်ကောက်ခံသွား မည်ဖြစ်ကြောင်း
ပတ်ဝန်းကျင်ထိန်း သိမ်းရေးနှင့် သန့်ရှင်းရေးဌာနမှ ဌာနမှူး ဦးသန်းလွင်ဦးက ဒီဇင်ဘာ ၁၈ ရက်
နေ့တွင် မီဒီယာများအားခေါ်ယူတွေ့ဆုံ အသိပေးပြောကြားခဲ့သည်။

"သန့်ရှင်းရေးဆောင်ရွက်ခဆိုတာ ၀န်ထမ်းတွေအတွက် လစာစရိတ် တွေရှိတယ်။ နောက်ပြီး
ပစ္စည်းကိရိယာ စရိတ်တွေရှိတယ်။ လုပ်ငန်းသုံးပစ္စည်း စရိတ်တွေရှိတယ်။သန့်ရှင်းရေးလုပ်သား
တွေ နေထိုင်စရိတ်၊ စားစရိတ်၊ ၀တ်စုံ စရိတ်၊ အမှိုက်သိမ်းဆည်းနိုင်ဖို့လက်သုံး ကိရိယာ၊
ယာဉ်ယန္တရားတွေ၊ နောက်ပြီး စက်သုံးဆီစရိတ်၊ ယာဉ်ယန္တရားတွေ ပြင်ဆင်ထိန်းသိမ်းစရိတ်၊
အမှိုက်တွေကို နောက်ဆုံးစွန့်ပစ်တဲ့ အမှိုက်ပုံကိုပို့တဲ့ အခါမှာ စွန့်ပစ်ဖို့ သယ်ယူလာတဲ့အမှိုက်
တွေအားလုံးကိုလိုအပ်တဲ့ စီမံခန့်ခွဲမှု စရိတ်တွေပါလာတယ်။ ဒီရလာတဲ့ငွေ တွေအားလုံးကို
ပေါင်းလိုက်တဲ့အခါမှာ အရင်က တစ်နှစ်တာအတွက် ဌာနက ရတဲ့ ၀င်ငွေက အမှိုက်တစ်တန်
အတွက် ၁,၀၈၄ ကျပ်ပဲ ရှိတယ်။ ဒါပေမယ့် အမှိုက်တစ်တန်အတွက် ကုန်ကျရငွေ က
၆,၇၇၂ ကျပ်ဖြစ်တယ်။ အဲဒီတော့ ၁း၆ ကုန်ကျစရိတ်ရှိတယ်၊ ဒါကြောင့်မနှစ်က ဘဏ္ဍာနှစ်မှာ
ကောက်ခံနေတဲ့နှုန်း ထားကိုမြို့နယ်အားလုံးကို နှစ်ဆတိုးမြှင့် လိုက်တာဖြစ်ပါတယ်။
ဒီလိုတိုးမြှင့်လိုက် တဲ့အတွက် ၂၀၁၁-၁၂ ဘဏ္ဍာနှစ် မှာ အမှိုက်တစ်တန်အတွက်ရလာတဲ့
ဝင်ငွေက ၁,၇၅၇ ကျပ် ၂၄ ပြားရှိပေမယ့် ကုန်ကျစရိတ်က ၁၇,၅၈၂ ကျပ် ဖြစ်လာတယ်။
အမှိုက်ထွက်ရှိမှုတွေလည်း များလာပြီး သယ်ယူစရိတ်တွေလည်း ပိုမိုကုန် ကျလာတဲ့အတွက်
၁း၁၀ လောက်အထိ ကုန်ကျစရိတ် ရှိလာတယ်"ဟု ဦးသန်း လွင်ဦးက ပြောသည်။

