၅၁ လမ်း အိမ်ရာပြန်လည်ဆောက်လုပ်မှုတွင် နေထိုင်သူများက ယာယီနေထိုင်ရေးအပါအ၀င် စိုးရိမ်ပူပန်မှုများရှိနေ

ဗိုလ်တထောင်မြို့နယ်ရှိ ၅၁ လမ်းအိမ်ရာကို လွန်ခဲ့သည့်သီတင်းပတ်က တွေ့ရစဉ်။ (ဘူးသီး/ မြန်မာတိုင်း(မ်))ဗိုလ်တထောင်မြို့နယ်ရှိ ၅၁ လမ်းအိမ်ရာကို လွန်ခဲ့သည့်သီတင်းပတ်က တွေ့ရစဉ်။ (ဘူးသီး/ မြန်မာတိုင်း(မ်))

မြို့ရွာနှင့် အိုးအိမ် ဦးစီးဌာနပိုင် ဗိုလ်တ ထောင်မြို့နယ်၊ ၅၁ လမ်းအိမ်ရာစခန်း ပြန်လည်ဆောက်
လုပ်ရန်အတွက် အိုး အိမ်ဦးစီးဌာနမှ တာဝန်ရှိသူများနှင့် နေထိုင်သူများ ဒီဇင်ဘာ၂၅ ရက်တွင်
တွေ့ဆုံဆွေးနွေးခဲ့ကြရာ အဆောက်အအုံသစ်များပြန်လည်ဆောက်လုပ်နေ စဉ်ကာလအတွင်း
တိုက်ခန်းနေမိသားစုများ၏ ယာယီနေထိုင်ရေးကို တာဝန်ယူ ဆောင်ရွက်ပေးပါမည်ဟူသည့်
အချက်ကို တိုက်ခန်းနေမိသားစုများမှ ရှင်းလင်းစွာ နားလည်သဘောမပေါက်ကြသည့်အတွက်
အဆိုပါအချက်က ၎င်းတို့၏ စီးပွားရေး၊ လူမှုရေးများအတွက် မည်ကဲ့သို့ အထောက်အကူပြု
နိုင်မည်လဲဆိုသည့် စိုးရိမ်ပူပန်မှုများဖြစ်ပေါ်လာကြောင်း ၎င်းတို့က မြန်မာတိုင်း(မ်)သို့
ဇန်န၀ါရီတတိယပတ်တွင် ပြောသည်။

နေထိုင်သူများ၏ ပြောကြားချက်များအရ အဆိုပါဆွေးနွေးပွဲတွင် အိုးအိမ်ဦးစီး ဌာနမှ တာဝန်
ရှိသူများက အိမ်ရာပြန် လည်ဆောက်လုပ်ခြင်းအတွက် (၁) ၅၁ လမ်း အိမ်ရာစခန်းတွင်
လက်ရှိနေ ထိုင်သူများအား ယခုအိမ်ရာစခန်းနေရာ တွင်ပင် ပြန်လည်နေရာချထားပေးခြင်း၊
(၂) ပြန်လည်နေရာချထားပေးမည့် အခန်းများ၏ အကျယ်အ၀န်းမှာ အနည်းဆုံးစတုရန်း ပေ
၆၀၀ နှင့် အထက်ရှိမည်နှင့်(၃)အဆောက်အအုံအသစ်များ ပြန်လည်ဆောက်လုပ်နေစဉ်
ကာလအတွင်း တိုက်ခန်းနေ မိသားစုများ၏ ယာယီနေထိုင်ရေးကို တာဝန်ယူ ဆောင်ရွက်
ပေးမည်ဟူသည့် အချက် သုံးချက်ကို တာဝန်ယူဆောင်ရွက်ပေးမည် ဖြစ်ကြောင်းရှင်းလင်း
ပြောကြားခဲ့သည်။

"ပြီးခဲ့တဲ့လက အစည်းအဝေးတုန်း က ဒီအိမ်ရာမှာနေထိုင်သူအားလုံးကို အစည်းအဝေးခေါ်ယူ
ခဲ့ပါတယ်၊ အဲဒီမှာဆိုရင် အိုးအိမ်ဘက်က တာဝန်ရှိသူ တွေက ၅၁ လမ်းအိမ်ရာပြန်လည်
ဆောက်လုပ်ရေးနဲ့ ပတ်သက်ပြီး အချက်သုံးချက်ကို ပြောဆိုဆွေးနွေးခဲ့ပါတယ်၊ ဒီအချက်တွေထဲ
က  မူလနေရာမှာပဲ နေရာပြန်လည်ချပေးတာ၊ ပြန်လည်ဆောက်လုပ်မယ့် တိုက်ခန်း အကျယ်
အ၀န်းက အနည်းဆုံး စတုရန်းပေ ၆၀၀ ရှိတာ၊ နောက်ဆုံးတစ်ချက်ကတော့ အဆောက်အအုံ
ပြန်လည် တည်ဆောက်နေစဉ်ကာလအတွင်း ယာယီနေထိုင်ရေးကို မြို့ရွာနှင့် အိုးအိမ် ဖွံ့ဖြိုးရေး
ဦးစီးဌာနက တာဝန်ယူဆောင် ရွက်မယ်ဆိုတဲ့အချက်တွေဖြစ်ပါတယ်၊

