အထပ်မြင့်ဆောက်လုပ်ခွင့်ရဇုန်တွင်၊အိမ်ရာမြေဈေး မြင့်တက်နိုင်

ဆောက်လုပ်ဆဲ အထပ်မြင့်အဆောက်အအုံတစ်ခုတွင် သတ်မှတ်အရည်အသွေးပြည့်မီခြင်း ရှိ မရှိ စစ်ဆေးနေစဉ်။ ဓာတ်ပုံ - ဟိန်းလတ်အောင်ဆောက်လုပ်ဆဲ အထပ်မြင့်အဆောက်အအုံတစ်ခုတွင် သတ်မှတ်အရည်အသွေးပြည့်မီခြင်း ရှိ မရှိ စစ်ဆေးနေစဉ်။ ဓာတ်ပုံ - ဟိန်းလတ်အောင်

ရန်ကုန်မြို့တော် စည်ပင်သာယာကော်မတီမှ မြို့တော်ဖွံ့ဖြိုးသာယာမှုထိန်းသိမ်းရန်ရည်ရွယ်
ချက်ဖြင့် ရန်ကုန်မြို့တွင်းတွင် မြို့မြေအသုံးချမှု ဇုန်များ သက်မှတ်ရန်စီစဉ်ခဲ့သည့်အတွက် အိမ်ခြံ
မြေ ဈေးနှုန်းများ လှုပ်ခတ်သွားခဲ့ပြီး အဆိုပါ သတ်မှတ်ဇုန်များတွင် အထပ်မြင့်အဆောက် အအုံ
ဇုန်များလည်း ပါဝင်သည့်အတွက် ယင်း နေရာများတွင် အိမ်ရာမြေဈေးနှုန်းများ မြင့်တက်လာနိုင်
ကြောင်း အိမ်ခြံမြေအကျိုးဆောင် လုပ်ငန်းက ပြောသည်။

"ရန်ကုန်မြို့မှာ ဇုန် ၁၁ ဇုန် ခွဲခြားသတ်မှတ်မယ်ဆိုလို့ အခု အိမ်ခြံမြေဈေးတွေ နည်းနည်းလှုပ်ခတ်
သွားတယ်။ အထပ်မြင့်ဆောက်လုပ် မယ့်သူတွေက မြေနေရာကျယ်တွေကို လိုက် ၀ယ်နေရာ
ကနေ ဇုန်တွေသတ်မှတ်မယ် ကြား တော့ ချက်ချင်းမ၀ယ်တော့ဘဲနဲ့ စောင့်ကြည့်တဲ့ အနေအထား
ဖြစ်သွားတယ်"ဟု စိုင်းခွန်နောင်အိမ်ခြံ မြေအကျိုးဆောင်လုပ်ငန်းမှ မန်နေဂျာ ဦးရန်အောင်က
ပြောသည်။

ထို့ပြင် အထပ်မြင့်ဆောက်လုပ်ခွင့်ရမည့်နေရာများတွင် အိမ်ခြံမြေဈေးများ မြင့်ပြီးဖြစ် သဖြင့်
ဈေးနှုန်းထပ်မတက်နိုင်သော်လည်း အိမ်ခြံမြေဈေး နိမ့်ကျလျက်ရှိသော နေရာများ တွင် သိသိ
သာသာဈေးတက်လာနိုင်ကြောင်း ၎င်းက ခန့်မှန်းသည်။

"ဒဂုံနဲ့ သန်လျင်မြို့နယ်တွေလို ဧရိယာအကျယ် တွေရှိတဲ့နေရာတွေမှာ အခြေခံအဆောက်အအုံ
တွေဖွံ့ဖြိုးဖို့လိုသလို အထပ်မြင့်တွေလည်း ဖွံဖြိုးဖို့လိုတယ်။ အဲဒီလို အကောင်အထည်ဖော်
ပေးနိုင်ရင်တော့ အိမ်ခြံမြေဈေးတွေ မျှတသွား နိုင်တယ်လို့ ထင်ပါတယ်။ အထပ်မြင့်အဆောက် အအုံ ဆောက်လုပ်ရင်ရတဲ့နေရာက မြေဈေး ကောင်းပြီးသား နေရာမျိုးဆိုရင်တော့ ဈေး အပြောင်း
အလဲက မသိသာပေမယ့် မြေဈေး သိပ်မရှိတဲ့နေရာမျိုးမှာဆိုရင် ၀ယ်လိုအားတွေ ကြောင့် တစ်ဟုန်
ထိုး မြင့်တက်သွားနိုင်တယ်။ ဇုန်သတ်မှတ်တာက ရန်ကုန်မြို့ကို ချဲ့မယ်ဆိုတဲ့ သဘောဖြစ်နိုင်တဲ့
အတွက် မြို့ပြစီမံကိန်း တွေကို အကောင်အထည်ဖော်မယ်ဆိုရင် ဖွံ့ဖြိုး တိုးတက်မှုက ပိုကောင်း
လာနိုင်ပါတယ်"ဟု ဦးရန်အောင်က မြန်မာတိုင်း(မ်)ကို ပြောသည်။