"ဒါကြောင့် ပြောချင်တာက နှုန်းထား တိုးတာမဟုတ်ပါဘူး၊ လက်ရှိတိုးလိုက် တာက
သန့်ရှင်းရေးဆောင်ရွက်ခ တစ်ရက်မှ ၁၀ ကျပ် ပေးနေရတဲ့မြို့နယ် ၁၇ မြို့နယ်ထဲမှာပါတဲ့
အိမ်ထောင်စု တွေအတွက် သူတို့ရဲ့ ဖွံ့ဖြိုးတိုးတက်မှု၊ သူတို့ရဲ့ စီးပွားရေးလုပ်ငန်းအောင်မြင်
မှုတွေ၊ အရှိန်အဟုန်မြင့်တက်လာမှု၊ ပတ်ဝန်းကျင်မှာ စည်ပင်ဖွံ့ဖြိုးလာမှုတွေ၊ တန်ဖိုးတွေ
မြင့်တက်လာမှုတွေပေါ် အခြေခံပြီးတော့မှ ဒီမြို့နယ်တွေကိုတော့ B အဆင့်မထားတော့ဘဲ
A အဆင့်မှာ ထားသင့်တယ်ဆိုပြီးတော့ မြို့နယ် အဆင့်တိုးလိုက်ခြင်းဖြစ်ပါတယ်"ဟု ၎င်းက
ရှင်းပြခဲ့သည်။

ထို့ကြောင့် မြို့ထဲခြောက်မြို့နယ် နှင့် ဆက်စပ်မြို့နယ်များဖြစ်သည့် B အဆင့်ရှိသော ဒဂုံ၊
အလုံ၊ ကြည့်မြင်တိုင်၊ စမ်းချောင်း၊ Aဟန်း ၊ မင်္ဂလာတောင်ညွန့်၊ တာမွေ၊ ရန်ကင်း၊
ကမာရွတ်စသည့် မြို့ နယ်ကိုးမြို့နယ်အား အဆင့်တိုးမြှင့်၍ A အဆင့်ရှိသော မြို့ထဲ
ခြောက်မြို့နယ်နှင့် ပေါင်းပြီးစုစုပေါင်း ၁၅ မြို့နယ်ကို A အဆင့်ရှိသော မြို့နယ်များအဖြစ်
စုပေါင်း ၍သုံးလတစ်ကွာတာလျှင် သန့်ရှင်းရေး ဆောင်ရွက်ခကျပ် ၁,၈၀၀ ကောက်ခံခြင်း
ဖြစ်ကြောင်း ဌာနမှူးက ရှင်းပြခဲ့သည်။

ကျန်ရှိသည့် မြို့နယ် ၁၇ မြို့နယ်ဖြစ် သော ဒဂုံအရှေ့၊ ဒဂုံဆိပ်ကမ်း၊ ဆိတ်Bကီး ခနောင်တို၊
ဒလ၊ မင်္ဂလာဒုံ၊ ရွှေပြည်သာ၊ လှိုင်သာယာ၊ သCင်္န်းကျွန်း၊ ဒဂုံတောင်၊ ဒဂုံမြောက်၊
တောင်ဥက္ကလာပ၊ မြောက် ဥက္ကလာပ၊ သာကေတ၊ ဒေါပုံ၊ မရမ်းကုန်း၊ အင်းစိန်၊ လှိုင်
စသည့်မြို့နယ်ထဲမှ သCင်္န်း ကျွန်း၊ ဒဂုံတောင်၊ ဒဂုံမြောက်၊ တောင် ဥက္ကလာပ၊
မြောက်ဥက္ကလာပ၊ သာကေတ၊ ဒေါပုံ၊ မရမ်းကုန်း၊ အင်းစိန်၊ လှိုင် စသည့် ဆယ်မြို့နယ်များ
၏ဖွံ့ဖြိုးတိုးတက်မှုတွေ၊ စည်ပင်သာယာက ဆောင်ရွက်နေသည့် လမ်း၊ တံတား ကြောင့်
ပတ်ဝန်းကျင်ဖွံ့ဖြိုးတိုးတက်မှု၊ ပြောင်းလဲလာတဲ့ ဈေးနှုန်းတွေ၊ လူဦးရေထူထပ်လာမှုတွေ၊
ဖွံ့ဖြိုး တိုးတက်မှုကြောင့် ပိုမိုထွက်ရှိလာတဲ့ အမှိုက်ကြောင့် ယခင်တစ်ရက် တစ်ဆယ်
ကျပ်နှုန်းနှင့် ဆောင်ရွက်၍ မရတော့ဘဲ အဆိုပါ ၁၀ မြို့နယ်ကို လက်ရှိ C အဆင့် မြို့နယ်
မှ B အဆင့်မြို့နယ်သို့ အဆင့်တိုးမြှင့်၍ ယခင် သုံးလတစ်ကွာတာ(ရက် ၉၀) အတွက်
ကျပ် ၉၀၀ မှ ကျပ် ၁,၃၅၀ သို့ ပြင်ဆင် ကောက်ခံသွားမည်ဖြစ်ကြောင်း ဦးသန်း လွင်ဦးက
ရှင်းလင်းပြောကြားခဲ့သည်။