"ဒီအချက်သုံးချက်ထဲက နှစ်ချက်ကိုတော့ တိုက်မှာရှိတဲ့မိသားစုဝင်တွေက လက်ခံနိုင်တဲ့
အခြေအနေရှိပါတယ်၊ လက်ရှိအိုးအိမ်က ထုတ်ဝေထားတဲ့ စာမှာပါတဲ့ အချက်အလက်တွေထက်
ပိုပြီးပြည့်ပြည့်စုံစုံသိရရင်တော့ ပိုကောင်းတာပေါ့"ဟု  ၅၁ လမ်းအိမ်ရာ စခန်းရှိ တိုက်အမှတ် ၄
တွင် နေထိုင်သူ အမျိုးသားတစ်ဦးက ရှင်းပြခဲ့သည်။

မြို့ရွာနှင့်အိုးအိမ်ဖွံ့ဖြိုးရေးဦးစီးဌာနမှ ထုတ်ပြန်ကြေညာသော  ၅၁ လမ်း သက်တမ်းလွန်
ပြည်သူ့အိမ်ရာပြန်လည်ဖွံ့ဖြိုး ရေးစီမံကိန်းကြေညာချက်တွင် အဆိုပါ အိမ်ရာကို ၁၉၅၄-၅၅ ခုနှစ်
ခန့်တွင် တည်ဆောက်ခဲ့သည့်အတွက် သက်တမ်းလွန်ဟောင်းနွမ်းဆွေးမြေ့နေခြင်း၊ အခန်း
ဖွဲ့စည်းပုံကျဉ်းမြောင်း၍ ခေတ်မမီတော့ခြင်းတို့ကြောင့် နေထိုင်သူပြည် သူလုထု၊ အစိုးရနှင့်
ပုဂ္ဂလိက ကဏ္ဍစုံတို့ အကျိုးဖြစ်ထွန်းစေရန် ပုဂ္ဂလိက ရင်းနှီးမြှုပ်နှံမှုဖြင့် အိမ်ရာပြန်လည်
ဖွံ့ဖြိုးရေးစီမံကိန်း (Estate Redevelopment Scheme)ကို စီမံဆောင်ရွက်မည်ဖြစ်ကြောင်း
ဖော်ပြထားသည်။

အဆိုပါစီမံကိန်းဆောင်ရွက်မှုနှင့် ပတ်သက်၍ နားလည်သဘောပေါက်ပါကြောင်းနှင့် နေထိုင်
သူပြည်သူလူထု အနေဖြင့် စီမံကိန်းအကောင် အထည်ဖော်မှုအား သဘောတူလက်ခံပါ
ကြောင်း ၀န်ခံကတိပြုလက်မှတ် ရေးထိုးခိုင်းမှုများကို တစ်တိုက်ချင်းစီအလိုက် ဆောင်ရွက်
ခိုင်းခဲ့ကြောင်းလည်း နေထိုင်သူများထံမှ သိရသည်။

ဒီဇင်ဘာ ၂၅ ရက်အစည်း အဝေးပြီးသည့် နောက်ပိုင်းတွင် မြို့ရွာနှင့် အိုးအိမ် ဖွံ့ဖြိုးရေးဦးစီး
ဌာနမှ တာဝန်ရှိသူများက စီမံကိန်းဆောင်ရွက်မှုနှင့် ပတ်သက်ပြီး နားလည်သဘောပေါက်
ပါကြောင်းနှင့်သဘောတူလက်ခံကြောင်း လက်မှတ်များကို ရေးထိုးခိုင်းခဲ့ရာ အိုးအိမ်မှ
တာဝန်ရှိသူများ တင်ပြလာသည့် အချက်များ (အထူးသဖြင့် ယာယီနေထိုင်ရေးအတွက်
တာဝန်ယူ ဆောင်ရွက်ပေးမည်)ဟူသည့်အချက်များမှာ နေထိုင်သူများကြား သဘောထား
ကွဲလွဲမှုနှင့် ဖော်ပြပါအချက်အပေါ် နားလည်ရခက်ခဲသည့် ရှုပ်ထွေးမှုများဖြစ်ပေါ်လာသည့်
အတွက် စီမံကိန်း ဆောင်ရွက်ရန် သဘောတူညီမှု လက်မှတ်ရေးထိုးခိုင်းခြင်းကို တိုက် ၂၊၃၊၄
တွင် နေထိုင်သူအချို့က လက်မှတ်မထိုးပေးနိုင်ခဲ့ကြောင်း၎င်းက မြန်မာတိုင်း(မ်)ကို ပြောသည်။