ခွဲခြားသတ်မှတ်လိုက်သည့် ၁၁ ဇုန်တွင် တစ်ခု ချင်းအတွက်ရရှိမည့် မြေနေရာအကျယ်အ၀န်း
ပေါ်မူတည်ကာ မြေဈေးနှုန်းများ ကွာခြားသွား နိုင်ကြောင်း မြန်မာနိုင်ငံ အိမ်ခြံမြေ ၀န်ဆောင်မှု
အသင်းဗဟိုမှ အထွေထွေအတွင်းရေးမှူး ဒေါ်မို့မို့အောင်က ပြောသည်။

"ဇုန်တစ်ခုအတွက် သတ်မှတ်ပေးမယ့် မြေအကျယ်အ၀န်းက အိမ်ခြံမြေဈေးနှုန်းကို ကွာခြား
သွားနိုင်တယ်။ ဥပမာ ဪ စီးပွားရေးဇုန်အတွက် သတ်မှတ်ပေးတဲ့ မြေအကျယ်က နည်းနေပြီး
စီးပွားရေးလုပ်မယ့်သူက များနေရင် မြေဈေးတက်နိုင်တယ်"ဟု ဒေါ်မို့မို့အောင်က ပြောသည်။

ယင်းကဲ့သို့ အထပ်မြင့်အဆောက်အအုံဆောက်လုပ်ခွင့်ရရှိနိုင်မည့် မြို့ပြင်ဒေသများ ဖြစ်သည့်
ဒဂုံမြို့သစ် မြို့နယ်များနှင့် သန်လျင် မြို့နယ်တို့တွင်မူ အိမ်ခြံမြေဈေးနှုန်းများမှာ ဆက်လက်မြင့်
တက်နိုင်ပြီး အဆိုပါမြို့နယ်များ မှာ ၂၀၁၅ ခုနှစ်ထိ အိမ်ခြံမြေဈေးကွက် ကောင်းမွန်နိုင်ကြောင်း
၎င်းက ပြောသည်။

သို့သော် ယခုလက်ရှိရန်ကုန်မြို့၏ အိမ်ခြံမြေ ဈေးကွက်တွင် အိမ်ရာမြေ၀ယ်လိုအားထက် ကွန်ဒို
တိုက်ခန်းဝယ်လိုအားနှင့် ငှားလိုအားမှာ ပိုမိုကောင်းမွန်လျက်ရှိကြောင်း အိမ်ခြံမြေအကျိုးဆောင်
များက ပြောသည်။

"ရန်ကုန်မြို့အနေနဲ့ကတော့ ကွန်ဒိုနဲ့ တိုက်ခန်း တွေရဲ့ လိုအပ်ချက်က ဆက်ပြီးရှိနေဦးမှာပါ။
ဘာဖြစ်လို့လဲဆိုတော့ အခုဈေးကွက်ထဲမှာက မြေတို့ အိမ်တို့ ၀ယ်တာထက် ကွန်ဒိုနဲ့ တိုက်ခန်း
တွေကို ၀ယ်တာနဲ့ ငှားတာက ပိုများတယ်။ နောက်ပြီး နိုင်ငံခြားသားတွေရဲ့ ငှားရမ်းနှုန်း ကလည်း
များလာတယ်။ အဲဒါကြောင့် အထပ်မြင့် ဆောက်လို့ရတဲ့ နေရာတွေမှာ ဈေးတွေမြင့် လာနိုင်ပါ
တယ်။ ဒါပေမဲ့ အချိန်အကြာကြီးတော့ ဆက်တိုက်မမြင့်နိုင်ပါဘူး"ဟု Estate Myanmar အိမ်ခြံ
မြေ အကျိုးဆောင်လုပ်ငန်းမှ မနွယ်နီဝင်းက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အိမ်ခြံမြေကဏ္ဍ