C အဆင့်ရှိသည့် မြို့စွန်ခုနစ်မြို့နယ် အတွက် သုံးလတစ်ကွာတာလျှင်မူလ အတိုင်း ကျပ်
၉၀၀ သာ ကောက်ခံသွား မည်ဖြစ်ကြောင်းလည်း အဆိုပါနေ့ ရှင်းလင်းချက်များအရ သိရှိရ
သည်။

"သန့်ရှင်းရေးခွန်ကို အရင်တုန်းကမြို့ ထဲ ၆ မြို့နယ်၊ ဆက်စပ်ကိုးမြို့နယ်၊ ဆင် ခြေဖုံး ၁၇
မြို့နယ်ဆိုပြီးခွဲခြားပြီးမှ သန့် ရှင်းရေးဆောင်ရွက်ခဆိုပြီး ကောက်ခံခဲ့ တယ်။ ဌာနအနေနဲ့
ပြည်သူလူထုစွန့်ပစ် တဲ့ အမှိုက်တွေကို သိမ်းဆည်းနိုင်ဖို့ အတွက် သန့်ရှင်းရေးလုပ်သားတွေ၊
သန့်ရှင်းရေးအတွက်လက်သုံးကိရိယာ တွေ အသုံးပြုရတာတွေရှိပါတယ်၊ ဒီထက်တစ်ဆင့်
တက်ပြီးတော့ အရင် မလုပ်ဖူးခဲ့ရသေးတဲ့ နိုင်ငံခြား စံချိန် မီတဲ့အမှိုက်ပုံးတွေကို နေရာ
တော်တော် များများမှာ ချထားပေးမှာဖြစ်ပါတယ်၊ ၂၄၀ နဲ့ ၆၆၀ လီတာဆန့်တဲ့ အမှိုက်ပုံး
တွေဖြစ်ပါတယ်၊ ဒီအမှိုက်ပုံး တွေကို ကားနဲ့ ချိတ်ဆက်ပြီးတော့မှ တစ်လက်စတည်း ပုံးကို
ကားထဲသွန်ထည့် နိုင်အောင် ဆောင်ရွက်မှာဖြစ်ပါတယ်။ ဒီအတွက် manpower သုံးစရာ
မလိုတဲ့အတွက် သက်သာတယ်။ ဒီအစီ အစဉ်တွေကို ဌာနမှူးက ဦးဆောင်ဦး ရွက်ပြုပြီး
မြို့တော်ဝန်အထိ တင်ပြနိုင် အောင် ဆင့်ကဲဆင့်ကဲဆောင်ရွက်သွား မှာဖြစ်ပါတယ်"ဟုလည်း
ပတ်ဝန်းကျင် ထိန်းသိမ်းရေးနှင့် သန့်ရှင်းရေးဌာနမှ ဒုဌာနမှူး ဦးခင်ဝင်းကလည်း အဆိုပါနေ့
တွင် ရှင်းလင်းတင်ပြခဲ့သည်။

၂၀၁၃ ဇန်န၀ါရီလထဲတွင် ဂျာမနီ နိုင်ငံမှ မှာယူထားသော လီတာ ၂၄၀ ဆံ့ အမှိုက်ပုံး
အလုံးရေ ၁,၈၇၀ နှင့် လီတာ ၆၆၀ ဆံ့ အမှိုက်ပုံးအရေအတွက် ၈၀၀ ရောက်ရှိမည်
ဖြစ်ကြောင်းလည်း သိရှိရသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အိမ်ခြံမြေကဏ္ဍ