"တိုက်၂၊ ၃၊ ၄ မှာရှိတဲ့ တိုက်မိသားစုဝင်တွေက အိုးအိမ်ကတာဝန်ရှိသူတွေ ပြောကြားခဲ့တဲ့
အချက်တွေ (အထူး သဖြင့် ယာယီနေထိုင်ရေး)အချက်ကို မရှင်းလင်းတဲ့အတွက် သဘော
တူညီ ကြောင်း လက်မှတ်မထိုးပေးနိုင်ခဲ့ကြပါ ဘူး၊ ဒါနဲ့ ဇန်န၀ါရီ ၉ ရက်နေ့မှာ အိုးအိမ်က
စာနဲ့ထပ်အကြောင်းကြား လာပါတယ်၊

"ကျွန်တော်တို့အနေနဲ့ နိုင်ငံတော်စီမံ ကိန်းကို ဆန့်ကျင်တာမဟုတ်ပါဘူး၊ အိမ်ရာအသစ်တွေ
ပြန်လည်တည်ဆောက် လိုက်တဲ့အတွက် လူနေမှုအဆင့်အတန်းတွေ မြင့်မားသွားမယ်
ဆိုတာ တစ်ထစ်ချယုံကြည်ပါတယ်၊ ဒါပေမဲ့ ယာယီနေထိုင်ရေးဆိုတဲ့ အချက်ကို ဘယ်လိုပုံစံ
နဲ့ဆောင်ရွက် ပေးသွားမယ်ဆိုတာ အသေးစိတ် မသိရတဲ့အတွက် ဒါက နေထိုင်သူတွေ
ရဲ့ စီးပွားရေး၊ လူမှုရေးတွေကို ထိခိုက်နိုင်မလားဆိုပြီး စိုးရိမ်ပူပန်မှု တွေရှိနေတဲ့အတွက်
သဘောမတူနိုင်တဲ့ အကြောင်းပဲ လက်မှတ်ရေးထိုးပြီး သတ်မှတ်ရက်ဖြစ်တဲ့ ဇန်န၀ါရီ ၁၁
ရက်မှာ အကျိုးအကြောင်းပြန်ကြား လိုက်တာဖြစ်ပါတယ်"ဟု ၎င်းက ဆက်လက်
ပြောသည်။

အဆောက်အအုံများပြန်လည်တည် ဆောက်ဆဲကာလတွင် ယာယီနေရာချ ထားပေးရေးနှင့်
ပတ်သက်၍လက်ရှိနေ ထိုင်သူမိသားစုဝင်များသည် ကျောင်းသူကျောင်းသား၊ ၀န်ထမ်းများနှင့်
အငြိမ်းစား သက်ကြီးရွယ်အိုများ၏ ကျန်းမာရေး၊ လူမှုရေးကိစ္စများ ခက်ခဲမှု လျော့ပါးသက်သာ
စေရန် ရှေးရှု၍ လက်ရှိ ၅၁ လမ်းအိမ်ရာ တည်ရှိသည့် အနီးတစ်ဝိုက်တွင် ငှားရမ်းနေထိုင်ရေး
အတွက် သင့်တင့်မျှတသော ပြောင်းရွှေ့ နေထိုင်မည့်စရိတ်ကိုတည်ဆောက်ချိန် ကာလနှင့်
အညီ တွက်ချက်ခွင့်ပြုစီစဉ် ပေးရန် တိုက်နေမိသားစုများက ဆန္ဒရှိကြသည်။

ဗိုလ်တထောင်မြို့နယ်ရှိ ၅၁ လမ်း အိမ်ရာတွင် နေထိုင်သူအများစုမှာအစိုးရ ၀န်ထမ်းဟောင်း
များ ဖြစ်ကြပြီး နေထိုင်သူအများစုမှာ နှစ် ၃၀ ၀န်းကျင်ခန့် ရှိပြီဖြစ်၍ မြို့ရွာနှင့်အိုးအိမ် ဖွံ့ဖြိုးရေး
ဦးစီးဌာနသို့ပေးသွင်းရသည့် တစ်လ ငှားရမ်းခမှာ ၆၆ ကျပ် ဖြစ်သည်။

မြို့ရွာနှင့် အိုးအိမ်ဖွံ့ဖြိုးရေးဦးစီးဌာန မှ တာဝန်ယူတည်ဆောက်ခဲ့သည့် နှစ်ပေါင်း ၅၇ နှစ်နီးပါး
ကြာမြင့်နေပြီ ဖြစ်သည့်  ၅၁ လမ်းရှိ နိုင်ငံပိုင်ပြည်သူ့ အိမ်ရာကို နိုင်ငံတော်နှင့်ပုဂ္ဂလိက ရင်းနှီး
မြှုပ်နှံမှုများဖြင့် တည်ဆောက်သွားမည် ဖြစ်ကြောင်းသိရသည်။ အိမ်ရာတွင် လေးထပ်တိုက်
စုစုပေါင်း ခုနစ်လုံးရှိပြီး တစ်တိုက်လျှင် ၃၂ ခန်းပါရှိသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အိမ်ခြံမြေကဏ္ဍ